Category: Infocom

🔶 ԱԺ «Քաղաքացիական պայմանագիր» խմբակցությունը պետական-իրավական հարցերի մշտական հանձնաժողովի նախագահի պաշտոնում թեկնածու է առաջադրել Արուսյակ Ջուլհակյանին:
📌 Թեկնածուին հարցեր ուղղելու ընթացքում «Հայաստան» խմբակցության պատգամավոր Գեղամ Մանուկյանը Ջուլհակյանին խնդրեց ներկայացնել դիրքորոշումը Քննչական կոմիտեի՝ Արգամ Աբրահամյանի գործի մանրամասները հաղորդագրության միջոցով տարածելու վերաբերյալ։
🗣 «Եթե դուք ինձնից ուզում եք այդ բառը լսել, ապա, այո, դատապարտում եմ, բայց նաև պետք է ասեմ, որ սա առաջին դեպքը չէ, երբ մենք ունենում ենք խնդիր հայտարարություններում՝ անձնական տվյալների պաշտպանության հետ կապված»,- ասաց Ջուլհակյանը՝ նշելով, որ այստեղ պետք է տեսնել ոչ թե դիտավորություն, այլ պրոֆեսիոնալիզմի հետ կապված խնդիր։

🇦🇲🇷🇺 Հայաստանը մինչև 2026-ի դեկտեմբեր պետք է որոշում կայացնի Եվրոպական միությանը միանալու կամ Եվրասիական տնտեսական միությունում (ԵԱՏՄ) անդամակցությունը պահպանելու վերաբերյալ համազգային հանրաքվե անցկացնելու հարցում։ Այս մասին ՏԱՍՍ-ին տված հարցազրույցում հայտարարել է Ռուսաստանի արտգործնախարարի տեղակալ Միխայիլ Գալուզինը։ |civilnet.am|

📌Կալանավորվել է Կոտայքի մարզի Քասախ համայնքի նախկին ղեկավար Արա Մկրտչյանը: |1lurer.am|

🇺🇸 🇮🇷 ԱՄՆ նախագահ Դոնալդ Թրամփը հայտարարել է, որ Իրանից պահանջելու է փոխհատուցում վճարել:
🔹️ Թրամփն այս հայտարարությունն արել է՝ ի պատասխան ամերիկա-իսրայելական հարձակումների ժամանակ կրած վնասների դիմաց փոխհատուցելու Իրանի պահանջներին։
🗣 «Դա հետաքրքիր գաղափար է, որովհետև այժմ ես նույն կերպ Իրանից փոխհատուցում եմ պահանջում բոլոր այն մարդկանց համար, որոնց նրանք սպանել և ծանր վիրավորել են իրենց ճանապարհամերձ ռումբերով և բազմաթիվ հակամարտություններով», — Truth Social-ում գրել է նա։ |azatutyun.am|