Category: Infocom

⚖️ Դատարանը վարույթ է ընդունել Ավինյանի հոր՝ «Opel»-ի վարորդներին «համբալ» անվանելու վերաբերյալ ավագանու անդամի հայցադիմումը:

🔸 «Մայր Հայաստան» խմբակցության անդամ Գրիգոր Իսկանդարյանն Արմեն Ավինյանից պահանջում է ֆինանսական խորհրդանշական՝ 500 հազար դրամ փոխհատուցում վիրավորանքի համար։
📌 Հիշեցնենք՝ 2024թ. տարեվերջին Արմեն Ավինյանը, «կարմիր գծերի» մասին լրագրողի հարցին ի պատասխան, «համբալ» էր անվանել «Opel»-ի վարորդներին։ «Պտի 500 հազար սարքեն, որ ամեն համբալ չգա կայնի ստեղ իրա գեղի «Opel»-ով»,- ասել էր Արմեն Ավինյանը։ |factor.am|

🇦🇲🇬🇪 Արարատ Միրզոյանը հեռախոսազրույց է ունեցել Վրաստանի ԱԳ նախարար Մակա Բոճորիշվիլիի հետ:
🗣 Նախարարները անդրադարձ են կատարել Հայաստան-Վրաստան բարձր մակարդակի քաղաքական երկխոսության շրջանակներում նախատեսվող առաջիկա ծրագրերին՝ երկու երկրների միջև հաստատված ռազմավարական գործընկերությանը համահունչ:
📌 Անդրադարձել է կատարվել Հարավային Կովկասում խաղաղության և կայունության ապահովման ուղղությամբ քննարկումներին։
[ՀՀ ԱԳՆ]

🇦🇲🇬🇪 Արարատ Միրզոյանը հեռախոսազրույց է ունեցել Վրաստանի ԱԳ նախարար Մակա Բոճորիշվիլիի հետ:
🗣 Նախարարները անդրադարձ են կատարել Հայաստան-Վրաստան բարձր մակարդակի քաղաքական երկխոսության շրջանակներում նախատեսվող առաջիկա ծրագրերին՝ երկու երկրների միջև հաստատված ռազմավարական գործընկերությանը համահունչ:
📌 Անդրադարձել է կատարվել Հարավային Կովկասում խաղաղության և կայունության ապահովման ուղղությամբ քննարկումներին։
[ՀՀ ԱԳՆ]

🎓 Պետություն-մասնավոր համագործակցությամբ կրթաթոշակի հնարավորություն՝ օտարերկրյա հեղինակավոր բուհեր ընդունվողների համար
🔸 Ծրագրի գործելու հիմնական պայման է, որ մասնակցություն ունենա մասնավորը. «Առևտրային կազմակերպությունը, որը վերջին 5 տարվա ընթացքում ունեցել է առնվազն 100 աշխատող, պետք է համաֆինանսավորի կրթաթոշակը առնվազն 50%-ով, որից հետո պետությունը ևս ամեն տարի մինչև 10 մլն դրամ (մնացորդային գումարի չափով) կրթաթոշակ կտրամադրի», – կառավարության նիստում նշել է Ժաննա Անդրեասյանը:
🔸 Կարևոր պայման է նաև այն, որ աշխատակիցն ուսումնառությունն ավարտելուց հետո համապատասխան մասնագիտությամբ առնվազն 3 տարի պետք է աշխատի առևտրային կազմակերպությունում։
👨‍🏫 Խոսքը այն ուսումնական հաստատությունների մասին է, որոնք ընդգրկված են աշխարհի լավագույն բուհերի ակադեմիական վարկանիշավորման կայքի տվյալ տարվա ցանկերում։
[ՀՀ ԿԳՄՍՆ բարձրագույն կրթության և գիտության կոմիտե]

🇺🇸 ԱՄՆ նախագահ Դոնալդ Թրամփը սպառնացել է «Համաս» խմբավորմանը:
🗣 «Ազա՛տ արձակեք բոլոր պատանդներին հիմա, ոչ ուշ և անմիջապես վերադարձրե՛ք ձեր կողմից սպանված մարդկանց դիերը, այլապես ձեզ համար սա վերջը կլինի… «Համաս»-ի ոչ մի անդամ ապահով չի լինի, քանի դեռ չեք անում այնպես, ինչպես ես եմ ասում»,- գրել է Սպիտակ տան ղեկավարը:
🇮🇱 Նա նաև նշել է՝ Իսրայել է ուղարկում այն ամենն, ինչ հարկավոր է «գործն ավարտին հասցնելու համար»։ Նշենք, որ մարտի 1-ին ԱՄՆ պետքարտուղարությունը հավանություն է տվել Իսրայելին մոտ 3 միլիարդ դոլարի զենք-զինամթերքի վաճառքին։

‼️ 2025թ. ապրիլի 1-ից հունիսի 13-ը ներառյալ կանցկացվեն վարժական հավաքներ:
✅ Համապատասխան որոշման նախագիծը հաստատվեց ՀՀ կառավարության նիստի ժամանակ:

🇦🇲🇪🇺 Հայաստանը ԵՄ-ում պաշտպանության հարցերով կցորդ կունենա: Որոշման նախագիծն ընդունվեց ՀՀ կառավարության նիստում:
🇧🇪 Պաշտպանության հարցերով կցորդի նստավայրը Բելգիայի Թագավորությունն է՝ Բրյուսել քաղաքը։
💬 Համաձայն հիմնավորման՝ կցորդը իրականացնելու է միջազգային կազմակերպության, ինչպես նաև անդամ պետությունների միջև ռազմական և ռազմաքաղաքական համագործակցության համադրման և կոորդինացման աշխատանքները, կամրապնդի փոխգործակցության մակարդակը, ինչպես նաև կներկայացնի համագործակցության հեռանկարային զարգացման վերաբերյալ առաջարկություններ: