Category: Armen Press

ՀՀ բարձր տեխնոլոգիական արդյունաբերության նախարար Մխիթար Հայրապետյանը հարցազրույց է տվել Apolitical-ի «Government AI Campus» նախաձեռնությանը: Հարթակում հրապարակվում են հարցազրույցներ արհեստական բանականության (ԱԲ) ներդրման, կարողությունների զարգացման և կարգավորման գործընթացներում առաջատար դերակատարում ունեցող երկրների քաղաքականություն մշակողների և պետական ոլորտի ղեկավարների հետ:

ՀՀ բարձր տեխնոլոգիական արդյունաբերության նախարար Մխիթար Հայրապետյանը և ՀՀ ներքին գործերի նախարար Արփինե Սարգսյանը Ռազմարդյունաբերության կոմիտեում քննարկել են հայրենական տեխնոլոգիական և ռազմարդյունաբերական ներուժի կիրառման հնարավորությունները ՆԳՆ համակարգում։

Հայաստանի Հանրապետության  տարածքում ավտոճանապարհներն անցանելի են։
Այս մասին հաղորդագրություն է տարածել ՀՀ ներքին գործերի նախարարությունը։
Փրկարար ծառայությունը, հղում անելով Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Հայաստանի ներքին գործերի նախարարությունը մանրամասներ է հայտնել հուլիսի 6-ից ուժի մեջ մտնող վարորդական իրավունքի վկայականների վերականգնման գործընթացից:
Այս մասին ՀՀ ՆԳՆ հանրային հաղորդակցության և իրազեկման վարչությունն իրազեկող տեսանյութ է տարածել:

⚽️🌍 Մունդիալ-2026 | 1/16 եզրափակիչ (Round of 32)
🇪🇬 Եգիպտոսը հետխաղյա 11-մետրանոց հարվածաշարում հաղթեց 🇦🇺 Ավստրալիային՝ 4:2 հաշվով և նվաճեց 1/8 եզրափակչի (Round of 16) ուղեգիր։ Հիմնական և լրացուցիչ ժամանակներն ավարտվեցին 1:1 հաշվով։ Եգիպտոսը բացեց հաշիվը առաջին խաղակեսում, իսկ Ավստրալիան 55-րդ րոպեին հավասարեցրեց այն՝ ստիպելով մրցակցին գրավել սեփական դարպասը։ Հարվածաշարում ավելի դիպուկ գտնվեցին եգիպտացիները։
🇦🇷 Աշխարհի գործող չեմպիոն Արգենտինան միայն լրացուցիչ ժամանակում կարողացավ կոտրել 🇨🇻 Կաբո Վերդեի դիմադրությունը՝ հաղթելով 3:2 հաշվով և դուրս գալով 1/8 եզրափակիչ (Round of 16)։ Լիոնել Մեսսին բացեց հաշիվը, Դերոյ Դուարտեն հավասարեցրեց այն, իսկ լրացուցիչ ժամանակում Լիսանդրո Մարտինեսը կրկին առաջ մղեց արգենտինացիներին։ Սիդնի Լոպես Կաբրալը նորից վերականգնեց հավասարակշռությունը, սակայն 111-րդ րոպեին Դինեյ Բորգեսի ինքնագոլը հաղթանակ պարգևեց Արգենտինային։

Հայաստանի Հանրապետության պաշտպանության նախարար Սուրեն Պապիկյանը հանդիպել և զրուցել է 25-օրյա վարժական հավաքի մասնակիցների հետ։

Դիվանագիտության ներկայիս վերափոխումը վերաիմաստավորվում է նաև ներկայացվածության և առաջնորդության մասին ընդհանուր պատկերացումները և որքան բազմազան են արտաքին քաղաքականության ձևավորման գործընթացներում ներգրավված ձայներն ու փորձառությունը, այնքան ամբողջական և արդյունավետ են կայացվող որոշումները, հանրային վստահությունը և միջազգային համագործակցության արդյունքները։
Այդ կարծիքը Կանանց դիվանագիտության միջազգային օրվա առթիվ կազմակերպված և «Դիվանագիտությունը բոլորի համար՝ ընդլայնելով սահմանները, ներկայացվածությունն ու ազդեցությունը» խորագիրը կրող միջոցառման ժամանակ հայտնեց ՀՀ ԱԳ փոխնախարար Ռոբերտ Աբիսողոմոնյանը։

«Կանանց լիարժեք մասնակցությունը դիվանագիտությանն ու հանրային կառավարմանը վաղուց արդեն միայն հավասարության խնդիր չէ։ Այն  դարձել է որակյալ որոշումների կայացման, կենսունակ ինստիտուտների և արդյունավետ դիվանագիտության կարևոր նախապայման։ Վերջին տարիներին ՀՀ-ն հետևողականորեն առաջընթաց է գրանցում այս ուղղությամբ։ Աճել է կանանց ներգրավվածությունը ԱԺ-ում, պետական կառավարման համակարգում, դիվանագիտական ծառայությունում։ Ավելի ու ավելի շատ կանայք են ղեկավարում պետական կառույցներ, մասնակցում միջազգային բանակցություններին, ներկայացնում ՀՀ-ն միջազգային կազմակերպություններում՝ նշանակալի ներդրում ունենալով մեր երկրի արտաքին քաղաքականության ձևավորման և իրականացման գործում»,- ասաց Աբիսողոմոնյանը։

ՄԱՆՐԱՄԱՍՆԵՐ

Եվրոպական միության ընդլայնման հարցերով եվրահանձնակատար Մարթա Կոսը հայտարարել է, որ Երևանում, Բաքվում և Անկարայում անցկացված բարձր մակարդակի բանակցությունները տարածաշրջանային փոխկապակցվածության զարգացման շուրջ համագործակցությունը նոր փուլ են բարձրացրել։
Այս մասին Մարթա Կոսը նշել է X-ի իր միկրոբլոգում գրառման մեջ:

«Ես հենց նոր եմ վերադարձել Թուրքիայից, Ադրբեջանից և Հայաստանից, որտեղ մենք փոխկապակցվածության զարգացման ուղղությամբ մեր աշխատանքը տեղափոխեցինք հաջորդ փուլ։ Սա կարող է նպաստել Հարավային Կովկասում երկարատև խաղաղության հաստատմանը՝ միաժամանակ դիվերսիֆիկացնելով Եվրոպայի և Ասիայի միջև առևտրային և էներգետիկ երթուղիները»,-իր գրառման մեջ նշել է Մարթա Կոսը։

Հայաստանում Եվրոպական միության դիտորդական առաքելությունը շարունակում է շուրջօրյա պարեկություն իրականացնել Հայաստանի սահմանամերձ շրջաններում:
Այս մասին ասված է ԵՄ դիտորդական առաքելության X-ի միկրոբլոգում։

«Հայաստանում Եվրոպական միության դիտորդական առաքելությունը մաղթում է ձեզ հիանալի հանգստյան օրեր: Մենք շարունակում ենք շուրջօրյա պարեկություն իրականացնել սահմանամերձ շրջաններում»,-ասված է գրառման մեջ: