Category: Infocom

🇪🇺 Ադրբեջանի իշխանությունների կողմից Գանձասարը և Դադիվանքը «հին Կովկասյան Աղվանքի» եկեղեցիներ հռչակելու ֆոնին Եվրամիության հատուկ ներկայացուցիչ Մագդալենա Գրոնոն, ամփոփելով Բաքու և Լեռնային Ղարաբաղ կատարած այցը, X-ում գրել է, թե կողմերը դեռևս «խորապես տարբերվող տեսակետներ ու նարատիվներ ունեն որոշ վայրերի ծագման վերաբերյալ»:
📌 Գրոնոն անվանապես չի նշել, թե որ վայրերի ծագումը նկատի ունի, բայց շեշտել է, թե Երևանն ու Բաքուն այս հարցերը պետք է քննարկեն և հասցեագրեն՝ անցյալի հակամարտության այդ ասպեկտը ևս հաղթահարելու համար. «Անցյալի հակամարտության չլուծված ժառանգության և բոլոր կողմերի կրած տառապանքների ընդունումն առանցքային նշանակություն կունենա հաշտեցման համար»: |azatutyun.am|

🇺🇸🇺🇦 Ուկրաինայի նախագահ Վլադիմիր Զելենսկին պետք է դադարեցնի «Ռուսաստանում դիզելի դեֆիցիտ ստեղծելը», – հայտարարել է Միացյալ Նահանգների նախագահ Դոնալդ Թրամփը:
🗣 «Զելենսկին պետք է մի բան անի՝ նա պետք է դադարեցնի շարքից հանել Ռուսաստանում դիզելային վառելիքի արտադրությունը: Նա դիզելի դեֆիցիտ է ստեղծում: Դա կապ չունի Մերձավոր Արևելիք հետ: Դա Ռուսաստանի և Ուկրաինայի միջև տեղի ունեցողի հետևանք է», – ընդգծել է Թրամփը Իռլանդիայում լրագրողների հետ զրույցում:
📌 ԱՄՆ նախագահը փոխանցել է, որ Ուկրաինայի նախագահի հետ խոսել է այդ թեմայով: |azatutyun.am|

🇺🇦🇷🇺 Սեպտեմբերի լույս 13-ի գիշերը Ուկրաինայի զինված ուժերը անօդաչու թռչող սարքերով հարձակվել են Թաթարստանի Նիժնեկամսկ քաղաքի վրա:
📌 Քաղաքային իշխանությունների տվյալներով, զոհվել է երկու մարդ՝ ավտոմեքենայում, որի կողքին պայթել է դրոնը: Եվս վեց մարդ տուժել է:
🔥 Ուկրաինական տելեգրամյան ալիքները գրում են, որ անօդաչուները գրոհել են Նիժնեկամսկի արդյունաբերական գոտին, որտեղ մի քանի նավթավերամշակման ձեռնարկություն կա։
🛢 Ուկրաինական անօդաչուները թիրախավորել են նաև նավթավերամշակման գործարանը Ռուսաստանի Կրասնոդարի երկրամասի Կուբանի Սլավյանսկ քաղաքում: |azatutyun.am|

🇷🇺🇺🇦🇺🇸 Ռուսաստանը ակնկալում է տեսանելի ապագայում անցկացնել եռակողմ բանակցություններ ուկրաինական հակամարտության կարգավորման շուրջ։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
🗣 «Մենք հույս ունենք, որ տեսանելի ապագայում դա տեղի կունենա։ Այս հարցում մեր դիրքորոշումը համընկնում է պարոն Քուշների դիրքորոշման հետ», — ասել է Պեսկովը «Известия»-ին տված մեկնաբանությունում։
📌Ըստ նրա, Ռուսաստանի, Ուկրաինայի և ԱՄՆ-ի ներկայացուցիչների մասնակցությամբ հանդիպումները անհրաժեշտ են հակամարտության խաղաղ կարգավորման նոր տարբերակներ գտնելու համար։ |news.am|