Category: Infocom

‼️ Սիրիայի քրդերը համաձայնության են եկել երկրի նոր իշխանության հետ:
🤝 Քրդական «Սիրիայի դեմոկրատական ​​ուժեր»-ը համաձայնագիր է ստորագրել՝ միանալու Սիրիայի նոր իշխանություններին ենթակա անվտանգության ուժերին։ Փաստաթուղթը ստորագրվել է ալ Շարաայի և «Սիրիայի դեմոկրատական ​​ուժեր»-ի հրամանատար Մազլում Աբդիի հանդիպման ժամանակ։
📑 Ըստ համաձայնագրի՝ «բոլոր քաղաքացիական և ռազմական օբյեկտները, որոնք տեղակայված են Սիրիայի հյուսիս-արևելքում, ինտեգրվելու են նոր իշխանությունների գլխավորած կառավարման համակարգին»։ Խոսքը, մասնավորապես, քրդական տարածքների բոլոր անցակետերի, ինչպես նաև այնտեղ գտնվող օդանավակայանի, գազի ու նավթի հանքավայրերի մասին է։
🔸 Բացի այդ՝ համաձայնագիրը նախատեսում է հրադադար ամբողջ Սիրիայում և քուրդ բնակչությանը երաշխավորում է սահմանադրությամբ նախատեսված բոլոր իրավունքները, ներառյալ քաղաքացիության իրավունքը: Քրդերը, իրենց հերթին, խոստանում են աջակցել սիրիական նոր իշխանություններին՝ նախկին նախագահ Բաշար ալ Ասադի կողմնակիցների և Սիրիայի անվտանգությանն ու միասնությանը սպառնացող այլ տարրերի դեմ նրանց պայքարին: |tert.am|

🌐💰 Դ.Գ.-ն և Վ.Ս.-ն նախնական համաձայնությամբ կատարել են առանձնապես խոշոր չափերով՝ 10 մլն 542 հզր 500 ՀՀ դրամի փողերի լվացում. ՔԿ
🔍 ՔԿ-ում փաստական տվյալներ են ձեռք բերվել, որ սույն անձինք ֆեյսբուքում ստեղծել են հիմնականում ԱՄՆ-ում բնակվող հայրենակիցների լուսանկարներով կեղծ անհատական էջեր, որոնց միջոցով ներկայանալով այդ անձանց ընկերներին և բարեկամներին՝ նրանց անունից պահանջել են գումար:
💴 Այն ստանալու համար տրամադրել են էլեկտրոնային դրամապանակներ կամ ՀՀ-ում կրիպտոակտիվների առուվաճառք իրականացնող տնտեսվարողների էլեկտրոնային դրամապանակների ու բանկային քարտերի տվյալները և հափշտակել են տուժողների փոխանցած գումարները:
👨‍⚖️ Դ.Գ.-ի նկատմամբ խափանման միջոց կիրառվել են տնային կալանքը, գրավը և բացակայելու արգելքը, իսկ Վ.Ս.-ի նկատմամբ՝ կալանավորումը: Վերջինիս նկատմամբ հայտարարվել է հետախուզում։
💰 Պատճառված վնասից վերականգնվել է 686 հզր ՀՀ դրամը:

🇷🇺 Գիշերը անօդաչուների զանգվածային հարձակում է եղել Մոսկվայի ու Մոսկվայի շրջանի վրա։ Այս պահին հայտնի է միայն Լենինյան քաղաքային շրջանում և Դոմոդեդովոյում մեկ զոհի և երեք վիրավորի մասին:
🗣 Այս մասին հայտնել է Մոսկվայի շրջանի նահանգապետ Անդրեյ Վորոբյովը։
🛫 ԱԹՍ-ների հարձակման հետևանքով ժամանակավոր սահմանափակումներ են մտցվել «Վնուկովո» օդանավակայանում։ Ավելի վաղ հաղորդվել էր ժամանակավոր սահմանափակումների մասին նաև մոսկովյան «Դոմոդեդովո» և «Շերեմետևո» օդանավակայաններում։ «Դոմոդեդովո»-ում, արդեն վերսկսել են էլեկտրագնացքների շարժը դեպի Մոսկվա, առաջիկա ժամերին ընթացքում երթևեկությունն ամբողջապես կվերականգնվի։ |1lurer.am|

❗️X սոցիալական ցանցը զանգվածային կիբերհարձակման է ենթարկվել: Դրա մասին հայտնել է սոցցանցի հիմնադիր Իլոն Մասկը։
🗣 «Մեզ վրա ամեն օր հարձակվում են, բայց [այս մեկն] արվել է մեծաքանակ ռեսուրսներով։ Ներգրավված է վիթխարի, համակարգված խումբ և/կամ երկիր»,- նշել է նա։ |news.am|

«Դատավորը որոշեց ջնջել 9 տարին»․ Արտյոմ Ադանալյանի սպանության գործը կքննվի նորից
⚖️ 2014 թվականին սպանված գյումրեցի Արտյոմ Ադանալյանի վերաբերյալ քրեական գործը կքննվի նորից։ Սպանությունից ավելի քան 10 տարի անց 6-րդ անգամ դատարանի փոփոխություն է տեղի ունեցել։
🔸Մինչ փաստաբանները փորձում են իրավական լուծումներ գտնել, որդեկորույս մայրը շարունակում է կրել այս անվերջանալի թվացող շրջապտույտի հետեւանքները․
🗣 «Մեղադրյալի աջ ձեռքին են տեսել Արտյոմի արյունոտ դանակը, եւ ամեն անգամ հայացքս գամվում է, ու պատկերացնում եմ, թե ոնց է Արտյոմիս արյունոտ դանակը եղել այդ ձեռքին։ Սա արդեն բարոյական մեծ հարված է, որին ուղղակի անհնար է դիմանալ»,- մեր զրույցում նշում է Ռուզաննա Ադանալյանը։

🇦🇲🇮🇳 Նյու Դելիում կայացել է Հայաստանի ԱԳ նախարար Արարատ Միրզոյանի և Հնդկաստանի ԱԳ նախարար Սուբրամանյամ Ջայշանկարի առանձնազրույցը։
🤝 Հանդիպման ընթացքում քննարկվել են երկկողմ օրակարգի մի շարք կարևորագույն հարցեր, ինչպես նաև տարածաշրջանային և գլոբալ խնդիրներ։
📝 Հանդիպման ավարտին ստորագրվել են հուշագրեր։ [ՀՀ ԱԳՆ]

🇦🇲 Լևիկ Միքայելյանը հաղթեց ադրբեջանցուն ու դարձավ Եվրոպայի չեմպիոն
🔸 Հայաստանի հավաքականի ըմբիշը մինչև 23 տարեկան ազատ ոճային ըմբիշների Եվրոպայի առաջնությունում 2։1 հաշվով պարտության մատնեց ադրբեջանցի Ջեյհուն Ալահվերդիևին։

🇺🇦🇸🇦 Ուկրաինայի նախագահ Վլադիմիր Զելենսկին ժամանել է Սաուդյան Արաբիայի Ջիդդա քաղաք։
🔸 Մարտի 11-ին Ջիդդա քաղաքում բանակցություններ կանցկացվեն Ուկրաինայի և ԱՄՆ-ի միջև։ |tert.am|

🇺🇦🇸🇦 Ուկրաինայի նախագահ Վլադիմիր Զելենսկին ժամանել է Սաուդյան Արաբիայի Ջիդդա քաղաք։
🔸 Մարտի 11-ին Ջիդդա քաղաքում բանակցություններ կանցկացվեն Ուկրաինայի և ԱՄՆ-ի միջև։ |tert.am|