Category: Infocom

🇦🇲 Փոխարտգործնախարար Վահան Կոստանյանը այսօր հայտնեց, որ մեկ-երկու հարց շարունակում է չհամաձայնեցված մնալ՝ չմանրամասնելով, թե դրանք որ հարցերն են։
🇦🇿 Խաղաղության համաձայնագրի վիճահարույց կետերին X-ի իր էջում անդրադարձել է Ալիևի կառավարության կողմից ֆինանսավորվող վերլուծական կենտրոնի ղեկավար Ֆարիդ Շաֆիևը՝ գաղտնազերծելով դրանք։ Ըստ նրա՝ դրանցից մեկը ՀՀ Սահմանադրության փոփոխության, մյուսը՝ Երևանի կողմից «իրավական և դիվանագիտական վեճերի» բացառման, վերջինն էլ Հայաստանի և Ադրբեջանի սահմանին օտար ուժերի բացակայության մասին է:
🗣 Կոստանյանը հայտարարեց, որ Սահմանադրությունը փոխելու պահանջ խաղաղության համաձայնագրի նախագծում չկա: Իսկ արդյոք մյուս երկու կետերը վերաբերո՞ւմ են իրավական վեճերի բացառմանը և սահմանին օտար ուժերի բացակայությանը, Կոստանյանն ասաց, որ քանի որ այս պահին բանակցություններն ընթանում են, ճիշտ չի համարում ամբողջությամբ բացել, թե ինչի շուրջ են ընթանում քննարկումները, բայց չհամաձայնեցված կետերի շուրջ պիտի շարունակվեն քննարկումները։|azatutyun.am|

🇦🇲🇮🇷 ՀՀ-ում Իրանի դեսպանը հայտարարում է՝ Արաքսի վրա գոյություն ունեցող կամուրջը բավարար չէ․
🗣 «Պետք է կառուցենք նորը, որպեսզի կարողանանք մեծացնել բեռնատարների թողունակությունը: Շատ աշխատանքներ ունենք իրականացնելու, և շատ վառ ապագա է սպասվում»,- Կապանում լրագրողների հետ ճեպազրույցում ասաց Մեհդի Սոբհանին:
🛣 Նա նշեց, որ Հայաստանի և Իրանի առևտրաշրջանառության ծավալը կազմում է 700 միլիոն դոլար․ «Երկու երկրների ղեկավարներն արդեն 3 միլիարդ դոլարի հասցնելու շեմ են սահմանել: Որպեսզի կարողանանք հասնել այդ նպատակին, պետք է ենթակառուցվածքներ ստեղծենք: Հետևաբար, շինարարական աշխատանքները կնպաստեն հասնելու այդ նպատակին»: |armenpress.am|

💬 Ամբողջովին կիսում եմ իշխող քաղաքական ուժի դիրքորոշումը՝ կապված իրական Հայաստանի հետ. Սրբուհի Գալյան
🔸 ՀՀ արդարադատության նախարար Սրբուհի Գալյանը հայտնեց, որ դեռևս չի հասցրել ծանոթանալ խաղաղության պայմանագրին առնչվող փաստաթղթերին, բայց նաև ստանձնել է պատասխանատվություն իրականացնելու խաղաղության ողջ գործըթնացի իրավական ուղեկցումը:
🗣 Դիտարկմանը, որ եթե կիսում է Փաշինյանի վարած քաղաքականությունը, ապա կո՞ղմ է, որ Արցախը ճանաչվի Ադրբեջանի մաս, Գալյանը պատասխանեց. «Ես խոսում եմ խաղաղության օրակարգի մասին։ Պարոն վարչապետը շատ պարզ, հասկանալի մեկնաբանություններ է տվել իր հարցազրույցներում և այդ գաղափարներն, այո՛, ամբողջությամբ կիսում եմ»:

🗣 Արարադատության նորանշանակ նախարար Սրբուհի Գալյանը համարում է, որ ՀՀ-ում քաղբանտարկյալներ չկան:
📍 «Բոլոր քրեական գործերը, որոնք հարուցվել են, հարուցվել են որպես կոնկրետ հնարավոր հանցավոր արարքներին հակազդեցություն»,- ասաց Գալյանը լրագրողների հետ զրույցում: |news.am|

🇩🇪 Գերմանիայում կազմալուծվել է իշխող «լուսացույցի կոալիցիան», որը կազմված էր Գերմանիայի Սոցիալ-դեմոկրատական ​​կուսակցությունից, Ազատ դեմոկրատական ​​կուսակցությունից և «Միություն 90»-ից:
📍 Կանցլեր Օլաֆ Շոլցը պաշտոնից ազատել է իշխող կոալիցիայի կազմում Ազատ դեմոկրատական ​​կուսակցությունից ֆինանսների նախարար Քրիստիան Լինդներին՝ պարզաբանելով, որ նախարարը կառուցողական չի գործել բյուջետային հարցերում և արգելափակել է անհրաժեշտ օրենքների ընդունումը։ Իր հերթին Լինդները Շոլցին մեղադրել է կոալիցիայի կազմալուծման համար։
💰 Շոլցի և Լինդների միջև լուրջ տարաձայնություններ կան՝ կապված տնտեսական, ֆինանսական և սոցիալական քաղաքականության հետ, որի պատճառով նրանք չեն կարողանում ընդունել 2025թ. բյուջեն։
✅ Շոլցը հունվարի 15-ին Բունդեսթագից վստահության քվե կխնդրի իր կառավարության համար, որպեսզի կարողանա մարտին արտահերթ ընտրություններ անցկացնել։ |armenpress.am|

✅ Մեսրոպ Մեսրոպյանը առաջադրվեց Հանրային ծառայությունները կարգավորող հանձնաժողովի նախագահի պաշտոնում:
Համապատասխան որոշումը հասատվեց ՀՀ կառավարության նիստի ժամանակ:

«Վաշինգտոնը Հայաստանին համառորեն մղում է դեպի ազգային ինքնասպանություն». ՌԴ արտաքին հետախուզության ծառայություն
🇦🇲🇷🇺🇺🇸 Ըստ ՌԴ ԱՀԾ-ի՝ «ԱՄՆ պետքարտուղարությունում զգալիորեն արագացրել են Հայաստանում արևմտամետ քաղաքացիական հասարակության կառույցների գործունեության խթանմանն ուղղված միջոցառումների շուրջ աշխատանքները»:
📍 Նշվում է, թե «խնդիր է դրվել Հայաստանում հասարակական-քաղաքական գործընթացներին տալ կայուն հակառուսական բնույթ: Այդ նպատակով Վաշինգտոնը մտադիր է երկարաժամկետ տեղեկատվական-քարոզչական արշավ իրականացնել, այդ թվում՝ վարկաբեկել Երևանի հետ Ռուսաստանի, ԵԱՏՄ-ի ու ՀԱՊԿ-ի համագործակցության հեռանկարները, նաև նյութեր տարածել ՌԴ-ում աշխատող ՀՀ քաղաքացիների «մտահոգությունների» վերաբերյալ»: |tass.ru|

🇺🇸 Քամալա Հարիսը չորեքշաբթի զանգահարել է նորընտիր նախագահ Դոնալդ Թրամփին՝ շնորհավորելու նրան ընտրություններում հաղթանակի կապակցությամբ, ասել է Հարիսի ավագ օգնականը:
🤝 Հարիսը Թրամփի հետ քննարկել է իշխանության խաղաղ փոխանցման կարևորությունը նախքան իր ելույթը: Այս մասին հայտնում է Associated Press-ը։

🇺🇸🇫🇷 Ֆրանսիայի նախագահ էմանուել Մակրոնը հեռախոսազրույց է ունեցել ԱՄՆ նորընտիր նախագահ Դոնալդ Թրամփի հետ:
🤝 Նրանք պայմանավորվել են «միասին աշխատել խաղաղության և կայունության վերականգնման շահերից ելնելով», հաղորդում է AFP-ն:

🇺🇸🇪🇺 Արտաքին գործերի և անվտանգության ընդհանուր քաղաքականության շրջանակներում Եվրամիությունը ջանք չի խնայի ԱՄՆ-ի հետ ակտիվ հարաբերություններ պահպանելու համար: Գրել է Եվրամիության դիվանագիտության ղեկավար Ժոզեպ Բորելը՝ ԱՄՆ-ի նորընտիր նախագահ Դոնալդ Թրամփին ուղղված շնորհավորական ուղերձում։
🗣 «Միևնույն ժամանակ, ԵՄ-ն կշարունակի կատարել իր պարտավորությունները տարբեր ոլորտներում՝ սկսած պաշտպանությունից և անվտանգությունից մինչև կլիմայական խնդիրներ, որպեսզի կառուցի ուժեղ և ինքնիշխան Եվրոպա։ Այս ընտրությունը հետևանքներ կունենա գլոբալ անվտանգության տեսանկյունից մտահոգություն առաջացնող բոլոր տարածաշրջանների համար, ներառյալ Մերձավոր Արևելքը և Ուկրաինան»,- գրել է Բորելը։ |armenpress.am|