Category: Infocom

🇷🇺 «Մի քանի տասնյակ մարդիկ են այսօր բերման ենթարկվել Ռուսաստանի Գերագույն դատարանին հարող տարածքից», — հաղորդում են ռուսական ընդդիմադիր լրատվամիջոցները։
🔹 Ցուցարարները դատարանի շենքի մոտ էին հավաքվել՝ բողոքելով առաջիկա ընտրություններում «Յաբլոկո» կուսակցության գրանցումը չեղարկելու որոշման դեմ։
📌Ձերբակալությունները տեղի էին ունեցել ընդդիմադիր կուսակցության վերաքննիչ բողոքի քննարկման մեկնարկին զուգահեռ։ |azatutyun.am|

📌 Հիմք ընդունելով ՀՀ վարչապետ Նիկոլ Փաշինյանի առաջարկությունը՝ ՀՀ նախագահ Վահագն Խաչատուրյանը ստորագրել է հրամանագիր, որի համաձայն գեներալ-մայոր Արամ Հովհաննիսյանը նշանակվել է ՀՀ ՊՆ ռազմական ոստիկանության պետ։ Այս մասին հայտնում են ՊՆ-ից։
🔸 Նրանից առաջ այդ պաշտոնը զբաղեցնում էր գեներալ-մայոր Աշոտ Զաքարյանը, որը նշանակվել էր 2020թ․ օգոստոսին։

⚖️ Օգոստոսի 13-ին ՊՆ N զորամասի զինծառայողի մահվան դեպքի առթիվ նախաձեռնված քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 2-րդ և 3-րդ կետերով (զինծառայողին անզգուշությամբ ինքնասպանության հասցնելը):
📌 Նա կալանավորվել է:
[ՀՀ Քննչական կոմիտե]

🔶 ՀԱՊԿ-ը մինչև հիմա չի ճանաչել Հայաստանի սահմանները, որոնցով մեր երկիրն անդամակցել է կառույցին: ԱԺ-ում ճեպազրույցի ժամանակ ասել է «Քաղաքացիական պայմանագիր» խմբակցության պատգամավոր Արթուր Հովհաննիսյանը՝ պատասխանելով հարցին, թե ինչպես է վերաբերվում այդ կազմակերպության գլխավոր քարտուղարի սպառնալիքին, ըստ որի Հայաստանին կարող են զրկել ՀԱՊԿ-ում ձայնի իրավունքից, որից հետո հեռացնել:
🔹 Հովհաննիսյանը հիշեցրել է, որ անվտանգային այդ կառույցը դեռ պետք է պատասխանի հարցին, թե ինչու չի կատարում իր պարտավորությունները Հայաստանի նկատմամբ:
🗣 «ՀՀ-ն ամեն բան անում է, որ սեփական ռազմարդյունաբերությունն ունենա իր սեփական ուժերով, ունենալով տարբեր ռազմավարական գործընկերության պայմանագրեր տարբեր երկրների հետ, ապահովի իր անվտանգությունը և ուրեմն զարգացնի իր ռազմական ունակությունները, պաշտպանական ունակությունները»,- նշել է Հովհաննիսյանը: |1lurer.am|

📌 Նախաքննության ընթացքում մի խումբ պաշտոնատար անձանց կողմից նախնական համաձայնությամբ իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելու կամ լիազորություններն անցնելու, առանձնապես խոշոր չափերով փողերի լվացմանն օժանդակելու մեղադրանքով Ա.Ա.-ի, Գ.Գ.-ի և Ա.Ավ.-ի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին:
🔹 Մյուս անձանց մասով քրեական վարույթի նախաքննությունը շարունակվում է:
[ՀՀ Քննչական կոմիտե]

❗️ Օգոստոսի 15-ին համացանցում և ԶԼՄ-ներում տարածված՝ Արագած լեռան լանջին գտնվող Քարի լճի տարածքում աղբի կուտակումների վերաբերյալ լուսանկարների և տեսանյութերի հիմքով Բնապահպանության և ընդերքի տեսչական մարմնում հարուցվել է վարչական վարույթ։
🔸 Վարույթի ավարտից հետո հանրությանը կտրամադրվի լրացուցիչ տեղեկատվություն։
[Բնապահպանության և ընդերքի տեսչական մարմին]