Category: Infocom

⚽️ ՀՖՖ-ն հրապարակել է Հայաստանի հավաքականի մեկնարկային կազմը Հայաստան-Հունգարիա խաղում:

🗣 «Հովիկ Գաբրիելյանն ասել է՝ իրենք դուրս են գալիս բնագծից, եթե մենք ուզում ենք մնալ, մեղքը՝ մեր վիզը»․ 2 տարի առաջ քննչական մարմնում նման ցուցմունք է տվել 44-օրյա պատերազմի պայմանագրային զինծառայող Պարսամ Ասատրյանը։ Վերջինս, սակայն, դատարանում հրաժարվեց իր այս խոսքերից, ասաց՝ նման բան չի եղել։ Դատավարության մասնակիցների կոնկրետացնող հարցերին՝ արդյո՞ք իր նկատմամբ ճնշում կամ ուղղորդում է եղել, վկան բացասական պատասխանեց, ի վերջո մտափոխվեց՝ թող հիմք ընդունեն իր նախաքննական ցուցմունքը։
⚖️ Դատարանն այսօր նաեւ քննեց Գաբրիելյանի նկատմամբ ընտրված տնային կալանք խափանման միջոցի հարցը։ Նրա պաշտպանը դատարանին խնդրեց էլ ավելի մեծ մարդասիրություն ցուցաբերել՝ հաշվի առնելով, որ Գաբրիելյանը Արցախից բռնի տեղահանված է, խնամքին ունի մեծահասակ մայր, երկու երեխա եւ կարիք ունի հոգալու իր ընտանիքի հոգսերը։
📎 Կարդալ ավելին

📣 ՀԾԿՀ-ն քննարկում է ՀԷՑ-ի՝ էլեկտրաէներգիայի բաշխման լիցենզիան դադարեցնելու հարցը:
⚖️ «Տաշիր կապիտալի» ներկայացուցիչները բացարկի միջնորդություն են ներկայացնում ՀԾԿՀ նախագահ Մեսրոպ Մեսրոպյանի վերաբերյալ՝ նշելով, որ նա կողմնակալ է։ Միջնորդության մեջ որպես հիմնավորում «Տաշիր կապիտալի» ներկայացուցիչները նշել են «Մեսրոպյանի ամուր քաղաքական կապը գործող իշխանության, «Քաղաքացիական պայմանագիր» կուսակցության հետ»․
🗣 «Պետք է նկատել, որ այս վարչական վարույթը քաղաքական գործընթացի արդյունք է, մասնավորապես, գործընթացը սկսվել է, երբ վարչապետը ֆեյսբուքյան էջում արձանագրել է, որ կարծում է, թե հասունացել է ժամանակը, որ ՀԷՑ-ը ազգայնացվի, պետականացվի», — նշեց փաստաբան Վարդան Ալոյանը։

🇺🇸 ԱՄՆ-ում ավարտվել է երկրի պատմության ամենաերկար՝ 43 օր տևած շաթդաունը:
✍️ ԱՄՆ նախագահ Դոնալդ Թրամփը ստորագրել է դաշնային կառավարության աշխատանքի ֆինանսավորումը մինչև հունվարի 30-ը ներառյալ երկարաձգելու մասին օրենքը: Փաստաթղթին աջակցել են Կոնգրեսի երկու պալատները։
👥 Հանրապետականների և դեմոկրատների միջև դաշնային բյուջեի հարցով տարաձայնությունների պատճառով մոտ 750 հազար դաշնային ծառայող ուղարկվել էր հարկադիր պարապուրդի և աշխատավարձ չէր ստացել: Բացառություն էր արվել միայն կենսապահովման կառույցների՝ ավիակարգավարական ծառայության, ոստիկանության, սահմանապահ պահպանության և շտապ բուժօգնության համար։ |1lurer.am|

❗«Իմնեմնիմի» պոդքասթի վարող Նարեկ Սամսոնյանին ձերբակալել են եւ տեղափոխել քննչական։
🔸 Այս մասին հաղորդում է նրա պաշտպան Ռուբեն Մելիքյանը՝ հավելելով, որ նույնը հավանաբար տեղի է ունեցել պոդքասթի մյուս վարող Վազգեն Սաղաթելյանի հետ.
📌 «Կարված հոդվածը՝ հին ու բարի խուլիգանություն»,- գրել է Մելիքյանը։
🔸 Վաղ առավոտյան Վազգեն Սաղաթելյանը ֆեյսբուքյան իր էջում գրել է, որ դիմակավորված անձինք մտնում են իրենց տուն։ Մելիքյանն էլ իր պաշտպանյալ Նարեկ Սամսոնյանի բնակարանի մոտից հաղորդել է, որ խոչընդոտում են իր փաստաբանական գործունեությանը՝ թույլ չտալով մասնակցել քննչական գործողություններին՝ դուռը չբացելով իր առաջ։

«Ինֆոքոմը» Ժողովրդավարության և անվտանգության տարածաշրջանային կենտրոնի ղեկավար Տիգրան Գրիգորյանի հետ սկսել է փոդքաստների նոր շարք, որի շրջանակում միջազգային և հայաստանյան լավագույն փորձագետների հետ անդրադարձ կկատարվի Հայաստանի ներքին և արտաքին քաղաքականությանը, դրան առնչվող զարգացումներին և միտումներին։
Առաջին թողարկման հյուրը գերմանացի փորձագետ Շտեֆան Մայստերն է։
Քննարկվում են Հայաստանի ներքին և արտաքին քաղաքականությանն առնչվող հարցեր, Վրաստանում և Մոլդովայում տեղի ունեցող գործընթացները և դասերը Հայաստանի համար, Ռուսաստանի հիբրիդային ներազդեցության փորձերը և դրա դեմ պայքարի ընդունելի մեթոդները։ Անդրադարձ է կատարվում նաև Հայաստան-ԵՄ հարաբերությունների խորացման հեռանկարներին և եվրոպական անվտանգության լանդշաֆտի փոփոխությանը։
Շտեֆան Մայստեր. Երկու կողմերն էլ գիտեն, որ Հայաստանի ԵՄ անդամակցությունը մոտ ապագայում իրատեսական չէ