Category: Armen Press

Կանադայի վարչապետի ժամանումը Երևան
https://www.youtube.com/watch?v=7hKZ5x54PUU

Եվրոպական քաղաքական համայնքի (EPC) 8-րդ գագաթնաժողովին մասնակցելու նպատակով Հայաստան է ժամանել Անդորրայի վարչապետ Խավիեր Էսպոտ Զամորան:
«Արմեպրես»-ի փոխանցմամբ՝ այս մասին հայտնում են ՀՀ կառավարությունից՝ նշելով, որ «Զվարթնոց» միջազգային օդանավակայանում նրան դիմավորել է Հայաստանի փոխվարչապետ Տիգրան Խաչատրյանը:

❗️Գործընկերության աննախադեպ խորացում, ՀՀ-ԵՄ գագաթնաժողով, Երևանի եվրոպական հեռանկարներ. ԵՄ դեսպանի հարցազրույցը
Հայաստանի Հանրապետության և Եվրոպական միության միջև հարաբերություններն առավել մոտ են, քան երբևէ. ահա այսպիսի գնահատականի է արժանացրել Հայաստանում Եվրամիության դեսպան Վասիլիս Մարագոսը՝ բնութագրելով երկկողմ հարաբերություններն ու ընդգծելով, որ այդ համագործակցությունը հիմնված է ընդհանուր արժեքների, ապագայի ընդհանուր տեսլականի և Հայաստանի ինքնիշխան ընտրության նկատմամբ հստակ հարգանքի վրա։
Դեսպանի բնորոշմամբ՝ Բրյուսելը ոչ միայն քաղաքական աջակցություն է ցուցաբերում, այլ նաև իրականացնում է շոշափելի ներդրումներ, որոնք ուղղված են Հայաստանի տնտեսության, ենթակառուցվածքների և անվտանգության ամրապնդմանը՝ նպատակ հետապնդելով ապահովել իրական արդյունքներ ՀՀ քաղաքացիների համար։
«Արմենպրես»-ի թղթակցին տված հարցազրույցում Հայաստանում ԵՄ դեսպանը մանրամասն անդրադարձ է կատարել մի շարք առանցքային թեմաների՝ մասնավորապես Հայաստան-Եվրամիություն հարաբերությունների աննախադեպ զարգացմանը, Հայաստանի եվրոպական հեռանկարներին, Հայաստանի համար մայիսի 4-ին և 5-ին Երևանում համապատասխանաբար անցկացվելիք Եվրոպական քաղաքական համայնքի գագաթնաժողովի և Հայաստան-Եվրամիություն գագաթնաժողովի կարևորությանը, Հարավային Կովկասում հաստատված խաղաղությանը և մի շարք այլ հարցերի:
ՄԱՆՐԱՄԱՍՆԵՐ

Էկոպարեկային ծառայության Տավուշի մարզային վարչությունը, որի բացմանը ներկա է եղել ՀՀ վարչապետ Նիկոլ Փաշինյանը, ունի 33 նոր ավտոմեքենա (պիկապներ), որոնք ամբողջությամբ կահավորված են ժամանակակից մոբայլ համակարգերով։
«Արմենպրես»-ի հաղորդմամբ՝ այս մասին հայտնում են ՀՀ կառավարությունից։

«Նշված ավտոմեքենաներից 20-ը լրացուցիչ հագեցած են նաև հակահրդեհային տեխնիկայով։ Ծառայության կազմում ընդգրկված են 128 էկոպարեկներ, որոնք ապահովված են նոր համազգեստով և անհրաժեշտ տեխնիկական միջոցներով։ Համազգեստին ամրացված են տեսանկարահանող սարքեր։ Էկոպարեկները նաև ապահովված են պլանշետներով, որոնք հագեցած են իրավախախտումների վերաբերյալ արձանագրությունների ավտոմատ կազմման ծրագրերով, ինչպես նաև ծառայողական անհրաժեշտ այլ միջոցներով՝ ձեռնաշղթաներով և մահակներով»,-նշում է տեքստում։

Բացմանը Նիկոլ Փաշինյանը հիշեցրել է, որ Տավուշը երկրորդ մարզն է, որտեղ տրվում է էկոպարեկային ծառայության աշխատանքի մեկնարկ․ առաջինը Սյունիքի մարզն է եղել։ Վարչապետն ընդգծել է, որ գործընթացը լինելու է շարունակական

Եվրոպական քաղաքական համայնքի գագաթնաժողովին, որը Երևանում կանցկացվի մայիսի 4-ին, կմասնակցեն մոտ հինգ տասնյակ երկրների և միջազգային կազմակերպությունների ղեկավարներ:
Այս մասին «Ֆեյսբուք»-ի իր էջում գրել է ՀՀ վարչապետի աշխատակազմի ղեկավար Արայիկ Հարությունյանը՝ մեծապես կարևորելով աշխարհի խոշորագույն քաղաքական, մշակութային, մարզական և այլ ոլորտի միջոցառումների անցկացումը։
Վարչապետի աշխատակազմի ղեկավարն ընդգծել է, որ ՄԱԿ-ի կենսաբազմազանության COP17 գագաթնաժողովին ակնկալվում է մինչև հարյուր երկրի պատվիրակության այց Հայաստան։

«Հայաստանի վարած քաղաքականությունների ապացույցը աշխարհի խոշորագույն քաղաքական, մշակութային, մարզական և այլ ոլորտի միջոցառումների անցկացումն է Հայաստանում:
ՖԻՖԱ-ի երիտասարդների 2029 թվականի աշխարհի առաջնությունը՝ շուրջ 30 խաղ Հայաստանում:
Ծանրամարտի աշխարհի առաջնություն՝ 2027 թվականին (մոտ 100 երկիր)
Ֆրանկաֆոնիայի 2027 մարզամշակութային խաղեր (մոտ 50 երկիր)
2027 թվականի մարմնամարզության Եվրոպայի առաջնություն»,– գրել է Արայիկ Հարությունյանը։

Հայաստանի Հանրապետության Տավուշի մարզում տրվել է էկոպարեկային ծառայության մարզային վարչության գործարկման մեկնարկը։
Այդ կապակցությամբ Իջևանում տեղի ունեցած միջոցառմանը ՀՀ վարչապետ Նիկոլ Փաշինյանը նշել է, որ Սյունիքից հետո Հայաստանի՝ արդեն երկրորդ մարզում է գործարկվում Էկոպարեկային ծառայությունը։

«Այս գործընթացը լինելու է շարունակական։ Սա, կարծում եմ, նոր փուլ է Հայաստանում էկոմիջավայրի և բնապահպանական ընկալման տեսակետից»,-ասել է վարչապետը։

Նա կարևորել է գիտակցության ու ընկալման ձևավորումն առ այն, որ բնությունը երկրի անգնահատելի հարստությունն է։

«Այսօր մենք պետք է հասկանանք, որ անտառն ու նրա պահպանությունը միլիոնավոր, միլիարդավոր դրամների եկամուտներ է բերելու Հայաստանի Հանրապետությանը և նրա ժողովրդին, որովհետև բնությունը նախ զբոսաշրջային մեծ հոսքեր է արդեն բերում Հայաստանի Հանրապետություն և Տավուշի մարզ։ Մենք պետք է այս տրամաբանությամբ անտառին օգնենք, որ այն տնտեսական օգուտներ բերի Հայաստանին, Տավուշի մարզին, բոլոր բնակավայրերին»,-նշել է Փաշինյանը՝ հավելելով, որ Տավուշի մարզում ներկայում կան անտառային շատ հատվածներ, որտեղ ներդրումներ են իրականացվում ճանապարհների ու այլ ենթակառուցվածքների ստեղծման, ըստ այդմ, նաև՝ զբոսաշրջային ուղղությունների զարգացման նպատակով։

Հայաստանի Հանրապետության արտաքին գործերի նախարարությունը մայիսի 5-ին ժամը 19։00-ին երիտասարդներին հրավիրում է քննարկման ԱԳ նախարար Արարատ Միրզոյանի հետ։
«Արմենպրես»-ի փոխանցմամբ՝ քննարկումը տեղի է ունենալու «Դվին» հյուրանոցային համալիրում։

Հայաստանի Հանրապետության վարչապետ Նիկոլ Փաշինյանը Կիրանցում մասնակցել է վերականգնված Սուրբ Երրորդություն եկեղեցու օծման արարողությանը։
https://youtu.be/jjdc-vxpbEE?si=DjROC9bfKKDeEUuH

Հայաստանում ոչ աշխատանքային օրերով պայմանավորված՝ շատերը նախընտրել են իրենց հանգիստը կազմակերպել Հայաստանից դուրս։ Հատկապես մեծ հոսք է նկատվում դեպի Վրաստան, ինչով պայմանավորված կան կուտակումներ Բագրատաշենի անցակետում։
«Արմենպրես»֊ի հարցմանն ի պատասխան՝ ՀՀ պետական եկամուտների կոմիտեի մամուլի խոսնակ Լուսինե Մկրտչյանը հաստատեց տեղեկությունը` նշելով, որ այս օրերին շատերը մեկնում են Վրաստան ու հիմնականում նախընտրում են Բագրատաշենի անցակետը։

«Արմենպրես» լրատվական գործակալության լոգոյի օգտագործմամբ կեղծ տեղեկություն է հրապարակվել X սոցցանցային հարթակում։
Իրականության հետ աղերս չունեցող տեքստային տեղեկատվությունը WollyBee անվամբ օգտատերը զուգորդել է տեսանյութով` օգտագործելով կադրեր ՀՀ վարչապետի մասնակցությամբ, նաև` վարչապետի խոսնակի տարբեր հարցազրույցներից` կիրառելով «Արմենպրես»-ի լոգոն։
X-ում հրապարակելիս որպես թեգեր կիրառվել են ինչպես «Արմենպրես»-ի, այնպես էլ հայկական այլ լրատվական կայքերի, France24-ի, Deutsche Welle-ի էջերը։
Ընթերցողներին հորդորում ենք «Արմենպրես»-ի անունից հրապարակված ցանկացած տեղեկություն ստուգել հենց «Արմենպրես»-ի կայքում և պաշտոնական սոցցանցային էջերում։
Ապատեղեկատվության և մանիպուլյացիայի ահագնացող ծավալների պարագայում սկզբնաղբյուրների հետ աշխատանքը գրագետ մեդիասպառման կարևոր նախապայման է։