Category: Armen Press

Միացյալ Թագավորությունն ու Հայաստանը շարունակում են խորացնել համագործակցությունը կիբերպաշտպանության ոլորտում՝ մասնակցելով Defence Cyber Marvel 2026 զորավարժությանը, որը միավորում է ավելի քան 2500 մասնակից 29 երկրներից
Այս մասին նշված է ՀՀ-ում Մեծ Բրիտանիայի դեսպանատան «Ֆեյսբուք»-ի էջում հրապարակված հաղորդագրության մեջ։
Նշվում է, որ ՀՀ-ում Մեծ Բրիտանիայի դեսպան Ալեքսանդրա Քոուլը և ՄԹ Պաշտպանության կցորդ Թոմաս Շորլենդ Բոլը այցելել են զորավարժության վայր, որտեղ Հայաստանի և Մեծ Բրիտանիայի մասնակիցները համատեղ աշխատել են՝ զարգացնելու կիբերպաշտպանության կարողությունները և փոխանակելու մասնագիտական փորձը։
Դեսպանը հանդիպել է Հայաստանի և ՄԹ մասնակիցների հետ, հետևել զորավարժության ընթացքին և քննարկել կիբերդիմակայունության կարևորությունը ներկայիս փոփոխվող անվտանգության միջավայրում։
Ըստ աղբյուրի՝ հայկական կողմից զորավարժությանը մասնակցում էին Պաշտպանության նախարարության, Տեղեկատվական համակարգերի գործակալության և Ազգային անվտանգության ծառայության ներկայացուցիչները։

«Այսպիսի զորավարժությունները նպաստում են վստահելի գործընկերությունների ձևավորմանը, մասնագիտական կարողությունների զարգացմանը և մեր ընդհանուր հանձնառությանը՝ ամրապնդելու անվտանգությունն ու դիմակայունությունը։
Միացյալ Թագավորությունը կարևորում է Հայաստանի հետ պաշտպանության և անվտանգության ոլորտում զարգացող համագործակցությունը»,-ասված է Մեծ Բրիտանիայի դեսպանատան հաղորդագրության մեջ։

ՀՀ բարձր տեխնոլոգիական արդյունաբերության նախարար Մխիթար Հայրապետյանը փետրվարի 17-ին ընդունել է Հայաստանի Հանրապետությունում Բուլղարիայի Հանրապետության արտակարգ և լիազոր դեսպան Նիկոլա Նիկոլովի գլխավորած պատվիրակությանը։
«Արմենպրես»-ի հաղորդմամբ՝ այս մասին հայտնում են ԲՏԱ նախարարության մամուլի ծառայությունից՝ մանրամասնելով, որ նախարարը շնորհավորել է դեսպանին նշանակման կապակցությամբ և հաջողություն մաղթել պատասխանատու առաքելության մեջ։
Հայրապետյանը բարձր է գնահատել Հայաստանի և Բուլղարիայի միջև պատմականորեն ձևավորված սերտ հարաբերությունները՝ հիմնված ժողովուրդների բարեկամության և մշակութային ավանդական կապերի վրա։ Նախարարն ընդգծել է, որ երկկողմ քաղաքական հարաբերությունները զարգանում են դրական և կառուցողական մթնոլորտում, իսկ բարձր մակարդակի փոխայցելությունները կարևոր դեր են խաղում համագործակցության հետագա խորացման գործում։

Հայաստանի նախագահի գլխավորած պատվիրակությունը պետական այցով ժամանել է Հունաստան
Ինչպես հաղորդում է «Արմենպրես»-֊ի թղթակիցն Աթենքից՝ պատվիրակության կազմում են ՀՀ էկոնոմիկայի նախարար Գևորգ Պապոյանը, ԱԺ պատգամավոր, Հայաստան–Հունաստան բարեկամական խմբի ղեկավար Հայկ Կոնջորյանը, Արտաքին գործերի նախարարի տեղակալ Վահան Կոստանյանը, Բարձր տեխնոլոգիական և արդյունաբերության նախարարի առաջին տեղակալ Գևորգ Մանթաշյանը, Հայաստանի պատմության թանգարանի տնօրեն Դավիթ Պողոսյանը, Առողջապահության նախարարության «Դատաբժշկական գիտագործնական կենտրոն» ՊՈԱԿ-ի տնօրենի տեղակալ Մարտին Ալեքսանյանը և այլք։
Այցը հագեցած օրակարգով է լինելու։ Նախատեսված են ՀՀ նախագահ Վահագն Խաչատուրյանի հանդիպումները Հունաստանի նախագահ Կոնստանտինոս Տասուլասի, Խորհրդարանի նախագահ Նիկիտաս Կակլամանիսի հետ։
Աթենքի առևտրաարդյունաբերական պալատում նախատեսված է հանդիպում Հունաստանի գործարար շրջանակի հետ։
ՀՀ նախագահը կհանդիպի նաև տեղի հայ համայնքին։

Քննարկվել են Առաքել Աֆրիկյանի տան և Կեչառիսի վանական համալիրի Սուրբ Գրիգոր եկեղեցու որմնանկարների էսքիզային նախագծերը

Ֆրանսիական «Ժորժ Պոմպիդու» կենտրոնի պատվիրակությունի պատվիրակության հայաստանյան այցի շրջանակներում Հայաստանի ազգային պատկերասրահի և կենտրոնի միջև փետրվարի 17-ին ստորագրվել է համագործակցության հուշագիր։
«Արմենպրես»-ի հաղորդմամբ` այս մասին հայտնում են ՀՀ կրթության, գիտության, մշակույթի և սպորտի նախարարությունից՝ հավելելով, որ մինչ այդ «Ժորժ Պոմպիդու» կենտրոնի նախագահ Լորան Լը Բոնին ընդունել է ԿԳՄՍ նախարար Ժաննա Անդրեասյանը:
Աղբյուրի փոխանցմամբ՝ «Ժորժ Պոմպիդու» կենտրոնի պատվիրակությունը Հայաստան է ժամանել Հայաստանի ազգային պատկերասրահի հրավերով: Այցը միտված է խորացնելու Հայաստանի և Ֆրանսիայի առաջատար մշակութային հաստատությունների միջև գործընկերությունը, զարգացնելու մասնագիտական երկխոսությունը և ձևավորելու երկարաժամկետ համագործակցության հստակ օրակարգ։ Այցի շրջանակում իրականացվում է հագեցած մշակութային ծրագիր՝ ընդգրկելով Հայաստանի կարևորագույն թանգարանները, արվեստի կենտրոնները և մշակութային ժառանգության վայրերը։
ՄԱՆՐԱՄԱՍՆԵՐ

Հայաստանի բանկերը 2025 թվականն ամփոփել են մոտ 421 մլրդ դրամի շահույթով. դա 17 տոկոսով գերազանցում է նախանցյալ տարվա ցուցանիշը (360 մլրդ դրամ): «Արմենպրես»-ի փոխանցմամբ՝ այս մասին փետրվարի 17-ի ասուլիսում հայտնեց Հայաստանի բանկերի միության նախագահ Դանիել Ազատյանը:
ՀԲՄ նախագահը ուշադրություն հրավիրեց այն հանգամանքին, որ Հայաստանում գործող բոլոր 17 բանկերը 2025 թվականի արդյունքներով նշված են երկրի 1000 խոշոր հարկատուների ցանկում:
Նշվեց, որ նախորդ տարի բանկերը վճարել են ընդհանուր առմամբ 164 մլրդ դրամի հարկ՝ 45 միլիարդ դրամով կամ շուրջ 38 տոկոսով ավել, քան 2024 թվականին: Աճել է նաև բանկերի վճարած շահութահարկի ծավալը:
Ֆինանսական այս հաստատություններն ապահովել են Հայաստանի 1000 խոշոր հարկատուների վճարած շահութահարկի մոտ 30 տոկոսը:

Վարչապետ Նիկոլ Փաշինյանն Աջափնյակ վարչական շրջանում հանդիպել է մի խումբ ուսանողների և աշակերտների հետ, որի ընթացքում ներկայացրել է «Իրական Հայաստան»-ի գաղափարախոսությունը։
ՀՀ վարչապետի աշխատակազմից հայտնում են, որ Նիկոլ Փաշինյանը պատասխանել է ներկաների հարցերին, որոնք վերաբերել են գաղափարախոսության սկզբունքներին, կրթության, ենթակառուցվածքների զարգացմանը, տրանսպորտային խնդիրների լուծմանը և այլ թեմաների։
Նշվում է, որ նմանատիպ հանդիպումների շարքը կրում է շարունակական բնույթ։

Հայաստանի հրաձգության ֆեդերացիան ներկայացրել է Երևանում առաջին անգամ կայանալիք Գնդակային հրաձգության Եվրոպայի առաջնության ժամանակացույցը։

Ֆրանսիայում Հայաստանի դեսպան Արման Խաչատրյանը հանդիպել է Ֆրանկոֆոնիայի խաղերի միջազգային կոմիտեի տնօրեն Վիվիեն Լյուբչանսկիի հետ։
Ինչպես «Արմենպրես»-ը տեղեկանում է Ֆրանսիայում ՀՀ դեսպանության տարածած հաղորդագրությունից, հանդիպմանը քննարկվել է 2027թ. Հայաստանում կայանալիք Ֆրանկոֆոնիայի 10-րդ միջազգային մարզամշակութային խաղերի կազմակերպման նախապատրաստական աշխատանքների ընթացքը։
Արման Խաչատրյանը վերահաստատել է Ֆրանկոֆոնիայի հոբելյանական խաղերը Երևանում բարձր մակարդակով հյուրընկալելու Հայաստանի հանձնառությունը։
Ընդգծել է Ֆրանկոֆոնիայի խաղերի կարևորությունը՝ որպես ֆրանկոֆոն մշակույթի և արժեքների տարածմանն ու ֆրանսերեն լեզվի զարգացմանը նպաստող նշանավոր միջոցառում։

Հայաստանի Հանրապետության վարչապետ Նիկոլ Փաշինյանը շնորհավորական ուղերձներ է հղել Չինաստանի Ժողովրդական Հանրապետության նախագահ Սի Ծինփինին և պետական խորհրդի նախագահ Լի Ցյանին՝ չինական Նոր տարվա առիթով: