Category: Infocom

‼️ Ռուսաստանը ՌԴ նախագահ Վլադիմիր Պուտինի՝ Հայաստան հնարավոր այցից առաջ պետք է որոշակի հավաստիացումներ ունենա հայ գործընկերներից. Պեսկով
🇦🇲🇷🇺 Անշուշտ, նոր իրողությունը՝ կապված միջազգային ստատուտին Հայաստանի միանալու հետ, չի կարող չունենալ բացասական ազդեցություն մեր երկկողմ հարաբերությունների վրա»,- ասել է ՌԴ նախագահի խոսնակը։

🇦🇲🇪🇺 Փետրվարի 12-13-ը ՀՀ ԱԳ նախարար Արարատ Միրզոյանն աշխատանքային այցով կգտնվի Բրյուսելում՝ մասնակցելու ՀՀ-ԵՄ գործընկերության խորհրդի 5-րդ նիստին։ [ՀՀ ԱԳՆ]

🇷🇺🗣 Ադրբեջանում ՌԴ դեսպան Միխայիլ Եվդոկիմովը հայտարարել է, թե տարբեր, ոչ այնքան հստակ պատճառներով հայկական կողմը ձգձգում է Ադրբեջանի հիմնական տարածքի և Նախիջևանի միջև տրանսպորտային երթուղու ստեղծման բանակցությունները։
📌 «Արդյունքում անցյալ տարի Բաքուն և Թեհրանը պայմանագիր ստորագրեցին Իրանի տարածքով երկաթուղու կառուցման մասին։ Այնտեղ ճանապարհը մի քիչ երկար է՝ 60 կմ կամ ավելի, երթուղին ավելի բարդ է, բայց աշխատանքներն ընթանում են։ Այս բոլոր տարիներին Ադրբեջանի և Նախիջևանի միջև ավտոմոբիլային բեռնափոխադրումներն անցնում էին Իրանի տարածքով։
📌 Բացի այդ՝ սա Թուրքիա տանող երթուղին է: Հիմա գլխավորը Թուրքիայից Նախիջևան երկաթուղի կառուցելն է, նախատեսվում է կրկնակի գիծ՝ եվրոպական և խորհրդային։ Ըստ այդմ՝ մենք հնարավորություն կունենանք Ռուսաստանից Թուրքիա ապրանքներ տեղափոխել Ադրբեջանի, Իրանի և Նախիջևանի տարածքով»,- նշել է դեսպան Եվդոկիմովը։ |1lurer.am|

✅ Դատախազը սեփական նախաձեռնությամբ փոխել է Ալեն Սիմոնյանի եղբոր կնոջ՝ Անի Գևորգյանի և Լիլի Մկրյանի խափանման միջոց կալանքը:
📣 «Հաշվի առնելով, որ վերոնշյալ մեղադրյալները ցուցմունքներ են տվել քրեական վարույթի համար էական նշանակություն ունեցող հանգամանքների վերաբերյալ, նրանց մասնակցությամբ կատարվել են առերեսումներ, որպիսի պայմաններում վարույթի տվյալ փուլում էականորեն նվազել է մեղադրյալներ Ա.Գ.-ի և Լ.Մ.-ի կողմից ոչ իրավաչափ վարքագիծ դրսևորելու, ապացուցման գործընթացին ապօրինի միջամտելու հավանականությունը՝ դատախազը վարույթն իրականացնող մարմնին հանձնարարել է մեղադրյալներ Ա.Գ.-ի և Լ.Մ.-ի նկատմամբ կիրառել համակցված այլընտրանքային խափանման միջոցներ՝ գրավ, բացակայելու արգելք և երաշխավորություն»,- ասվում է Գլխավոր դատախազության հաղորդագրության մեջ։

🇦🇿 Ադրբեջանի ականազերծման գործակալությունը հայտնում է, որ Հայաստանը փոխանցել է ականապատ դաշտերի 8 նոր տեղեկամատյան՝ նշելով, թե դրանք ստույգ չեն և ընդգրկում են նախկին շփման գծի տարածքների տվյալները: Դրանք հիմնականում ընդգրկում են օկուպացված Քարվաճառի շրջանի Մռավ լեռնաշղթայի շուրջ ականապատված տարածքները։
📌 Հիշեցնենք, որ հունվարի վերջին ՀՀ ԱԱԾ-ն հայտնել էր, որ Արցախի տարածքում գտնվող ականապատ դաշտերի մասին 8 նոր տեղեկամատյան աշխատանքային խողովակներով կփոխանցվեն ադրբեջանական կողմին: |tert.am|

🇦🇲🇭🇺 Հունգարիան աջակցություն է ցուցաբերել Գուրգեն Մարգարյանի անվան դպրոցին, աջակցել է ռազմագերիների վերադարձի հարցում, համավարակի ընթացքում ուղարկել է հումանիտար օգնություն․ այդ ամենը վկայում է, որ հունգարական կողմը ցավում է անցյալում կատարվածի համար և փորձում է վերականգնել հարաբերություններն այն հարուստ պատմական կապերի հիման վրա, որոնք գոյություն ունեն։
🔸 Չէ՞ որ Հունգարիայում գտնվում է ամենահին հայկական համայնքներից մեկը։ Հունգարիայում հայ համայնքը օժտված է մի շարք առավելություններով՝ ունենք ներկայացուցչություն խորհրդարանում, Բուդապեշտում վերականգնվել է հայկական եկեղեցին։ Քրիստոնյա փոքրամասնությունների վերաբերյալ Հունգարիայի շատ զգայուն մոտեցումը նույնպես համահունչ է մեր մոտեցումներին։ Այդ ամենը հիմք է ստեղծում հավատալու, որ անկեղծ ցանկություն կար հաղթահարելու այդ ցավոտ էջը և շարժվել առաջ:
[ՀՀ ԱԳ նախարարի տեղակալ Պարույր Հովհաննիսյանը՝ Հայաստանի նախագահի այցի արդյունքների վերաբերյալ] |armenpress.am|
🔗 Կարդալ ավելին

🇦🇲🇷🇺 «Չեմ կարծում, թե Վլադիմիր Վլադիմիրովիչն իմ խորհուրդների կարիքն ունի»․ Փաշինյանը՝ պատասխանելով հարցին, թե հնարավոր է, որ ինքը զանգի Պուտինին և ասի, որ նա ուղղակի չգա ՀՀ, քանի որ չի կարող երաշխավորել, որ չի ձերբակալվի
❓ Նախորդիվ Պուտինին ՀՀ-ում ձերբակալելու հարցին ի պատասխան Փաշինյանն ասել էր․
🗣 «Ես Ձեզ մի այսպիսի գաղտնիք բացեմ․ 2018 թվականից հետո Հայաստանում շատ լայնածավալ ժողովրդավարական բարեփոխումներ են սկսվել։ Ես որոշումներ չեմ կայացնում՝ ում ձերբակալեն, ում՝ ոչ․ կան իրավական ինստիտուտներ», – The Telegraph-ին տված հարցազրույցում նշեց ՀՀ վարչապետը։
👉 Փաշինյանի հարցազրույցը բրիտանական The Telegraph-ին ամբողջությամբ

🇦🇲 ՆԱՏՕ-ին անդամակցության հարց չենք քննարկել և չենք քննարկում․ Փաշինյան

🗣 «Այստեղ որևէ նորություն չկա․ մենք ՆԱՏՕ-ի հետ ունենք գործընկերային հարաբերություններ։
🔸 Նախկինում մենք ունեինք անհատական գործընկերության գործողությունների ծրագիր, հիմա վերաֆորմատավորվում է այդ ծրագիրը համագործակցության որոշակի ծրագրի, որը չի ենթադրում անդամակցություն»։

📌 Անվտանգության ոլորտում մենք պատրաստվում ենք և պատրաստ ենք, քննարկում ենք հարաբերություններ հաստատել օրինակ Եվրամիության հետ, որն արդեն իրողություն է մեծ հաշվով, ԱՄՆ-ի հետ, որն արդեն իրողություն է մեծ հաշվով, Իրանի, Հնդկաստանի հետ, որոնք իրողություն են մեծ հաշվով, և էլի բազմաթիվ երկրների հետ, որոնց հետ մենք քննարկում ենք։
🔸 Մենք չենք ասել, որ ժխտում կամ մերժում ենք Ռուսաստանի հետ համագործակցությունն ընդհանրապես և անվտանգության ոլորտում մասնավորապես, մենք ասել ենք, որ դիվերսիֆիկացնում ենք մեր հարաբերությունները անվտանգային ոլորտում։
🔸Մեր այս հարաբերություններն ուղղված չեն ՌԴ դեմ։
[Նիկոլ Փաշինյանը՝ The Telegraph-ին տված հարցազրույցում]