Category: Infocom

❗Վառելիքի պահեստների վրա հարձակումները ոչ այլ ինչ են, քան Իրանի քաղաքացիների դեմ ուղղված դիտավորյալ քիմիական պատերազմ։ Այս մասին հայտարարել է Իրանի ԱԳՆ խոսնակ Իսմայիլ Բաղային.
🗣 «Իրանի ժողովրդի դեմ ԱՄՆ-Իսրայելական հանցավոր պատերազմը մտել է վտանգավոր նոր փուլ՝ Իրանի էներգետիկ ենթակառուցվածքներին ուղղված դիտավորյալ հարվածներով։
🔥 Վառելիքի պահեստներին թիրախավորելով՝ ագրեսորները վտանգավոր նյութեր և թունավոր նյութեր են արտանետում օդ, թունավորում քաղաքացիական անձանց, ավերում շրջակա միջավայրը և մեծ մասշտաբով վտանգում կյանքեր։
📌 Այս հարվածները միաժամանակ ռազմական հանցագործություններ են, մարդկության դեմ հանցագործություններ և ցեղասպանություն»,- գրել է Բաղային X-ում։

❗️Անհետ կորած զինծառայողների մայրերն ու կանայք բողոքի ակցիա էին իրականացնում ՀՀ կառավարության շենքի դիմաց։ Նրանք ուշադրություն են հրավիրում այն հանգամանքի վրա, որ 44-օրյա պատերազմից անցել է վեց տարի, սակայն իրենց որդիների մասին որևէ տեղեկություն չունեն։
🔸 Անհետ կորած զինծառայողների մայրերն ու կանայք դիմել են վարչապետ Նիկոլ Փաշինյանին և ԱԱԾ տնօրեն Անդրանիկ Սիմոնյանին՝ պահանջելով գտնել իրենց որդիներին։ |factor.am|

❗️🛢 Իսրայելն ու ԱՄՆ-ն հարվածներ են հասցրել Իրանի չորս նավթապահեստարանի, հայտարարել է Իրանի խորհրդարանի էներգետիկայի հարցերով հանձնաժողովի ներկայացուցիչ Իսմայիլ Հոսեյնին։
🗣 «Այս հարձակումները հասցվել են ընդամենը չորս նավթապահեստարանի։ Նախօրոք նախատեսված միջոցառումների, ինչպես նաև երկրում այլ պահեստարանների առկայության շնորհիվ բենզինի և էներգիայի ապահովման հետ կապված մտահոգություն չկա»,- ասել է Հոսեյնին՝ մեկնաբանելով ԱՄՆ-ի և Իսրայելի հարվածները։ |1lurer.am|

❗️🇱🇧 4 մարդ զոհվել է, ևս տասը վիրավորվել են Բեյրութի կենտրոնում գտնվող «Ռամադա» հյուրանոցի վրա Իսրայելի հարվածի հետևանքով, հայտնում է Reuters-ը՝ հղում անելով Լիբանանի առողջապահության նախարարությանը։

🔸 Իսրայելի զինվորականները մարտի 8-ի վաղ առավոտյան հարված են հասցրել հյուրանոցի սենյակներից մեկին։ Գործակալությունը նշում է, որ սա առաջին իսրայելական հարվածն է Բեյրութի կենտրոնին այն պահից ի վեր, երբ անցյալ շաբաթ վերսկսվել են մարտական գործողությունները Իսրայելի և Հեզբոլլահի միջև։
🇮🇱 Իսրայելի պաշտպանության ուժերը հայտնել է, որ իրականացրել է ճշգրիտ հարված Բեյրութում գործող «Քուդս» ուժերի լիբանանյան կորպուսի առանցքային հրամանատարների դեմ։ Ըստ Իսրայելի հայտարարության՝ նրանք զբաղվում էին Իսրայելի դեմ հարձակումների պլանավորմամբ։ Իսրայելական զինվորականների պնդմամբ՝ հարվածից առաջ ձեռնարկվել են միջոցներ «քաղաքացիական բնակչությանը հասցվող վնասը նվազագույնի հասցնելու համար»։ |factor.am|

❗ Այն քաղաքացիներին, ում ՀՀ վերադարձի / տարանցիկ չվերթները չեղարկվել էին Մերձավոր Արևելքում ռազմական գործողությունների հետևանքով, և ովքեր նոր տոմսեր են ձեռք բերել ՀՀ վերադառնալու համար, ՀՀ կառավարությունը կտրամադրի մինչև 250 հազար դրամ փոխհատուցում յուրաքանչյուր անձի համար։
📌 Քաղաքացու կողմից ավելի պակաս արժեքով նոր տոմսի ձեռքբերման պարագայում փոխատուցումը կտրամադրվի վճարված գումարի չափով:
🔸 Փոխհատուցման տրամադրման մեխանիզմը և հավելյալ մանրամասները կսահմանվեն առաջիկա օրերին։
[ՀՀ արտգործնախարար Արարատ Միրզոյան]

❗🇮🇷 Իրանի նախագահ Մասուդ Փեզեշքիանը հայտարարել է, որ երկրի ժամանակավոր ղեկավար խորհուրդը հաստատել է հարևան երկրների դեմ հարձակումների դադարեցումը, եթե այդ երկրներից Իրանի դեմ հարձակում չլինի, հայտնում է Reuters-ը։
🔸 Հայտարարությունը հնչել է այն ժամանակ, երբ Իրանը շարունակում է հարձակումներ իրականացնել տարածաշրջանում՝ ի պատասխան ԱՄՆ-ի և Իսրայելի կողմից Իսլամական Հանրապետության վրա հարվածների։ |azatutyun.am|

🇻🇳🇦🇲 Վիետնամում ՀՀ դեսպանության հետ այս պահին կապ է հաստատել ՀՀ 12 քաղաքացի։
🔸 4-ը մարտի 7-ին կմեկնի Հոշիմին-Գուանճոու-Ալմաթի-Թբիլիսի թռիչքով, այնուհետ Թբիլիսիից մեքենաներով կվերադառնա Երևան։
🔸 7-ը մարտի 9-ին վերադառնալու է Հայաստան Հոշիմին֊Ուրումչի֊Երևան երթուղիով։
📌 Եւս մեկ քաղաքացի սպասում է Բահրեյն վերադառնալուն:
[ՀՀ ԱԳՆ խոսնակ]

🇶🇦🇦🇲 Ռազմական գործողությունների մեկնարկից ի վեր Կատարում ՀՀ դեսպանության հետ կապ է հաստատել Կատարի տարածքում տարանցիկ գտնվող ՀՀ 41 քաղաքացի, որոնց հետ կապը կրում է մշտական բնույթ։
📌 Նրանցից 38-ի համար, ովքեր ճամփորդելիս են եղել «Qatar Airways»-ի միջոցով, ավիաընկերության կողմից ապահովվել են կեցության, սնունդի բոլոր պայմանները։
🔸 Քաղաքացիներից երկուսը դեղորայքի կարիք են ունեցել. համապատասխան աջակցությունը ցուցաբերվել է Դոհայում ՀՀ դեսպանության կողմից։
🔸 Կատարի տարածքում է գտնվում ևս 3 քաղաքացի, որոնց պարագայում ևս դիտարկվում են վերադարձի հնարավոր տարբերակներ։
✈️ «Qatar Airways» ընկերության մարտի 9-ի չվացուցակի մեջ այս պահի դրությամբ ներառված է դեպի Երևան չվերթը։
[ՀՀ ԱԳՆ խոսնակ]