Category: Infocom

‼️ Բաքվում պահվող պատանդառված անձանց, գերիների ազատ արձակման ուղղությամբ ամենօրյա աշխատանք ենք իրականացնում: Այս մասին հայտնել է ՀՀ ԱԳ նախարար Արարատ Միրզոյանը ԵԱՀԿ գործող նախագահ Էլինա Վալտոնենի հետ ասուլիսի ժամանակ:
🗣 «Ինչպես և միշտ, այս պահին ևս ես ուզում եմ հույս հայտնել, որ այս առումով մենք առաջիկայում լավ նորություն կունենանք, համենայն դեպս մենք չենք դադարում մեր ջանքերը: Բառացիորեն երեկ Շարմ էլ Շեյխում կրկին մեր ադրբեջանցի գործընկերների հետ քննարկել ենք այս հարցը»,- ասել է Միրզոյանը:
📌 Հիշեցնելով, որ ԿԽՄԿ-ն դադարեցրել է գործունեությունն Ադրբեջանում՝ Միրզոյանը կարևորել է պատանդառված անձանց վերաբերյալ տեղեկություններ ստանալու հարցում երրորդ երկրիների մասնակցության կարևորությունը՝ միաժամանակ նշելով՝ առաջնային օղակն այս համատեքստում Հայաստան-Ադրբեջան ուղիղ շփումներն են:

🇬🇧🇦🇲🇦🇿 Մեծ Բրիտանիան հանում է Հայաստանի և Ադրբեջանի նկատմամբ գործող զենքի մատակարարման արգելքը ԵԱՀԿ մինսկի խմբի լուծարումից հետո:
📣 «Հաշվի առնելով խաղաղության առաջխաղացման գործում գրանցված նշանակալի առաջընթացը և նախագահ Թրամփի կողմից Վաշինգտոնում վերջերս կայացած գագաթնաժողովի պատմական արդյունքները՝ Մեծ Բրիտանիան կարծում է, որ ԵԱՀԿ-ի կողմից 1992թ. «Լեռնային Ղարաբաղի տարածքում մարտական ​​գործողություններում ներգրավված ուժերին զենքի և զինամթերքի մատակարարումների» վերաբերյալ առաջարկված զենքի էմբարգոյի հիմնավորումը վերացել է։ Հետևաբար, Մեծ Բրիտանիան ամբողջությամբ կվերացնի Հայաստանի և Ադրբեջանի նկատմամբ զենքի էմբարգոն»,- ասվում է պետնախարար Սթիվեն Դաութիի հայտարարության մեջ:
‼️ Նշվում է, որ որոշումը թույլ կտա Մեծ Բրիտանիային աջակցել երկու երկրների ինքնիշխանության և տարածքային ամբողջականության պաշտպանության ջանքերին, այդ թվում՝ «այլ պետությունների և ոչ պետական դերակատարների կողմից եկող ավանդական և հիբրիդային սպառնալիքներին ի պատասխան»:
🔗 Կարդալ ավելին

❗️2021թ.-ին Արտաշատի բժշկական կենտրոնում ձեռքի կոտրվածքի վիրահատության ժամանակ 45-ամյա Նշան Նշանյանը կորցրել էր գիտակցությունը և 14 օր անց մահացել։ Դատաբժշկական գիտագործնական կենտրոնի վերջնական եզրակացությունը հաստատել է, որ Նշանյանի մահը տեղի է ունեցել բժշկական սխալի հետևանքով։ Բայց քննությունը, մահացածի քրոջ, իրավահաջորդի՝ Լուսինե Ազնաուրյանի պնդմամբ, շարունակում է ձգձգվել՝ առանց արդյունքի։
📌 Քաղաքացու մահից գրեթե 4 տարի անց Քննչական կոմիտեն չի պարզել դեպքի հանգամանքները։ Դեպքի վաղեմության ժամկետը լրանում է 2026 թվականի դեկտեմբերի 13-ին, Լուսինե Ազնաուրյանը կարծում է, որ իրավապահ մարմինները դիտավորյալ են ձգձգում գործի բացահայտումը, որպեսզի մեղավորները պատասխանատվության չենթարկվեն։ Քննչական կոմիտեից հայտնել են, որ նախաքննությունը շարունակվում է։ |hetq.am|

🇦🇲🇦🇿Արարատ Միրզոյանը Եգիպտոսում շփվել է Ադրբեջանի իր պաշտոնակցի` Ջեյհուն Բայրամովի հետ:
📌Նա շփումներ է ունեցել նաև մի շարք երկրների, այդ թվում՝ Սաուդյան Արաբիայի, Իսպանիայի, Օմանի, Ֆրանսիայի, Հորդանանի, Եգիպտոսի, Թուրքիայի, Նորվեգիայի, Հնդկաստանի ԱԳ նախարարների և այլ պաշտոնյաների հետ։ [ՀՀ ԱԳՆ]

🇺🇸🇪🇬ԱՄՆ նախագահ Դոնալդ Թրամփին օդանավակայանում դիմավորել է Եգիպտոսի նախագահը: Դիմավորման արարողությունից հետո նրանք ուղևորվել են Մերձավոր Արևելքի Խաղաղության գագաթնաժողովի անցկացման վայր:|tert.am|

‼️ Սամվել Կարապետյանի նկատմամբ առաջադրված մեղադրանքը փոփոխվել է։
💬 «Մեղադրանքը փոփոխվել է, և ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը)»,- «Արմենպրես»-ի հետ զրույցում այս մասին ասել է ՀՀ քննչական կոմիտեի նախագահի մամուլի քարտուղար Կիմա Ավդալյանը։

🗳✅ Վաղարշապատի ավագանու ընտրություններում առաջադրման փաստաթղթեր է ներկայացրել 9 քաղաքական ուժ՝
«Հայրենիք» կուսակցություն,
«Հաղթանակ» կուսակցությունների դաշինք (կազմում՝ «Առաջ» և «Հայ Հեղափոխական Դաշնակցություն» կուսակցությունները),
«Քաղաքացիական պայմանագիր» կուսակցություն,
«Ազատ դեմոկրատներ» կուսակցություն,
«Մայր Հայաստան» ազգային-դեմոկրատական կուսակցություն,
«Ժառանգություն» կուսակցություն,
«Ազգային Առաջընթաց» կուսակցություն,
«Հանրապետություն» կուսակցություն,
«Համահայկական ճակատ» կուսակցություն:

🔸 Կառուսելի ընկնելու հետևանքով հիվանդանոցում հայտնված 6-ամյա երեխան մահացել է:
📍 Նշենք՝ հոկտեմբերի 6-ին Բյուրեղավանի 1-ին Բ թաղամասի խաղահրապարակում դժբախտ դեպք է տեղի ունեցել․ մետաղական ծանր կոնստրուկցիան շուռ է եկել 6-ամյա երեխայի գլխին։ Օրեր շարունակ բժիշկները պայքարում էին փոքրիկի կյանքի համար։
‼️ Դեպքից հետո Factor.TV-ն այցելել էր Բյուրեղավան, սակայն ճանապարհին տեղեկացել, որ արդեն քանդել են ամբողջ խաղահրապարակը, կառուսելներն էլ տարվել են անհայտ ուղղությամբ։ Շենքի բնակիչները մեզ հետ զրույցում նշել էին, որ կառուսելները 20-30 տարի որևէ վերանորոգում կամ ուսումնասիրություն չեն տեսել։
💬 Բյուրեղավանի համայնքապետարանիմամուլի խոսնակ Մերի Կարապետյանը Factor-ին հայտնել է, թե խաղահրապարակի ապամոնտաժումը ծրագրով է նախատեսված եղել՝ նորը կառուցելու համար, ավելի ուշ, սակայն, հետզանգ է կատարել և պնդել, թե Ոստիկանությունն է դեպքի հաջորդ օրը եկել և ապամոնտաժել։ ՆԳՆ-ն, սակայն, հակադարձել է համայնքապետարանին: |factor.am|
🔗 Կարդալ ավելին