Category: Infocom

🇷🇺 «Յաբլոկո» կուսակցության փոխնախագահ Լև Շլոսբերգին 11 տարի 1ամիս ազատազրկման է դատապարտվել․ նա մեղավոր է ճանաչվել կեղծ լուրերի տարածման և Ռուսաստանի Զինված ուժերը վարկաբեկելու համար։
🔸 Ռուսաստանի դատախազությունը Շլոսբերգի համար 12 տարվա ազատազրկում էր պահանջում։ Դատարանի կողմից սահմանված պատժաչափը 63-ամյա Շլոսբերգը կրելու է ընդհանուր ռեժիմի գաղութում։
📌 Շլոսբերգի դեմ քրեական գործը հարուցվել էր Ուկրաինայում պատերազմին նվիրված դեբատներին մասնակցելու և տելեգրամի իր օգտահաշվում բրիտանական Daily Mirror թերթի առաջին էջը հրապարակելու համար։ |azatutyun.am|

🔶 Ռազմական ոստիկանությունը չի կարող պատասխանատու լինել բոլոր ինքնասպանության դեպքերի համար։ Ազգային ժողովում լրագրողների հետ զրույցի ժամանակ ասաց «Քաղաքացիական պայմանագիր» խմբակցության պատգամավոր Անդրանիկ Քոչարյանը։
🗣 «Քանի որ պարոն Աշոտ Զաքարյանի նաև տարիքը լրանում էր, որ պետք է ժամկետը երկարացնեին, երևի պաշտպանության նախարարը գտավ նպատակահարմար թարմություն մտցնի, որովհետև, երբ մարդը տարիներ շարունակ լինում է նույն պաշտոնի, պետք է մի քիչ էլ մեկ-մեկ քաշվի կողմ, որպեսզի նախ՝ իր աշխատանքը գնահատեն, և երկրորդը՝ նաև ինքը յուրովի նայի իր անցած ուղին ճիշտ էր, թե՝ չէ։
🔹 Աշոտ Զաքարյանը իմաստուն որոշում է կայացրել նաև իր համար զեկուցագիրը ինքն է գրել և այդ զեկուցագրով ասվում է ամեն ինչ»,- ասել է Անդրանիկ Քոչարյանը։

🇺🇸🇮🇱 ԱՄՆ նախագահի փեսա, Սպիտակ տան հատուկ բանագնաց Ջարեդ Քուշները այսօր Երուսաղեմում հանդիպել է Իսրայելի վարչապետ Բենյամին Նեթանյահուի հետ։
📌 Հանդիպումը կայացել է Իսրայելի կողմից՝ Գազայում իրավիճակի կայունացման ծրագրի մերժումից օրեր անց։ Գազայում կարգավորման ծրագիրը շրջանառության մեջ էր դրել ԱՄՆ նախագահի նախաձեռնությամբ ստեղծված Խաղաղության խորհուրդը։ |azatutyun.am|

🇷🇺 «Մի քանի տասնյակ մարդիկ են այսօր բերման ենթարկվել Ռուսաստանի Գերագույն դատարանին հարող տարածքից», — հաղորդում են ռուսական ընդդիմադիր լրատվամիջոցները։
🔹 Ցուցարարները դատարանի շենքի մոտ էին հավաքվել՝ բողոքելով առաջիկա ընտրություններում «Յաբլոկո» կուսակցության գրանցումը չեղարկելու որոշման դեմ։
📌Ձերբակալությունները տեղի էին ունեցել ընդդիմադիր կուսակցության վերաքննիչ բողոքի քննարկման մեկնարկին զուգահեռ։ |azatutyun.am|

📌 Հիմք ընդունելով ՀՀ վարչապետ Նիկոլ Փաշինյանի առաջարկությունը՝ ՀՀ նախագահ Վահագն Խաչատուրյանը ստորագրել է հրամանագիր, որի համաձայն գեներալ-մայոր Արամ Հովհաննիսյանը նշանակվել է ՀՀ ՊՆ ռազմական ոստիկանության պետ։ Այս մասին հայտնում են ՊՆ-ից։
🔸 Նրանից առաջ այդ պաշտոնը զբաղեցնում էր գեներալ-մայոր Աշոտ Զաքարյանը, որը նշանակվել էր 2020թ․ օգոստոսին։

⚖️ Օգոստոսի 13-ին ՊՆ N զորամասի զինծառայողի մահվան դեպքի առթիվ նախաձեռնված քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 2-րդ և 3-րդ կետերով (զինծառայողին անզգուշությամբ ինքնասպանության հասցնելը):
📌 Նա կալանավորվել է:
[ՀՀ Քննչական կոմիտե]