Category: Armen Press

2026 թվականի հունիսի 8-ի դրությամբ Ապարանի ջրամբարում կուտակված ջրի ծավալը հասել է 87.27 մլն մ³-ի, ինչը վերջին տասը տարվա ընթացքում գրանցված ամենաբարձր ցուցանիշն է։
Ջրամբարի այս տարվա բարձր լցվածությունը պայմանավորված է նաև բարենպաստ բնակլիմայական պայմաններով, առատ տեղումներով և ձնհալի արդյունքում ձևավորված զգալի հոսքագոյացմամբ, ինչը նպաստել է ջրային պաշարների էական համալրմանը։ Այս մասին «Արմենպրես»—ին տեղեկացրին ՀՀ ՏԿԵՆ Ջրային կոմիտեից:

ՀՀ Կենտրոնական ընտրական հանձնաժողովը հիշեցնում է, որ ԱԺ հերթական ընտրությունների արձանագրությունների քաղվածքները հրապարակված են ԿԸՀ կայքում ու կոչ է անում որևէ քաղվածքի հղում անելիս կեղծ տվյալներ չտարածել։
«ԶԼՄ մեր գործընկերներին տեղեկացնում ենք, որ ընտրական համակարգի բարի համբավին և հեղինակությանը հասցված  վնասը վերականգնելու ուղղությամբ քայլեր են ձեռնարկվելու, անհրաժեշտության դեպքում նաև դատական հայցեր ներկայացնելու միջոցով»,- հայտնում են ԿԸՀ-ից:

Երևանում կա օրենքի գերակայություն, և դա վերաբերում է բոլորին
Այս մասին հայտարարել է Երևանի քաղաքապետի մամուլի խոսնակ Արտյոմ Կարապետյանն՝ անդրադառնալով «Պրեգոմեշ» խանութ-սրահի ցուցափեղկին տեղադրված գովազդի շուրջ տարածվող խոսակցություններին։

«Երևանում կա օրենքի գերակայություն, և դա վերաբերում է բոլորին՝ անկախ ազգանունից, քաղաքական կապերից, բիզնեսի չափից կամ հանրային ճանաչումից։ Հենց այդ պատճառով էլ տարօրինակ է «Պրեգոմեշ» խանութ-սրահի ցուցափեղկին առանց թույլտվության տեղադրված գովազդային տարրի շուրջ ստեղծված աղմուկն ու թեման քաղաքականացնելու փորձերը։

Քաղաքապետարանի արձագանքը պայմանավորված է եղել բացառապես օրենքի պահանջներով։ Տվյալ գովազդային տարրի տեղադրման համար սահմանված կարգով թույլտվություն չի ստացվել, հետևաբար, արձանագրվել է ընթացակարգային խախտում։

Ընդ որում՝ խոսքը մի տնտեսվարողի մասին է, որը քաջատեղյակ է գործող կարգավորումներին։ Սա առաջին դեպքը չէ, երբ առանց թույլտվության տեղադրվում են տարրեր, և քաղաքապետարանի մասնագետները կապ են հաստատում և ներկայացնում անհրաժեշտ ընթացակարգերը»,– ասված է խոսնակի տարածած հաղորդագրության մեջ։

ՀՀ ԱԺ մշտական հանձնաժողովների համատեղ նիստ
https://armenpress.am/hy/video/1252648

Հունաստանում Հայաստանի արտակարգ և լիազոր դեսպան Տիգրան Մկրտչյանը հանդիպել է Հունաստանի Արևելյան Մակեդոնիայի և Թրակիայի մարզպետ Խրիստոդուլոս Տոպսիդիսի հետ
Դեսպանության տարածած հաղորդագրության մեջ նշվում է, որ հանդիպման ընթացքում քննարկվել են միջտարածաշրջանային համագործակցության, տնտեսական կապերի ընդլայնման և փոխկապակցվածության զարգացման հարցեր։
Դեսպան Մկրտչյանը կարևորել է Հայաստանի և Հունաստանի մարզերի միջև համագործակցության խորացումը՝ մասնավորապես ընդգծելով Շիրակի մարզի և Արևելյան Մակեդոնիայի ու Թրակիայի միջև հնարավոր գործընկերության հեռանկարները։
Դեսպանը ներկայացրել է Հայաստանի կառավարության «Խաղաղության խաչմերուկ» նախաձեռնությունը և «ԹՐԻՓՓ» նախագիծը՝ անդրադառնալով տարածաշրջանային հաղորդակցությունների ապաշրջափակման և նոր տնտեսական հնարավորությունների ձևավորման հեռանկարներին։
Քննարկվել են նաև հայկական արտադրանքի՝ եվրոպական շուկաներ արտահանման և այդ գործընթացում հունական ենթակառուցվածքների հնարավոր դերակատարության հարցերը։
Մարզպետ Տոպսիդիսը պատրաստակամություն է հայտնել զարգացնել համագործակցությունը Հայաստանի մարզերի հետ՝ ընդգծելով ԵՄ կողմից ֆինանսավորվող միջտարածաշրջանային ծրագրերին համատեղ մասնակցության լայն հնարավորությունները։
Նա ներկայացրել է նաև մարզի ռազմավարական նշանակությունը, այդ թվում՝ Ալեքսանդրուպոլիի նավահանգստի և օդանավակայանի դերակատարությունը տարածաշրջանային փոխադրումների և լոգիստիկայի ոլորտում։
Զրուցակիցները կարևորել են նաև հայ համայնքի պատմական ներկայությունն ու ներդրումը տարածաշրջանի զարգացման գործում և պայմանավորվել շարունակել համագործակցության հնարավորությունների շուրջ աշխատանքը։

Ալխաս Ղազարյանի ճեպազրույցը
https://armenpress.am/hy/video/1252597

Սրբուհի Գալյանի ճեպազրույցը
https://armenpress.am/hy/video/1252605

Բելգիայի հայտնի հայերը. Կարոլին Սաֆարյանի պատմությունը
Հայկական ինքնության, դրա փոխանցման անհրաժեշտության և ընտանեկան լռության միջև բելգահայ դրամատուրգ Կարոլին Սաֆարյանը տարիներ շարունակ ստեղծում է մի արվեստ, որը խորապես սնվում է հիշողությունից։
Բրյուսելում «Արմենպրես»-ի թղթակցին տված հարցազրույցում դերասանուհի և դրամատուրգ Կարոլին Սաֆարյանն անդրադառնում է իր ինքնությանը, ընտանեկան պատմությանը, լռության ծանրությանը, ինչպես նաև իր վերջին ստեղծագործության՝ «Մոռացվածների վալս»-ի ծնունդին, որը ներշնչված է Լեռնային Ղարաբաղում տեղի ունեցած իրադարձություններով։
«Իմ ինքնությունը բազմաթիվ բաների խառնուրդ է։ Եվ այն փոխվում է։ Այն շատ տարբեր է այն ամենից, երբ ես 20 տարեկան էի։ Այն ձևավորվել է փորձառությունների, բայց նաև այն որոնման միջոցով, թե ինչ է նշանակում լինել հայ»։
Կարոլին Սաֆարյանի համար այդ ինքնության որոնումը նախ սկսվել է հայերի ողբերգական պատմության մեջ խորասուզվելուց։
ՄԱՆՐԱՄԱՍՆԵՐ

ՀՀ ԱԺ մշտական հանձնաժողովների համատեղ նիստ
https://armenpress.am/hy/video/1252586

Հայաստանում ԱՄՆ գործերի ժամանակավոր հավատարմատար Դեյվիդ Ալենն այցելել է Սյունիքի մարզ ՝ ընդգծելու հայ-ամերիկյան համագործակցության տարբեր ուղղությունները։ Այս մասին տեղեկացնում են ՀՀ-ում ԱՄՆ դեսպանությունից։
Այցի ընթացքում նախատեսված են հանդիպումներ տեղի պաշտոնյաների, ԱՄՆ փոխանակման ծրագրերի շրջանավարտների, «Խաղաղության կորպուսի» կամավորների, քաղաքացիական հասարակության ներկայացուցիչների, ուսանողների և ԱՄՆ գործընկերների հետ։ Կապանի ամերիկյան անկյունում հավատարմատար Ալենը կներկայացնի «Հիմնադիրների թանգարան» ցուցադրությունը, Մեղրիում կհանդիպի ԱՄՆ-ի կողմից ֆինանսավորվող ACCESS ծրագրի աշակերտների հետ, կայցելի Մեղրիի սահմանային հատված՝ ընթացիկ համագործակցության մասին ավելին իմանալու:
Նախատեսվում է նաև այց «ՔոնթուրԳլոբալի» Գորիսի գրասենյակ՝ քննարկելու էներգետիկ անվտանգությանը և հնարավոր համագործակցությանը վերաբերող հարցեր։ 
ԱՄՆ դեսպանությունից նշում են, որ այցը նպատակ ունի ընդգծել Հայաստանի և Միացյալ Նահանգների միջև զարգացող գործընկերությունը և շարունակական համագործակցությունը տնտեսական հնարավորությունների ընդլայնման, էներգետիկ համագործակցության խորացման, կրթության և մշակութային ժառանգության պահպանման ուղղություններով։