Category: Armen Press

Արաբագետ, քաղաքական վերլուծաբան Արմեն Պետրոսյանի կարծիքով՝ պաղեստինաիսրայելական կոնֆլիկտի կարգավորման գործընթացը դեկլարատիվ հարթությունից այն կողմ, մեծ հաշվով, չի տեղափոխվել։
«Արմենպրես»-ի հետ զրույցում արաբագետ, քաղաքական վերլուծաբան Արմեն Պետրոսյանն անդրադարձավ պաղեստինաիսրայելական հակամարտության հանգուցալուծման հեռանկարին և այդ համատեքստում Գազայում ներկա պահին տիրող իրավիճակին։

«Իսրայելն իր գործողությունները ներկայացնում է որպես ահաբեկչության դեմ պայքար, բայց իրականում փորձում է լուծել իր ռազմավարական խնդիրները։ Եթե կար պայմանավորվածություն, որ աստիճանաբար Իսրայելը պետք է դուրս բերեր իր զորքերը Գազայի հատվածից, այդ պայմանավորվածությունը ևս չի գործում։ Ավելին, Իսրայելն աստիճանաբար խորացնում է իր ներկայությունն այնտեղ և այս պահին վերահսկում է Գազայի տարածքի 64 տոկոսը, իսկ առաջիկա պլաններում, ըստ Նեթանյահուի հայտարարությունների, ծրագրված է վերահսկողություն հաստատել Գազայի հատվածի 74 տոկոսի վրա»,- ասաց Պետրոսյանը։

«Ուժեղ Հայաստան»-ի պատգամավորի թեկնածու Աշոտ Եղիազարյանը կալանավորվել է 100-ից ավելի ընտրողի ընտրակաշառք տալու համար

Ազգային ժողովի նախկին պատգամավոր Ռուբեն Հակոբյանը հայտնել է, որ իրավապահները ցանկանում են իրեն ձերբակալել։
Ռուբեն Հակոբյանն այդ մասին հայտնել է «Ֆեյսբուք»-ի իր էջում կատարած գրառման միջոցով։
Քննչական կոմիտեից «Արմենպրես»-ին հայտնեցին, որ Ռուբեն Հակոբյանը ձերբակալվում է Քննչական կոմիտեում քննվող քրեական վարույթի շրջանակներում։

Քրոնիկ հեպատիտ Ց-ն վերջին տարիներին բավականին լուրջ խնդիր է ինչպես ամբողջ աշխարհում, այնպես էլ Հայաստանում: Հիվանդության տարածումը կանխարգելելու և բուժելու նպատակով Ինֆեկցիոն հիվանդությունների ազգային կենտրոնն իրականացնում է լայնամասշտաբ նախագիծ, որի շրջանակում կենտրոնում այսուհետ հեպատիտ Ց-ն բուժվում է ամբողջությամբ անվճար, այդ թվում՝ բժշկի խորհրդատվությունը, անհրաժեշտ լաբորատոր և գործիքային հետազոտությունները և դեղորայքը:
Նախկինում անվճար տրամադրվում էր միայն դեղորայքը, իսկ նախորդող գործընթացները վճարովի էին:
«Արմենպրես»-ի հետ զրույցում  ԻՀԱԿ մեծահասակների բաժանմունքի վարիչ, բժիշկ-վարակաբան Ռիմա Այվազյանը նշեց, որ ըստ ԱՀԿ-ի տվյալների՝  մոտ 47-ից 50 միլիոն մարդ ամբողջ աշխարհում ունի քրոնիկ վիրուսային հեպատիտ և տարեկան մոտ 1 միլիոն մարդ մահանում է հենց քրոնիկ վիրուսային հեպատիտով պայմանավորված բարդություններից, ինչպիսիք են հեպատոցիալիլուլյար կարտցինոմը և լյարդի ցիրոզը:

Միացյալ Նահանգների նախագահ Դոնալդ Թրամփի հատուկ բանագնաց Սթիվեն Ուիթքոֆը փակ ճեպազրույցի ընթացքում ամերիկացի օրենսդիրներին հայտնել է, որ Իրանը կհրավիրի ՄԱԿ-ի միջուկային վերահսկող մարմնին՝ ստուգումներ իրականացնելու իր միջուկային օբյեկտներում և սկսելու Թեհրանի հարստացված միջուկային նյութերի տեղակայման վայրերի բացահայտման ու նույնականացման աշխատանքները։
Այս մասին Associated Press-ին հայտնել են զրույցի մանրամասներին ծանոթ երկու աղբյուր։
Ուիթքոֆը Կոնգրեսի ղեկավարությանը և ազգային անվտանգության հարցերով զբաղվող հանձնաժողովների անդամներին ասել է, որ ԱՄՆ-ի և Իրանի միջև ձեռք բերված փոխըմբռնման հուշագիրը չի պարունակում որևէ գաղտնի կամ լրացուցիչ պայմանավորվածություն։ Սակայն, ըստ նրա, Թեհրանի և Ատոմային էներգիայի միջազգային գործակալության միջև կազմվել է առանձին ուղեկցող նամակ, որով Իրանը պաշտոնապես հրավիրում է գործակալությանը։
Ըստ աղբյուրների՝ Ուիթքոֆը ճեպազրույցի ընթացքում բացահայտել է այդ նամակի և հրավերի գոյությունը։
Նա նաև նշել է, որ Ատոմային էներգիայի միջազգային գործակալության ղեկավար Ռաֆայել Գրոսիին հասցեագրված նամակը հնարավորություն կտա գործակալության ղեկավարին Թեհրան բերել նաև ամերիկացի միջուկային տեսուչների։

🇨🇭🇧🇦 Մունդիալ-2026. Շվեյցարիան վստահ հաղթեց Բոսնիա և Հերցեգովինային
B խմբի երկրորդ տուրի խաղում Շվեյցարիայի հավաքականը 4:1 հաշվով առավելության հասավ Բոսնիա և Հերցեգովինայի նկատմամբ։
Շվեյցարացիների կազմում դուբլի հեղինակ դարձավ Յոհան Մանզաբին, մեկական գոլ խփեցին Ռուբեն Վարգասն ու Գրանիտ Ջական։ Բոսնիա և Հերցեգովինայի միակ գոլը խփեց Էրմին Մահմիչը։
Երկու տուրից հետո Շվեյցարիան և Կանադան ունեն 4-ական միավոր։ Կատարն ու Բոսնիա և Հերցեգովինան վաստակել են 1-ական միավոր։
🇨🇦🇶🇦 Մունդիալ-2026. Կանադան ջախջախեց Կատարին
B խմբի երկրորդ տուրի խաղում Կանադայի հավաքականը 6:0 հաշվով հաղթեց Կատարին։
Կանադացիների կազմում հեթ-տրիկ ձևակերպեց Ջոնաթան Դեյվիդը։ Մեկական անգամ աչքի ընկան Նաթան Սալիբան և Քայլ Լարինը։ Կատարի կազմում ինքնագոլի հեղինակ դարձավ Մոհամեդ Ալ-Մանայը։
🇲🇽🇰🇷 Մունդիալ-2026. Մեքսիկան առաջինը դուրս եկավ 1/32 եզրափակիչ
A խմբի երկրորդ տուրի խաղում Մեքսիկայի հավաքականը 1:0 հաշվով հաղթեց Կորեային և դարձավ աշխարհի առաջնության 1/32 եզրափակիչի առաջին մասնակիցը։
Հանդիպման միակ գոլը խփեց Լուիս Ռոմոն։
Առաջին երկու տուրերում տարած հաղթանակների շնորհիվ Մեքսիկան 6 միավորով գլխավորում է խմբի մրցաշարային աղյուսակը։ Կորեան ունի 3 միավոր, իսկ Չեխիան և Հարավաֆրիկյան Հանրապետությունը՝ 1-ական միավոր։

Հայաստանի ֆուտբոլի ֆեդերացիայի փոխնախագահ Արմեն Նիկողոսյանը հեռացել է զբաղեցրած պաշտոնից:

Վարչապետ Նիկոլ Փաշինյանն այցելել է «Մերիդիան» էքսպո կենտրոն՝ ծանոթացել Հայաստանում այս տարվա հոկտեմբերին կայանալիք Կենսաբազմազանության մասին կոնվենցիայի կողմերի 17-րդ համաժողովի (COP17) նախապատրաստական աշխատանքների ընթացքին:
Շրջակա միջավայրի նախարար Համբարձում Մաթևոսյանը վարչապետին է ներկայացրել կենտրոնում իրականացվող շինարարարական աշխատանքները, ստեղծվող պայմաններն ու տեխնիկական հնարավորությունները:
Նիկոլ Փաշինյանին զեկուցվել են ենթակառուցվածքների և ծառայությունների մատչելիությունն ու համապատասխանությունն ապահովելու, ինչպես նաև համաժողովի անցկացման համար անհրաժեշտ ենթակառուցվածքների ձևավորման աշխատանքները։
Վարչապետն ընդգծել է COP17-ը բարձր մակարդակով կազմակերպելու և անցկացնելու կարևորությունը և որոշ հարցերի հետ կապված տվել համապատասխան հանձնարարականներ։

Հայաստանի բռնցքամարտի տղամարդկանց թիմի  անդամ Դավիթ Չալոյանը առնվազն բրոնզե մեդալ է ապահովել Չեխիայում ընթացող Եվրոպայի գավաթի գրան պրիում:
Աշխարհի առաջնության բրոնզե մեդալակիրը 1/4 եզրափակիչում վստահ հաղթանակ է տոնել գերմանացի Դելիլ Յազգանի նկատմամբ: Չալոյանը բոլոր ռաունդներում ուներ նկատելի առավելություն ու հաղթեց մրցավարների միաձայն որոշմամբ:
Չալոյանը կիսաեզրափակիչում է ու եզրափակչի ուղեգրի համար կմրցի անգլիացի Աչուշին Քլինթոնի հետ, որը 1/4 եզրափակիչում հաղթել էր Փարիզի Օլիմպիական խաղերի մրցանակակիր Աբոուդո Ջամիլին:

HIF Yerevan 2026-ում Գրին Ռոքը ներկայացրել է Դիլիջանի զարգացման համապարփակ մոդելը