Category: Infocom

🏠 Կառավարությունը ընդունել է որոշում՝ ՀՀ մանկատան շրջանավարտների համար իրականացվող բնակարանի գնման վկայագրերի տրամադրման գործընթացում առկա  խնդիրները կարգավորելու նպատակով։
🧒 Ըստ հիմնավորման՝ միջոցառման շրջանակում շուրջ 300 ՀՀ մանկատան շրջանավարտների բնակարանի գնման վկայագիր տրամադրելու նպատակով պետական բյուջեից հատկացվել է 1.9 մլրդ դրամ, սակայն մինչ օրս բնակարանի գնման վկայագիր ստանալու իրավունք են ձեռք բերել 289-ը, որից 8-ը չեն ներկայացել նախարարություն և չեն կնքել համապատասխան պայմանագիր։ Մանկատան շրջանավարտներից և սաներից ոմանք միջոցառումից օգտվելու համար դիմել են որոշմամբ սահմանված ժամկետի ավարտից հետո, որի պատճառով վերջիններիս դիմումները մերժվել են (3 շահառու)։
🖇 Որոշմամբ կկարգավորվի բնակարանի գնման վկայագիր ստացած, սակայն մինչ օրս անհրաժեշտ գործընթացներն ավարտին չհասցրած, ինչպես նաև՝ բնակարանի վկայագրի համար սահմանված ժամկետից հետո դիմած մանկատան շրջանավարտների և սաների բնակարան ձեռք բերելու ժամկետի երկարացման հարցը (շուրջ 21 շահառու)։
💵 Առաջարկվում է որոշման մեջ փոփոխել աջակցության գումարի չափը՝ 6.3 մլն դրամի փոխարեն սահմանել 8.7 մլն դրամ։ Որոշմամբ կարգավորվում են բնակարանի գնման վկայագրի միջոցով ՀՀ մանկատների շրջանավարտների և սաների բնակարանային խնդիրների լուծման հետ կապված հարաբերությունները։ |armenpress.am|

‼️ Այսօրվանից սկսած՝ 0-ներով համարանիշները կարելի է գնել առանց աճուրդի:
💴 Գները սահմանվել են 250 հազարից մինչև 8 միլիոն դրամի միջակայքում՝ կախված թվերի և տառերի համադրությունից։
🔸 Նոր կարգավորմամբ մեծ պահանջարկ ունեցող համարանիշների շարքում ներառվել են նաև այն համադրությունները, որոնց թվային հատվածում առկա են «0» թվեր և մեկ կամ մի քանի կրկնվող թվեր՝ նույն կամ տարբեր լատինական տառերի համադրությամբ։
[ՀՀ ՆԳՆ]
🔗 Կարդալ ավելին

✅ «Հայաստան» խմբակցության ղեկավար է ընտրվել Աննա Գրիգորյանը, խմբակցության քարտուղար՝ Արթուր Խաչատրյանը։
🔸 Դաշինքից հայտնում են, որ Ռոբերտ Քոչարյանի գլխավորությամբ տեղի է ունեցել «Հայաստան» խմբակցության անդամների հանդիպում: Քննարկվել են առաջիկա անելիքները։

🇪🇺🇷🇺 ԵՄ-ն համաձայնեցրել է Ռուսաստանի դեմ պատժամիջոցների 21-րդ փաթեթը:
🗣 «Մենք մեկ տարով սառեցնում ենք ռուսական նավթի գնի առավելագույն շեմի վերանայումը, որ ՌԴ ռազմական մեքենան չկարողանա օգտվել շուկայական ցնցումներից։ Առաջին անգամ մենք թիրախավորում ենք այն նավերը, որոնք աջակցում են ՌԴ «ստվերային նավատորմին»։ Մենք կարևոր քայլ ենք կատարել դեպի ռուսական մարտական գործողություններին մասնակցած անձանց՝ ԵՄ մուտքի պաշտոնական արգելքը»,- X-ի իր էջում գրել է Եվրոպական հանձնաժողովի նախագահ Ուրսուլա ֆոն դեր Լայենը:
📌 Reuters-ը, հղում անելով աղբյուրներին, գրում է՝ նոր փաթեթը ներառում է բացառություն, որը թույլ է տալիս ռուսական հեղուկ բնական գազի մեկ տարով երրորդ երկրներ փոխադրումը՝ ավտոմատ երկարաձգմամբ։ |azatutyun.am|

✅ Հիփոթեքով բնակարան գնելու որոշ պայմանագրեր հնարավոր կլինի կնքել առանց նոտարի. համապատասխան նախագիծը հավանության է արժանացել Կառավարության նիստին:
🔸 Նոտարական վավերացում չի պահանջվի, եթե պայմանագիրը համապատասխանի Կառավարության հաստատած օրինակելի ձևին, այլ պայմաններ չպարունակի և կնքվի Կադաստրի կոմիտեի էլեկտրոնային հարթակում կողմերի էլեկտրոնային թվային ստորագրություններով։
⏳ Նոր կարգավորումը կգործարկվի Կադաստրի էլեկտրոնային համակարգում անհրաժեշտ գործիքակազմի ներդրումից հետո, բայց որոշման պաշտոնական հրապարակումից ոչ ուշ, քան վեց ամսվա ընթացքում։ |armenpress.am|

✅ Արարատ քաղաքում կկառուցվի 2 բազմաբնակարան շենք. համապատասխան որոշումն ընդունվեց ՀՀ կառավարության նիստին:
ℹ️ «ՄԼ ՄԱՅՆԻՆԳ» ընկերությունը մինչև 2030թ. Ս․ Շահումյան փողոցի 20 և 37/1 հասցեներում կկառուցի ընդհանուր առմամբ 198 բնակարան։ Դրանցից շուրջ 68 քմ մակերեսով 48 բնակարան անհատույց կփոխանցվի Արարատ համայնքին՝ նախկինում քանդված շենքերի բնակիչների բնակարանային խնդիրը լուծելու համար։ |armenpress.am|

🗣 «Առինջ մոլ»-ի աշխատակիցները ակցիա են իրականացնում տոնավաճառի դիմաց:
💬 Աշխատակիցներից մեկը «Սպուտնիկ Արմենիա»-ի թղթակցի հետ զրույցում հայտնեց, որ իրավապահները կապարակնքել են առաջին գոտու տաղավարները առանց իրենց տեղյակ պահելու: Նրա խոսքով՝ իրենք պատասխան չեն ստացել ո՛չ տոնավաճառի տնօրինությունից, ո՛չ ՔԿ-ից:
Տեսանյութը՝ «Սպուտնիկ Արմենիա»-ի

💰 ՀՀ պետբյուջեի պահուստային ֆոնդից վարչապետի աշխատակազմին հատկացվեց մոտ 325 մլն դրամ՝ միջազգային դատարաններում, միջազգային արբիտրաժներում և այլ միջազգային ատյաններում ՀՀ շահերի ներկայացման և պաշտպանության, դրանց կողմից ընդունված վճիռների և որոշումների կատարման ապահովման համար փաստաբանական, իրավաբանական ծառայությունների իրականացման համար:
✅ Համապատասխան որոշումն այսօր ընդունվեց ՀՀ կառավարության նիստի ժամանակ։