Category: Hetq

Սամվել Կարապետյանն ընտրվել է «Ուժեղ Հայաստան» կուսակցության նախագահ
Այսօր՝ փետրվարի 11-ին, տեղի ունեցավ «Ուժեղ Հայաստան» կուսակցության համագումարը։ Կուսակցության նախագահ ընտրվեց ռուսաստանաբնակ հայ միլիարդատեր Սամվել Կարապետյանը։ Այս մասին տեղեկացրեց «Մեր ձևով» շարժման՝ ԶԼՄ-ների հետ կապերի պատասխանատու Մարիաննա Ղահրամանյանը։
«Վաղը՝ փետրվարի 12-ին, 13։00-ին Կարեն Դեմիրճյանի անվան մարզահամերգային համալիրում տեղի կունենա կուսակցության պաշտոնական շնորհանդեսը, որի ժամանակ կհայտարարվի կուսակցության վարչապետի թեկնածուի անունը»,- գրել է Ղահրամանյանը։

Ավագանու ցուցակում ընդգրկված և նույն դաշինքի աջակիցները խոչընդոտել են մի շարք անձանց ընտրական իրավունքի ազատ իրականացմանը ▫️
6 անձ ձերբակավել է՝ կալանքը որպես խափանման միջոց կիրառելու նպատակով դատարան ներկայացնելու համար: ▫️ https://hetq.am/hy/article/179698

Սպասվում են տեղումներ ձյան և ձնախառն անձրևի տեսքով ▫️
Օդի ջերմաստիճանը փետրվարի 11-ի ցերեկը Լոռիում, Տավուշում և Սյունիքում կնվազի 4-6 աստիճանով, 13-16-ին աստիճանաբար կբարձրանա 4-6, Լոռիում, Տավուշում և Սյունիքում՝ 8-10 աստիճանով։ ▫️ https://hetq.am/hy/article/179697

Ի՞նչ է իրականում Ռուբեն Վարդանյանն ասել Բաքվի դատական ֆարսի ընթացքում ▫️
Հրաժարվելով մասնակցել արդարադատության իմիտացիային՝ Ռուբեն Վարդանյանը խոսել է արժանապատվության, պատասխանատվության և խաղաղության մասին, որը հնարավոր է միայն հավասարների միջև։ ▫️ https://hetq.am/hy/article/179695

Էջմիածնում ձերբակալվել են «Հաղթանակ» դաշինքի համակիրները
Վաղարշապատ համայնքում այսօր ձերբակալվել է 6 անձ՝ 2025թ. հոկտեմբերի 18-ին համայնքի ավագանու արտահերթ ընտրությունների ժամանակ ընտրողներին ուղղորդելու համար: «Հետք»-ի աղբյուրների փոխանցմամբ՝ ձերբակալված անձինք «Հաղթանակ» դաշինքի աջակիցներն ու ընտրական ցուցակում ընդգրկված անձինք են:
📌 Տեղեկություններ կան, որ վերը նշված անձինք ուղղորդել են ընտրողներին, որպեսզի իրենց օգտին քվեարկեն: Քննչական կոմիտեն խուզարկություններ է իրականացրել Վաղարշապատում և ձերբակալել 6 անձի, որոնց թիվը կարող է ավելանալ: Հարուցվել են նաև քրեական հետապնդումներ:
🗣 Քննչական Կոմիտեից հայտնեցին, որ առաջիկայում հաղորդագրություն կտարածեն: Իսկ «Հաղթանակ» կուսակցությունների դաշինքի ցուցակը գլխավորող Սևակ Խաչատրյանից պարզաբանումներ ստանալ չհաջողվեց:

ԲՏԱ նախարարության համագործակցությամբ մեկնարկել է «ԵՄ-ի մոտեցումն արհեստական բանականությանը» թեմայով TAIEX աշխատաժողովը ▫️
Աշխատաժողովը նվիրված է Եվրոպական Միության արհեստական բանականության կարգավորման մոտեցմանը, վստահելի և պատասխանատու ԱԲ-ի զարգացման սկզբունքներին, ինչպես նաև ազգային կառավարման մոդելներին։ ▫️ https://hetq.am/hy/article/179693

Մարտի 1-ից ուժեղացված ստուգումներ կանցկացվեն սննդի առաքիչների մոտ
Երևանում օր օրի ավելի հաճախ ենք տեսնում սննդի առաքիչների։ Սնունդ պատվիրելը տուն կամ աշխատավայր դարձել է մարդկանց առօրյայի մի մասը։ Այդպես մարդիկ ժամանակ են խնայում, սակայն մեծանում է տարբեր վարակների տարածման հավանականությունը. նման համոզմունք ունի Սննդի անվտանգության տեսչական մարմինը (ՍԱՏՄ)։
Մարտի 1-ից ՍԱՏՄ-ն սանիտարական գրքույկի առկայության ուժեղացված ստուգումներ է իրականացնելու սննդի առաքիչների շրջանում։
📌 Տեսչական մարմնի այս որոշումը պայմանավորված է «վերջին շրջանում հանրության կողմից սննդամթերքի առաքման ծառայություններից ավելի հաճախ օգտվելու հանգամանքով» եւ արձագանք է մարդկանց մեծաթիվ բողոքներին ու ահազանգերին։

Մեղրի համայնքում 99 միավոր անշարժ գույքի նկատմամբ կճանաչվի հանրության գերակա շահ
Հյուսիս-հարավ ճանապարհային միջանցքի ներդրումային ծրագրի շրջանակներում Քաջարան-Ագարակ շուրջ 32 կմ երկարությամբ ճանապարհահատվածի կառուցումն ապահովելու համար Սյունիքի մարզի Մեղրի համայնքի մի շարք տարածքներ կճանաչվեն հանրության գերակա շահ։ Տարածքային կառավարման և ենթակառուցվածքների նախարարությունն այդ մասին որոշման նախագիծ է ներկայացրել հանրային քննարկման:
📍Նախագծով Մեղրի համայնքի Տաշտուն, Լիճք գյուղերում և Մեղրի քաղաքում հանրության գերակա շահ կճանաչվի 99 միավոր հողամաս:
📌 Որոշման նախագծում նշվում է, որ անհնար է իրագործել ծրագիրն առանց տվյալ տարածքների օտարման, քանի որ դրանք գտնվում են կառուցվող ճանապարհահատվածի և հաղորդակցուղիների սահմաններում:

ԱԺ հերթական նիստը՝ ուղիղ ▫️
Մեկնարկել է ԱԺ ութերորդ գումարման տասնմեկերորդ նստաշրջանի հերթական նիստը, որին կարող եք հետևել ուղիղ հեռարձակմամբ։ ▫️ https://hetq.am/hy/article/179690

Փոխնախագահ Վենսի ու ֆրանսիացի սպայի միջեւ իբր միջադեպ է եղել Երեւանում.❗️ կեղծ լուր, որի թիրախում Մակրոնն է
X (նախկին Twitter) սոցիալական ցանցում Ֆրանսիայի նախագահ Էմանուել Մակրոնին թիրախավորող կեղծ գրառում է հայտնվել, որը կապված է Հայաստանի հետ:
+Stornsen+ անունով օգտատերը փետրվարի 10-ին գրել է, թե իբր ԱՄՆ փոխնախագահ Ջեյ Դի Վենսի՝ Հայաստան կատարած այցի ժամանակ միջադեպ է տեղի ունեցել: «Մակրոնը ներգրավվա՞ծ է»,- խորհրդավոր ձեւով շարունակել է օգտատերը, ապա նշել, թե իբր փետրվարի 9-ին Վենսը Երեւանում զորքերի ստուգայց է կատարել (չի մանրամասնվում, թե ինչ զորքերի մասին է խոսքը), որի ժամանակ իբր երիտասարդ հայ նորակոչիկներին մարզող ֆրանսիացի հրահանգիչը հրաժարվել է սեղմել ԱՄՆ փոխնախագահի ձեռքը:
🔗 Ավելին՝ ԱՅՍՏԵՂ