Category: Armen Press

Վազորդ Երվանդ Մկրտչյանը ոսկե մեդալ է նվաճել Բալկանյան երկրների աթլետիկայի առաջնությունում

Սահմանադրական դատարանի երկու դատավոր չեն մասնակցի հունիսի 7-ին Հայաստանում կայացած խորհրդարանական ընտրությունների արդյունքների վիճարկման վերաբերյալ դիմումների քննությանը։
Սահմանադրական դատարանը, քննելով «Նոր ուժ» կուսակցության դիմումը, որոշել է, որ ՍԴ դատավորներ Արտակ Զեյնալյանն ու Վլադիմիր Վարդանյանը չեն կարող մասնակցել գործի քննությանը, քանի որ նրանք կանխակալ վերաբերմունք ունեն որպես կողմ հանդես եկող անձի, նրա ներկայացուցչի, դատավարության այլ մասնակիցների նկատմամբ:
Սահմանադրական դատարանը նաև որոշել է գործով որպես երրորդ անձ ներգրավել «Քաղաքացիական պայմանագիր» կուսակցությանը։

Երևանի մի շարք վարչական շրջաններում մեկնարկել են մանկապարտեզների նոր շենքերի կառուցման աշխատանքներ։ 
Երևանի քաղաքապետարանի հունիսի 22-ի գործակարգավարական նիստում Շինարարության և բարեկարգման վարչության պետի ժամանակավոր պաշտոնակատար Անդրանիկ Թևոսյանը տեղեկացրել է, որ մասնավորապես Նոր Խարբերդ թաղամասում մեկնարկել են մսուր-մանկապարտեզի նոր շենքի կառուցման աշխատանքները։
«Մանկապարտեզն ունենալու է 6 խումբ։ Տանիքում տեղադրվելու է 20 կիլովատ հզորությամբ արևային ֆոտովոլտային համակարգ, արևային ջրատաքացուցիչ, կառուցվելու է նոր կաթսայատուն, տեղադրվելու է ջեռուցման համակարգ։ Շենքն ամբողջությամբ համալրվելու է հակահրդեհային, ջրամատակարարման, ներքին կոյուղու, անձրևաջրերի հեռացման ցանցով, օդափոխության, տեսահսկման համակարգերով»,-ներկայացրել է Թևոսյանը՝ հավելելով, որ բակի բարեկարգման շրջանակներում էլ տարածքը կկանաչապատվի,  կկառուցվեն խաղահրապարակ,  շվաքարան-տաղավարներ, ինչպես նաև կանցկացվի արտաքին լուսավորության ցանց։
Մեկնարկել են նաև Արաբկիր վարչական շրջանի համար  124 և Ավանի մսուր-մանկապարտեզի նոր շենքերի կառուցման աշխատանքները՝ կառուցվել են դրանց հիմքերն ու նկուղների երկաթբետոնե կառուցվածքները, իսկ այժմ իրականացվում է  վերգետնյա հարկերի երկաթբետոնե կոնստրուկցիաների կառուցումը։
Թևոսյանի տեղեկատվությամբ՝ «Կորեայի ձոր»-ի հատվածում էլ մանկապարտեզի նոր կառուցման ու բակի բարեկարգման նախագծահաշվարկային փաստաթղթերի կազմման աշխատանքները շուտով կավարտվեն և կներկայացվեն համապատասխան փորձաքննությունների։

Հայաստանի Հանրապետության հակակոռուպցիոն կոմիտեն նոր ձայնագրություններ և հաղորդագրություն է հրապարակել, ըստ որոնց «Հայաստան» կուսակցությունների դաշինքի պատգամավորի թեկնածունները  Շիրակի մարզի մի խումբ բնակիչների տվել են տարբեր չափերի ընտրակաշառք։

«ՀՀ հակակոռուպցիոն կոմիտեի և ՀՀ ազգային անվտանգության ծառայության կողմից իրականացված միջոցառումների հիման վրա Հակակոռուպցիոն կոմիտեում նախաձեռնված վարույթով փաստական տվյալներ են ստացվել այն մասին, որ «Հայաստան» կուսակցությունների դաշինքի պատգամավորի թեկնածունները նույն դաշինքի համակիրների և այլ անձանց հետ Ազգային ժողովի ընտրություններին հիշյալ դաշինքի օգտին քվեարկելու, ինչպես նաև ընտրակաշառքի դիմաց նշված դաշինքի օգտին քվեարկելու պատրաստակամ անձինք հավաքագրելու պայմանով Շիրակի մարզի մի շարք բնակիչների տվել են տարբեր չափերի ընտրակաշառք»,– «Արմենպրես»-ի փոխանցմամբ՝ նշված է Կոմիտեի տարածած հաղորդագրության մեջ։ 

Դեպքի առթիվ ՀՀ հակակոռուպցիոն կոմիտեում նախաձեռնված քրեական վարույթով ձերբակալվել են մի շարք անձինք, կատարվել են խուզարկություններ և վարութային այլ գործողություններ։

«Տելեկոմ Արմենիա» և «Ազերտելեկոմ» ընկերությունները ստորագրել են երկկողմ համաձայնագիր, որը նախատեսում է երկու երկրների տարածքներով տարանցիկ ինտերնետի փոխանցում և մատակարարում՝ կոմերցիոն հիմունքներով։
Համաձայնագրի շրջանակում «Տելեկոմ Արմենիան», հանդիսանալով տարածաշրջանում առաջատար տարանցիկ օպերատոր, ընդլայնում է միջազգային ինտերնետային տրաֆիկի մատակարարման երկրների թիվը և աշխարհագրությունը՝ ապահովելով տարանցումը սեփական ենթակառուցվածքների միջոցով դեպի Ադրբեջան։
Համաձայնագիրը նպատակ ունի նպաստելու տարածաշրջանում կապուղիների դիվերսիֆիկացմանը, հեռահաղորդակցության ցանցերի հուսալիության բարձրացմանը և տելեկոմ ոլորտում համագործակցության զարգացմանը։

Հայաստանի տարածքային կառավարման և ենթակառուցվածքների նախարարի տեղակալ Ասատուր Վարդանյանը հանդիպել է ընդերքօգտագործող ընկերությունների ներկայացուցիչների հետ։
Հանդիպման նպատակն ընդերքօգտագործող ընկերությունների ներկայացուցիչների հետ հանքավայրերի շահագործվող տեղամասերի կամ արտադրական տարածքի փոշեառաջացման հիմնական աղբյուրների (ներառյալ հորատում, պայթեցում, բեռնավորում, մանրացում, փոխադրում, բեռնաթափում և այլ գործընթացներ) չեզոքացման նպատակով փոշեճնշիչ կամ մշուշացնող սարքավորումների կիրառման վերաբերյալ քննարկումն էր։

Երևանի «Ոսկե ծիրան» 23-րդ միջազգային կինոփառատոնը ներկայացրել է միջազգային մրցույթի ժյուրիի ամբողջական կազմը
ժյուրիի նախագահն է Ջեսիկա Հաուսները, որը ժամանակակից ավստրիական կինոյի առաջատար դեմքերից է։ Նրա ֆիլմերի պրեմիերաները կայացել են Կաննում և Վենետիկում՝ արժանանալով լայն ճանաչման ժանրային կինոյում նորարարական մոտեցման համար:
Մարկ Քազընսն իռլանդա-շոտլանդացի կինոպատմաբան և ռեժիսոր է, որի «Կինոյի պատմությունը. ոդիսական» վավերագրական սերիալը դարձել է ժամանակակից կինոքննադատության հիմնարար գործերից մեկը: Նա հեղինակել է բազմաթիվ գրքեր և վավերագրական ֆիլմեր:
Նաուել Պերես Բիսկայարտն արգենտինացի դերասան է, առավել հայտնի է Ռոբեն Կամպիյոյի ֆրանսիական «Րոպեում 120 հարված» ֆիլմում (2017) գլխավոր դերակատարմամբ, ինչի համար արժանացել է «Սեզար» և «Լյումիեր» մրցանակների:
Մարկ Պերանսոնը կանադացի գրող, պրոդյուսեր և երկարամյա կինոհամադրող է։ Եղել է Բեռլինալեի և Լոկառնոյի կինոփառատոնի ծրագրերի ղեկավար, իսկ կինոյի մասին նրա հոդվածները տպագրվել են Sight and Sound, Film Comment, Cahiers du Cinéma և այլ հեղինակավոր պարբերականներում:
Շերմին Լանգհոֆը գերմանա-թուրքական թատերական պրոդյուսեր է։ 2013-ից ի վեր Բեռլինի Գորկու թատրոնի գեղարվեստական ղեկավարն է: Նրա ղեկավարությամբ թատրոնը Գերմանիայում երկու անգամ ճանաչվել է «Տարվա թատրոն» և արժանացել բազմաթիվ մրցանակների:
Երևանի «Ոսկե ծիրան» 23-րդ միջազգային կինոփառատոնը կանցկացվի հուլիսի 12-19-ը։ Այս տարի ևս կինոփառատոնը կներկայացնի մրցութային և արտամրցութային ծրագրեր աշխարհի տարբեր երկրներից, ինչպես նաև ֆիլմեր հեղինակավոր միջազգային կինոփառատոններից՝ ներառյալ Կաննը, Բեռլինը և այլ առաջատար կինոհարթակներ։

Հողամասի մակերեսը՝ 0,21027 հա
Մեկնարկային գինը՝ 11 765 700 դր
Մեկնարկը՝ 14.07.2026 թ., ժամը՝ 11:40
Մանրամասները՝  https://www.e-auctions.am/lot-inner/3041
28. Վաճառվում են Կոտայքի մարզ, ք․ Բյուրեղավան, Սամվել Վարդանյան փողոց 2/1 հասցեում գտնվող շինություն և հողամաս։
Ընդհանուր մակերեսը՝ 80․37 քմ
Հողամասի մակերեսը՝ 0․009656 հա
Մեկնարկային գինը՝ 13 430 000 դր
Մեկնարկը՝ 14.07.2026 թ., ժամը՝ 11:45
Մանրամասները՝  https://www.e-auctions.am/lot-inner/3051
 29. Վաճառվում են Արմավիրի մարզ, համայնք Արմավիր, գ․ Արաքս
հասցեում գտնվող պահեստներ և հողամաս։
Ընդհանուր մակերեսը՝ 1488,6 քմ
Հողամասի մակերեսը՝ 0,96371 հա
Մեկնարկային գինը՝ 31 705 000 դր
Մեկնարկը՝ 14.07.2026 թ., ժամը՝ 11:55
Մանրամասները՝ https://www.e-auctions.am/lot-inner/3052
Հետաքրքրված անձինք կամ կազմակերպությունները կարող են մասնակցել պետական գույքի օտարման գործընթացին՝ հավասար, թափանցիկ և հասանելի պայմաններով։ 
Մանրամասների համար զանգահարել +374 11 52 39 86 հեռախոսահամարին։

Հայաստանի ներքին գործերի նախարարության սեյսմիկ պաշտպանության տարածքային ծառայության սեյսմոլոգիական ցանցի կողմից հունիսի 22-ին տեղական ժամանակով ժամը 09:03-ին (Գրինվիչի ժամանակով` ժամը 05։03-ին)  գրանցվել է հյուսիսային լայնության 40.98⁰ և արևելյան երկայնության 44․96⁰ աշխարհագրական կոորդինատներով Հայաստան՝ Իջևան քաղաքից 20 կմ հյուսիս-արևմուտք, օջախի 10 կմ խորությամբ 2․1 մագնիտուդով երկրաշարժ։
Էպիկենտրոնային գոտում ստորգետնյա ցնցման ուժգնությունը կազմել է 2-3 բալ:
Երկրաշարժը զգացվել է Տավուշի մարզի Իջևան և Նոյեմբերյան քաղաքներում, ինչպես նաև Կողբ, Աչաջուր և Ոսկեպար գյուղերում՝ 2-3 բալ ուժգնությամբ:

⚽️🌍 Մունդիալ-2026
🇧🇪 Բելգիան և 🇮🇷 Իրանը G խմբի երկրորդ տուրում չկարողացան որոշել հաղթողին՝ ավարտելով հանդիպումը 0:0 հաշվով։ Սա երկու հավաքականների երկրորդ անընդմեջ ոչ-ոքին է մրցաշարում։ Խմբի առաջատարը 4 միավորով 🇪🇬 Եգիպտոսն է, իսկ Իրանն ու Բելգիան ունեն 2-ական միավոր։ 🇳🇿 Նոր Զելանդիայի ակտիվում 1 միավոր է։
🇺🇾 Ուրուգվայը նույնպես չկարողացավ հաղթել 🇨🇻 Կաբո Վերդեին՝ խաղալով 2:2 հաշվով։ Մրցաշարի գլխավոր բացահայտումներից մեկը համարվող Կաբո Վերդեն երկրորդ խաղում անընդմեջ միավորներ խլեց ավելի ուժեղ մրցակցից։ Ուրուգվայի կազմում աչքի ընկան Մաքսիմիլիանո Արաուխոն և Ագուստին Կանոբիոն, իսկ Կաբո Վերդեի գոլերի հեղինակներն էին Քևին Պինան և Հեյլո Վարելան։
🇪🇬 Եգիպտոսը տոնեց իր առաջին հաղթանակը այս աշխարհի առաջնությունում՝ 3:1 հաշվով առավելության հասնելով 🇳🇿 Նոր Զելանդիայի նկատմամբ։ Եգիպտացիների գոլերը խփեցին Մուստաֆա Զիկոն, Մուհամեդ Սալահն ու Տրեզեգուտը, իսկ Նոր Զելանդիայի միակ գոլը հեղինակեց Ֆին Սուրմանը։
📊 G խումբ՝
🇪🇬 Եգիպտոս — 4 միավոր
🇮🇷 Իրան — 2 միավոր
🇧🇪 Բելգիա — 2 միավոր
🇳🇿 Նոր Զելանդիա — 1 միավոր