Category: Vardan Voskanyan

Բժշկության մեջ կա ցավին դիմանալու շեմի հասկացություն, որը զանազան անձանց մոտ տարբեր է և անկախ ֆիզիկական ուժից։ Այս երևույթը երկրների պարագայում, միգուցե, պետք է կոչել դիմակայունության շեմ։
Իրանի դեմ պատերազմն, իրականում, հենց ցավին դիմանալու կամ դիմակայունության շեմերի պայքար էր, այլ ոչ թե՝ ո՞ւմ ռումբն էր ավելի խոշոր և մահաբեր, կամ թե ո՞ւմ բանակն ավելի մեծ բյուջ և ավելի տեխնոլոգիական զենքեր ուներ։
Ցավոք, սրտի, մեզանում ընդհանրապես չի քննարկվում այն հարցը, թե ինչո՞ւ է Հայաստանի դիմակայունության շեմն այնքսն իջեցվել, որ թեկուզ միայն պատերազմի սպառնալիքով հնարավոր է դարձել զիջումներ կորզել մեր երկրից և ի՞նչ պետք է անել այն բարձրացնելու համար։
Ի տարբերություն մեզ, որ գրեթե «աստվածացրել» էինք ինչ-որ «Բայրաքթարներ», Իրանում ոչ ոք չէր կարող «աստվածացնել» աշխարհի ամենատեխնոլոգիական և թանկ ամերիկյան ինքնաթիռները կամ հրթիռները։
Իրանի «աղքատ» ԶՈւ-երը, փաստացիորեն, մեկ անգամ ևս ապացուցեցին, որ արդի պատերազմներում թշնամու բանակի բյուջեն, սպառազինությունը և մնացյալ բոլոր առավելությունները բավարար չեն հաղթանակի հասնելու համար, եթե պատերազմը կառավարվում է օբյեկտիվորեն ավելի հզոր թշնամու դեմ գործելու ասիմետրիկ ռազմավարական մտածելակերպով և աննկուն կամքով, որոնց բացակայությունը մեր պատերազմի պարագայում խայտառակ տապալում էր։
#չՀայաստանը
🆔 @vardan_voskanian

Քուվեյթը և ԱՄԷ-ի Դուբայ էմիրության ենթակառուցվածքները քիչ առաջ ենթարկվել են ԱԹՍ-ների հարվածների։
Քուվեյթի ՊՆ-ը հայտարարել է, որ թիրախավորվել են էներգետիկ ենթակառուցվածքներ, իսկ ԱՄԷ-ից առայժմ թիրախների մասին տեղեկատվություն չկա։
Հարձակումը իրականացրել են Իրաքի իրանամետ զինված խմբավորումներն, ըստ որոնց՝ Քուվեյթի տարածքից տեղի է ունեցել հրադադարի խախտում Իրաքի ուղղությամբ։
Հիմնավոր ենթադրություններ կան, որ իրաքցիների հարձակումները պատասխան են Իսրայելի՝ Լիբանանում չդադարորող հարվածների։
Հորմուզի նեղուցում իրավիճակն ամբողջովին կառավարվում է Իրանի կողմից։ Օրական ոչ իրանական միայն 15 տանկեր կարող են անցնել նեղուցով՝ Իրանի հետ նախապես համաձայնեցմամբ և անցման համար վճարելով։
#հարափոփոխ_տարածաշրջանը
🆔 @vardan_voskanian

Երեկ Սպիտակ տան խոսնակը և նախագահ Թրամփի վարչակազմի այլ ներկայացուցիչներ փորձում էին վերաձևակերպել այն ակնհայտ փաստը, որ ԱՄՆ-ի նախագահն, իր իսկ գրառման համաձայն, մտադիր էր Իրանի հետ սկսել բանակցություններ ՝ ի նկատի առնելով իրանական կողմից ներկայացված 10 կետերը, կամ այլ խոսքերով հիմք ընդունել պատերազմն ավարտելու իրանական պայմանները։
Լինելով ԱՄՆ-ի պատմության թերևս ամենա ոչ կառուցակարգային որոշումներ ընդունող ղեկավարը, նախագահ Թրամփն ակնհայտ խնդիրներ է ստեղծել իր և իր թիմի համար ներքաղաքական կյանքում, որտեղ անհնարին էր լինելու իրանական պայմանները ներկայացնել՝ որպես հաղթանակի նշան։
Ուստի, ավելի ուշ նրա վարչակազմն աստիճանաբար սկսեց գոնե հռետորաբանության մակարդակում հետքայլեր անել հրադադարի պայմաններից, որոնցից երեքին առանձին գրառումով անդրադարձավ Իրանի խորհրդարանի նախագահ Ղալիբաֆը։
Հրադադարի պայմանների նախնական պատկերն ավելի պարզ կդառնա, եթե լսենք Չիկագոյի համալսարանի պրոֆեսոր Միրշայմերի՝ «CNN»-ին հարցացրույցի այս կտորը (մեքենայացված ռուսերեն թարգմանությամբ)։
#հարափոփոխ_տարածաշրջանը
🆔 @vardan_voskanian

Իրանի ԱԳ նախարար Արաղչին «X» սոցիալական ցանցում կիսվել է Պակիստանի վարչապետ Շարիֆի՝ հրադադարի մասին գրառմամբ, որտեղ ընդգծված է, որ Լիբանանում ևս պետք է դադարեն ռազմական գործողությունները։
Իրանի ԱԳ նախարարը դիմել էր ԱՄՆ-ին, նշելով, որ պետք է ընտրություն կատարվի հրադադարի կամ Իսրայելի միջոցով պատերազմի շարունակության միջև։
#հարափոփոխ_տարածաշրջանը
🆔 @vardan_voskanian

Իսրայելի ներսում ընդդիմության կողմից վարչապետ Նեթանյահուի հասցեին հնչում է խիստ քննադատություն։
Մասնավորապես, այս երկրի նախկին վարչապետ Լապիդը Իրան-ԱՄՆ հրադադարին անդրադառնալով, նշել է, որ Իսրայելը նույնիսկ չի եղել այն սեղանի շուրջ, որտեղ ընդունվել են այդ երկրի ազգային շահերին առնչվող որոշումներ։
Այս պայմաններում Իսրայելի վարչապետի՝ «X» սոցիալական ցանցի օգտահաշվում կատարվել է գրառում առ այն, որ հրադադարը չի վերաբերում լիաբանանյան ճակատին։
«Հիզբալլահի» դեմ իսրայելական հարձակումների շարունակությունն ունի երկու հիմնական նպատակ՝ ներքաղաքական դաշտում ցույց տալ, որ Նեթանյահուն առանձին խաղացող է, և երկրորդը՝ այս միջոցով ձգտել տապալել ուրբաթ օրն Իսլամաբադում մեկնարկելիք բանակցություններն Իրանի և ԱՄՆ-ի միջև։
Բացի լիբանանյան ճակատից, Նեթանյահուի համար մեկ այլ ճակատ էլ ԱՄՆ-ի ներսում է, որտեղ իսրայելական հզոր լոբբիի համար շատ դժվար է լինելու ազդել ամերիկյան դիրքորոշումների վրա։
#հարափոփոխ_տարածաշրջանը
🆔 @vardan_voskanian

Հայաստանում Իրանի Իսլամական Հանրապետության դեսպանության տելեգրամյան ալիքը հրադադարի կապակցությամբ հրապարակել է Իրանում հայտնի հայրենասիրական երգերից մեկը՝ «Հայրենիքս՝ ողջ հոգիս ու մարմինս»։
Տեսահոլովակում երգի կատարումն ուղեկցվում է Իրանի պատմական հուշարձանների և բնության ֆոնին տարբեր տարածաշրջանների ավանդական իրանական տարազներ հագած կանանց պատկերներով։
#հարափոփոխ_տարածաշրջանը
🆔 @vardan_voskanian

Ամբողջ աշխարհը սպասում է, թե ինչպես կընթանան Իրանի շուրջ զարգացումները, և այս ֆոնին տեղեկատվության և ապատեղեկատվության հոսքերն ահռելի են։
Պարզ է մի բան. Պակիստանի առաջարկը՝ հետաձգելու ԱՄՆ-ի հարվածը, փրկօղակ է նախագահ Թրամփի համար՝ չգնալու խելահեղ մի գործողության, որից հետո ոչ ոք չի կարող հստակ կանխատեսել, թե ինչ տեղի կունենա Մերձավոր Արևելքում և աշխարհում։
Պատերազմի անցած օրերը ցույց են տվել, որ Իրանը չի հանձնվելու, և նույնիսկ ամենադժվարին պայմաններում շարունակելու է պատասխանել հարվածներին։
Ուստի, նույնիսկ այդ երկրի հավանական ամբողջական հոսանքազրկումը, որն, ի դեպ, ըստ մասնագետների՝ անհնար է իրագործել մեկ օրում զանգվածային հարվածով, ըստ էության, չի ազդելու իրանական հակահարվածների վրա։
Մինչդեռ, դիցուք, իրանական հարվածների հետևանքով քաղցրահամ ջրից զրկված՝ Պարսից ծոցի արաբական երկրների շողշողուն քաղաքներից յուրաքանչյուրը կարող է կրկին վերածվել ապրելու համար ոչ պիտանի անապատի։
#հարափոփոխ_տարածաշրջանը
🆔 @vardan_voskanian

ԱՄՆ-ի նախագահ Թրամփը սպառնացել է, որ «մի ամբողջ քաղաքակրթություն կմեռնի այս գիշեր՝ այլևս երբեք չվերածնվելու համար»՝ նկատի ունենալով Իրանին հասցվելիք հարվածների մահաբերությունը։
Չափազանց հավակնոտ և անիրատեսական պնդում է, եթե հաշվի առնենք, որ հազարամյակների իրանական քաղաքակրթությունը ոչնչացնել են փորձել բազմաթիվ նվաճողներ և չեն հաջողել։
Աշխարհի պատմության մեջ ամենաընդարձակ ցամաքային կայսրությունը ստեղծած մոնղոլները ևս, հավանաբար, կարծում էին, թե կոչնչացնեն այս քաղաքակրթությունը, մինչդեռ, ի վերջո, հենց իրանական քաղաքակրթությունը ձուլեց և իրանականացրեց այն մոնղոլներին, որոնք հայտնվել էին Իրանի քաղաքակրթական տիրութում։
#հարափոփոխ_տարածաշրջանը
🆔 @vardan_voskanian

Ի պատասխան Իրանի նավթաքիմիական արդյունաբերական ենթակառուցվածքներին հասցված հարվածների, այս գիշեր իրանական կողմը խոցել է մեծությամբ աշխարհում չորրորդ «Saudi Basic Industries Corporation»-ի նավթաքիմիական գործարանը Սաուդյան Արաբիայում։
Իրանի նման գործողությունները պատերազմում ունեն օպերատիվ արձագանքման բնույթ, իսկ երկարաժամկետ իրանական ռազմավարությունը ենթադրում է Հորմուզի նեղուցի վրա ամբողջական վերահսկողության պահպանում նաև հետպատերազմական շրջանում, որին միտված օրենսդրական քայլեր է ձեռնարկում այս երկրի խորհրդարանը մի կողմից, և դիվանագիտական աշխատանք Օմանի հետ ԱԳՆ-ն՝ մյուսից։
Երեկ, երբ Սպիտակ տանը ներկայացվում էր ամերիկյան խոցված ինքաթիռի օդաչուի՝ Իրանի տարածքից տարհանման գործողությունը, ԱՄՆ-ի Շտաբների պետերի միացյալ կոմիտեի նախագահ գեներալ Քեյնը ուշագրավ հայտարարություն է արել, որից կարելի է եզրակացություններ անել սովորական իրանցիների՝ այս պատերազմում վարքագծի մասին։ Նա, մասնավորապես, նշել է, որ տարհանման գործողության ժամանակ տեղի բնակիչներից նույնիսկ փոքր հրազեն ունեցող յուրաքանչյուր իրանցի կրակ է բացել ամերիկյան ուղղաթիռների վրա։
#հարափոփոխ_տարածաշրջանը
🆔 @vardan_voskanian