Category: Infocom

👮 Ոստիկանության ձեռնարկած օպերատիվ-հետախուզական միջոցառումների արդյունքում Արարատի մարզի Դաշտավան գյուղում խուլիգանություն կատարելու անմիջականորեն ծագած կասկածի հիմքով միջադեպին մասնակից մեկ տասնյակից ավելի անձինք ձերբակալվել և տեղափոխվել են Համայնքային ոստիկանության Մասիսի բաժին։
🔹 Նախնական տեղեկություններով վիճաբանությունը ծագել է մեքենան արագ վարելու հարցի շուրջ։
[ՆԳՆ ոստիկանություն]

🔹 Նիստի ընթացքում ՔՊ-ական պատգամավորները, այդ թվում՝ Ռուբեն Ռուբինյանը, մի քանի անգամ հիշեցրին ԱԺ նախագահի տեղակալի պարտականությունների մասին։
🗣«Ես կրկին հիշեցնեմ, որ ըստ ԱԺ կանոնակարգ սահմանդրական օրենքի՝ Ազգային ժողովի նախագահի տեղակալն, ի թիվս այլ, փոխարինում է ԱԺ նախագահին կամ իրականացնում է Ազգային ժողովի բնականոն գործունեության ապահովմանն ուղղված այլ հանձնարարություններ, նախագահի հանձնարարություններ»,- ասաց ՔՊ-ական, ԱԺ նախագահ Ռուբեն Ռուբինյանը՝ հարցնելով Վարդևանյանին, թե արդյոք որևէ մեկնաբանություն ունի այս համատեքստում։
🗣 «Պարոն Ռուբինյան, կարծում եմ՝ ձեր մասնագիտացումը իրավունքի ոլորտում չէ։ […] Եթե դրա վերաբերյալ անհամաձայնություն լինի, վստահ եմ՝ կարող է լինել մասնագիտական քննարկում»,- պատասխանեց ընդդիմադիր պատգամավորը։
📢 «Ամեն դեպքում ինչ կանոնակարգ օրենքում գրված է, հստակ է գրված, և ընդհանրապես պետք չէ իրավաբան լինել, որ մարդ կարողանա մեկ նախադասություն կարդալ և այն մեկնաբանել»,- արձագանքեց Ռուբինյանը։

🔶Ազգային ժողովի նիստում ընդմիջում է։ Պատգամավորները հեռացան քվեարկության։ Դրանից հետո հայտնի կդառնան ԱԺ նախագահի 3-րդ տեղակալի ընտրության արդյունքները։

🇮🇷🇴🇲 Իրանի արտգործնախարար Աբբաս Արաղչին հայտարարել է, որ Օմանի հետ Հորմուզի նեղուցում նավագնացության նոր ուղիներ սահմանող համաձայնագիրը գտնվում է վերջնական փուլում, հայտնում է Reuters-ը:
📌 Իրանի Իսլամական հեղափոխության պահապանների կորպուսը (ԻՀՊԿ) նախօրեին հայտարարել է, որ չի վերաբացի Հորմուզի նեղուցը, որը կենսական նշանակություն ունի համաշխարհային տնտեսության համար, քանի դեռ ԱՄՆ-ն չի կատարել Թեհրանի կողմից ներկայացված պայմանները, այդ թվում՝ պատերազմի հետևանքով պատճառված վնասների համար փոխհատուցում տրամադրելու պահանջը։ |azatutyun.am|