Category: Hraparak.am

ԱՄՆ նախագահ Ջո Բայդենը նամակ է հղել Ադրբեջանի նախագահ Իլհամ Ալիևին, որում գոհունակություն է հայտնել Ադրբեջանի և Հայաստանի միջև խաղաղության համաձայնագրի կնքման ուղղությամբ արձանագրված առաջընթացի կապակցությամբ։ Նա ընդգծել է, որ այս պայմանագիրը կնպաստի երկու երկրների հարաբերությունների կարգավորմանը և վստահեցրել, որ Միացյալ Նահանգները պատրաստ է աջակցել արդար խաղաղության ձեռքբերմանը, որը վերջ կդնի երկարատև հակամարտությանը: Նրա խոսքերը մեջբերում են ադրբեջանական ԶԼՄ-ները:

Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ընտրության հանձնաժողովը, հիմք ընդունելով Հայաստանի Հանրապետության Վարչապետի 2023 թվականի օգոստոսի 31-ի № 882-Ա որոշման 71-րդ կետը, ՀՀ վարչապետի հաստատմանն է ներկայացրել Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների՝ ընտրության փաստաթղթային ստուգման և հարցազրույցի փուլերն անցած և առավել բարձր միավորներ հավաքած հավակնորդների նոր ցուցակը՝ հետևյալ կազմով.
1․ Գրիգորյան Վահե
2. Կարապետյան Նորա
3. Մարգարյան Աննա

Այս տարվա սեպտեմբերի 13-25-ն ընկած ժամանակահատվածում հեռախոսային հարցման մեթոդով Միջազգային հանրապետական ինստիտուտի (ՄՀԻ) Հարցումների հետազոտության
կենտրոնի նախաձեռնությամբ՝ Center for Insights in Survey Research, և ԲՐԵՎԻՍ ընկերության կողմից Հայաստանում հարցումներ են իրականացվել ամենատարբեր թեմաներով արտաքին քաղաքական հարցերից, մինչև ներքին խնդիրներ, սոցիալական հարցեր և այլն: Ընկերության հաղորդագրության մեջ ասվում Է, որ հեռախոսազանգերը կատարվել են պատահականության սկզբունքով:
Հարցմանը մասնակցելու ցուցանիշը 19% է: Հարցումներից մեկում տեղ է գտել հետևյալ հարցը «Որքանո՞վ եք գոհ կամ դժգոհ Վարչապետի աշխատակազմի աշխատանքից»:
Հարցումներին մասնակացած քաղաքացիների ավելի քան 46 տոկոսը նշել է որ գոհ է Փաշինյանի աշխատակազմից, իսկ 50 տոկոսը ճիշտ հակառակը՝ դժգոհություն է հայտնել:

Ադրբեջանի Սամուխի շրջանում երկրաշարժ է տեղի ունեցել: 3 բալ ուժգնությամբ ցնցումներ են գրանցվել Գյանջա (Գանձակ-Խմբ.) կայարանից 34 կմ հյուսիս-արևելք։
Ցնցումների օջախը գտնվել է 13 կիլոմետր խորության վրա, հայտնում է Սպուտնիկ գործակալության ադրբեջանակաբն ծառայությունը։

Օդեսայում գնդակահարել են մի շարք սկանդալներով հայտնի գործարար Գենադի Բեյբությանին։ Բացի այդ, մահացածը ղեկավարում էր մի ստորաբաժանում, որը ոստիկանների հետ միասին պարեկային ժամի ժամանակ պարեկում էր քաղաքը և մասնակցում ռեյդերներին։
Նրա դիակը հրազենային վնասվածքներով հայտնաբերվել է հոկտեմբերի 18-ին Ստարոլուստդորֆ ճանապարհին գտնվող մեքենայի մոտ։ Հետաքննությունը դիտարկում է պայմանագրային սպանության և ճանապարհին կոնֆլիկտի վարկածները, գրում է UNN-ը։

«Այսօր ես չեմ կարող քեզ դիմել «Հարգելի Խորեն Հովհաննիսյան» բառերով, քանզի դու քո կեցվածքով ու քայլերով քո անձի նկատմամբ հարգանքը հավասարեցրել ես զրոյի։ Հայկական ֆուտբոլն այլևս քայքայվում ու կործանվում է աչքի առաջ, դժգոհ են բոլորը՝ ֆուտբոլային ու մերձֆուտբոլային հանրությունը, մասնագետները, ֆան ակումբները։ Բոլորը նշում են հայկական ֆուտբոլի ղեկավարության ոչ պրոֆեսիոնալ աշխատանքը, պահանջում են մելիքբեկյանանիկողոսյանական տանդեմի ու նրանց սատելիտների հեռացումը ֆուտբոլից, բայց արի ու տես ձայնը տրվում է հայկական ֆուտբոլի «լեգենդ» Խորիկին, ու դու Խորիկ, սկսում ես մատրոսովյան ոճով՝ կրծքով պաշտպանել թյուրիմացաբար ՀՖՖ նախագահի աթոռին տիրացած ոչնչությանը։
Շարունակությունը՝ https://hraparak.am/post/ec38b57d86bdc9180635cd2a9c00bd5c

Այսօր՝ հոկտեմբերի 20-ին, Արմավիրի մարզի Ֆերիկ համայնքում համայնքի ղեկավարի մեծամասնական ընտրակարգով հերթական ընտրություններ են: Ֆերիկ համայնքի ընտրողների թիվը 263 է։ Հայտնում են Կենտրոնական ընտրական հանձնաժողովից:
«Նշված ընտրություններն անցկացնելու համար կազմավորվել է 1 տեղամաս: Առավոտյան՝ ժամը 8․00-ին, ՀՀ ընտրական օրենսգրքով սահմանված կարգով բացվել է ընտրությունների համար ձևավորված ընտրական տեղամասը և ընդունել առաջին ընտրողներին: Ընտրողների էլեկտրոնային գրանցման նպատակով օգտագործվում է 1 տեխնիկական սարքավորում:
Ընտրությունները լուսաբանելու համար որևէ ԶԼՄ չի հավատարմագրվել։ Չեն հավատարմագրվել նաև դիտորդական առաքելություն իրականացնող հասարակական կազմակերպություններ»,- նշվում է ԿԸՀ հաղորդագրության մեջ։

Ինչպես հայտնի է, Հայաստանի վարչապետ Նիկոլ Փաշինյանն այցելել էր Շիրակի մարզ, ծանոթացել էր 2023 թվականին իրականացված և ներկայումս ընթացքի մեջ գտնվող ծրագրերին։
Այսօր առավոտյան էլ Փաշինյանը տեսանյութ է հրապարակել, թե ինչպես է հեծանիվ քշում Գյումրու փողոցներում։ Hraparak.am-ին թաղամասի բնակիչներից մեկը պատմեց՝ամբողջ Գյումրին այս պահին խոսում է, որ Սլաբոդկա թաղամասում, երբ Փաշինյանը հեծանիվ էր քշում, մի խումբ թափառող շներ ոհմակով հարձակվել են նրա եւ նրա թիկնապահների վրա։ Նրանք խուճապահար փախչել են Սլաբոդկա թաղամասից։
Նկատենք, որ վարչապետի հրապարակած տեսանյութում լսվում է շների հաչոցը։

ՔՊ-ական տիկնայք, մեր տեղեկություններով, ԱԺ պետաիրավական հարցերի հանձնաժողովի նախագահ Վլադիմիր Վարդանյանի աշխատասենյակում երեկ «բզկտել» են արդարադատության նախարարի պարտականությունները կատարող Արմենուհի Հարությունյանին։ Հանձնաժողովի նիստի ընդմիջմանը նրանք գնացել են Վլադիմիր Վարդանյանի սենյակ, որտեղից քիչ անց բարձր խոսակցություններ են լսվել։ Պարզեցինք, որ Արփի Դավոյանը, Ալխաս Ղազարյանը, Լիլի Մինասյանն են նախարարի ԺՊ-ին նեղել, թե ինչու է կառավարությունը բացասական եզրակացություն տվել Ագնեսա Խամոյանի նախագծին, որը վերաբերում է ուժային եւ իրավապահ ոլորտի աշխատակիցների՝ թմրանյութի օգտագործումը բացառելու համար թեստեր հանձնելուն։

Հորդառատ անձրևների հետևանքով Հայաստանում ոչ միայն փողոցներն են ջրի տակ հայտնվում, այլև Երևանի կենտրոնում գործող բարձրագույն ուսումնական հաստատությունների լսարաններ է ջուրը լցվում և վնասներ հասցնում բուհերին: Երեկ համացանցում տեսանյութ տարածվեց, թե ինչպես է հորդառատ անձրևը լցվում Երևանի Կոմիտասի անվան պետական կոնսերվատորիայի շենք: Նշենք, որ տևական ժամանակ է Կոնսերվատորիայում վերանորոգման աշխատանքներ են ընթանում, սակայն չեն ավարտվել: Նաեւ Կոնսերվատորիայի տանիքն են նորոգում, հավանաբար չեն ավարտել աշխատանքները տաք, չոր ամիսներին եւ հիմա դրա հետեւանքով բուհը մնացել է անպաշտպան բնության տարերքի առաջ: