Category: Armen Press

Մերձավոր Արևելքում պատերազմը կարելի է դադարեցնել, եթե «ագրեսորին» կանգնեցնեն. ՄԱԿ-ի Անվտանգության խորհուրդը պետք է գործողություններ ձեռնարկի: «Արմենպրես»-ի փոխանցմամբ՝ այս մասին հայտարարել է Իրանի արտգործնախարարության պաշտոնական ներկայացուցիչ Էսմայիլ Բաղային ճեպազրույցի ժամանակ։

«Պատերազմը դադարեցնելու ճանապարհն այն է, որ նրանք պետք է ագրեսորին կանգնեցնեն։ ՄԱԿ-ի Անվտանգության խորհուրդը պարտավորություն ունի. եթե ցանկանա, ապա կարող է դա անել», — Բաղայիի խոսքը մեջբերել է Fars գործակալությունը։

Պաշտոնյան հայտարարել է, որ համաշխարհային հանրությունը պետք է համապատասխան որոշում ընդունի՝ «նախքան այլ վայրեր պատերազմի տարածվելը», և ստիպի կողմերին, «որոնք իրականացրել են ագրեսիան», դադարեցնել այն։

Ավիահարվածի հետևանքով վնասվել են այն շենքերը, որոնց միջոցով մուտք է ապահովվում Իրանի Նաթանզի միջուկային նյութերի հարստացման ստորգետնյա ձեռնարկություն։ «Արմենպրես»-ի փոխանցմամբ՝ այս մասին հաղորդել է Ատոմային էներգիայի միջազգային գործակալությունը (ԱԷՄԳ):

«Վերջին հասանելի արբանյակային լուսանկարների հիման վրա ԱԷՄԳ-ն կարող է հաստատել, որ վերջերս վնասվել են Իրանի Նաթանզի վառելիքի հարստացման ստորգետնյա գործարանի մուտքի կառույցները», — ասվում է X-ում ԱԷՄԳ հաղորդագրության մեջ։

Գործակալությունը հավելում է, որ 2025 թվականի հունիսի հակամարտության ընթացքում ԱՄՆ-ի հարվածներից տուժած գործարանը նոր հարվածներից լրացուցիչ վնասներ չի ստացել, ռադիոլոգիական հետևանքներ չեն սպասվում։

Օմանի արևելքում գտնվող Դուքմի առևտրային նավահանգստում մի քանի անօդաչու թռչող սարքի կողմից գրոհի են ենթարկվել վառելիքի պահեստարանները: «Արմենպրես»-ի փոխանցմամբ՝ այս մասին հաղորդել է Օմանի լրատվական գործակալությունը:
Սուլթանության անվտանգության ծառայության աղբյուրի տվյալներով՝ պահեստարաններից մեկը խոցվել է ԱԹՍ-ի կողմից: Հարձակումից վնասը հաջողվել է տեղայնացնել, զոհեր և տուժածներ չկան:
Դուքմի նավահանգիստը կարևոր մատակարարման ուղի է ԱՄՆ ռազմածովային ուժերի «Աբրահամ Լինքոլն» ավիակրի համար, որը գործում է Արաբական ծովում։

Շուրջ 600 հազար քաղաքացու կենսաթոշակները բարձրանալու են ուղիղ 10 000 դրամով
https://youtu.be/YwdF-zd9zSM

Հայաստանի Հանրապետության վարչապետ Նիկոլ Փաշինյանը շնորհավորական ուղերձ է հղել Բուլղարիայի Հանրապետության վարչապետ Անդրեյ Գյուրովին ազգային տոնի՝ Ազատագրման օրվա առթիվ:
ՀՀ վարչապետի աշխատակազմի հրապարակած շնորհավորական ուղերձում, մասնավորապես, ասված է.

«Հայաստանի Հանրապետության կառավարության և անձամբ իմ անունից ջերմորեն շնորհավորում եմ Բուլղարիայի Հանրապետության ազգային տոնի՝ Ազատագրման օրվա առիթով:
Հայաստանը կարևորում է փոխադարձ վստահության և ընդհանուր արժեքների վրա հիմնված մեր երկկողմ հարաբերությունների շարունակական զարգացումը։
Ուրախությամբ եմ արձանագրում, որ մեր բարեկամ երկրների միջև առկա փոխշահավետ գործընկերության բնականոն խորացումն ու ընդլայնումն ամուր հիմքեր են ստեղծել երկկողմ հարաբերությունները որակապես նոր մակարդակի բարձրացնելու համար՝ ի նպաստ մեր պետությունների բարօրության:
Բուլղարիան Հայաստանի հուսալի գործընկերն է Եվրոպական միությունում, ժողովրդավարական բարեփոխումների, փոխկապակցվածության և տնտեսական զարգացման ակտիվ աջակիցը, և մենք հետաքրքրված ենք առավել խորացնելու մեր փոխգործակցությունն այս հարթակում:
Մաղթում եմ Ձեզ ամենայն բարիք և հաջողություն, իսկ Բուլղարիայի բարեկամ ժողովրդին՝ խաղաղություն և առաջընթաց»:

Վարչապետն ԱՍՀ նախարար Արսեն Թորոսյանի հետ քննարկում է թոշակների բարձրացման հարցը
https://youtu.be/RSAm8ZQc8J0

Իրանի Շիրազ և Սպահան քաղաքներում, որոնք գտնվում են երկրի հարավային և կենտրոնական մասերում, մի քանի պայթյուն է տեղի ունեցել: «Արմենպրես»-ի փոխանցմամբ՝ այս մասին հաղորդում է Mehr գործակալությունը:
Պայթյունների ստույգ վայրի և ավերածությունների մասին տեղեկատվություն գործակալությունը չի հաղորդել։

Իսրայելի վարչապետ Բենիամին Նեթանյահուն հայտարարել է, որ Իրանի դեմ Իսրայելի և ԱՄՆ-ի ռազմական գործողությունն անհրաժեշտ էր, քանի որ Իրանը ցանկանում էր ոչնչացնել Միացյալ Նահանգները և զարգացնում էր իր բալիստիկ հրթիռների և միջուկային զենքի ծրագրերը։ «Արմենպրես»-ի փոխանցմամբ՝ այս մասին նա ասել է Fox News հեռուստաալիքի հետ հարցազրույցում:

«Այս վարչակարգի նպատակն է Միացյալ Նահանգների ոչնչացումը, և դա մոլորակի վրա միակ երկիրն է, որ բացահայտ ասում է այդ մասին ու քրտնաջան աշխատում այդ նպատակին հասնելու համար։ Պատճառը, որ մենք պետք է գործեինք հիմա, այն է, որ նրանց միջուկային օբյեկտներին և նրանց բալիստիկ հրթիռների ծրագրին հարված հասցնելուց հետո կարելի էր կարծել, թե նրանք կսերտեն դասը, բայց այդպես չեղավ…. Նրանք սկսեցին նոր օբյեկտներ, նոր վայրեր, ստորգետնյա բունկերներ կառուցել իրենց բալիստիկ հրթիռների և ատոմային ռումբի ստեղծման ծրագիրը մի քանի ամսվա ընթացքում անխոցելի դարձնելու համար», — ասել է Նեթանյահուն։

Նա նաև նշել է, որ ԱՄՆ-ի հետ համատեղ ռազմական գործողությունն Իրանի դեմ չի կարող վերածվել հերթական երկարատև պատերազմի։

«Այդ պատերազմն անվերջ չի լինի։ Դա կլինի արագ և վճռական գործողություն», — նշել է Իսրայելի կառավարության ղեկավարը:

⚡️Հայաստանի վարչապետ Նիկոլ Փաշինյանը մարտի 3-4-ն աշխատանքային այցով կմեկնի Վրաստան։