Category: Armen Press

Իրանի բարձրաստիճան հոգևորականներից այաթոլլա Ալիռեզա Արաֆին կլինի Իրանի ժամանակավոր գերագույն առաջնորդը Ալի Խամենեիի սպանությունից հետո։ «Արմենպրես»-ի հաղորդմամբ` այս մասին հաղորդել է Իրանի պետական ​​ISNA լրատվական գործակալությունը։
Այաթոլլա Ալիռեզա Արաֆին նշանակվել է ժամանակավոր ղեկավար խորհրդի իրավաբան անդամ, ով պատասխանատու է գերագույն առաջնորդի պարտականությունները կատարելու համար անցումային շրջանում` մինչև Իրանի սահմանադրական գործընթացի համաձայն իրավահաջորդի ընտրությունը։
Իրանի սահմանադրական մեխանիզմի համաձայն՝ ժամանակավոր խորհրդի կազմում են նախագահ Մասուդ Փեզեշքիանը, դատական իշխանության ղեկավար Գոլամխոսեյն Մոխսենի-Էջեին ու Սահմանադրության պահապանների խորհրդի իրավաբան այաթոլլա Արաֆին։
Այս մարմինը համատեղ կղեկավարի երկիրը Խամենեիի մահվանից հետո, քանի դեռ Իրանը անցումային փուլում է։

Կատար․ Իրանական հրթիռի բեկորների ընկնելու վայրը

Կարեն Դեմիրճյանի անվան մարզահամերգային համալիրում ընթացող գնդակային հրաձգության Եվրոպայի առաջնության առաջին ոսկե մեդալակիրները նորվեգ մարզիկներն են:
«Արմենպրես»-ի հաղորդմամբ` Երևանում ընթացող առաջնության օդամղիչ հրացան` միքս (տղամարդ+կին) մրցաձևում եզրափակիչ էին դուրս եկել Նորվեգիայի, Գերմանիայի, Շվեդիայի ու Բուլղարիայի թիմերը:
Հայաստանյան առաջնության առաջին ոսկե մեդալակիրը Նորվեգիայի թիմն է, որն աշխարհի ռեկորդ սահմանեց այս առաջնությունում`վաստակելով 506.7 միավոր:
Երկրորդ տեղում Գերմանիայի թիմն է (504.4 միավոր), իսկ եռյակի վերջում Շվեդիան է (437.8 միավոր):

Իրանի դատախազության հրապարակած վերջին տվյալների համաձայն՝ Իրանի հարավում գտնվող Մինաբ քաղաքում աղջիկների դպրոցին Իսրայելի հասցրած հարվածի հետևանքով զոհվել է 148 մարդ, 95-ը վիրավորվել է։
Մինաբի շրջանային դատախազը հայտարարել է, որ զոհվածների մեծ մասը դպրոցի աշակերտուհիներ են։ Զոհվել են նաև դպրոցի աշխատակիցներ և ծնողներ։

Մերձավոր Արևելքի օդանավակայանները մարտի 1-ին փակ են Իրանի շուրջ շարունակվող ռազմական գործողությունների պատճառով։
Ինչպես հայտնում է France 24-ը, Իսրայելը, Կատարը, Սիրիան, Իրանը, Իրաքը, Քուվեյթը, Բահրեյնը և Միացյալ Արաբական Էմիրությունները փակել են իրենց օդային տարածքը։ Տասնյակ հազարավոր զբոսաշրջիկներ մնացել են օդանավակայաններում։
Emirates Airlines-ը դադարեցրել է Դուբայից և դեպի Դուբայ բոլոր չվերթները։ Qatar Airways-ի տվյալներով՝ Կատարի օդանավակայանը փակ է առնվազն մինչև մարտի 2-ի առավոտը։
Սա հանգեցրել է Մերձավոր Արևելքի հիմնական՝ Դուբայի, Աբու Դաբիի և Դոհայի օդանավակայանների փակմանը։ Մերձավոր Արևելքի ավիաընկերությունները չեղարկել են ավելի քան 1800 չվերթ։
Cirium ավիացիոն վերլուծական ընկերության տվյալներով՝ այս օդանավակայաններում գործող երեք խոշորագույն ավիաընկերությունները՝ Emirates-ը, Qatar Airways-ը և Etihad-ը, սովորաբար օրական սպասարկում են մոտ 90,000 ուղևորի։

Իրաքում եռօրյա սուգ է Իրանի գերագույն առաջնորդի մահվան առնչությամբ

Իրանի Իսլամական հեղափոխության պահապանների կորպուսի նոր հրամանատար է նշանակվել գեներալ Ահմադ Վաիդին։

Մոտ 500 մարդ գրոհել է Պակիստանի հարավում գտնվող Կարաչի քաղաքում ԱՄՆ հյուպատոսության շենքը՝ ամերիկա-իսրայելական հարվածի հետևանքով Իրանի գերագույն առաջնորդ Ալի Խամենեիի սպանությունից մի քանի ժամ անց։
Այս մասին հայտնել է Associated Press-ը՝ հղում անելով տեղի ոստիկանությանը։ Գործակալությունը հայտնել է, որ բողոքի ակցիային մասնակցել են շիա մահմեդականներ։
Ոստիկանության խոսնակ Մոհամմադ Ջավադը հայտնել է, որ ոստիկանությունն ու զինվորականները մահակներ ու արցունքաբեր գազ են օգտագործել ցուցարարներին ցրելու համար։
Ոստիկանությունը հայտնել է բախումների հետևանքով վեց զոհի մասին։ Առնվազն 8 մարդ վիրավոր է։

Միացյալ Նահանգների նախագահ Դոնալդ Թրամփը սպառնացել է Իրանին աննախադեպ ուժգնության հարվածներով, եթե Իրանը կյանքի կոչի սեփական սպառնալիքները։

«Իրանը հենց նոր հայտարարեց, որ այսօր շատ ուժեղ հարված է հասցնելու, ավելի ուժեղ, քան երբևէ: Ավելի լավ է՝ նման բան չանեն, որովհետև եթե անեն, մենք այնպիսի ուժգնության հարվածներ ենք հասցնելու, ինչպիսիք նախկինում երբեք չեն եղել», — «Արմենպրես»-ի հաղորդմամբ` գրել է Թրամփը Truth Social-ում:

Ավելի վաղ Իրանի Խորհրդարանի ղեկավար Մոհամմադ Բաղեր Ղալիբաֆը հայտարարել էր, որ Իրանի զինված ուժերը կշարունակեն հարվածել տարածաշրջանում ամերիկյան ու իսրայելական օբյեկտներին։

Իսլամական հեղափոխության առաջնորդ այաթոլլա Ալի Խամենեիի մահվանից հետո Իրանում անցումային շրջանի պատասխանատվությունը կստանձնեն երկրի նախագահ Մասուդ Փեզեշքիանը, դատական իշխանության ղեկավար Գոլամխոսեյն Մոխսենի-Էջեին ու Սահմանադրության պահապանների խորհրդի իրավաբան։ «Արմենպրես»-ի հաղորդմամբ, ինչպես գրում է IRNA-ն, այս մասին հայտնել է Իրանի առաջին փոխնախագահ Մոհամմեդ Մոխբերը։