Category: Infocom

📣 2018-ից շփվում եմ Ռուսաստանի նախագահի հետ և երբեք և ոչ մի անգամ Հայաստանից 102-րդ ռազմաբազան դուրս բերելու հարց չեմ բարձրացրել, այսօր խորհրդարանում հայտարարել է վարչապետ Նիկոլ Փաշինյանը:
🗣 «Իսկ եթե Ռուսաստանի Դաշնությունը պատրաստ է պահպանել ռազմաբազան, մենք պատրաստ ենք քննարկել», – հավելել է նա: |azatutyun.am|

⚖️ Գոռ Մինասյանի պաշտպանները հակադարձում են ՔԿ-ին՝ վիճարկելով թրաֆիքինգի մեղադրանքի հիմքերն ու կալանավորման ընթացքը:
🔸 «ՀՀ քննչական կոմիտեի առաջ քաշած վարկածը, թե քաղաքացի Վ. Ս.-ն ենթարկվել է թրաֆիքինգի և բռնության, հերքվում է ինչպես վերջինիս կողմից ուղարկված անձնական հաղորդագրությունների բովանդակությամբ, այնպես էլ պաշտպանության կողմից փաստաբանական հարցման ենթարկված անձանց հայտնած փաստական տվյալներով, որոնք սահմանված կարգով ներկայացվել են դատարանին խափանման միջոց կիրառելու միջնորդության քննության ժամանակ։
🔸 Տեղի ունեցած դատավարական գործողությունների ժամանակագրությունը պաշտպանության կողմի մոտ հիմնավոր կասկածներ է հարուցում առ այն, որ վարույթն իրականացնող մարմնի կողմից Գոռ Մինասյանի ձերբակալումն իրականացվել է այնպես, որ խափանման միջոց կալանք կիրառելու միջնորդությունը մակագրվի կոնկրետ դատավորի՝ երաշխավորելով դրա բավարարումը», — ասված է փաստաբանական թիմի հայտարարության մեջ։

📣 «Հայաստանն արձագանքել է Մատենադարանի տնօրենի միջոցով». Փաշինյանը՝ Գանձասարի հայկական լինելու մասին հարցին պատասխանելով
🗣 «Ես անիմաստ եմ համարում այդ թեմայով խոսակցությունը և անիմաստ եմ համարում նպատակադրումը, որ դա պետք է ապացուցենք Ադրբեջանին: Դա անիմաստ և անիրագործելի խնդիր է», — ԱԺ-Կառավարություն հարցուպատասխանի ժամանակ ասաց վարչապետը:

‼️ ՍԴ-ն որոշել է՝ ԹՐԻՓՓ-ի համաձայնագիրը համապատասխանում է Մայր օրենքին:
🗣 Այդ մասին Factor TV-ին հայտնել են Սահմանադրական դատարանի արտաքին կապերի բաժնից։
📌 Երեկ սկսված դատաքննությունը Սահմանադրական դատարանում տևել է մի քանի ժամ և ավարտվել, ամբողջական որոշումը կհրապարակվի եռօրյա ժամկետում։