Category: Infocom

📣 Գարեգին Բ-ի պաշտպան Արա Զոհրաբյանը միջնորդեց կաթողիկոսի նկատմամբ քրեական հետապնդումը դադարեցնել կամ դիմել ՍԴ։
🗣 Ըստ Արա Զոհրաբյանի՝ կաթողիկոսի մեղադրանքի հիմքում Գևորգ Սարոյանին կարգալույծ անելու հոգևոր խորհրդի որոշումն է, իսկ այս որոշումը կամ եկեղեցական տերմինով՝ հայրապետական տնօրինությունը, չի կարող դատական ակտի կատարումը խոչընդոտելուն միտված լինել:

📌 Նշենք, որ այսօր Արմավիրի մարզի առաջին ատյանի դատարանում վերսկսվել է Ամենայն Հայոց կաթողիկոսի և 6 բարձրաստիճան հոգևորականների դատավարությունը: |factor.am|

📣 ՔԿՀ տեղափոխվելուց 16 օր անց 71-ամյա Գագիկ Խաչատրյանը դեռևս չի ստացել իր առողջական վիճակին համապատասխան բժշկական օգնություն` չնայած պաշտպանական կողմի բազմաթիվ միջնորդություններին․ պաշտպանական թիմ
🔸 «Նրան չի այցելել բուժող կամ համապատասխան մասնագիտացում ունեցող բժիշկ, նա չի տեղափոխվել մասնագիտացված բուժհաստատություն, և չեն իրականացվել անհրաժեշտ հետազոտությունները։ Տրամադրվել են միայն առանձին ցավազրկող միջոցներ։
🔸 Խաչատրյան ընտանիքի նախաձեռնությամբ Հայաստան է ժամանել նրա վիրահատությունն իրականացրած գերմանացի բժիշկ։ Փաստաբանները միջնորդել են, որ թույլատրվի ՔԿՀ-ում տեսակցել և զննել, սակայն տեսակցությունը չի թույլատրվել։ Ստեղծված իրավիճակը պարունակում է խոշտանգման լրջագույն հատկանիշներ», — ասվում է հայտարարության մեջ։

🇷🇺🗳 Ռուսաստանում մեկնարկել են Պետդումայի ընտրությունները․ քվեարկությունը կտևի երեք օր:
ℹ️ Ընտրություններն անցկացվում են Ուկրաինայի դեմ շարունակվող պատերազմի և ընդդիմության գործունեության նկատմամբ սահմանափակումների պայմաններում։ Քվեարկություն է կազմակերպվել նաև Ռուսաստանի կողմից օկուպացված ուկրաինական տարածքներում։
🔸 450-տեղանոց Պետդումայի ընտրություններին մասնակցում է 10 կուսակցություն։ Դրանց թվում են իշխող «Եդինայա Ռոսիան», Կոմունիստական կուսակցությունը, ԼԴՊՌ-ը, «Նովիե լյուդին» և «Սպրավեդլիվայա Ռոսիան»։ «Եդինայա Ռոսիա»-ի համամասնական ցուցակը գլխավորում է արտգործնախարար Սերգեյ Լավրովը, առաջին հնգյակում են նաև Մոսկվայի քաղաքապետ Սերգեյ Սոբյանինը և Միջազգային քրեական դատարանի կողմից հետախուզվող երեխաների իրավունքների հանձնակատար Մարիա Լվովա-Բելովան։ |azatutyun.am|

‼️ Սամվել Կարապետյանի տնային կալանքը երկարաձգվել է 2 ամսով։