Category: Infocom

⚖️ ՄԻԵԴ-ը սկսել է ՀՀ պաշտպանության նախկին նախարար Դավիթ Տոնոյանի գանգատի քննությունը և այդ մասին պաշտոնապես տեղեկացրել ՀՀ կառավարությանը։
📣 Ըստ պաշտպանական կողմի հայտարարության՝ Ստրասբուրգի դատարանը գործադիրից պահանջել է ներկայացնել պաշտոնական դիրքորոշում Տոնոյանի ազատության և անձնական անձեռնմխելիության իրավունքների ենթադրյալ խախտումների վերաբերյալ:

‼️ ՍԴ դատավոր Հրայր Թովմասյանի լիազորությունները փետրվարի 13-ին դադարել են։
👨‍⚖️ Փետրվարի 12-ին ուժի մեջ է մտել նրա վերաբերյալ մեղադրական դատավճիռը, իսկ «Սահմանադրական դատարանի մասին» սահմանադրական օրենքի համաձայն՝ սահմանադրական դատարանի դատավորի լիազորությունները դադարում են, եթե օրինական ուժի մեջ է մտել նրա նկատմամբ կայացված մեղադրական դատավճիռը, կամ քրեական հետապնդումը դադարեցվել է ոչ ռեաբիլիտացնող հիմքով, գրում է factor.am-ը:
📌 Նշենք՝ վճռաբեկ դատարանի հակակոռուպցիոն պալատը 2026թ. փետրվարի 12-ին որոշում է կայացրել մերժել և՛ դատախազի, և՛ պաշտպանների բողոքները:

📌 «Էջմիածնի գանձերը մեզ հետ են եղել միշտ։ Եվ եթե Էջմիածնի գանձերը մենք կարող ենք Հայաստանից դուրս հանել, ուրեմն Հայաստանում պետություն չկա։ Չի կարող հսկել ո՛չ իր սահմանները, ո՛չ իր մաքսատները»,-այս մասին կիրակնօրյա պատարագից հետո լրագրողների հետ զրույցում նշել է Նաթան արքեպիսկոպոս Հովհաննիսյանը՝ անդրադառնալով նախօրեին վարչապետի արած հայտարարություններին։
🗣 «Եպիսկոպոսները հավաքվելու են Ավստրիայում, բնականաբար, Ամենայն Հայոց Կաթողիկոսի բացակայությամբ փոքր-ինչ փոխվում է եպիսկոպոսաց ժողովի կարգավիճակը։ Այն դառնում է եպիսկոպոսաց հավաք, որտեղ մեր եպիսկոպոսները միևնույն է հավաքվելու են և քննարկելու են զանազան հարցեր՝ հուզող մեր եկեղեցուն, և հատկապես այսօրվա իրավիճակների հետ։
🔸 Որևէ մեկը չի կարող արգելք լինել մեր եպիսկոպոսներին որևէ տեղ հավաքվելու, և ոչ միայն հավաք, այլև Ամենայն Հայոց Կաթողիկոսի գլխավորությամբ եպիսկոպոսաց ժողով անելու»,-ասել է Մայր Աթոռի արտաքին հարաբերությունների և արարողակարգի բաժնի տնօրենը։ |factor.am|

❗️Ամենայն Հայոց Հայրապետի նկատմամբ այս գործողություններն անհիմն են ու անօրինական և կրում են ընդգծված քաղաքական բնույթ: Այս մասին հայտարարություն է տարածել Մայր Աթոռի տեղեկատվական համակարգը:
📌 «Մայր Աթոռ Սուրբ Էջմիածինը խստորեն դատապարտում է և խորը վրդովմունք հայտնում ՀՀ դատախազության կողմից Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նկատմամբ քրեական հետապնդում հարուցելու և Նորին Սրբության ելքը Հայաստանից արգելելու փաստի առնչությամբ:
🔸 Եկեղեցու ներքին կյանքին միջամտելու ակնհայտ հակասահմանադրական և հակաօրինական այս կեցվածքով իշխանությունը խոչընդոտում է Վեհափառ Հայրապետի հովվապետական գործունեությունը»,- ասված է հայտարարության մեջ:

🗣 Աշխատանքը չի դադարելու, մինչև վերջին հայը չվերադառնա Հայաստան, լրագրողների հետ զրույցում ասել է ԱԺ նախագահ Ալեն Սիմոնյանը։
📌 Նա չի մեկնաբանել Ալիևի հայտարարությունը՝ ասելով, որ դեռ չի ծանոթացել դրան.
🔸 «Այն գործընթացը, աշխատանքն ու այն ոճը, որը մենք երկուստեք Ադրբեջանի հետ իրականացնում ենք, բարդ է, դժվար է, բայց առաջ գնալու հնարավորություն ստեղծող է, և մենք չպետք է հրաժարվենք դրանից։ […] աշխատանքը չի դադարելու, մինչև վերջին հայը չվերադառնա ՀՀ»,- ասել է Սիմոնյանը։ |arm.sputniknews.ru|

🔸 Պատասխանելով արցախցիների վերադարձի մասին հարցին՝ Իլհամ Ալիևը դարձյալ ակնարկել է այսպես կոչված «Արեւմտյան Ադրբեջան» խոսույթի մասին՝ նշելով, թե եթե Հայաստանը նման հայտ ներկայացնի, Ադրբեջանն այն կդիտարկի, «բայց դա կարող է տեղի ունենալ փոխադարձության սկզբունքով».
🗣 «Մենք ակնկալում ենք նույնը, որ հարյուր հազարավոր ադրբեջանցիներ, որոնց մենք անվանում ենք արևմտյան ադրբեջանցիներ, կարողանան վերադառնալ ներկայիս Հայաստան»,- ասել է Ալիևը: |azatutyun.am|