Category: Armen Press

ՀՀ 35-րդ տարեդարձի կապակցությամբ Նիագարայի ջրվեժը կլուսավորվի Հայաստանի Հանրապետության դրոշի գույներով

Հայաստանի Հանրապետության արտաքին անվտանգության ապահովման կարևորագույն բաղադրիչներից մեկը միջազգային լեգիտիմությունն է: «Արմենպրես»-ի փոխանցմամբ՝ այս մասին «Համապարփակ անվտանգություն և դիմակայունություն» միջազգային համաժողովի բացման խոսքում հայտարարեց Հայաստանի վարչապետ Նիկոլ Փաշինյանը:

Պարույր Հովհաննիսյանն ավարտել է ՄԱԿ-ի Տնտեսական և սոցիալական խորհրդի փոխնախագահի պաշտոնավարումը

ՀՀ կառավարության նիստ
https://www.youtube.com/live/jYo07HWVfK8?si=TYTpUU9QtTvHEZVn

Հայաստանի շախմատի կանանց ու տղամարդկանց թիմերը շարունակում են ելույթները համաշխարհային Օլիմպիադայում:
Տղամարդկանց ընտրանու մրցակիցը կլինի Շոտլանդիայի հավաքականը, իսկ կանանց հավաքականը կմրցի Սինգապուրի հավաքականի հետ:
Մեկնարկային տուրում թե կանայք, թե տղամարդիկ հաղթել են մրցակիցներին․ տղամարդկանց հավաքականը 4:0 հաշվով առավելության է հասել Բարբադոսի հավաքականի նկատմամբ:
Հաղթանակ են տարել գրոսմայստերներ Ռոբերտ Հովհաննիսյանը, Շանթ Սարգսյանը, Գաբրիել Սարգսյանը և Մանուէլ Պետրոսյանը:
Կանանց հավաքականը 3.5:0.5 հաշվով հաղթել է Հոնկոնգի հավաքականին:
Հաղթանակ են տարել կանանց գրոսմայստեր Մարիամ Մկրտչյանը, կանանց միջազգային վարպետ Սուսաննա Գաբոյանը և Անահիտ Մկրտչյանը:
Գրոսմայստեր Էլինա Դանիելյանի խաղն ավարտվել է ոչ-ոքի արդյունքով:

Ֆիջին ՄԻԱՎ-ի տարածումը ազգային ճգնաժամ է հայտարարել այն բանից հետո, երբ անցած տարի նոր ախտորոշված դեպքերի թիվն աճել է 27%-ով։ Reuters-ը գրում է, որ այս ցուցանիշը խորացնում է մտահոգությունը, որ նախկինում հիմնականում ներարկման միջոցով թմրամիջոցներ օգտագործող անձանց շրջանում կենտրոնացած համաճարակն ավելի լայն տարածում է ստանում երկրում։
Ֆիջիի կառավարությունը «Ֆեյսբուք»-ում հրապարակված հայտարարության մեջ հայտնել է, որ 2025 թվականին ՄԻԱՎ է ախտորոշվել 2016 մարդու մոտ, նրանց գնահատականներով՝ յուրաքանչյուր 60 մեծահասակից մեկը ապրում է այդ վարակով։ Կառավարության տվյալներով՝ անցած տարի ՄԻԱՎ-ով ծնվել է 59 երեխա, որից 18-ը մահացել են մինչև մեկ տարեկանը։
Իշխանությունների խոսքով՝ ընդլայնված թեստավորումը նպաստել է վարակվածության նոր դեպքերի հայտնաբերմանը և հնարավորություն տվել ավելի վաղ սկսել բուժումը։ Այժմ Ֆիջին նախատեսում է ընդլայնել անվճար, կամավոր և գաղտնի թեստավորման, կանխարգելիչ դեղամիջոցների, ինչպես նաև ներարկվող թմրամիջոցներ օգտագործող անձանց համար վնասի նվազեցման ծառայությունների և բուժման հասանելիությունը։
Մոտ 900 հազար բնակչություն ունեցող Ֆիջին նոր վարակների թվի ամենաարագ աճ ունեցող երկրներից մեկն է աշխարհում։ ՄԻԱՎ/ՁԻԱՀ-ի դեմ պայքարի հարցով ՄԱԿ-ի միացյալ ծրագրի (UNAIDS) տվյալներով՝ 2025 թվականին Ֆիջիում ՄԻԱՎ-ով ապրել է 9100 մարդ, որոնցից միայն 39%-ն է իմացել իր կարգավիճակի մասին։
Ընդ որում, դեպքերից կեսից ավելին փոխանցվել է սեռական ճանապարհով, իսկ ավելի քան 42%-ը՝ ներարկային թմրամիջոցների օգտագործման հետևանքով։

Podcast-ի շրջանակում «Արմենպրես»-ի տաղավարում Հայաստանի՝ Օքսֆորդի շրջանավարտների բիզնես ակումբի խորհրդի նախագահ Ալեքսանդր Շաղիկյանն անդրադարձել է հոկտեմբերի 5-6-ը Երևանում առաջին անգան կայանալիք «Հայաստան-Միացյալ Թագավորություն բիզնես համաժողով»-ի նախապատրաստական աշխատանքներին, բովանդակությանը, ձևաչափային քննարկումներին և ակնկալիքներին։

Ամերիկայի Միացյալ Նահանգներում Հայաստանի Հանրապետության դեսպանությունը, Սպիտակ տան Հավատքի գրասենյակի հետ համագործակցությամբ, նախաձեռնել է հանդիպում, որի շրջանակում ԱՄՆ-ում հայ հոգևոր առաջնորդները և ՀՀ դեսպան Նարեկ Մկրտչյանը հանդիպել են ԱՄՆ նախագահ Դոնալդ Թրամփի, Սպիտակ տան Հավատքի գրասենյակի ղեկավար, ԱՄՆ նախագահի երկարամյա հոգևոր հովիվ Փոլա Ուայթ-Քեյնի և Սպիտակ տան Հավատքի գրասենյակի տնօրեն Ջենիֆեր Ս. Քորնի հետ։
Հանդիպմանը մասնակցել են Հայաստանյաց Առաքելական Սուրբ Եկեղեցու ԱՄՆ Արևմտյան և Արևելյան թեմերի առաջնորդներ Գերշ. Տ. Հովնան արքեպիսկոպոս Տերտերյանը և Գերշ. Տ. Մեսրոպ եպս. Պարսամյանը, Հայ Առաքելական Եկեղեցու Մեծի Տանն Կիլիկիո Կաթողիկոսության ԱՄՆ Արևելյան և Արևմտյան թեմերի առաջնորդներ Գերշ. Տ. Անուշավան արք. Դանիելյանը և Գերշ. Տ. Միքայել եպս. Մուրադյանը, Հյուսիսային Ամերիկայի Հայ Ավետարանական Միության ավագ հովիվ վերապատվելի Հենրիկ Շահնազարյանը։
«Արմենպրես»-ի փոխանցմամբ՝ ԱՄՆ-ում ՀՀ դեսպանության տարածած հաղորդագրության մեջ նշվում է, որ հանդիպման ընթացքում մտքեր են փոխանակվել ՀՀ և ԱՄՆ միջև հարաբերությունների, երկու ժողովուրդների միջև քրիստոնեական-քաղաքակրթական կապերի, կրոնական ազատությունների, ինչպես նաև խաղաղության և կայունության հաստատմանն ուղղված ջանքերի շուրջ։
Կարևորվել է խաղաղության հաստատման և ժողովուրդների միջև փոխըմբռնման ամրապնդման անհրաժեշտությունը՝ ընդգծելով հավատքի և հոգևոր արժեքների նշանակությունն այս գործընթացում։
Հայ հոգևոր առաջնորդները հնչեցրել են հավաքական աղոթք և Աստծո օրհնությունն են հայցել Հայաստանի և Միացյալ Նահանգների ժողովուրդների բարօրության և ապագայի, երկու երկրների միջև բարեկամության համար։
Հոգևոր առաջնորդներն իրենց աղոթքում անդրադարձել են նաև խաղաղության հաստատմանն ուղղված ջանքերին՝ ընդգծելով ԱՄՆ նախագահ Դոնալդ Թրամփի ներդրումը ՀՀ–ում հաստատված խաղաղության գործընթացում։

Վարդգես Սուրենյանցի 130-ամյա «Լքյալը» կտավն առաջին անգամ ցուցադրվեց Հայաստանում

Հայաստանի վարչապետ Նիկոլ Փաշինյանը հայտարարել է, որ Քյարքի անվան գործածմամբ չեզոքացրել է հնարավոր էսկալացիայի վերջին կետը։
Ազգային ժողովում Կառավարության հետ հարցուպատասխանի ընթացքում Փաշինյանն այս մասին ասել է՝ պատասխանելով «Ուժեղ Հայաստան» խմբակցության պատգամավոր Արամ Վարդևանյանի հարցին։
Վարդևանյանը հետաքրքրվել է, թե ինչու է Հայաստանի վարչապետը Տիգրանաշենի առնչությամբ գործածում Քյարքի անվանումը, մինչդեռ ադրբեջանական կողմից Արծվաշենի վերաբերյալ համարժեք հայտարարություններ չեն հնչում։
Վարչապետի խոսքով՝ այս քայլի նպատակը հնարավոր էսկալացիայի առիթի չեզոքացումն է եղել։
«Ես էլի եմ ասում՝ Քյարքի ասելով՝ Քյարքի չեմ ասել Ադրբեջանի սիրուն։ Քյարքի ասելով՝ ես չեզոքացրել եմ հնարավոր էսկալացիայի վերջին կետը, որը Հայաստանի ներսում և դրսում գտնվող ուժերն ակնհայտորեն սկսելու էին օգտագործել։
Հիմա չկա դա։ Շատ լավ, ես կգամ, տասնյակ հարցերի կպատասխանեմ այստեղ՝ ինչո՞ւ Քյարքի, ինչո՞ւ ասացիր և այլն։ Նորմալ է, կպատասխանեմ։ Հազար անգամ հարցրեք, սուր հարցրեք, ամոթանք տալով հարցրեք, բայց ես իմ խնդիրը լուծել եմ։ Ո՞րն է այդ խնդիրը․ էսկալացիայի վերջին հնարավորությունը չեզոքացված է»,- ասել է Փաշինյանը։