Category: Infocom

⚖️ ՄԻԵԴ-ը երեկ որոշում է կայացրել Արցախում զինված հարձակման մեջ մեղադրվող Կարեն Ավանեսյանի գործով՝ կիրառելով հրատապ միջոց: Փաստաբաններ Արա Ղազարյանն ու Անաստասիա Մակարյանը, հաշվի առնելով […], որ կարող են վտանգի տակ դրվել Ավանեսյանի կյանքն ու առողջությունը, սեպտեմբերի 17-ին դիմում են ուղարկել ՄԻԵԴ, որպեսզի Դատարանը Ադրբեջանին պարտավորեցնի պաշտպանության տակ վերցնել Ավանեսյանի կյանքն ու առողջությունը, ապահովել արտաքին աշխարհի հետ կապը՝ հնարավորություն տալով զանգահարել իր միակ քրոջը և Երևանում գտնվող փաստաբաններին:
📌 Ադրբեջանի ՆԳՆ-ն 2025թ. սեպտեմբերի 14-ին հայտնել էր, որ Ստեփանակերտում ձերբակալվել է Կարեն Ավանեսյան անունով հայազգի բնակիչ: Նշվում էր, թե նա ինքնաձիգով փորձել է մոտենալ Ստեփանակերտում անցկացվող միջոցառման վայրին և զինված դիմադրություն է ցույց տվել (այդ օրն Ալիեւը գնացել էր Արցախ): Ըստ ադրբեջանական աղբյուրների՝ Ավանեսյանը հրազենային վնասվածք է ստացել պատասխան կրակի հետևանքով ու ձերբակալվել:
🇦🇿 Ադրբեջանը ՄԻԵԴ է ուղարկել դիմումի պատասխան, թե Ավանեսյանի կյանքին ու առողջությանը վտանգ չի սպառնում, կցել են նաեւ լուսանկարներ, որոնք, սակայն, կասկած են հարուցել հայ փաստաբանների մոտ․ նրանք կարծում են, որ լուսանկարները բեմականացված են, ինչպես ամբողջ պատմությունը։ |hetq.am|
Կարդալ ավելին

🛫 Նիկոլ Փաշինյանն աշխատանքային այցով մեկնել է Վրաստան:
 
🇦🇲 🇬🇪 Այսօր նախատեսված է Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի առանձնազրույցը։
🔸 Վաղը Փաշինյանը Թբիլիսիում կմասնակցի «Մետաքսի ճանապարհ» 5-րդ համաժողովին։
[ՀՀ կառավարություն]

🇦🇲🇪🇺 ՀՀ ԱԽ քարտուղար Արմեն Գրիգորյանն ու Հայաստանում ԵՄ քաղաքացիական դիտորդական առաքելության ղեկավար Մարկուս Ռիտերը քննարկել են երկկողմ համագործակցության ընթացքը և անդրադարձել հետագա փոխգործակցության հնարավորություններին ու հեռանկարներին։
[ՀՀ ԱԽ]

‼️ Կարգալույծ է հռչակվել Տ․ Արամ քահանա Ասատրյանը։
📣 «Քահանա Ասատրյանը՝
ա) հրապարակային ելույթներով ու հայտարարություններով վարկաբեկել է Հայ Եկեղեցին, Թեմակալ առաջնորդին և ծառայակից եկեղեցականներին,
բ) (…) հարատևել է կարգազանց ընթացքի մեջ,
գ) վերջին մեկ ամսվա ընթացքում պատարագներին կամայականորեն զեղչել է Ամենայն Հայոց Կաթողիկոսի և Թեմակալ Առաջնորդի անունների հիշատակության հատվածը (…),
դ) երիցս համառել է ներկայանալ Հանձնախմբի նիստերին…»,- հայտնում են Մայր Աթոռից։

🇦🇲🇪🇺 Ներկայիս հիբրիդային սպառնալիքների հաղթահարման մեխանիզմների շուրջ քննարկում են ունեցել ՀՀ ԱԳ նախարար Արարատ Միրզոյանը և ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը:

🤝 Նրանք քննարկել են նաև ՀՀ-ԵՄ գործընկերության նոր օրակարգի վերջնականացմանն ու հաստատմանն առնչվող հարցեր։
🕊 «Երկուստեք ընդգծվել է տնտեսական ու տրանսպորտային փոխկապակցվածության խթանման հարցում փոխշահավետ ծրագրերի կյանքի կոչման կարևորությունը, ինչին մեծապես կարող են նպաստել Հայաստանի և Ադրբեջանի միջև հաստատված խաղաղությունն ու օգոստոսին Վաշինգտոնում ձեռք բերված պայմանավորվածությունները»,- հայտնել են ՀՀ ԱԳՆ-ից:
📌 Նշենք, որ Միրզոյանն աշխատանքային այցով Լյուքսեմբուրգում է՝ մասնակցելու ԵՄ կողմից կազմակերպվող «Միջտարածաշրջանային անվտանգություն և փոխկապակցվածություն» թեմայով նախարարական հանդիպմանը:

❗️Ցավով և խորը վշտով հայտնում ենք, որ կյանքից անժամանակ հեռացել է Վարդենիս համայնքի Գեղամասար բնակավայրի վարչական ղեկավար Արմեն Մակիչի Ավետյանը:
[Վարդենիսի համայնքապետարան]