Category: Infocom

❗️ ՀՀ ԱԳ նախարար Արարատ Միրզոյանն ու ԱՄՆ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյին:
🤝Զրուցակիցները քննարկել են տարածաշրջանային անվտանգային հարցեր: Անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացում վերջին զարգացումներին, այդ թվում՝ խաղաղության պայմանագրի նախագծում առանցքային հարցերի շուրջ մոտեցումներին և դրանց համաձայնեցման ուղղությամբ ջանքերին: [ՀՀ ԱԳՆ]

🤝 Վարչապետ Նիկոլ Փաշինյանը հյուրընկալել է Լյուքսեմբուրգի Մեծ Դքսության Պատգամավորների պալատի նախագահ Կլոդ Վիզլերի գլխավորած պատվիրակությանը:
📌 Զրուցակիցները քննարկել են Հայաստան-Ադրբեջան խաղաղության պայմանագրի շուրջ քննարկումներին, երկու երկրների միջև սահմանազատման գործընթացին վերաբերող հարցեր: Լյուքսեմբուրգի Պատգամավորների պալատի նախագահը կարևորել է ՀՀ կառավարության մոտեցումները և հասցեական լուծումները՝ կապված ԼՂ-ից բռնի տեղահանված ավելի քան 100 հազար բնակչության խնդիրների ուղղությամբ: Տարածաշրջանային կայունության և խաղաղության ապահովման հարցում երկուստեք ընդգծվել է Հայաստանում ԵՄ քաղաքացիական առաքելության գործունեության կարևորությունը:
[ՀՀ կառավարություն]

✈️Հայկական «Ֆլայ Արնա» («Fly Arna») ավիաընկերության աշխատակիցներն ահազանգում են, որ այս տարվա մարտից հետո, երբ իրենց ծանուցվել է ընկերության գործունեության դադարեցման մասին, աշխատավարձ չեն ստացել, թեև խոստացել են օրենսդրության համաձայն առաջիկա 2 ամսվա համար աշխատավարձ և արձակման նպաստ վճարել։ 
Աշխատակիցներից մեկի խոսքով իրենց վճարել են միայն մարտի համար։
📝«Հայաստանի ազգային ավիաուղիներ» ՓԲԸ-ի 49%-ը պետական է։ Այն պատկանում է «Հայաստանի պետական հետաքրքրությունների ֆոնդ»-ին, որն առավել հայտնի է ԱՆԻՖ անունով։ Ֆոնդի շուրջ ուշագրավ զարգացումներ են տեղի ունենում այս օրերին։ Կառավարության այսօրվա նիստում որոշվեց լուծարել «Հայաստանի պետական հետաքրքրությունների ֆոնդ»-ը (ANIF)։
🗣ԱՆԻՖ-ի տնօրենի ժամանակավոր պաշտոնակատար Տիգրան Ղազարյանը  վստահեցնում է, որ որպես «Ֆլայ Արնա»-ի բաժնետեր՝ ԱՆԻՖ-ն իր իրավասությունների սահմաններում քայլեր է ձեռնարկում, որ ընկերությունն ունենա տնօրեն, որից հետո հնարավոր կլինի վճարել աշխատակիցների աշխատավարձերը։  |hetq.am|

❗️ ՀՀ ԱԽ քարտուղար Արմեն Գրիգորյանն ընդունել է ԱՄՆ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուի Բոնոյին:
🤝 Զրուցակիցները քննարկել են Հայաստան-Ադրբեջան հարաբերությունների կարգավորման գործընթացը, անդրադարձել բանակցային գործընթացի շրջանակներում ընթացող վերջին զարգացումներին և երկարաժամկետ խաղաղության հաստատման հեռանկարներին: Հանդիպմանը քննարկվել են նաև երկկողմ օրակարգի շրջանակն ընդգրկող հարցեր: [ԱԽ գրասենյակ]

📃 Գույք կորցնող գյուղացիները Կիրանցի գյուղապետարանում դիմումներ են գրում, «Ազատություն»-ը Կիրանցում ծանոթացել է դիմումի տեքստին: Դիմումում, որը ցույց են տվել բնակիչները, նշվում է, որ «հաստատում են՝ փոխհատուցման ենթակա գումարը ստանալու դեպքում հրաժարվում են Հայաստանի նկատմամբ բոլոր գույքային և ոչ գույքային հնարավոր պահանջներից»։
📌 Միաժամանակ սույն դիմումով նրանք «լիազորում են Տավուշի մարզպետի աշխատակազմին դիմում ներկայացնել Կադաստրի կոմիտե՝ գույքի նկատմամբ իրավունքի դադարման պետական գրանցում կատարելու համար»։ Փոխհատուցման չափի ու հաշվարկի մեխանիզմի վերաբերյալ որևէ բառ դիմումի տեքստում չկա։ Դիմումի ձևաթղթում հղում է արվում կառավարության մայիսի 20-ի N 723-ԱԳ որոշմանը, որը սակայն, գործադիրի e-gov.am կայքում չենք գտնում, այն այս պահի դրությամբ տեղադրված չէ։
📌 Գուղացիներն ավելի վաղ «Ազատության»-ը ասել են, որ ընդհանուր առմամբ 54 հողակտոր է սահմանազատման հետևանքով անցնում սահմանի ան կողմը: Դրանք պատկանում են ավելի քան 30 անձի: Պաշտոնապես առայժմ այդ մասին չի հաղորդվում, մինչ այս պահը հայտնի չէ՝ ինչ չափի փոխհատուցում են տրամադրելու քաղաքացիներին ու ինչպես: |azatutyun.am|

🇦🇲🇺🇸 Մհեր Գրիգորյանն ընդունել է ԵԱՀԿ ՄԽ ամերիկացի համանախագահ Լուիս Բոնոյին:
🗣 Քննարկվել են տարածաշրջանային զարգացումները, այդ թվում՝ անդրադառնալով Հայաստան-Ադրբեջան հարաբերությունների կարգավորման գործընթացին ու վերջինիս շարունակականության ապահովման կարևորությանը:

📌 Կիրանց գյուղում կրքերը քիչ առաջ թեժացել են։ «Ազատության» փոխանցմամբ՝ գյուղում պնդում են, որ սահմանազատման հետևանքով ադրբեջանական կողմին անցնող չորս շինություններից մեկի վագոն-տնակի սեփականատիրոջը հորդորել են ազատել տարածքը՝ շինությունից իրերը դուրս հանել, թեև սկզբում այլ ժամկետ են տվել։ Կիրանցի բնակիչը չի պարզաբանել, սակայն, թե ի վերջո ով է նման բան հորդորել։
🔸 Կրքերը կտրուկ լարվել են նաև հարակից հողակտորներից մեկում։ Բնակիչներից մեկը որոշել էր այրել իր հողատարածքի մի մասը։ Դա նույնպես ադրբեջանական կողմին է անցնում։ Միջադեպ եղավ, հրմշտոց ծագեց։ Մեկ այլ քաղաքացի՝ քաղաքացիական հագուստով, հորդորում էր նման բան չանել։ Ի վերջո, ոստիկանները միջամտեցին, հրշեջներն էլ մարեցին հրդեհը։

🗣 Գյուղի բնակիչներն ասացին, որ հորդորող անձը իրավապահ մարմինների ներկայացուցիչ է, սակայն «Ազատություն»-ը որևէ պաշտոնական հաստատում չունի այդ մասին։ |azatutyun.am|

💬 Խաչատուր Սուքիասյանի՝ բանավոր ելույթում հնչեցրած խոսքերը չեն արտահայտում ՔՊ կուսակցության և խմբակցության դիրքորոշումը։ Պարոն Սուքիասյանը դրա մասին պարազաբանում տվել է, և ՀՀ-ն առաջնորդվում է բացառապես ժողովրդավարական ճանապարհով։ Այս մասին ասել է ՔՊ խմբակցության քարտուղար Արթուր Հովհաննիսյանը։
📌 Նշենք, որ երեկ Սուքիասյանը ԱԺ ամբիոնից հայտարարել է․ «Եթե մենք գնանք տարիներ հետ և տեսնենք, թե ՀՀ-ն ովքեր են ղեկավարել, ինչ ձևով են կառավարել, և տեսնենք, թե նրանք ինչ ձևով էին վերաբերվում այն մարդկանց, ովքեր որ մի օտար երկրի անուն էին տալիս. շատ վատ էին վարվում՝ կա՛մ էդ մարդիկ բանտում էին հայտնվում, կա՛մ էդ մարդիկ մահանում էին, կա՛մ էդ մարդիկ ունեզրկվում էին: Հիմա ձեզ ասում եմ՝ եթե դուք ձեր չափը չճանաչեք և դուք խանգարեք ՀՀ զարգացմանը, ձեզ հետ նույն գործիքներով կխոսեն»: