Category: Infocom

⛪️ Թուրքիայի Հայոց պատրիարքությունը զորակցություն է հայտնել Ամենայն Հայոց կաթողիկոս Գարեգին երկրորդին և Հայ Առաքելական եկեղեցու եպիսկոպոսներին։
📣 «Ամենայն Հայոց Վեհափառ Հայրապետի և Եկեղեցու սրբազան եպիսկոպոսների նկատմամբ դատական գործընթացների դիմելը և նրանց քրեական հանցագործությունների մեղադրանքներով աշխարհիկ ատյանների առջև կանչելը խորապես վիրավորում է Հայ Եկեղեցու նվիրապետական արժանապատվությունը։
🔺 Այս ցավն ավելի է խորանում, երբ անտեսված են թվում Հայաստանի Հանրապետության Սահմանադրությամբ Եկեղեցու առաքելությանը տրված երաշխիքներն ու մարդու իրավունքների հիմնարար սկզբունքները»,- ասված է պատրիարքության տարածած հաղորդագրության մեջ։ |azatutyun.am|

🔶 Արտգործնախարարությունը ադրբեջանական բանտում գերեվարված Ռուբեն Վարդանյանի կնոջը՝ Վերոնիկա Զոնաբենդին հանդիպման առաջարկ է փոխանցել՝ բանավոր, հայտնեց ԱԳՆ խոսնակ Անի Բադալյանը: |azatutyun.am|

📌 Արգամ Աբրահամյանը չի ընդունում մեղքը ու անհիմն է համարում մեղադրանքը։ Այս մասին նշել է նախկին վարչապետ Հովիկ Աբրահամյանի որդի, ԱԺ նախկին պատգամավոր Արգամ Աբրահամյանի պաշտպան Էմին Խաչատրյանը։
🔹 Փաստաբանը նշել է, որ հետագայում Արգամ Աբրահամյանի հետ խորհրդակցելուց հետո պաշտպանական թիմով համապարփակ հայտարարությամբ հանդես կգան։ |news.am|

🇮🇷 Իրանի արտաքին գործերի նախարարությունը հայտարարել է, որ անցյալ շաբաթ Սաուդյան Արաբիայի, Թուրքիայի և Պակիստանի միջև կնքված պաշտպանական պայմանագիրը նշան է, որ տարածաշրջանի երկրների՝ Միացյալ Նահանգների նկատմամբ ընկալումը փոխվել է։
🗣«Տարածաշրջանի երկրները հասկացել են, որ անվտանգությունն ապրանք չէ, որը կարելի է գնել կեղծ միջնորդներից», — հայտարարել է Իրանի ԱԳՆ խոսնակ Էսմայիլ Բաղային՝ նկատի ունենալով ԱՄՆ-ին, որը պայմանագիրը ստորագրած երեք երկրների դաշնակիցն է։ |azatutyun.am|

📌 «Անհրաժեշտ եմ համարում հստակեցնել, որ այսօրվա դրությամբ դեռևս ինձ հետ կապ չի հաստատվել, և պատասխանատու պաշտոնատար անձի կոնտակտային տվյալներ ինձ չեն փոխանցվել։
🔹 Ակնկալում եմ ստանալ պատասխանատու պաշտոնատար անձի կոնտակտային տվյալները և հույս ունեմ առարկայական հանդիպման՝ քննարկելու Բաքու կանանց մարդասիրական այցի կազմակերպման հետագա քայլերը, ինչպես նաև Ադրբեջանում կալանքի տակ պահվող Հայաստանի քաղաքացիներին առնչվող այլ հարցեր»,- այս մասին ասվում է Ռուբեն Վարդանյանի կնոջ՝ Վերոնիկա Զոնաբենդի հայտարարությունում։