Category: Infocom

📣 Փաստաբանը հայտնել է, որ «Իզմիրլյան» ԲԿ-ի գործը վերաբերում է նրան, որ կենտրոնը 2015-2025 թվականներն իր կարիքների համար ձեռք է բերել ապրանքներ, բժշկական պարագաներ իբրև հոգևորականների հետ փոխկապակցված ընկերություններից ավելի բարձր գնով, չնայած ուներ իբրև հնարավորություն ավելի նվազ գնով ձեռք բերել այդ պարագաները տվյալ պարագայում անմիջապես ներմուծող և արտադրող ընկերություններից։
🗣 «Այդ կերպ իբրև թույլ է տվել, որ այդ ընկերությունները, որոնք ունեն իբրև փոխկապակցվածություն Հայաստանյաց Սուրբ Առաքելական եկեղեցու բարձրաստիճան հոգևորականների հետ, իրենց համար առաջացրել են մեծ շահույթներ, խուսափել են առանձնապես խոշոր չափերի հարկերից ու արդյունքում որոշակի գործարքներ կատարելով լեգալիզացրել են համապատասխան դրամական միջոցները», — նշել է «Իզմիրլյան» ԲԿ-ի տնօրեն Արմեն Չարչյանի փաստաբան Էրիկ Ալեքսանյանը: |azatutyun.am|

🚊 Երասխի և Ախուրիկի հատվածների մասով որոշակի ըմբռնում ունենք ռուսական կողմի հետ և որոշակի պայմանավորվածության կհանգենք, կարծում եմ` առաջիկա օրերին դրա պատասխանը կունենանք. ՏԿԵ նախարար Դավիթ Խուդաթյան
📣 «Եթե ստացվի այնպես, որ իրենք դա անեն, շատ ավելի լավ, կգնանք այդ ճանապարհով, իսկ եթե ինչ-որ հարցեր խանգարեն (թեև իմ ըմբռնումն այն է, որ հարցեր չպետք է լինեն, որոնք առնվազն Երասխի և Ախուրիկի մասով կխանգարեն), ՀՀ կառավարությունն ինքը կվերականգնի նշված հատվածներում երկաթգիծը, որովհետև դա ապաշրջափակման տրամաբանության կարևոր կետերից մեկն է»,- ասել է տարածքային կառավարման և ենթակառուցվածքների նախարարը:
📌 Հարցին, թե ռուսական կո՞ղմն է ներդրում անելու, նախարար Խուդաթյանը պատասխանել է․ «Եթե իմ ասած առաջին տարբերակով լինի, այո»: |azatutyun.am|

🇦🇲 Մենք ուզում ենք, որ ԵՄ քաղաքացիական առաքելությունը շարունակի մնալ Հայաստանում. ՀՀ ԱԽ քարտուղար Արմեն Գրիգորյան
📣 «Գիտեք, որ խաղաղության պայմանագրի շրջանակներում մենք համաձայնություններ ունենք, դեռևս պետք է ստորագրվի և վավերացվի, որպեսզի ուժի մեջ մտնի, հասկանանք, թե ինչպես ենք առաջ շարժվում այդ մասով։ Բայց միանշանակ է, որ մենք ուզում ենք առաքելությունը շարունակի մնալ Հայաստանում, և մենք կշարունակենք աշխատել այս ուղղությամբ։
📌 Հետագա համագործակցության ձևերը քննարկման փուլում են, կքննարկենք, կհասկանանք, թե ինչպիսի գործունեության շրջանակում մենք կարող ենք համագործակցել։ Մենք կհասկանանք, թե ինչպես կարող ենք անել, բայց դա նաև կախված է խաղաղության պայմանագրի վավերացումից»,- ասել է Գրիգորյանը։ |news.am|

💰 «Իզմիրլյան» ԲԿ-ում խուզարկությունները առանձնապես խոշոր չափերով հարկեր չվճարելուն ու փողերի լվացմանը վերաբերող քրեական վարույթի շրջանակում են:
🗣 Այս մասին հայտնում է փաստաբան Էրիկ Ալեքսանյանը:
💬 «Քրեական վարույթի նախաքննության ընթացքում կատարվում են քննչական գործողություններ»,- այս մասին Ինֆոքոմի հարցին ի պատասխան հայտնել են քննչական կոմիտեից՝ առանց մանրամասնելու՝ ինչ հոդվածով է նախաձեռնված վարույթը:

✅ ԱԺ-ն առաջին ընթերցմամբ ընդունեց «Տեսալսողական մեդիայի մասին» օրենքում նախատեսված փոփոխությունները: Առաջարկվում է՝
🔻որ օրենքի կարգավորումները գործեն ոչ միայն հանրային մուլտիպլեքսի 26 հեռուստաալիքների համար, այլև կաբելային հեռուստաալիքների համար.
🔻 արգելել օտարերկրյա հաղորդումներում «ՀՀ ներքաղաքական կյանքին միջամտության բովանդակության տարածելը».
🔻 հնարավորություն տալ ՀՌՀ-ին սանկցիաներ կիրառել ցանցային օպերատորների նկատմամբ, եթե արձանագրվեն վերոնշյալ դրույթի առերևույթ խախտումներ: