Category: Armen Press

Մայիսի 9-ին նվիրված հարգանքի տուրք Հաղթանակի զբոսայգում
https://www.youtube.com/watch?v=MR4QKpS0324&t=1s

❗️Վարչապետ Նիկոլ Փաշինյանի ուղերձը Մայիսի 9-ի առիթով
Սիրելի՛ ժողովուրդ, Հայաստանի Հանրապետության սիրելի՛ քաղաքացիներ,
Այսօր Համաշխարհային երկրորդ պատերազմում Խորհրդային Միության եւ արեւմտյան դաշնակիցների տարած հաղթանակի օրն է, որը մեր երկրում նշվում է որպես Հաղթանակի եւ խաղաղության տոն։
Երկրորդ համաշխարհային պատերազմում քաղաքակիրթ մարդկությունը ոչ ասաց ֆաշիզմին։ Այս գործում տեսանելի ներդրում է ունեցել հայ ժողովուրդը, որի ավելի քան կես միլիոն ներկայացուցիչ Խորհրդային, ինչպես նաև արեւմտյան դաշնակցային բանակներում եւ ընդհատակյա դիմադրական խմբերում պայքար են մղել ֆաշիզմի դեմ։ Այդ պայքարն ու ներդրումը բարձրագույն գնահատանքի է արժանացել մի շարք երկրներում։
Ֆաշիզմի դեմ տարած հաղթանակի 81–ամյակը դիմավորում ենք միջազգային բարդ պայմաններում։ Մենք պարտավոր ենք չմոռանալ այն աղետները, որ մարդկությանը բերել է ֆաշիզմը եւ դատապարտել այդ երեւույթն իր բոլոր դրսեւորումներով։ Այսօր մենք գլուխ ենք խոնարհում բոլոր այն նահատակների առաջ, ովքեր իրենց կյանքը տվեցին մարդկությունը ֆաշիզմից փրկելու համար։ Այսօր մենք հարգանքի տուրք ենք մատուցում նաեւ ֆաշիզմի դեմ պայքար մղած բոլոր երկրներին եւ մարդկանց։
Սիրելի՛ ժողովուրդ, Հայաստանի Հանրապետության սիրելի՛ քաղաքացիներ,
2026 թվականի մայիսի 9–ը նշում ենք Հայաստանի եւ Ադրբեջանի միջեւ հաստատված խաղաղության պայմաններում։ Արդեն երկու տարի Հայաստան–Ադրբեջան հրաձգության հետևանքով ոչ զոհ ունենք, ոչ վիրավոր, մեր սահմանամերձ բնակավայրերն ապրում են հրաձգություններից զերծ միջավայրում։ Սա կարեւորագույն ձեռքբերում է, որ մեր երկրի անկախությունից ի վեր առաջին անգամ ունենք։
Այսօր մեր խնդիրն է՝ պատշաճ խնամք տանել ձեռքբերված խաղաղության նկատմամբ՝ այն ամեն օր ավելի ամուր եւ ավելի հուսալի դարձնելու նպատակով։ Հաստատված խաղաղությունը պատմական հնարավորություն է մեր երկրի համար՝ այն հասցնելու նախկինում չտեսնված անվտանգության, բարեկեցության ու զարգացման աստիճանի։ Այսօր մենք վստահորեն քայլում ենք այդ ճանապարհով եւ զարգացած, ազատ, անվտանգ, բարեկեցիկ, ժողովրդավարական Հայաստանի Հանրապետությունն է հարգանքի մեծագույն տուրքը՝ մեր ժողովրդի բոլոր ժամանակների բոլոր նահատակների հիշատակին, եւ այն ծառայությունը, որը մենք պետք է մատուցենք մեր քաղաքացիներին եւ սերունդներին։ Մենք կմատուցենք մեր տուրքը, մենք կմատուցենք մեր ծառայությունը։
Փա՛ռք նահատակներին եւ կեցցե՛ Հայաստանի Հանրապետությունը։

«Քաղաքացիական պայմանագիր» կուսակցության առաջնորդ, արձակուրդում գտնվող ՀՀ վարչապետ Նիկոլ Փաշինյանը վստահ է, որ Հայաստանն այսօր անվտանգ և ինքնիշխան է, քան երբևէ։
Գորիսում քաղաքացիների հետ հանդիպմանը նա վստահեցրել է, որ 2025 թվականի օգոստոսի 8-ին Վաշինգտոնում Ադրբեջանի նախագահի հետ ԱՄՆ նախագահի ներկայությամբ ձեռք բերված համաձայնություններով` Սյունիքի հետ կապված, եթե նույնիսկ հարցեր եղել են, բոլոր հարցերը լուծված են, և Սյունիքի անվտանգությունը երաշխավորված է։ 

«Մենք պետք է դադարենք ավելի մեծ հայրենիքի մասին երազելուց, քանի որ Հայաստանի Հանրապետությունը մեր երազած հայրենիքն է։ Մենք այլևս գաղթական չենք, և Հայաստանի հայերով, Ղարաբաղի և աշխարհի հայերով պետք է տնավորվենք Հայաստանում»,-ասել է նա։

Նիկոլ Փաշինյանն ուրախությամբ ընդգծել է այն փաստը, որ ամեն անգամ Գորիս գալիս նոր փոփոխություններ է տեսնում. մի նոր փողոց, մի նոր շենք, մի նոր կապիտալ ներդրում։

«Ի հեճուկս բոլոր դժվարությունների և բարդությունների, Գորիսը տեղական ինքնակառավարման մարմինների և կառավարության համագործակցության լավ օրինակներից մեկն է։ Գորիսն իրոք վերածնվում է, և դա մեծ ուրախություն է մեզ համար»,-ասել է Փաշինյանը։

Նա նշել է, որ 2021 թվականի խորհրդարանական ընտրությունների արդյունքներով Հայաստանը գնացել է խաղաղության հետևից։
ՄԱՆՐԱՄԱՍՆԵՐ

«Լուսավոր Հայաստան» կուսակցության ներկայացուցիչները մայիսի 9-ին՝ քարոզարշավային երկրորդ օրը՝ Հաղթանակի և խաղաղության տոնի առիթով, կայցելեն Հաղթանակի զբոսայգի և Եռաբլուր զինվորական պանթեոն։ «Արմենպրես»-ի հաղորդմամբ՝ այս մասին նշված է կուսակցության ֆեյսբուքյան էջում։
Քաղաքական ուժը մայիսի 8-ին իր նախընտրական քարոզարշավը սկսել է Երասխից, ապա Աղվերանում կուսակցության ներկայացուցիչներ Էդմոն Մարուքյանը և Կարպիս Փաշոյանը «Ռեստարտ» քաղաքացիական-երիտասարդական հիմնադրամի կազմակերպած «Ռեֆորում 2026»-ի ընթացքում պատասխանել են երիտասարդների հարցերին՝ անվտանգությունից ու արտաքին քաղաքականությունից մինչև կրթություն և պետության ապագայի տեսլական՝ ընդգծելով, որ քաղաքականությունը չի կարող կառուցվել առանց այն սերնդի, որը ապագայում որոշումներ է կայացնելու։
«Եթե Երասխը խորհրդանշում է Հայաստանի ինքնիշխանության և անվտանգության մարտահրավերները, ապա երիտասարդներն այն ուժն են, որը պետք է այդ ինքնիշխանությունը վերածի կայուն ու մրցունակ պետության»,- համոզված են կուսակցության ներկայացուցիչները:  
«Լուսավոր Հայաստան» կուսակցությունը հանդես է գալիս «Պաշտպանի՛ր ինքնությունդ» նախընտրական կարգախոսով, քվեաթերթիկի համարը 19-ն է։

Ընտրությունների մասնակից բոլոր 19 քաղաքական ուժերը, Ընտրական օրենսգիրք սահմանադրական օրենքի կարգավորումների համաձայն, բացել են նախընտրական հիմնադրամներ: «Արմենպրես»-ին այս մասին հայտնեցին ԿԸՀ-ից:

«Միասնության թևեր» կուսակցության նախագահ Արման Թաթոյանը հայտարարել է, որ իրենց նպատակը Հայաստանի շահերից բխող քաղաքական օրակարգ ձևավորելն է։
Հայաստանում հունիսի 7-ին կայանալիք խորհրդարանական ընտրությունների քարոզարշավի շրջանակներում լրագրողների հետ ճեպազրույցում Թաթոյանը նշել է, որ առաջիկա ընտրությունները ներկայացվում են արտաքին ուժերի հետ հարաբերությունների կառուցման համատեքստում։
Նրա խոսքով՝ հայ ժողովուրդը չպետք է կանգնի Արևմուտքի և Ռուսաստանի միջև ընտրություն կատարելու առաջ. «Մենք ասում ենք, ոչ, մենք հայերս հազարավոր տարիների պատմություն ունեցող հերոսական ժողովուրդ ենք, մենք հիմա ունենք անկախ պետականություն և ինքնիշխանություն, և մենք պետք է ընտրություն անենք՝ ելնելով մեր շահերից, ելնելով նրանից, թե մենք ինչ ենք ուզում»։
Նա նշել է, որ տարիներ շարունակ քաղաքական գործիչները ընտրությունից ընտրություն մարդկանց խոստումներ են տվել, հետո գնացել ու կորել են, և դրա հետևանքով մարդկանց մոտ նաև վստահության պակաս կա։ «Հիմա մեր խնդիրն է այնպես անել, որ ժողովուրդը հավատա մեզ»,- ասել է Թաթոյանը։

Միգրացիայի և քաղաքացիության ծառայությունը հրապարակել է 2026 թվականի հունիսի 7-ին կայանալիք Ազգային ժողովի ընտրությունների ընտրողների ռեգիստրի տվյալները։
Ծառայության «Ֆեյսբուք»-ի էջում նշվում է, որ ընտրությունների օրվանից 30 օր առաջվա դրությամբ Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը կազմում է 2 միլիոն 482 հազար 872։
Հաղորդագրության համաձայն՝ ըստ գտնվելու վայրի ընտրական տեղամասերում ընդգրկված ընտրողների թիվը 586 է, իսկ հաշվառում չունեցող ընտրողների թիվը՝ 16։
Ծառայությունը հիշեցրել է, որ «ՀՀ ընտրական օրենսգիրք» սահմանադրական օրենքի համաձայն՝ Ազգային ժողովի ընտրությունների ժամանակ քվեարկության օրվանից առաջ 30-րդ, 20-րդ և 10-րդ օրը հրապարակվում է ընտրողների ռեգիստրում ընդգրկված ընտրողների ընդհանուր թիվը։

«Կառուցենք կարգին երկիր» կարգախոսով հանդես եկող «Նոր ուժ» ռեֆորմիստական կուսակցության համար Հայաստանում հունիսի 7-ին կայանալիք խորհրդարանական ընտրությունների քարոզարշավը մեկնարկել է ոչ թե մայիսի 8-ին՝ քարոզարշավի պաշտոնական մեկնարկի օրը, այլ շատ ավելի վաղ։
«Արմենպրես»-ի հետ զրույցում կուսակցության նախընտրական ցուցակի երկրորդ համար Հակոբ Կարապետյանն ընդգծեց՝ թեև քարոզարշավը պաշտոնապես մեկնարկել է մայիսի 8-ից, շատ քաղաքական ուժեր, ինչպես նաև իրենց ուժը, քարոզարշավը դեռ շատ ավելի վաղ էին սկսել։

Մյանմայում գտել են 2,2 կգ (11 հազար կարատ) քաշով հսկայական սուտակ:

Գլխավոր հարկադիր կատարող Սիրո Ամիրխանյանի գլխավորած պատվիրակությունը Դատական կատարողների միջազգային միության նախագահ Մարկ Շﬕցի և Վրաստանի արդարադատության նախարարության հարկադիր կատարման ազգային բյուրոյի պաշտոնական հրավերով մայիսի 7-9-ը Թբիլիսիում մասնակցել է Միության մշտական խորհրդի գարնանային լիագումար նիստին և «Հարկադիր կատարողի կերպարանափոխվող դերը ժամանակակից արդարադատության ﬔջ» խորագրով ﬕջազգային համաժողովին։ 
Պատվիրակության կազմում են եղել Գլխավոր հարկադիր կատարողի տեղակալ Գոհար Մկրտչյանը, Գլխավոր հարկադիր կատարողի օգնական Էլիդա Գրիգորյանը։
Համաժողովի օրակարգային թեմաները վերաբերել են արհեստական բանականությանը, էլեկտրոնային կատարողական վարույթներում ԱԲ գործիքների նեդրմանը։
Ծառայության տարածած հաղորդագրության մեջ նշվում է, որ Վրաստան այցի շրջանակում Սիրո Ամիրխանյանն առանձնազրույցներ է ունեցել ԴԿՄՄ նախագահ Մարկ Շﬕտցի և Վրաստանի հարկադիր կատարման ազգային բյուրոյի նախագահ Լաշա Մոձղվրիշվիլիի հետ։ Քննարկվել են երկկողմ գործակցության նոր օրակարգեր ձևավորեու առաջնահերթությունները։
Համաժողովի ընթացքում Գլխավոր հարկադիր կատարողի տեղակալ Գոհար Մկրտչյանը ևս մասնակցել է «Վտարումներ և առցանց վաճառք. Եվրոպական լավագույն փորձը» խորագրով պանելային քննարկմանը, ներկայացրել գույքի իրացման ընթացակարգերը և ՀՀ օրենսդրական նոր կարգավորումները։