Category: Infocom

❗️Ձերբակալել են կաթողիկոս Գարեգին Բ-ի եղբորը՝ 68-ամյա Գևորգ Ներսիսյանին ու նրա որդուն՝ խուլիգանության և քարոզչությանը խոչընդոտելու արարքներ կատարելու մեջ, հայտնում է փաստաբան Արա Զոհրաբյանը։
🗣 «Վաղարշապատ խոշորացված համայնքում «Հանրապետություն» կուսակցության թեկնածու Հարություն Մկրտչյանը «Ֆեյսբուքի» իր էջում գրառում է կատարել, որով հայտնել է, որ նոյեմբերի 1-ին ժամը 16:10-ի սահմաններում, Կաթողիկոսի եղբայրը՝ Գևորգ Ներսիսյանը իր որդիների հետ իբրև խոչընդոտել է նախընտրական քարոզչությանը:
📌 […] Դեպքը տեղի է ունեցել այսպես. Համբարձումը նոյեմբերի 1-ին ժամը 14:40-ի սահմաններում, իր տան դարպասի դիմաց կանգնած է եղել, իրեն է մոտեցել մի մարդ և առաջարկել է մասնակցել «Հանրապետություն» կուսակցության՝ ժամը 16:00-ի հանդիպմանը: Համբարձումը հրաժարվել է, նշված մարդը փորձել է համոզել, խոսել են, այնուհետև մոտեցել է Համբարձումի հայրը՝ Գևորգ Ներսիսյանը, երեքով խոսել են և խաղաղ բաժանվել», — ասված է փաստաբանի հայտարարությունում, որին կից տեղադրել է այդ օրը բակի տեսախցիկներից նկարահանված տեսանյութ։

❗️Երկրաշարժ Բավրա գյուղից 8 կմ հարավ-արևելք։
📌 Նոյեմբերի 2-ին` տեղական ժամանակով ժամը 19:49-ին Հայաստան-Վրաստան սահմանային գոտիու՝ Բավրա գյուղից 8 կմ հարավ-արևելք, օջախի 10 կմ խորությամբ գրանցվել է 4.1 մագնիտուդով երկրաշարժ:
🔸Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:
📌 Երկրաշարժը զգացել են՝ Շիրակի և Լոռու մարզերում 4-5 բալ ուժգնությամբ։
[ՆԳՆ փրկարար ծառայություն]

🇺🇸🇳🇬 ԱՄՆ նախագահ Դոնալդ Թրամփը սպառնացել է զորք ուղարկել Նիգերիա, եթե Աֆրիկայի ամենաշատ բնակչություն ունեցող երկիրը չկասեցնի «իսլամիստների կողմից քրիստոնյաների սպանությունները»։
📌 ԱՄՆ նախագահը սոցիալական ցանցերում հանձնարարել է Պենտագոնին մշակել հնարավոր հարձակման պլան այն բանից հետո, երբ ուրբաթ օրը նա հայտարարել էր, թե «քրիստոնեությունը գոյաբանական վտանգի առաջ է Նիգերիայում»։
🔸 Նիգերիայում այսօր տեղի են ունենում բազմաթիվ հակամարտություններ, որի արդյունքում, ըստ փորձագետների, զոհվում են թե՛ քրիստոնյաներ, թե՛ մահմեդականներ։
📌 Նիգերիայի կառավարությունը, իր հերթին, մերժել է ԱՄՆ իշխանության պնդումները՝ դրանք անվանելով անհիմն հայտարարություններ «քրիստոնյաների ցեղասպանության մասին»։

🇷🇺 Մոսկվայի մարզում հոկտեմբերի 13-22-ն անցկացվել է «Անօրինական-2025» գործողության երկրորդ փուլը, որի նպատակը, ըստ «ՌԻԱ Նովոստի»-ի «անօրինական միգրացիան կանխելն է, բացահայտելը վարչական իրավախախտումները և հանցագործությունները միգրացիոն ոլորտում»։
📌 Մոսկվայի մարզի ներքին գործերի գլխավոր վարչության հասարակայնության հետ կապերի պետ Տատյանա Պետրովայի խոսքով՝ դատարանների կողմից կայացվել է ավելի քան 4,3 հազար որոշում՝ օտարերկրյա քաղաքացիներին ՌԴ-ից վարչական կարգով արտաքսելու վերաբերյալ։ |factor.am|

❗️Դատական ակտերի հարկադիր կատարման (ԴԱՀԿ) գրասենյակը հոկտեմբերի 29-ին նամակ է ուղարկել Վանաձորի քաղաքապետարան, որով լիազորել է Վանաձորի ավագանուն համայնքի ղեկավար ընտրել՝ հանելով ավագանու վրա դրված արգելանքը, սակայն հարկադիր կատարողի տվյալ որոշումը վերացվել է վերադասի կողմից, հայտնում է «Անկախ դիտորդը» դաշինքը։
🗣 «Արդարադատության նախարարության հարկադիր կատարման ծառայությունն այլևս իրականացնում է գոյություն չունեցող վեճի հայցի ապահովում, որի սահմաններում արգելում է Վանաձորում տեղական իշխանության ձևավորումը: Այսպիսով, պետական իշխանությունը զավթել է Վանաձոր քաղաքում տեղական իշխանությանը և ապօրինի միջոցներով կանխում է ընտրություններով տեղական իշխանության ձևավորումը», — ասված է «Անկախ դիտրոդի» հայտարարությունում, նշելով՝ չարաշահվում են պետական իշխանության վարչական ռեսուրսները, և կանխվում է համայնքի ղեկավարի ընտրությունը։
📌 Հիշեցնենք, որ 2021 թ․-ին Վանաձորի ընտրությունները վիճարկվել էին «Լուսավոր Հայաստան» կուսակցության կողմից՝ պահանջելով  մանդատ ունենալ Վանաձորի ավագանիում։ 2021 թ․-ից ի վեր դատական գործընթացների պատճառով ավագանին չի ընտրել Վանաձորի համայնքապետ։

❗️ Բաքվում ավարտվել է Արցախի ռազմաքաղաքական ղեկավարների և մյուս գերիների դատավարությունը։ Հաջորդ դատական նիստը նշանակված է նոյեմբերի 3-ին: Մեղադրող կողմը հանդես կգա ճառով:
📌 Դեռևս չի ավարտվել միայն Արցախի նախկին պետնախարար Ռուբեն Վարդանյանի դատավարությունը:
📌 Ըստ ադրբեջանական լրատվամիջոցների՝ այսօր շինծու գործերով նիստում հայ գերիները միջնորդություններ են ներկայացրել, քննարկվել են պաշտպանության կողմից ներկայացված լրացուցիչ ապացույցներ։ |azatutyun.am|
📷 Լուսանկարը՝ ադրբեջանական APA-ի
📣 Բաքվում հայ ռազմաքաղաքական ղեկավարության դատական նիստերը լուսաբանում են միայն ադրբեջանական լրատվամիջոցները։ Նիստերի ժամանակ տեղի ունեցողի, հայ բանտարկյալների ցուցմունքների իսկությունը ստուգելու հնարավորություն առկա չէ։