Category: Armen Press

Միջազգային հանրապետական ինստիտուտի (IRI) միջազգային դիտորդական առաքելության գնահատմամբ՝  Հայաստանում 2026 թվականի խորհրդարանական ընտրություններն անցկացվել են վստահելի, կարգապահ և խաղաղ մթնոլորտում՝ առանց համակարգային խախտումների։

Լեհաստանի վարչապետ Դոնալդ Տուսկն արձագանքել է Հայաստանում հունիսի 7-ին կայացած խորհրդարանական ընտրություններին ու դրանց արդյունքներին:

«Նիկոլ Փաշինյանը հաղթանակ է տանում։ Հայաստանը ընտրել է շարունակականության ուղին և վերահաստատել իր եվրոպամետ ուղղությունը։ Սա կարևոր ազդանշան է, որ տարածաշրջանի ապագան դեռևս գրվում է»,- X սոցիալական հարթակում նշել է Տուսկը՝ կից հրապարակելով վարչապետ Փաշինյանի հետ ջերմ հարաբերությունները պատկերող լուսանկար:

Իսպանիայի վարչապետ Պեդրո Սանչեսը շնորհավորել է ՀՀ վարչապետ Նիկոլ Փաշինյանին՝ նրա գլխավորած «Քաղաքացիական պայմանագիր» կուսակցության՝ Հայաստանի խորհրդարանական ընտրություններում հաղթանակի կապակցությամբ:

«Շնորհավորում եմ Նիկոլ Փաշինյանին և նրա կուսակցությանը՝ ընտրություններում տարած հաղթանակի կապակցությամբ։ Հայաստանի ժողովուրդը ընտրություն է կատարել հօգուտ ժողովրդավարության, կայունության և ապագայի, որն ավելի ու ավելի մոտ է Եվրոպային:

Իսպանիան կշարունակի աջակցել Հայաստանին խաղաղության ճանապարհին և Եվրոպական միության հետ մերձեցման գործընթացում»,- X սոցիալական հարթակում նշել է Սանչեսը:

Լիտվայի վարչապետ Ինգա Ռուգինիենեն շնորհավորել է Հայաստանի վարչապետ Նիկոլ Փաշինյանին խորհրդարանական ընտրություններում «Քաղաքացիական պայմանագիր» կուսակցության արձանագրած հաղթանակի առթիվ։
Ինգա Ռուգինիենեն շնորհավորական ուղերձը հրապարակել է X-ի իր միկրոբլոգում։
Լիտվայի վարչապետը նշել է, որ Հայաստանի ժողովուրդը կրկին արտահայտվել է ժողովրդավարական արժեքների, տարածաշրջանային կայունության և եվրոպական ապագայի օգտին։

«Մենք անհամբեր սպասում ենք մեր գործընկերության խորացմանը և ԵՄ-ի հետ ավելի սերտ կապեր հաստատելու ճանապարհին Հայաստանին աջակցելուն»,-գրել է նա։

ՀՀ արտաքին գործերի նախարար Արարատ Միրզոյանը հայտարարել է, որ Հայաստանի և Թուրքիայի միջև հարաբերությունների կարգավորման գործընթացը շարունակվում է, և առաջիկայում հնարավոր է արձանագրել նոր առաջընթաց։

Ավստրիայի դաշնային կանցլեր Քրիստիան Շտոկերը շնորհավորել է ՀՀ վարչապետ Նիկոլ Փաշինյանին՝ նրա գլխավորած «Քաղաքացիական պայմանագիր» կուսակցության՝ Հայաստանի խորհրդարանական ընտրություններում հաղթանակի կապակցությամբ:

«Ջերմորեն շնորհավորում եմ վարչապետ Նիկոլ Փաշինյանին ընտրություններում տարած հաղթանակի կապակցությամբ։ Հայաստանի Հանրապետության ժողովուրդը վերահաստատել է իր հանձնառությունը ժողովրդավարական ուղուն, ինչպես նաև երկրի դիմակայունության, ինքնիշխանության և բարօրության ամրապնդմանը։

Ավստրիան Հայաստանի կողքին է՝ խաղաղության, տարածաշրջանային կայունության և Եվրոպական միության հետ առավել սերտ հարաբերությունների ճանապարհին»,- X սոցիալական հարթակում նշել է Շտոկերը։

Եվրոպական խորհրդարանի նախագահ Ռոբերտա Մեցոլան շնորհավորել է Նիկոլ Փաշինյանին՝ համապետական ընտրություններում նրա գլխավորած քաղաքական ուժի հաղթանակի առթիվ։
Ռոբերտա Մեցոլան այդ կապակցությամբ գրառում է կատարել սոցցանցի X հարթակում։

«Շնորհավորում եմ Նիկոլ Փաշինյանին Հայաստանի խորհրդարանական ընտրություններում տարած հաղթանակի կապակցությամբ։ Եկեք շարունակենք զարգացնել այս նորացված թափը՝ ԵՄ-ՀՀ հարաբերությունները ամրապնդելու համար»,- գրել է Եվրոպական խորհրդարանի նախագահը։

Հայատսանում հունիսի 7-ին կայացել են հերթական խորհրդարանական ընտրությունները։ Այս պահին առկա տվյալներով՝ խորհրդարան է անցնում երեք քաղաքական ուժ՝ «Քաղաքացիական պայմանագիր» կուսակցությունը, «Հայաստան» դաշինքը և «Ուժեղ Հայաստան» դաշինքը։

Հայաստանի Հանրապետության քննչական կոմիտեում ստացված առերևույթ հանցանքի մասին հաղորդման համաձայն, Հովհաննես Սահակյանը, հաստատապես տեղյակ լինելով նախապատրաստվող  հանցագործության մասին՝ չի հայտնել ՀՀ իրավասու մարմիններին։
Քննչական կոմիտեից հայտնում են, որ Հ.Ս.-ն ձերբակալվել է:
«Հաղորդման առթիվ ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում նախաձեռնվել է քրեական վարույթ՝ Քրեական օրենսգրքի 473-րդ հոդվածի 1-ին մասով (հանցագործության մասին չհայտնելը):
Քննիչի որոշմամբ Հ.Ս.-ն ձերբակալվել է:
Քրեական վարույթի նախաքննությունը շարունակվում է:

Միջազգային հանրապետական ինստիտուտի (IRI) դիտորդական առաքելության մամուլի ասուլիսը
https://www.youtube.com/live/7uDnlNKomek?si=PlwcOa-PsMfzq5aa

ՀՀ ԱԺ մշտական հանձնաժողովների համատեղ նիստ
https://www.youtube.com/live/lv1f5pTY7cM?si=a8juuEHuYIFPraWo