Category: Infocom

🪪 Այն պահից, երբ Հայաստանում կգործեն բիոմետրիկ անձնագրերը, իսկ դա սպասում ենք 2027-ի աշնանը, «Զվարթնոց» օդանավակայանում ու մյուս սահմանային կետերում պետք է գործեն «անշփում» անցման ուղիները:
🗣 Այսօր այս մասին խորհրդարանում հայտարարել է վարչապետ Նիկոլ Փաշինյանը։ Նա տեղեկացրել է, որ այս նորարարությունը գործի կդրվի կենսաչափական անձնագրերի գործարկումից հետո։
📌 «Բիոմետրիկ անձնագիր ունեցող, կենսաչափական անձնագիր ունեցող քաղաքացիները պետք է գնան ուղղակի իրեց կենսաչափական տվյալները… Այսինքն՝ առանց կոնտակտի պետք է գնան օդանավ մտնեն կամ դուրս գան, կամ սահմանը հատեն»,- մանրամասներ Նիկոլ Փաշինյանը:
📣 Վարչապետն ասաց, որ Հայաստանում «անշփում անցման» համակարգի ներդրման համար պետք է ամերիկյան կողմի աջակցությունը. «Պետք է, որ Միացյալ նահանգները, որը տիրապետում է այդ տեխնոլոգիաներին, այդ տեխնոլոգիաներով կիսվեն մեզ հետ»։ |azatutyun.am|

🇦🇲🇺🇸 Երևանն առաջիկայում Վաշինգտոնին կփոխանցի TRIPP-ի նախագծին առնչվող հայկական կողմի դիտարկումները։
📣 Այս մասին ԱԺ-Կառավարություն հարցուպատասխանի ժամանակ ասաց ՀՀՀ վարչապետ Նիկոլ Փաշինյանը՝ նշելով, որ նախագծի հիմքում երկու երկների կառավարությունների հաստատած «իրագործման շրջանակն» է, որն էլ իր հերթին ստեղծվել է օգոստոսի 8-ին Վաշինգտոնում կնքված հռչակագրի հիման վրա։
📌 Փաշինյանը շեշտել է, որ արդեն սկսվել է TRIPP նախագծի տեխնիկատնտեսական ուսումնասիրությունն ու գնահատումը: |azatutyun.am|

📣 Ամենայն Հայոց Կաթողիկոսը հանդիպել է միջազգային իրավաբան Ռոբերտ Ամստերդամին։
🗣 Քննարկվել են անազատության մեջ գտնվող եպիսկոպոսների և ազգային բարերար Սամվել Կարապետյանի նկատմամբ ընթացող իրավական գործընթացները։
[Մայր Աթոռ]

📺 Առաջարկվում է արգելել օտարերկրյա հաղորդումներում «ՀՀ ներքաղաքական կյանքին միջամտության բովանդակության տարածելը», և հնարավորություն տալ Հեռուստատեսության և ռադիոյի հանձնաժողովին սանկցիաներ կիրառել ցանցային օպերատորների նկատմամբ, եթե արձանագրվեն առերևույթ խախտումներ:
💬 Ընդդիմադիր պատգամավոր Գեղամ Մանուկյանը ձևակերպումը համարում է «սուբյեկտիվ» և նշում, թե ինչպես է ՀՌՀ անդամը որոշելու՝ միջամտությո՞ւն են Թուրքիայի ԱԳ նախարար Հաքան Ֆիդանի կամ Սոլովյովի հայտարարությունները. «Արդյունքում՝ հասարակության մեջ անհանգստություն է, որ նախագիծն ընտրությունների ժամանակ ևս մի գործիք է տալու, որ իշխանությանը ոչ հաճո ՀԸ-ի, ռեպորտաժի վրա դրվի սահմանափակում»:
🗣 ԲՏԱ նախարարը չհամաձայնեց, որ ձևակերպումը սուբյեկտիվ է, և ներկայացրեց, թե ինչը կարող է համարվել միջամտություն, ինչը՝ ոչ՝ ըստ իրեն. «Միջամտություն չէ՝ փաստերի վրա հիմնված լրատվական հաղորդումը՝ առանց գնահատականների, ակադեմիական կամ վերլուծական քննարկումը, եթե չկա կոչ կամ քարոզ, միջազգային կազմակերպությունների պաշտոնական զեկույցների ներկայացումը, ՀՀ ներքին կյանքի մասին կարծիքներ, եթե դրանք արտադրվել կամ ղեկավարվել օտար պետության կողմից»:
🔗 Կարդալ ավելին

Փոփոխություններ՝ զինծառայողների ատեստավորման կարգում. ընդդիմությունը պնդում է՝ անհավասար պայմաններ են ստեղծվում
🔻 «Պաշտպան հայրենյաց» ծրագրով ծառայություն անցնող զինծառայողներն ատեստավորված են համարվելու ուսումնական փուլի ավարտին հանձնվող քննությունների արդյունքներով՝ պայմանով, որ նշանակվելու է ստացած զինվորական մասնագիտությանը համապատասխանող զինվորական պաշտոնի:
🔻 ՀՀ ռազմաուսումնական հաստատություններ ավարտած և համապատասխան սպայական պաշտոնին նշանակված զինծառայողներն ատեստավորված են համարվելու հաստատության ավարտական քննությունների արդյունքներով:
🔻 «Պաշտպան հայրենյաց» ծրագրով հնգամյա առաջին պայմանագրի ժամկետը լրանալուց հետո 2 կամ 5 տարով հերթական պայմանագիր կնքող զինծառայողների համար նախատեսվում է պայմանագրի ժամկետի ավարտից հետո պատվովճար ստանալու հնարավարություն՝ 2 տարվա դեպքում՝ 1.5 մլն, 5 տարվա դեպքում՝ 5 մլն դրամ:
✅ ԱԺ-ն առաջին ընթերցմամբ ընդունեց վերոնշյալ փոփոխությունները նախատեսող նախագիծը:

🔍 Խուզարկություններ և ձերբակալություններ են տեղի ունենում Վաղարշապատում՝ ըստ ավագանու «Հաղթանակ» խմբակցության ղեկավար Սևակ Խաչատրյանի:
🗣 «Վաղ առավոտից բռնաճնշումներ են սկսվել ընդդիմադիր հայացքներ ունեցող տարբեր անձանց նկատմամբ: Մինչ այս պահը տեղի են ունենում խուզարկություններ և ձերբակալություններ: Մեր տեղեկություններով՝ այս պահին ձերբակալված է 5 անձ»,- գրել է Խաչատրյանը: