Category: Infocom

📣 Հրազդանի ոստիկանների կողմից ենթադրյալ խոշտանգման ենթարկված Խաժակ Թովմասյանի հետ տեղի ունեցած դեպքից 4 օր անց դեռևս վարույթ նախաձեռնված չէ, ինչը կարող է հանգեցնել ինչպես ապացույցների կորստի, այնպես էլ գործի վրա հնարավոր ազդեցության ռիսկ ստեղծել։
🗣 Այս մասին հայտարարում է պաշտպան փաստաբան Սուզաննա Խչեյանը։
📌 Նա նշել է, որ Թովմասյանը ՔԿ նախագահին ուղղված հանցագործության մասին հաղորդմամբ մատնանշել է այն ոստիկաններին, որոնք իր նկատմամբ ապօրինի ձերբակալում, բռնություն և խոշտանգում են իրականացրել։

‼️ Արարատ Միրզոյանը համարում է, որ իր ղեկավարած գերատեսչությունն «անհրաժեշտ քայլերն արել է» Գանձասարում տեղի ունեցածից հետո:
🗣 «Այդ հարցով ավելի մասնագիտացված մարմիններ կան. մենք լսեցինք և շատ բավարարված ենք Մատենադարանի դիրքորոշմամբ ու պահվածքով: Մենք Մատենադարանի հետ ներգրավվեցինք, այց էր տեղի ունեցել»,- նշել է նա:
🇦🇿 Ի պատասխան հարցին, թե կառուցողակա՞ն է համարում Բաքվի գործողությունները, նախարարը հղում է արել ԱԺ նախագահի երեկվա մեկնաբանությանը. «ԱԺ նախագահը շատ դիպուկ ասաց՝ այո, իհարկե, ակնհայտ է, որ սա հաստատված խաղաղությունը չի ամրապնդում, հակառակը՝ սնուցում է ինչ-որ բաներ, որ… գուցե հնչում են ոչ այդքան լավատեսական կարծիքներ խաղաղության հետագա ճակատագրի վերաբերյալ»: |azatutyun.am|

⚖️ ՍԴ-ն կքննի վերջին երկու տարում առնվազն մեկ տարի Հայաստանից բացակայած ՀՀ քաղաքացիներին քվեարկելու իրավունքից զրկող նոր կարգավորման սահմանադրականությունը։
🗓 Գործով դատաքննությունը նշանակված է 2026թ. դեկտեմբերի 22-ին՝ ժամը 11:00-ին։ Այն կանցկացվի գրավոր ընթացակարգով։

🇺🇦🇷🇺 Եթե մեր գործընկերները պատրաստ են ապահովել Ռուսաստանի իրական պատրաստակամությունը չհարվածել մեր էլեկտրաէներգետիկ արդյունաբերությանը, այլ էներգետիկ օբյեկտներին, կարևորագույն ենթակառուցվածքներին և սննդի մատակարարման ուղիներին, ապա մենք, իհարկե, պատրաստ ենք ապահովել մեր հարվածներից համապատասխան հրաժարումը, հայտարարել է Ուկրաինայի նախագահ Վլադիմիր Զելենսկին։
🗣 «Սա պետք է լինի հուսալի, երկարատև և իրական ազդեցություն ունենա մարդկանց կյանքի վրա, այլ ոչ թե փլուզվի այն բանից հետո, երբ ռուսները կանցկացնեն իրենց «ընտրությունները» և կստանան բենզինի և դիզելային վառելիքի վրա ճնշման ժամանակավոր մեղմացում։
🔸 Պատերազմը պետք է ավարտվի։ Եվ կարևորագույն ենթակառուցվածքների վերաբերյալ լարվածության թուլացման ուղղությամբ քայլը կարող է լինել խաղաղության առաջին քայլը։Մենք մեր գործընկերներից ակնկալում ենք կոնկրետ գործողություններ»,- նշել է Զելենսկին։ |tert.am|