Category: Armen Press

❗️«Վեոլիա Ջուր» ընկերությունը ջրամատակարարման ժամանակացույցի հետ կապված պարզաբանում է տարածել, որում ընդգծվում է, որ նոր ժամանակացույցով ջրամատակարարումը կնպաստի ֆիզիկական կորուստների նվազեցման, ինչն էլ առաջիկա տարիներին կավելացնի Երևանի բաժանորդներին մատակարարվող ջրի ծավալները։
«Արմենպրես»-ը պարզաբանումն ամբողջությամբ ներկայացնում է ստորև․

«Այս օրերին մամուլում «Վեոլիա Ջուր» ընկերության հրապարակած 2026 թվականի ջրամատակարարման ժամանակացույցի հետ կապված հաղորդագրություններին և հարցումներին ի պատասխան՝ տեղեկացնում ենք, որ ՀՀ հանրային ծառայությունները կարգավորող հանձնաժողովի 2016թ.-ի նոյեմբերի 30-ի N378-Ն որոշմամբ սահմանված «Խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման կանոնների» 134 –րդ կետի պահանջի համաձայն՝ «Վեոլիա Ջուր» ՓԲԸ-ն իր պաշտոնական կայքում (veolia.am) հրապարակում է Բաժանորդի հաջորդ տարվա Ջրամատակարարման գրաֆիկը, որը կազմվում է հասցեական, այնպես, որ Բաժանորդը հնարավորություն ունենա ծանոթանալ իր Ջրամատակարարման գրաֆիկին:
Հրապարակված ջրամատակարարման ժամանակացույցը, տասնյակ հազարավոր նոր սպառողների ավելացման հաշվին, տարվա ընթացքում, ըստ անհրաժեշտության ենթարկվում է փոփոխության (հիմնականում ամռան ամիսներին), ելնելով եղանակային պայմանների փոփոխություններից, ջրամատակարարման համակարգի տեխնիկական հնարավորություններից, ջրաղբյուրների ջրատվության շուրջ 24%-ով նվազումից և կառուցապատումների արդյունքում նոր ջրասպառողների թվի կտրուկ աճից: Ջրամատակարարման ժամանակացույցի փոփոխությունը նպատակ ունի նաև կանխել գիշերային ժամերին ջրի կորուստները, ինչը նպաստում է ցերեկային ժամերին սպառողներին կանոնավոր ջրամատակարարմամբ ապահովելուն:
ՀՀ կառավարության՝ ի դեմս Ջրային կոմիտեի հետ ձեռք բերված պայմանավորվածության շրջանակներում նախատեսված է հավելյալ շուրջ 3 անգամ ավելացած ծավալով ներդրումային կապիտալ ծրագրերի շարունակական իրականացում, որը կնպաստի ֆիզիկական կորուստների նվազեցման, ինչն էլ առաջիկա տարիներին կավելացնի Երևանի բաժանորդներին մատակարարվող ջրի ծավալները: Իսկ մինչ ներդրումային ծրագրերի ավարտը՝ Ընկերությունն ունի կանոնակարգված պարտավորություն՝ տարեկան առնվազն երկու անգամ հայտարարելու ջրամատակարարման գրաֆիկների սեզոնային տատանումների մասին, որն իրականացվել է 2025 թվականի նոյեմբերին և 2026 թվականի փետրվարին:
Հարկ ենք համարում նշել, որ բաժանորդների ջրամատակարարման ժամանակացույցերի առումով Վարձակալության պայմանագրի մեկնարկից ի վեր որևէ պայմանագրային պարտավորություն չի խախտվել»։

2026 թվականի ջրամատակարարման ժամանակացույցին կարող եք ծանոթանալ այստեղ։

Քաղաքացիներն արձագանքում են կենսաթոշակների բարձրացմանը
https://youtu.be/ydaJAMV00p0

❗️Հայաստանի ներքին գործերի նախարարի հրամաններով կադրային փոփոխություններ են կատարվել նախարարությունում և Ոստիկանությունում
Ոստիկանության քրեական ոստիկանության գլխավոր վարչության պետ, ոստիկանության պետի տեղակալ, ոստիկանության գնդապետ Վարդան Վարդանյանն ազատվել է պաշտոնից։ Նույն պաշտոնին նշանակվել է ոստիկանության գնդապետ Արթուր Բարսեղյանը։
ՀՀ ՆԳՆ ոստիկանության համայնքային ոստիկանության գլխավոր վարչության պետ, ոստիկանության պետի տեղակալ, ոստիկանության գնդապետ Կարեն Հակոբյանը ազատվել է պաշտոնից։ Ոստիկանության գնդապետ Կարեն Խաչատրյանը նշանակվել է ՀՀ ՆԳՆ ոստիկանության համայնքային ոստիկանության գլխավոր վարչության պետի պարտականությունները կատարող։
ՀՀ ՆԳՆ ոստիկանության պարեկային ծառայության պետ, ոստիկանության պետի տեղակալ, ոստիկանության գնդապետ Արթուր Խուդինյանը ազատվել է զբաղեցրած պաշտոնից։ Նույն պաշտոնին նշանակվել է ոստիկանության փոխգնդապետ Գևորգ Զաքարյանը։
Ներքին գործերի նախարարի այլ հրամաններով․
Վարդան Վարդանյանը նշանակվել է ՀՀ ՆԳ նախարարի խորհրդական։
Կարեն Հակոբյանը նշանակվել է ՀՀ ՆԳ նախարարի խորհրդական։
Արթուր Խուդինյանը նշանակվել է ՀՀ ՆԳ նախարարի օգնական։

Դանիայի պաշտպանության նախարար Տրոելս Լունդ Պոուլսենը պատրաստ է քննարկել միջուկային ծրագրերի համաֆինանսավորման կամ թագավորության տարածքում միջուկային զենքի տեղակայման հարցը։ Քննարկումը պետք է տեղի ունենա ՆԱՏՕ-ի շրջանակներում: «Արմենպրես»-ի փոխանցմամբ՝ այս մասին փետրվարի 24-ին Կիև կատարած այցի ժամանակ նա ասել է Politiken պարբերականին։

«Դա չի նշանակում, թե ես կարծում եմ, որ մենք պետք է դա անենք այստեղ և հիմա։ Բայց ստեղծված իրավիճակում ես պատրաստ եմ մեր միջուկային քաղաքականության ամբողջ կառուցվածքի քննարկմանը ինչպես տնտեսական տեսակետից, այնպես էլ ներուժի տեսակետից», — պատասխանել է նա այն հարցին՝ արդյոք պատրաստ է քննարկել միջուկային զենքի համաֆինանսավորման և Դանիայի տարածքում հնարավոր տեղակայման հարցը։

Ինչպես և երբ. մանրամասներ կենսաթոշակների բարձրացումից
https://youtu.be/Z30Sv0G0PZ8

Հայաստանի աշխատանքի և սոցիալական հարցերի նախարար Արսեն Թորոսյանը պարզաբանում է ներկայացրել ապրիլի 1-ից Հայաստանում կենսաթոշակների և նպաստների բարձրացման վերաբերյալ։
Թորոսյանը նշել է, որ Հայաստանում կենսաթոշակները հաշվարկվում են տարբեր բանաձևերով, որտեղ էական դեր ունի հիմնական կենսաթոշակ հասկացությունը, որն այս պահին 24 հազար դրամ է։

«Փոփոխության արդյունքում այն դառնալու է 34 հազար դրամ, այսինքն՝ բոլոր կենսաթոշակները, որոնք հաշվարկվում են 24 հազար դրամը ներառյալ, այսուհետ հաշվարկվելու են 34 հազար դրամը ներառյալ, հետևաբար, բոլորի կենսաթոշակները, որոնք այդ հիմքով հաշվարկվում են, բարձրանալու են 10 հազար դրամով։ Նաև բարձրանալու է նվազագույն կենսաթոշակը, որն այս պահին 36 հազար դրամ է. այն դառնալու է 46 հազար դրամ։ Սա նշանակում է, որ բարձրանալու է նաև ծերության նպաստը։ Դա այն կենսաթոշակն է, որը վճարվում է այն քաղաքացիներին, որոնք չունեն բավարար աշխատանքային ստաժ։ Բարձրանալու են նաև հաշմանդամության նպաստները՝ առաջին, երկրորդ և երրորդ խմբի հաշմանդամների համար, ինչպես նաև միջին, ծանր և խորը ֆունկցիոնալության սահմանափակում ունեցող անձանց համար՝ համապատասխանաբար 10 հազար դրամով։ 36 հազար, 37.5 հազար և 39 հազար դրամի փոխարեն դրանք դառնալու են 46 հազար, 47.5 և 49 հազար դրամ։ Բարձրանալու են նաև զինվորական երկարամյա ծառայության կենսաթոշակները, այստեղ, սակայն, բանաձևը մի փոքր այլ է, և որոշ դեպքերում տարբեր չափերով է բարձրանալու, քանի որ երկու փոփոխական կա։ Միջին բարձրացումը կլինի մոտավորապես 8000-8500 դրամի շրջանակներում, բայց որոշ դեպքերում բարձրացումը կլինի 10 հազար դրամից ավել՝ ընդհուպ մինչև 15 հազար դրամ, որոշ դեպքերում էլ՝ մի փոքր ավելի ցածր, որովհետև այդ կենսաթոշակներն արդեն իսկ բավականին բարձր են. միջինը մոտ 100 հազար դրամի շրջանակներում են այս կենսաթոշակները։ Բարձրանալու են նաև մնացած մեր որոշ քաղաքացիներին վճարվող կենսաթոշակները, որոնք ավելի փոքր են՝ կերակրողին կորցնողի կենսաթոշակ և այդպես շարունակ։ Ապրիլի 1-ից բոլորը կենսաթոշակները ստանալու են նշված տարբերակներով։ Հետվճարի հնարավորությունը ևս մնում է՝ անկանխիկ առևտրի դեպքում կենսաթոշակների և նպաստների 20 տոկոսի չափով՝ առավելագույնը 10 հազար դրամ։ Հետևաբար, յուրաքանչյուր քաղաքացի կարող է իր կենսաթոշակը բարձրացնել ևս 10 հազար դրամով՝ բացի արդեն հայտարարված 10 հազար դրամով բարձրացումը»,- մանրամասնել է Թորոսյանը։

Գլխավոր դատախազությունը 2025 թվականի մարտի 12-ին հայցադիմում էր ներկայացրել Հակակոռուպցիոն դատարան՝ ընդդեմ Վայոց ձորի մարզի Եղեգնաձոր համայնքի և ֆիզիկական անձի՝ 2006 թվականի սեպտեմբերի 29-ին անցկացված աճուրդն անվավեր ճանաչելու և անվավերության հետևանքներ կիրառելու պահանջներով:
Դատախազությունից հայտնում են, որ պետական շահերի պաշտպանության հայցը Հակակոռուպցիոն դատարանի 2026 թվականի փետրվարի 17-ի վճռով բավարարվել է:
Վճռով անվավեր է ճանաչվել 0.03 հա մակերեսով հողամասի վերաբերյալ 2006 թվականի սեպտեմբերի 29-ին անցկացված աճուրդը և, որպես անվավերության հետևանք, ի թիվս այլնի, անվավեր է ճանաչվել ֆիզիկական անձի անվամբ կատարված սեփականության իրավունքի պետական գրանցումը:
Դատական ակտն օրինական ուժի մեջ մտնելուց հետո, Վայոց ձորի մարզի Եղեգնաձոր համայնքին կվերադարձվի 0.03 հա մակերեսով հողամասը:

ՄԱԿ-ում Հայաստանի Հանրապետության մշտական ներկայացուցիչ, դեսպան Պարույր Հովհաննիսյանը մասնակցել և ելույթ է ունեցել «Ապահով կրթությունը հանուն երեխաների հավաքագրման և զինված հակամարտություններում օգտագործման կանխարգելման» թեմայով ՄԱԿ անվտանգության խորհրդի «Արիա» ձևաչափով կայացած հանդիպմանը։
Այս մասին նշված է ՄԱԿ-ում ՀՀ մշտական ներկայացուցչության տարածած հաղորդագրության մեջ։

«Դեսպան Պարույր Հովհաննիսյանը վերահաստատել է, որ Հայաստանի Հանրապետությունը դատապարտում է երեխաների դեմ բռնության բոլոր ձևերը և կոչ արել հավատարիմ մնալ միջազգային իրավունքով, այդ թվում՝ միջազգային մարդասիրական իրավունքով և մարդու իրավունքների միջազգային իրավունքով ստանձնած պարտավորություններին»,-ասված է հաղորդագրության մեջ։

Նշվում է, որ ՄԱԿ-ում ՀՀ մշտական ներկայացուցիչը նաև հավելել է, որ Հայաստանը ողջունում է ՅՈւՆԵՍԿՕ-ի Կրթություն հանուն խաղաղության, մարդու իրավունքների և կայուն զարգացման մասին առաջարկության ընդունումը։
Պարույր Հովհաննիսյանն այս առումով ընդգծել է, որ Հայաստանը մշտապես բարձրաձայնել է բոլորի համար կրթության իրավունքի երաշխավորման կարևորությունը, հատկապես՝ զինված հակամարտությունների, օկուպացիայի, աղքատության, աղետների, մարդասիրական և այլ ճգնաժամերի հետևանքով տուժած երեխաների և սովորողների՝ ներառյալ փախստականների, ներքին տեղահանված անձանց, ռասայական խտրականության զոհերի և խոցելի իրավիճակներում հայտնված մարդկանց համար։

Հունվարի վերջին Հայաստանի Հանրապետության կառավարությունն ընդունեց Գիտության զարգացման 2026-2030 թվականների ռազմավարական ծրագիրը, որը դառնալու է առաջիկա հնգամյակում ոլորտի զարգացման ուղենիշը: Ընդգրկուն այս փաստաթղթում ներկայացված են տարբեր դրույթներ և գործողություններ, որոնց իրականացումը պետք է որակապես նոր մակարդակի հասցնի հայկական գիտությունը:
«Արմենպրես»-ին տված հարցազրույցում ծրագրի հիմնական կետերին և հետաքրքիր այլ մանրամասների է անդրադարձել ՀՀ կրթության, գիտության, մշակույթի և սպորտի նախարար Ժաննա Անդրեասյանը: