Category: Sputnik Armenia

««Սրբազան պայքարի» անդամների խցերում խուզարկությունները հեռահար նպատակ ունեն»:

Sputnik Արմենիայի հետ զրույցում «Հինգ իրավապաշտպանների նախաձեռնության» անդամ Ռուբեն Մելիքյանը հստակեցրել է, որ փաստաբան Վահան Հովհաննիսյանի տեղեկությունները «Նուբարաշեն» քրեակատարողական հիմնարկից են։
📌Փաստաբան Վահան Հովհաննիսյանը տեղեկացրել է այսօր, որ «Սրբազան պայքարի» մասնակիցների նկատմամբ քրեակատարողական հիմնարկներում ռեպրեսիաներ են տեղի ունենում։ Նրա խոսքով՝ այդ գործով կալանավորվածների խցերում խիստ, երբեն դաժան խուզարկությունների նպատակը նախկին ու նոր կալանավորվածների միջև հակասություն ձևավորելն է, որ նախկինները սկսեն հանդիմանել, թե մինչև նրանց գալը հանգիստ կալանք են կրել։ Վահան Հովհաննիսյանը գրում է, որ նման ծրագրի հեռահար նպատակը մյուս կալանավորների միջոցով հակաիշխանական կալանավորի հայացքներն ու վարքագիծը փոխելն է:
♥️@RadioSputnikArm | LIVE 106.0FM

«Ով մերժում է Կաթողիկոսի անունը` մերժում է իր մկրտությունը». Տեր Արարատ քահանա Պողոսյան

Նիկոլ Փաշինյանի գլխավորությամբ իշխանական պատգամավորներն ու պաշտոնյաներն իրենց վերաբերմունքը Հայ առաքելական եկեղեցու հոգևոր հայրերի և անձամբ Կաթողիկոսի նկատմամբ արտահայտելու համար օգտագործում են ավազանի անունները․ Գարեգին Երկրորդին և արքեպիսկոպոսներին դիմում են ավազանի անուններով` ընդգծելով, թե իրենց գործողություններն ուղղված են անձերի, ոչ թե Եկեղեցու դեմ։ Մինչդեռ հոգևորականին աշխարհիկ անունով դիմելը անձնական վիրավորանքից բացի նաև ոտնձգություն է Եկեղեցու սրբազան կարգի դեմ։ Տեր Արարատ քահանա Պողոսյանի ձևակերպմամբ` ով մերժում է Կաթողիկոսի անունը, մերժում է իր մկրտությունը։
♥️@RadioSputnikArm | LIVE 106.0FM

«Հայաստանի՝ Արևմուտքի հետ արտաքին կամ տնտեսական կապերի խորացում իրականում գոյություն չունի, իշխանության գործողությունները զուտ ՀՀ-ին ինտեգրում են Թուրքիային»։

«Աբովյան Time» պոդկաստի հեղինակ Արման Աբովյանի զրուցակիցը «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանն է։ Նա անդրադարձել է Հայաստանից արտահանումների կրճատմանը, ինչպես նաև վերլուծել է դեպի ՌԴ արտահանվող ապրանքների արգելիքի պատճառները։
🎦զրույցն ամբողջությամբ
♥️@RadioSputnikArm | LIVE 106.0FM

Oգտագործած ամերիկյան Տեսլա՞, թե չինական նոր Էլեկտրամոբիլ․ որն է ավելի շահավետ
«Ավտոսերվիս» հաղորդաշարի հեղինակներ Վարդան Ալոյանն ու Արման Հակոբյանը ավտոփորձագետ Ռուբեն Աղաջանյանի հետ քննարկում են Էլեկտրամոբիլների ուժեղ և թույլ կողմերը։
🎦զրույցն ամբողջությամբ
♥️@RadioSputnikArm | LIVE 106.0FM

««Զանգեզուրի միջանցքից» ՀՀ–ը ոչինչ չի ստանում, շարունակում է մնալ բլոկադայում, ինչպես վերջին 30 տարին է»։

Sputnik Արմենիայի հետ զրույցում պատմական գիտությունների թեկնածու, APRI Armenia վերլուծական կենտրոնի գիտաշխատող Սերգեյ Մելքոնյանը մեկնաբանել է Աբու Դաբիում կայացած Փաշինյան–Ալիև հանդիպումը։

«Ադրբեջանը փաստացի վերահաստատեց իր նախապայմանը՝ մինչև Հայաստանը չփոխի Սահմանադրությունը, որևէ փաստաթուղթ չի ստորագրվի»։

Անդրադառնալով հանդիպման առանցաքային՝ Սյունիքի ճանապարհի բացման թեմային՝ Մելքոնյանը ամփոփել է, որ «միջանցքի» բացման հարցում շահագրգռված են Թուրքիան և Ադրբեջանը, դեմ է Իրանը, իսկ Հայաստանը դրանից ոչինչ չի ստանում, շարունակում է մնալ բլոկադայում, ինչպես վերջին 30 տարին է․ իսկ արտատարածաշրջանային խաղացողները շահագրգիռ են միջանցքում ինչ–որ ներկայություն ունենալու հարցում։
♥️@RadioSputnikArm | LIVE 106.0FM

«2026թ–ի ընտրություններից առաջ ձերբակալվում կամ փակվում են բոլոր այն ուժերը, որոնք կարող են արդյունք ցույց տալ։ Փորձ է արվում վախի մթնոլորտ ստեղծել, քանի որ գործող իշխանությունները նորմալ պայմաններում չեն կարող վերարտադրվել»։

Sputnik Արմենիայի հետ զրույցում քաղաքագետ Ստեփան Դանիելյանը մեկնաբանել է Հայստանում սկսված ու շարունակվող ձերբակալությունները։
♥️@RadioSputnikArm | LIVE 106.0FM

«Ամերիկյան կողմից հնչող հայտարարությունները թողնում են այն տպավորությունը, որ փորձում են հասնել ինչ–որ փաստաթղթի ստորագրման կամ պայմանավորվածությունների ձեռքբերման»։

Sputnik Արմենիայի հետ զրույցում ադրբեջանագետ Տաթև Հայրապետյանը մեկնաբանել է Փաշինյան–Ալիև հանդիպման մասին մամուլի հրապարակումները։
Բայց ադրբեջանական կողմը, ըստ նրա, հակված է ձգձգել գործընթացը և չհրաժարվել իր առաջաջադրած նախապայմաններից, այդ թվում` ՀՀ Սահմանադրության փոփոխության պահանջից։
♥️@RadioSputnikArm | LIVE 106.0FM

«Ես պատրաստ եմ քաղաքականությամբ չզբաղվել, եթե քաղաքական գործիչները արվեստով ու կրթությամբ չզբաղվեն, այլ զբաղվեն երկրի ապահովությամբ»։

Թատրոնի և կինոյի ճանաչված դերասանուհի, ռեժիսոր, գրող Նորա Արմանին Հայաստանում է՝ որպես «Ոսկե Ծիրան» 22-րդ կինոփառատոնի հատուկ հյուր․ նրա մասնակցությամբ «Վերջին կայանը» ընտրվել է որպես փառատոնի փակման ֆիլմ։ Հարություն Խաչատրյանի ֆիլմը նկարահանվել է Հայաստանի համար բարդ՝ 90-ականների սկզբին․ Նորա Արմանիի խոսքով՝ կրկին դիտելիս առավել հետաքրքիր է վերապրել ստեղծման պահերը։
Արմանին պատմում է, որ առիթ է ունեցել այցելելու Արմավիրի քրեակատարողական հիմնարկ, հանդիպել այնտեղ գործող թատերական խմբակի մասնակիցներին։

«Շատ տպավորված էի և պետք է շարունակեմ համագործակցությունը»,– նշում է նա։

Վերջերս Արմանին պարգևատրվել է Կաննի Marché du Film-ի շրջանակում՝ Golden KIRK միջազգային մրցանակով։ Նա հանդես է գալիս համաշխարհային ճանաչում ստացած կինոնախագծերում, այդ թվում՝ ամերիկյան «The Better Sister» սերիալում, որը մայիսի 29-ից ի վեր ունի շուրջ 1.5 միլիարդ դիտում։
🎦զրույցն ամբողջությամբ
♥️@RadioSputnikArm | LIVE 106.0FM

«Ադրբեջանը «հաբրգել է», ժողովրդական լեզվով ասած․ վերջին շրջանում սկսում է ակտիվություն ցուցաբերել ոչ միայն Ռուսաստանի հետ իր հարաբերություններում, այլ նաև Թուրքիայի։ Մի քանի օր առաջ Ադրբեջանը որոշում ընդունեց, որ Նախիջևանի սահմանադրությունից հանում են Մոսկվայի և Կարսի պայմանագիրների հիշատակումները։ Սա նշանակում է՝ Ադրբեջանը ակնհայտ փորձում է վերացնել Նախիջևանի ինքնավար կարգավիճակը, բայց նաև Թուրքիային է դուրս թողնում, որովհետև ըստ այդ պայմանագրերի՝ Թուրքիան խոսքի իրավունք ուներ Նախիջևանի հետ կապված բոլոր գործընթացներում»։

Թուրքագետ, ակադեմիկոս Ռուբեն Սաֆրաստյանը ընդգծում է՝ Թուրքիայի և Ադրբեջանի միջև դաշնակցային հարաբերություններ են, բայց Ադրբեջանը փորձում է դրանք նորովի ձևակերպել՝ որոշ չափով սահմանափակելով Թուրքիայի ազդեցությունը իր վրա։

«Թուրքիան Աթաթուրքի տարիներին ինքն էր ուզում Նախիջևանը կլանել՝ դարձնելով այն ժամանակ ձևավորվող Թուրքիայի մաս, և երբ Խորհրդայի Միությունը դրան դեմ դուրս եկավ, Աթաթուրքը կոմպրոմիսի եկավ՝ գոնե Խորհդրային Ադրբեջանինը լինի, բայց նաև պահպանեց իր խոսքը ասելու իրավունքը։ Հիմա Ադրբեջանը դա վերացրեց»։

Սաֆրաստյանը խոսել է նաև «զանգեզուրյան կոմունիկացիայի» հարցում ամերիկյան հետաքրքրվածության մասին։
🎦զրույցն ամբողջությամբ
♥️@RadioSputnikArm | LIVE 106.0FM

«ԱՄՆ-ն ինչ-որ ձևով ազդեցություն ունի Հայաստան-Ադրբեջան խաղաղության գործընթացի վրա»։

Sputnik Արմենիան զրուցել է Ամերիկյան հետազոտությունների հայակական կենտրոնի ղեկավար Սուրեն Սարգսյանի հետ։
♥️@RadioSputnikArm | LIVE 106.0FM