Category: Armen Press

Լիբանանի առողջապահության նախարարությունը հայտարարել է, որ ապրիլի 6-ին Բեյրութի հարավում գտնվող ալ-Ջանահ շրջանի ուղղությամբ իսրայելական ուժերի կողմից իրականացված հարձակման հետևանքով զոհվել է 7 և վիրավորվել՝ 54 մարդ, այդ թվում՝ 8 երեխա:
Այս մասին հայտնում է Լիբանանի Ազգային լրատվական գործակալությունը (NNA):
Իսրայելի բանակն ապրիլի 6-ին կոչ է արել Լիբանանի հարավային շրջանների բնակիչներին լքել բնակավայրերն ու շարժվելու դեպի Զահրանի գետի հյուսիսային կողմը։
Ավելի վաղ բանակը բնակավայրերից հեռանալու հրատապ կոչ էր ուղղել Բեյրութի հարավային արվարձանների բնակիչներին։
Իրանամետ արմատական «Հեզբոլլահ» շարժումը հայտարարել է, որ Լիբանանի սահմանային գոտիներում թիրախավորել է իսրայելական ուժերի դիրքերն ու տրանսպորտային միջոցները։

Հավաքական անվտանգության պայմանագրի կազմակերպությունը (ՀԱՊԿ) պետք է զգույշ և կոռեկտ լինի Հայաստանի հետ աշխատանքում։
Ինչպես հայտնում է բելառուսական ԲԵԼՏԱ գործակալությունը, այս մասին հայտարարել է Բելառուսի նախագահ Ալեքսանդր Լուկաշենկոն ՀԱՊԿ գլխավոր քարտուղար Թաալաթբեկ Մասադիկովի հետ հանդիպման ընթացքում։
Լուկաշենկոն նշել է, որ կազմակերպությունում առկա են ինչպես ձեռքբերումներ, այնպես էլ խնդիրներ, որոնց մասին ինքը բազմիցս խոսել է միջազգային հարթակներում։ Նրա խոսքով՝ հատուկ ուշադրություն պահանջող հարցերից մեկը Հայաստանի հետ հարաբերություններն են։

«Մենք պետք է ավելի կոռեկտ և ճշգրիտ լինենք Հայաստանի հետ աշխատանքում։ Դուք գիտեք, որ Հայաստանը, կարծես թե, չի աջակցում ՀԱՊԿ-ում աշխատանքին, բայց միևնույն ժամանակ մնում է կազմակերպությունում»,- ասել է Բելառուսի նախագահը։

Նա հավելել է, որ Հայաստանում իրավիճակը բարդ է, հատկապես ընտրական գործընթացների համատեքստում։

«Պետք է շատ կոռեկտ լինել։ Հայաստանում բարդ իրավիճակ է այս առումով, հատկապես ընտրական շրջանում։ Շատ բարդ իրավիճակ է։ Ուստի, մենք պետք է շատ զգույշ լինենք Հայաստանի հետ հարաբերություններում»,- նշել է Լուկաշենկոն։

Հայաստանը 2024 թվականի փետրվարից սառեցրել է իր մասնակցությունը ՀԱՊԿ-ի աշխատանքներին։ Հայաստանի վարչապետ Նիկոլ Փաշինյանն այդ մասին հայտնել էր France 24-ին տված հարցազրույցում՝ շեշտելով, որ ՀԱՊԿ-ը չի կատարել անվտանգային ոլորտի պարտավորությունները Հայաստանի նկատմամբ։

Ազգային ժողովի «Քաղաքացիական պայմանագիր» խմբակցության պատգամավոր Հայկ Սարգսյանը բարձրաձայնել է ժամկետային զինծառայողների թվի նվազման խնդիրը՝ ներկայացնելով դրա հաղթահարմանն ուղղված չորս հիմնական առաջարկ։
ԱԺ պաշտպանության և անվտանգության հարցերի մշտական հանձնաժողովի նիստում ներկայացնելով «Զինվորական ծառայության և զինծառայողի կարգավիճակի մասին», «Պետական տուրքի մասին» և Քրեական օրենսգրքում փոփոխություններ նախատեսող նախագծերը՝ Սարգսյանը հայտարարեց, որ դեռևս տարիներ առաջ է զգուշացրել զինվորների թվի նվազման մասին։

Երևանում կանցկացվի «USOOMFest 2026» կրթական ցուցահանդեսը
https://www.youtube.com/watch?v=y0bNioc9t90

Քուվեյթի առողջապահության նախարարության խոսնակ Աբդալլահ աս-Սանադը հայտարարել է, որ Իրանի կողմից երկրի հյուսիսում իրականացված հարձակման հետևանքով երկրի բնակելի թաղամասերից մեկում արկերի և բեկորների ընկնելու պատճառով վեց մարդ է վիրավորվել։
Այս մասին հայտնում է Քուվեյթի KUNA լրատվական գործակալությունը։
Գործակալության տվյալներով՝ բժշկական շտապօգնության խմբերն ու ծառայություններն անմիջապես արձագանքել են միջադեպին։

«Բոլոր տուժածները ստացել են անհրաժեշտ բժշկական օգնություն և գտնվում են կայուն վիճակում՝ առանց որևէ լուրջ բարդության»,- նշվել է հաղորդագրության մեջ։

Ավելի վաղ Քուվեյթի պաշտպանության նախարարությունից հայտնել են, որ վերջին 24 ժամվա ընթացքում էմիրության օդային տարածքից հետ են մղել 9 բալիստիկ հրթիռ, 4 թևավոր հրթիռ, ինչպես նաև 31 անօդաչու։

Իրանի զինված ուժերը վճռականորեն և լայնածավալ կարձագանքեն ԱՄՆ-ի և Իսրայելի կողմից իրանական էներգետիկ ենթակառուցվածքների վրա ցանկացած հարձակմանը։
Այս մասին հայտարարել է Իրանի արտաքին գործերի նախարար Աբբաս Արաղչին իր ֆրանսիացի գործընկեր Ժան-Նոել Բարոյի հետ հեռախոսազրույցի ժամանակ։

«Այս տեսակի սպառնալիքը, ըստ էության, ռազմական հանցագործություններն ու ցեղասպանությունը օրինականացնելու փորձ է։ Եթե այն իրականացվի, Իրանի զինված ուժերը, անկասկած, վճռականորեն և լայնածավալ կարձագանքեն», — Արաղչիի խոսքերը մեջբերել է Իրանի արտաքին գործերի նախարարության մամուլի ծառայությունը Telegram-ում։

Արաղչին Ֆրանսիայի արտգործնախարարին ասել է, որ Իրանի էներգետիկ ենթակառուցվածքների վրա հարվածները կործանարար հետևանքներ կունենան համաշխարհային տնտեսության համար։

«Նման իրավիճակի հետևանքները չեն սահմանափակվի միայն Իրանով և տարածաշրջանով։ Դրանք կործանարար ազդեցություն կունենան համաշխարհային էներգետիկայի և տնտեսության վրա։ Եվ դրա համար միակ պատասխանատվությունը կրելու են ագրեսորները»,- հայտարարել է Իրանի ԱԳ նախարարը։

Ապրիլի 5-ին ԱՄՆ նախագահ Դոնալդ Թրամփը սպառնացել է հարվածել Իրանի էներգետիկ և քաղաքացիական ենթակառուցվածքներին, եթե Հորմուզի նեղուցը չբացվի մինչև ապրիլի 6-ը։

Իրանի առողջապահության նախարարությունը հայտնել է, որ փետրվարի 28-ից ի վեր Միացյալ Նահանգների և Իսրայելի սկսած ռազմական գործողությունների հետևանքով տարհանվել է մայրաքաղաք Թեհրանի ութ հիվանդանոց։ Այս մասին հայտնում է Al Jazeera-ն։
Առողջապահության նախարարությունը հայտնել է, որ հարձակումների հետևանքով վնասվել է 54 շտապօգնության կենտրոն, 46 բժշկական բաժանմունք, 216 առողջապահական կենտրոն և 41 շտապօգնության մեքենա։
ԱՄՆ-ն և Իսրայելն Իրանի դեմ համատեղ ռազմական գործողություն են սկսել փետրվարի 28-ից՝ մեղադրելով Թեհրանին հրթիռային և միջուկային ծրագիրը զարգացնելու համար։
Իրանը, հերքելով մեղադրանքները, սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։ Հարվածներից տուժել են Քուվեյթը, Կատարը, ԱՄԷ-ն, Սաուդյան Արաբիան, Օմանը, Բահրեյնը, Իրաքը։

Ուկրաինան և Սիրիան ապրիլի 5-ին կայացած բանակցություններում խոստացել են ավելի խորացնել համագործակցությունն անվտանգության ոլորտում։
Այս մասին «Տելեգրամ»-ում հայտարարել է Ուկրաինայի նախագահ Վոլոդիմիր Զելենսկին Մերձավոր Արևելքի երկրներով շրջագայության շրջանակում Դամասկոսում հանդիպել էր Սիրիայի նախագահ Ահմեդ ալ-Շարաայի հետ։

«Մենք համաձայնեցինք աշխատել միասին՝ մեր հասարակությունների համար ապահովելու ավելի շատ անվտանգություն և զարգացման հնարավորություններ», — գրել է Զելենսկին։

Զելենսկին հայտնել է, որ լայնածավալ քննարկումներ են տեղի ունեցել Սիրիայի ղեկավարի, ինչպես նաև եռակողմ բանակցություններ Թուրքիայի արտգործնախարար Հաքան Ֆիդանի մասնակցությամբ։

«Մենք կարողացանք քննարկել ամեն ինչ՝ անվտանգային և պաշտպանական հարցերից և տարածաշրջանում իրավիճակից մինչև մեր երկրների միջև էներգետիկայի և ենթակառուցվածքների ոլորտում համագործակցությունը», — գրել է Զելենսկին։

Վերջին շաբաթների ընթացքում Զելենսկին այցելել է Մերձավոր Արևելքի երկրներ՝ առաջարկելով ուկրաինական փորձը անօդաչու թռչող սարքերի և հրթիռային հարձակումների դեմ պայքարում, որը մշակվել է Ռուսաստանի հետ շուրջ 4 տարի շարունակվող պատերազմի ընթացքում։
Զելենսկին նաև հայտարարել է, որ Ուկրաինան, լինելով հացահատիկի խոշոր արտադրող, ցանկանում է ներդրում ունենալ Մերձավոր Արևելքի պարենային անվտանգության ապահովման գործում։ Այդ նպատակով նա Սիրիայի առաջնորդին տեղեկացրել է, որ Կիևը հուսալի մատակարար է։ Նրա խոսքով՝ երկու նախագահները քննարկել են տարածաշրջանային պարենային անվտանգության ամրապնդման հնարավորությունները։

Ուկրաինայի զինված ուժերի կողմից ռուսական վերահսկողության տագ գտնվող Լուգանսկի Բելորեչենսկայա հանքին հասցրած հարվածի հետևանքով 41 հանքագործներ արգելափակվել են գետնի տակ։