Category: Armen Press

Հայաստանում նախատեսվում է ներդնել IMEI կոդերի միասնական գրանցման և վերահսկողության համակարգ, որի միջոցով բջջային կապի ցանցում կակտիվացվեն միայն օրինական ներմուծված կամ սահմանված կարգով գրանցված հեռախոսները։
Կառավարության նիստում ընդունվեց «Էլեկտրոնային հաղորդակցության մասին» օրենքում լրացումներ և փոփոխություններ կատարելու մասին նախագիծը։
Վարչապետ Նիկոլ Փաշինյանը նիստի ընթացքում հայտարարեց, որ բջջային հեռախոսների շուկան Հայաստանում ամենամեծ ստվերային շուկաներից է, և դրա դեմ անհրաժեշտ են համակարգային ու քաղաքակիրթ լուծումներ։

Հայաստանի վարչապետ Նիկոլ Փաշինյանը կառավարության անդամների՝ փոխվարչապետերի և նախարարների կազմում փոփոխությունների կարիք չի տեսնում և չի նախատեսում։
«Արմենպրես»-ի փոխանցմամբ՝ վարչապետն այդ մասին ասել է Կառավարության նիստից հետո լրագրողների հետ ճեպազրույցի ժամանակ։

«Կառավարության անդամների կազմում՝ փոխվարչապետեր և նախարարներ, փոփոխությունների կարիք չեմ տեսնում, չեմ նախատեսում։ Գործադիրի այլ մակարդակներում որոշ փոփոխություններմ, մտածում եմ, որ տեղի կունենան»,- ասել է Փաշինյանը՝ պատասխանելով հարցին, թե արդյոք Հայաստանում հունիսի 7-ին կայացած խորհրդարանական ընտրություններից հետո Կառավարությունում փոփոխություններ նախատեսվում են։

Նիկոլ Փաշինյանի ճեպազրույցը
https://www.youtube.com/live/dAQ7nXmBlco?si=vtZjLv9GWYlN5v91

Փարիզում ՅՈՒՆԵՍԿՕ-ի կենտրոնակայանում տեղի է ունեցել ՅՈՒՆԵՍԿՕ-ում ՀՀ մշտական ներկայացուցչության կողմից կազմակերպված բարձրաստիճան ճեպազրույց՝ նվիրված 2026թ. Երևանում կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովին:
Փոխնախարար Ռոբերտ Աբիսողոմոնյանը միջոցառմանը հանդես է եկել հիմնական ելույթով:
Իր խոսքում ՀՀ ԱԳ նախարարի տեղակալը ներկայացրել է Կենսաբազմազանության COP17-ի Հայաստանի նախագահության տեսլականը՝ վերահաստատելով Հայաստանի հանձնառությունը Համաժողովի կազմակերպման գործընթացում առաջնորդվելու ներառականության, թափանցիկության և բաց երկխոսության սկզբունքներով:
ԱԳ նախարարի տեղակալն ընդգծել է COP17-ի առանցքային նշանակությունը Կունմին-Մոնրեալի կենսաբազմազանության գլոբալ շրջանակի իրականացման գործում՝ մասնավորապես համատեղ առաջընթացի առաջին գլոբալ վերանայման համատեքստում: Նա նշել է, որ Համաժողովը հնարավորություն կտա գնահատելու ձեռքբերումները, առկա բացերն ու մարտահրավերները, ինչպես նաև նախանշելու լրացուցիչ ջանքերը՝ մինչև 2030թ. սահմանված գլոբալ թիրախներին հասնելու համար:

Ունենալու ենք ավելի լավ արդյունք, քան կար․ ԱԳ նախարարը արտահանման դիվերսիֆիկացիայի մասին
https://youtu.be/sFSoDX-_jwc?si=SFcyRxnQiIqq_AvK

ՀՀ կառավարության նիստ
https://www.youtube.com/live/dIc4AT1gJFQ?si=XczaHN6UCgg0Uled

Սյունիքի մարզի դատախազությունը, պետական (համայնքային) շահերի պաշտպանության լիազորության շրջանակում, ուսումնասիրել է Սյունիքի մարզի Սիսիան համայնքի Սիսիան քաղաքի «Մայիսի 28» զբոսայգու տարածքում գտնվող հողամասերը տարբեր անձանց տրամադրելու վերաբերյալ փաստաթղթերը:
Ուսումնասիրության արդյունքում պարզվել է, որ Սիսիան քաղաքի «Մայիսի 28» զբոսայգու տարածքում գտնվող՝ 0,13 հա մակերեսով հողամասը, օրենքի պահանջների խախտմամբ, կառուցապատման իրավունքով հատկացվել է ֆիզիկական անձի:
Դատախազի կողմից միջնորդագիր է հասցեագրվել Սիսիան համայնքի ղեկավարին՝ Սիսիան համայնքի և կառուցապատողի միջև 2009 թվականի հունիսի 11-ին կնքված կառուցապատման իրավունքը դադարեցնելու ուղղությամբ միջոցներ ձեռնարկելու վերաբերյալ:
Միջնորդագրի հիման վրա, Սիսիանի համայնքապետարանի իրավասու մարմինների կողմից ձեռնարկված միջոցառումների արդյունքում, Կադաստրի կոմիտեում դադարեցվել է Սիսիան համայնքի «Մայիսի 28» զբոսայգում գտնվող՝ 0,13 հա մակերեսով, 2 միլիոն 383 հազար դրամ շուկայականին մոտարկված կադաստրային արժեքով հողամասի նկատմամբ գրանցված կառուցապատման իրավունքը:
Հողամասը վերադարձվել է Սիսիան համայնքի տիրապետմանը:

Հայաստանի էկոնոմիկայի նախարարի մամուլի խոսնակ Լիլիթ Շաբոյանը հերքել է «Հրապարակ» օրաթերթի տարածած լուրը, թե իբր նախարար Գևորգ Պապոյանը «նամակ է գրել Ռուսաստանի առևտրի և արդյունաբերության նախարար  Անտոն Ալիխանովին և խնդրել իրեն հնարավորություն տալ մասնակցել հուլիսի 6-7-ը Եկատերինբուրգում կայանալիք առևտրատնտեսական ֆորումին»։
Հրապարակը նաև գրել էր, թե իբր «ռուսական կողմից դեռևս պատասխան չի ստացվել»։ 
Նախարարի մամուլի խոսնակը տարածված լուրը հերքել է «Ֆեյսբուք»-ի իր էջում տարածված գրառմամբ։

«Այսօր մամուլում իրականությանը չհամապատասխանող հերթական տեղեկությունն է տարածվել ՀՀ էկոնոմիկայի նախարար Գևորգ Պապոյանի վերաբերյալ։ Մասնավորապես՝ նրա առաջիկա գործուղման մասին:
Վերջերս, Նախարար Գևորգ Պապոյանը հրավեր է ստացել ռուս գործընկերոջից՝ մասնակցելու հուլիսին Եկատերինբուրգում կայանալիք առևտրատնտեսական ֆորումին:
Սա է միակ փաստը: Հրապարակման մյուս հատվածները հեղինակի կողմից ներկայացված ենթադրություններն ու գնահատականներ են, որոնք չեն համապատասխանում իրականությանը։
Հայաստանի և Ռուսաստանի հարաբերությունները շարունակվում են կառուցվել փոխադարձ հարգանքի և կառուցողական երկխոսության սկզբունքների հիման վրա։ Այդ հարաբերությունների շրջանակում տարբեր մակարդակներում շփումներն ու հանդիպումները եղել են և շարունակում են մնալ աշխատանքային գործընթացի մաս։
Ուստի հորդորում եմ անձնական ցանկությունները չներկայացնել որպես փաստ և չմոլորեցնել հանրությանը»,- գրել է Շաբոյանը՝ հրապարակելով նաև ՌԴ առևտրի և արդյունաբերության նախարար Անտոն Ալիխանովի կողմից ՀՀ էկոնոմիկայի նախարարին ուղարկված հրավերը՝ մասնակցելու Եկատերինբուրգի առևտրատնտեսական ֆորումին։

Վենեսուելայում տեղի ունեցած երկու հզոր երկրաշարժերի հետևանքով, վերջին տվյալներով, զոհվել է առնվազն 32 մարդ, շուրջ 700-ը՝ վիրավորվել։ Կարակասում փլուզվել են շենքեր, փակվել է միջազգային օդանավակայանը, դադարեցվել է մետրոյի աշխատանքը։ Երկրում հայտարարվել է արտակարգ դրություն, մի շարք երկրներ արդեն օգնություն են առաջարկել։

⚽️🌍 Մունդիալ-2026
🇨🇭 Շվեյցարիան B խմբի կենտրոնական խաղում 2:1 հաշվով հաղթեց 🇨🇦 Կանադային։ Շվեյցարացիների կազմում գոլերով աչքի ընկան Ռուբեն Վարգասը և Յոհան Մանցամբին, իսկ Կանադայի միակ գոլը խփեց Պրոմիս Դեյվիդը։ Երկու հավաքականներն էլ նվաճեցին փլեյ-օֆֆի ուղեգիր։
🇧🇦 Բոսնիա և Հերցեգովինան 3:1 հաշվով առավելության հասավ 🇶🇦 Կատարի նկատմամբ։ Գոլերի հեղինակ դարձան Կերիմ Ալաջբեգովիչը, Էրմին Մահմիչը, ևս մեկ գոլ գրանցվեց Մահմուդ Աբունադայի ինքնագոլի շնորհիվ։ Կատարի միակ գոլը խփեց Հասան Ալհայդոսը։
🇧🇷 Բրազիլիան C խմբի վերջին տուրում 3:0 հաշվով հաղթեց 🏴󠁧󠁢󠁳󠁣󠁴󠁿 Շոտլանդիային։ Դուբլի հեղինակ դարձավ Վինիսիուս Ժունիորը, մեկ գոլ էլ խփեց Մատեուշ Կունյան։ Մոտ 2,5 տարվա ընդմիջումից հետո ազգային հավաքականի կազմում խաղադաշտ վերադարձավ Նեյմարը՝ փոխարինման մտնելով 76-րդ րոպեին։
🇲🇦 Մարոկկոն գոլառատ խաղում 4:2 հաշվով հաղթեց 🇭🇹 Հայիթիին։ Մարոկկոյի կազմում գոլեր խփեցին Աշրաֆ Հակիմին, Իսմայել Սայբարին, Սուֆիան Ռահիմին և Ժեսիմ Յասինը։ Հայիթիի կազմում մեկ գոլը գրանցվեց Վիլսոն Իզիդորի ինքնագոլից, մյուսը հեղինակեց Յասին Բունուն։