Category: Armen Press

ԱՄՆ պետքարտուղար Մարկո Ռուբիոն Իսրայելի և Լիբանանի դեսպանների հետ միասին հայտարարել է շրջանակային համաձայնագրի ստորագրման մասին, որը բնութագրվել է որպես խաղաղության առաջին քայլ՝ Իրանի կողմից աջակցություն ստացող լիբանանյան «Հըզբոլլահ» զինյալ խմբավորման և Իսրայելի միջև ամիսներ տևած հակամարտությունից հետո։

Ուկրաինայում նշվել է Աստվածածնի հայկական պատկերակի օրվա 235-ամյակը
Ուկրաինայում ավանդույթի համաձայն՝ ամեն տարի հունիսի 27-ին նշվում է Կամիանեց-Պոդոլսկիի Աստվածածնի հայկական սրբապատկերի օրը։
Սրբապատկերը երկրպագել են Կամիանեց-Պոդոլսկիի բոլոր երեք քրիստոնեական ծեսերի հավատացյալները՝ հայերը, ուկրաինացիները և լեհերը։

Կյանքի 84-րդ տարում մահացել է երգչուհի, ՀՀ ժողովրդական արտիստ Ռաիսա Մկրտչյանը։

ԱՄՆ զինված ուժերը հարվածներ են հասցրել Իրանին՝ ի պատասխան Թեհրանի կողմից Հորմուզի նեղուցում Սինգապուրի դրոշի ներքո նավարկող առևտրային նավի վրա հարձակման։ 
Այս մասին հայտարարել է ԱՄՆ կենտրոնական հրամանատարությունը (CENTCOM):
Հաղորդագրության համաձայն՝ հարվածներ են հասցվել իրանական հրթիռների և անօդաչու թռչող սարքերի պահեստավորման վայրերին, ինչպես նաև ափամերձ ռադարներին։
«Իրանական ուժերի չարդարացված ագրեսիան առևտրային նավագնացության դեմ ակնհայտորեն խախտել է հրադադարը: Ավելին, Իրանի վտանգավոր վարքագիծը խաթարել է նավարկության ազատությունը, քանի որ առևտուրն ավելի հաճախակի է իրականացվում այս կենսականորեն կարևոր միջազգային առևտրային միջանցքով», — հայտարարել է ԱՄՆ հրամանատարությունը:

ՀՀ ներքին գործերի նախարար Արփինե Սարգսյանն ընդունել է Վրաստանի պետական անվտանգության ծառայության պետ Գելա Գելաձեին։
Այս մասին տեղեկացնում են ՀՀ ՆԳ նախարարությունից՝ մանրամասնելով, որ հանդիպման ընթացքում կողմերը բարձր են գնահատել Հայաստանի և Վրաստանի միջև ձևավորված բարեկամական ու գործընկերային հարաբերությունները։ 
Սարգսյանն ու Գելաձեն կարևորել են երկու երկրների իրավապահ և անվտանգության կառույցների միջև ձևավորված բարձր մակարդակի և արդյունավետ համագործակցությունը։ 
Գերատեսչությունների ղեկավարները քննարկել են փոխադարձ հետաքրքրություն ներկայացնող մի շարք հարցեր, անդրադարձել ընթացիկ ծրագրերին և նախանշել համագործակցության զարգացման հնարավոր ուղղությունները։

⚽️🌍 Մունդիալ-2026
🇫🇷 Ֆրանսիան I խմբի վերջին տուրում 4:1 հաշվով հաղթեց 🇳🇴 Նորվեգիային։ Ուսման Դեմբելեն 1954 թվականից ի վեր աշխարհի առաջնությունների պատմության ամենաարագ հեթ-տրիկներից մեկը ձևակերպեց՝ գոլեր խփելով 7-րդ, 20-րդ և 32-րդ րոպեներին։ Ֆրանսիայի չորրորդ գոլը խփեց Դեզիրե Դուեն, իսկ Նորվեգիայի միակ գոլի հեղինակը Տելո Ասգարդն էր։
🇸🇳 Սենեգալը խմբային փուլի ամենագոլառատ հանդիպումներից մեկում 5:0 հաշվով ջախջախեց 🇮🇶 Իրաքին։ Գոլերով աչքի ընկան Հաբիբ Դիարան, Իսմայիլ Սարը, Պապե Գույեն (դուբլ) և Իլիման Նդիայեն։
🇨🇻 Կաբո Վերդեն 🇸🇦 Սաուդյան Արաբիայի հետ խաղաց 0:0 և պատմության մեջ առաջին անգամ դուրս եկավ աշխարհի առաջնության փլեյ-օֆֆ՝ խմբում զբաղեցնելով երկրորդ տեղը։
🇪🇸 Իսպանիան H խմբի վերջին տուրում նվազագույն՝ 1:0 հաշվով հաղթեց 🇺🇾 Ուրուգվային։ Հաղթական գոլը խփեց Ալեքս Բաենան։ Եվրոպայի գործող չեմպիոնը խմբում զբաղեցրեց առաջին տեղը՝ վաստակելով 7 միավոր։
🇮🇷 Իրանը աշխարհի առաջնությունում գրանցեց իր երրորդ անընդմեջ ոչ-ոքին՝ 🇪🇬 Եգիպտոսի հետ խաղալով 1:1։ Իրանցիներից գոլի հեղինակ դարձավ Ռամին Ռեզաեյանը, իսկ եգիպտացիներից՝ Մահմուդ Սաբերը։ Խմբային փուլի ավարտին Եգիպտոսը երկրորդն է, Իրանը՝ երրորդը։
🇧🇪 Բելգիան 5:1 հաշվով հաղթեց 🇳🇿 Նոր Զելանդիային և առաջին տեղով ավարտեց G խմբի պայքարը։ Դուբլ ձևակերպեց Լեանդրո Տրոսարդը, մեկական գոլ խփեցին Քևին դե Բրույնեն, Ռոմելու Լուկակուն և Ալեքսիս Սալեմակերսը։ Նոր Զելանդիայի միակ գոլը խփեց Էլայջա Զաստը։

Առավոտյան սուրճն ավելի համով է Պապ թագավորի փողոցում։
Նիկոլ Փաշինյան

Քրեական վարույթի նախաքննության ընթացքում Գյումրի համայնքի ղեկավարի նախկին մամուլի խոսնակ Հասմիկ Վիրաբյանը ձերբակալվել է:
«Քրեական վարույթի նախաքննության ընթացքում Գյումրի համայնքի ղեկավարի նախկին մամուլի խոսնակ Հ.Վ.-ն ձերբակալվել է՝ առանձնապես խոշոր չափերով խարդախություն կատարելու համար»,- «Արմենպրես»-ին տեղեկացրին ՔԿ-ից:

«Ուժեղ Հայաստան» դաշինքի հետախուզվող պատգամավորի 4 թեկնածուներից մեկը՝ Արթուր Աբրահամյանը հայտնաբերվել և կալանավորվել է։

Ադրբեջանից Հայաստան է արտահանվել նավթամթերքի հերթական խմբաքանակը։
Ինչպես հաղորդում է «Արմենպրես»-ը՝ վկայակոչելով ԱՊԱ գործակալությունը, հունիսի 26-ին Բալաջարի կայարանից դեպի Բյույուք-Քեսիք կայարան ուղարկվել է ԱԻ-92 մակնիշի ավտոբենզինով 18 երկաթուղային վագոն՝ ընդհանուր 971 տոննա քաշով, ինչպես նաև դիզելային վառելիքով 8 վագոն՝ ընդհանուր 467 տոննա քաշով։