Category: Armen Press

Ընտրությունների արդյունքում հաղթել է «Քաղաքացիական պայմանագիր» կուսակցությունը, որը միանձնյա կձևավորի կառավարություն։
—Նիկոլ Փաշինյան

ԱԺ ընտրությունների քվեարկության նախնական արդյունքները
https://www.youtube.com/live/XNd-fmfInPc?si=5hxDnmD4UNVjVMVK

Կենտրոնական ընտրական հանձնաժողովը հրապարակել է Հայաստանում կայացած խորհրդարանական ընտրությունների նախնական արդյունքները։
Այս պահի դրությամբ ամփոփվել են 314 ընտրատեղամասերի արդյունքները, քվեարկության մասնակիցների թիվը՝ 99 հազար 3։
Ըստ հրապարակված արդյունքների՝ ձայները բաշխվել են հետևյալ կերպ.
 

«Ռեֆորմիստների կուսակցություն»-89 ձայն, 0.09 տոկոս
 
«Բոլորին դեմ եմ» ժողովրդավարական կուսակցություն» — 971 ձայն, 1 տոկոս
 
«Ուժեղ Հայաստան» դաշինք – 21513 ձայն, 22.08 տոկոս
 
«Հայաստանի Շնորհապետական կուսակցություն» – 1208 ձայն, 1.24 տոկոս
 
«Նոր ուժ» ռեֆորմիստական կուսակցություն – 828 ձայն, 0.85 տոկոս
 
«Միասնության թևեր» կուսակցություն – 2271 ձայն, 2.33 տոկոս
 
«Բարգավաճ Հայաստան» կուսակցություն – 5070 ձայն, 5.20 տոկոս
 
«Ազգային ժողովրդավարական բևեռ» համահայկական կուսակցություն – 251 ձայն, 0.26 տոկոս
 
«Քոչարի ազգային վերածնունդ և ազգի զարթոնք կուսակցություն» – 77 ձայն, 0.08 տոկոս
 
«Հայ Ազգային Կոնգրես» կուսակցություն – 151 ձայն, 0.15 տոկոս
 
«Հանրապետություն» կուսակցություն – 668 ձայն, 0.69 տոկոս
 
«Քրիստոնեաժողովրդավարական կուսակցություն» – 118 ձայն, 0.12 տոկոս
 
«Ժողովրդավարական համախմբում» կուսակցություն – 251 ձայն, 0.26 տոկոս
 
«Դեմոկրատիա, օրենք, կարգապահություն» կուսակցություն – 1585 ձայն, 1.63 տոկոս
 
«Քաղաքացիական պայմանագիր» կուսակցություն – 53 հազար 460 ձայն, 54. 87 տոկոս
 
«Հայաստան» դաշինք – 8158 ձայն, 8.37 տոկոս
 
«Հանուն Հանրապետության ժողովրդավարության պաշտպանության դաշինք» կուսակցություն – 309 ձայն, 0.32 տոկոս
 
«Լուսավոր Հայաստան» կուսակցություն – 451 ձայն, 0.46 տոկոս։

Վրաստանի վարչապետ Իրակլի Կոբախիձեն շնորհավորել է Նիկոլ Փաշինյանի գլխավորած քաղաքական ուժին՝ ՀՀ խորհրդարանական ընտրություններում հաջողության հասնելու կապակցությամբ։ 
Վրաստանի վարչապետն այդ մասին գրառում է կատարել սոցցանցի X հարթակում։ 

«Սրտանց շնորհավորում եմ վարչապետ Նիկոլ Փաշինյանին՝ ընտրություններում իր կուսակցության հաջողության կապակցությամբ։ Անհամբեր սպասում եմ մեր սերտ համագործակցության շարունակությանը՝ Վրաստանի և Հայաստանի միջև ռազմավարական գործընկերությունն ու բարեկամական հարաբերությունները ամրապնդելու համար, ինչպես նաև մեր ազգերի բարգավաճման համար»,- գրել է Վրաստանի վարչապետը։

«Քաղաքացիական պայմանագիր» կուսակցության անդամները կուսակցության շտաբում հետևում են Հայաստանում կայացած խորհրդարանական ընտրությունների քվեարկության արդյունքների ամփոփմանը։
Վարչապետի աշխատակազմի ղեկավար, «Քաղաքացիական պայմանագիր» կուսակցության նախընտրական շտաբի ղեկավար Արայիկ Հարությունյանը տեսանյութ է հրապարակել, որում նշում է, որ քվեարկության նախնական արդյունքները շատ գոհացուցիչ են։

«Հիմա մենք ՔՊ շտաբում ենք, որտեղ ամփոփում ենք քվեարկության արդյունքները։ Նախնական արդյունքները շատ գոհացուցիչ են, և կարծում եմ, որ այդպես էլ կշարունակենք և կունենանք մեծամասնություն։ Հաշվարկը դեռ շարունակվում է, չեմ կարծում, որ թվերը շատ մեծ փոփոխության կենթարկվեն»,- ասել է Հարությունյանը։

Տեսանյութում քվեարկության նախնական արդյունքների վերաբերյալ կարծիքներ են հայտնել նաև «Քաղաքացիական պայմանագիր» կուսակցության մի խումբ անդամներ, որոնք նույնպես շտաբում հետևում են ձայների հաշվարկին։ Նրանց կարծիքով՝ «Քաղաքացիական պայմանագիր»-ն ընտրություններում վստահ հաղթանակ է տանում։
Արայիկ Հարությունյանը մինչ այս պահը սոցցանցի իր էջում հրապարակել է 52 տեղամասի արդյունքներ, որոնցում բոլորում առաջատարը «Քաղաքացիական պայմանագիր»-ն է։

Հայաստանի կենտրոնական ընտրական հանձնաժողովը ներկայացրել է խորհրդարանական ընտրություններում էլեկտրոնային քվեարկության արդյունքները։
Արդյունքները ներկայացրեց ԿԸՀ նախագահ Վահագն Հովակիմյանը։
Էլեկտրոնային եղանակով քվեարկելու իրավունք ունեցող քաղաքացիների թիվը 537 է, որից քվեարկությանը մասնակցել է 410-ը։
Անվավեր քվեաթերթիկների թիվը՝ 22։
Ձայները բաշխվել են հետևյալ կերպ․
«Ռեֆորմիստների կուսակցություն» — 0
«Բոլորին դեմ եմ» ժողովրդավարական կուսակցություն — 5
«Ուժեղ Հայաստան» դաշինք — 13
«Հայաստանի Շնորհապետական կուսակցություն» — 5
«Նոր ուժ» ռեֆորմիստական կուսակցություն — 3
«Միասնության թևեր» կուսակցություն — 13
«Բարգավաճ Հայաստան» կուսակցություն — 5
«Ազգային ժողովրդավարական բևեռ» համահայկական կուսակցություն — 0
«Քոչարի ազգային վերածնունդ և ազգի զարթոնք» կուսակցություն — 0
«Հայ ազգային կոնգրես» կուսակցություն — 0
«Հանրապետություն» կուսակցություն — 4
«Քրիստոնեաժողովրդավարական կուսակցություն» — 0
«Ժողովրդավարական համախմբում» կուսակցություն — 1
«Դեմոկրատիա, օրենք, կարգապահություն» կուսակցություն — 1
«Քաղաքացիական պայմանագիր» կուսակցություն — 330
«Հայաստան» դաշինք — 8
«Հանուն Հանրապետության ժողովրդավարության պաշտպանության դաշինք» կուսակցություն — 0
«Լուսավոր Հայաստան» կուսակցություն — 1
Ձայների բաշխման տվյալները ներկայացնելուց հետո ԿԸՀ-ն վավերացրեց էլեկտրոնային եղանակով քվեարկության արդյունքները։
Հիշեցնենք, որ համապետական ընտրություններին էլեկտրոնային քվեարկությամբ մասնակցելու իրավունք ունեն օտար երկրներում Հայաստանի դիվանագիտական կորպուսի ներկայացուցիչներն ու նրանց ընտանիքի անդամները։

Դատախազությունում ստացված և մշակված տվյալների՝ 2026 թվականի փետրվարի 7-ից՝ Ազգային ժողովի հերթական ընտրությունների գործընթացի մեկնարկից մինչև այսօր՝ ժամը 18:00-ն, ընդհանուր ստացվել է ընտրական գործընթացին խոչընդոտող առերևույթ հանցանքների վերաբերյալ 425 հաղորդում։
425 հաղորդումներից՝
— 186-ով նախաձեռնվել է քրեական վարույթ։
— 300 անձի նկատմամբ հարուցվել է հանրային քրեական հետապնդում։
— 14 քրեական վարույթ՝ 42 անձի վերաբերյալ, հաստատված մեղադրական եզրակացությամբ, հանձնվել է իրավասու դատարան։
Պատգամավորի 13 թեկնածուների վերաբերյալ Կենտրոնական ընտրական հանձնաժողով են ներկայացվել քրեական հետապնդում հարուցելու և ազատությունից զրկելու համաձայնություն ստանալու վերաբերյալ միջնորդություններ, որոնցից 12-ի վերաբերյալ միջնորդությունները բավարարվել են, 1 անձի վերաբերյալ միջնորդությունը կքննարկվի առաջիկայում։
Անանուն հաղորդում ներկայացնելու azdararir.am կայքի միջոցով ստացվել է 16 հաղորդում, որից 3-ը՝ այսօր։

ՀՀ դատական դեպարտամենտը ներկայացրել է հունիսի 7-ի ժամը 20:00-ի դրությամբ ընտրությունների կապակցությամբ առաջին ատյանի դատարաններ մուտքագրված գործերի քանակը։
Արմավիրի մարզի առաջին ատյանի ընդհանուր իրավասության դատարան է մուտքագրվել 3 դատական գործ՝ ընտրողների ցուցակում ընդգրկելու պահանջի մասին։
Շիրակի մարզի առաջին ատյանի ընդհանուր իրավասության դատարան՝ 11 դատական գործ՝ ընտրողների ցուցակում ընդգրկելու պահանջի մասին։
Կոտայքի մարզի առաջին ատյանի ընդհանուր իրավասության դատարան՝ 6 դատական գործ՝ ընտրողների ցուցակում ընդգրկելու պահանջի մասին։
Գեղարքունիքի մարզի առաջին ատյանի ընդհանուր իրավասության դատարան՝ 4 դատական գործ՝ ընտրողների ցուցակում ընդգրկելու պահանջի մասին։
Արագածոտնի մարզի առաջին ատյանի ընդհանուր իրավասության դատարան՝ 1 դատական գործ՝ ընտրողների ցուցակում ընդգրկելու պահանջի մասին։
Լոռու մարզի առաջին ատյանի ընդհանուր իրավասության դատարան՝ 1 դատական գործ՝ ընտրողների ցուցակում ընդգրկելու պահանջի մասին։
Երևան քաղաքի առաջին ատյանի ընդհանուր իրավասության քաղաքացիական դատարան է մուտքագրվել 54 դատական գործ։
Վարչական դատարան է մուտքագրվել 44 դատական գործ։

Ժամը 20.00-ի դրությամբ քվեարկության մասնակցության տվյալները
https://armenpress.am/hy/video/1252286

«Հայաստանի էլեկտրական ցանցեր» ընկերության ժամանակավոր կառավարիչ Ռոմանոս Պետրոսյանը հայտարարել է, որ այս պահին հանրապետության բոլոր ընտրատեղամասերն ապահովված են անխափան էլեկտրամատակարարմամբ։
Ռոմանոս Պետրոսյանն այդ մասին գրել է «Ֆեյսբուք»-ի իր էջում։

«Հարկ եմ համարում ընդգծել, որ ՀՀ-ում բոլոր ընտրատեղամասերն այլևս փակված են, և քվեարկությունն արտացոլող քվեաթերթիկները գտնվում են արդեն իսկ կապարականքված քվեատուփերի մեջ։
Ըստ այդմ, առաջիկա ժամերին հնարավոր հոսանքազրկումների դեպքում հերթապահության մեջ գտնվող ՀԷՑ-ի շուրջ 2.000 աշխատակիցներից բաղկացած խմբերն ամենասեղմ ժամկետներում օպերատիվորեն կվերացնեն անջատման հետևանքները և կվերականգնեն էլեկտրամատակարարումը բոլոր հասցեներում։
Հատկանշական է, որ մինչև հնարավոր հոսանքազրկումների վերացնելը, բոլոր դեպքերում ընտրատեղամասերը ապահովված են անհրաժեշտ լապտերներով, պահուստային սնուցման աղբյուրներով, և իհարկե, բոլոր մրցակից քաղաքական ուժերի ներկայացուցիչները՝ վստահված անձինք, ֆիզիկապես գտնվում են տվյալ տարածքում՝ կապարակնքված քվեատուփերի անմիջական հարևանությամբ»,- գրել է Պետրոսյանը՝ վստահեցնելով, որ մի խումբ ընտրատեղամասերում, որոնցում էլեկտրականության խափանումներ էին արձանագրվել, էլեկտրականությունը վերականգնված է։