Category: Infocom

ՀՀԿ փոխնախագահ Արմեն Աշոտյանի նկատմամբ կիրառված տնային կալանքի ժամկետը 1 ամսով երկարացվել է։ Այս մասին հայտնել է փաստաբան Ռուբեն Մելիքյանը։

📣 Հայկ Կոնջորյանի կինը անդրադարձել է «Հայփոստ»-ում իր աշխատանքի և աշխատավարձի թեմային՝ նշելով, որ ինքը վերջին գոնե 10 տարիների «Հայփոստի» ամենացածր աշխատավարձ և պարգևատրում ստացած տնօրենն է։
🗣 «Նախորդ տարիներին նույնիսկ առանձին ստորաբաժանումների ղեկավարներ ստացել են ավելի բարձր վարձատրություն, քան ես այսօր՝ որպես գլխավոր գործադիր տնօրեն, այդ թվում՝ պետական կառավարման տարիներին։ Թեև բազմիցս նշել եմ, որ որևէ մեղսավոր բան չկա բարձր աշխատավարձ ստանալու մեջ», — գրել է Շուշան Ալեքսանյանը:
🔸 Ալեքսանյանը նշել է, որ իր ղեկավարության ընթացքում 2025 թվականի արդյունքներով ընկերությունը վնաս չի կրել. եկամուտների և ծախսերի հարաբերակցությունը (ընկերության EBITDA-ն) եղել է դրական․ «Շուրջ 500 միլիոն դրամի բացասական ցուցանիշը պայմանավորված է ամորտիզացիոն մասհանումներով, ինչը բնականոն երևույթ է խոշոր անշարժ գույք և ավտոպարկ ունեցող կազմակերպությունների համար»։

🇦🇿🇮🇱 Ադրբեջանը միջամտել է Իսրայելի կողմից Հայոց ցեղասպանության ընդունման գործընթացին. Հաջիև
🗣 «Հենց այդ հարցն առաջացավ, պարոն նախագահի հանձնարարությամբ Ադրբեջանն սկսեց դիվանագիտական ակտիվ աշխատանք։ Մենք իսրայելական կողմին ենք հասցրել մեր դիրքորոշումը. նման որոշման ընդունումը նախևառաջ անարդար կլիներ, չէր արտացոլի պատմական իրականությունը, և մենք այն անընդունելի ենք համարում»,- հայտարարել է Ադրբեջանի նախագահի օգնականը։
📣 Նրա խոսքով՝ Բաքվի համար դրական էր այն փաստը, որ «իսրայելական կողմը լուրջ է ընդունել Ադրբեջանի մեսիջները»։
📌 Հաջիևի պնդմամբ՝ «սեղանի շուրջ, որտեղ չկա Թուրքիան, կա Ադրբեջանը, իսկ որտեղ չկա Ադրբեջանը, կա Թուրքիան»։ «Մենք վճռականորեն արձագանքում ենք մեր երկրների շահերի դեմ ուղղված յուրաքանչյուր քայլի ու դա հետագայում ևս անելու ենք»։ |hetq.am|

📣 Համարյա ամեն շաբաթ [ընդդիմադիր] գլխավոր ուժերի հետ հանդիպումներ են եղել, քննարկում ենք մեր պայքարի ճանապարհը․ Սամվել Կարապետյան
❓ Հարցին՝ «Հայաստան» դաշինքի առաջնորդ Ռոբերտ Քոչարյանի հետ հանդիպում եղե՞լ է, «Ուժեղ Հայաստան» դաշինքի առաջնորդը բացասական պատասխան տվեց։ Պատասխանելով հարցին, թե ո՞ր ուժերի հետ են հանդիպումները, և արդյոք պայքարը փակուղի չի մտել, Կարապետյանն ասաց միայն.
🗣 «Ընդդիմադիրները մանդատները վերցրին, գնացին խորհրդարան, որպեսզի պայքարի մաս կազմեն, դրսում մենք մեր ձևով պայքարելու ենք։ Ես չեմ ուզում աշուն, գարունով սահմանափակվենք։ Մենք ամեն ինչ անում ենք օրինական ճանապարհով, մենք չենք տանելու մեր երկիրը ցնցումների։ Ինչը, որ օրինական ճանապարհով կարող է հեռացնել այս իշխանությանը, մենք ամեն ինչ անում ենք։ Իշխանությանը հեռացնելու հարցում մենք բոլորի հետ համագործակցելու ենք»։ |azatutyun.am|

📣 ՀՀ ԱԳՆ-ն մեկնաբանել է միգրանտներին Հայաստան տեղափոխելու ծրագրի մասին տեղեկությունները, որը, ըստ Corriere della Sera իտալական պարբերականի, առաջարկել է Իտալիան։
❗️ ԱԳՆ մամուլի խոսնակ Անի Բադալյանը տեղեկացրել է, որ Հայաստանի մասով նման տեղեկություն հայտնի չէ․ «Մեզ նման առաջարկ չի արվել, մեզ հետ նման հարց չի քննարկվել», -ասել է ԱԳՆ ներկայացուցիչը։
🗞 Հայաստանը հնարավոր երրորդ երկրների ցանկում առաջին անգամ չէ, որ հայտնվում է։ Նույն 12 երկրների ցանկը շրջանառվել է դեռևս 2026 թ. ապրիլին։ AFP-ն, դիվանագիտական աղբյուրներին հղվելով, գրել էր, որ Դանիան, Ավստրիան, Հունաստանը, Գերմանիան և Նիդեռլանդները երրորդ երկրներում վերադարձի կենտրոններ ստեղծելու հնարավորություններ են ուսումնասիրում։ AFP-ն հրապարակել էր ճիշտ նույն ցանկը՝ Ռուանդա, Գանա, Սենեգալ, Թունիս, Լիբիա, Մավրիտանիա, Եգիպտոս, Ուգանդա, Ուզբեկստան, Հայաստան, Չեռնոգորիա և Եթովպիա։
🔸 Միաժամանակ գործակալության աղբյուրը հատուկ ընդգծել էր, որ ցանկը վերջնական ու ամբողջական չէ, իսկ քննարկումները խիստ նախնական փուլում են և առայժմ ուղղված են հնարավոր գործընկեր երկրների դիրքորոշումը պարզելուն։ |fip.am|