Category: Hetq

❗️Երեկ՝ 2026թ. մայիսի 14-ին, ժամը 17։45-ի սահմաններում, «Նուբարաշեն» քրեակատարողական հիմնարկի խցի սանհանգույցում հայտնաբերվել է 1974թ․ ծնված կալանավորված անձը՝ կախված վիճակում։ Անմիջապես կանչվել է շտապօգնություն, բուժանձնակազմի կողմից արձանագրվել է վերջինիս մահը։
🗣️ Տեղեկությունը հաստատեց Քրեակատարողական ծառայության մամուլի խոսնակ Նոնա Նավիկյանը։

Մանկավարժական համալսարանի պրոռեկտորի, նրա որդու և Սմբատ Լպուտյանի գործն ուղարկվել է դատարան
Խաչատուր Աբովյանի անվան հայկական պետական մանկավարժական համալսարանի ուսումնագիտական գծով պրոռեկտոր Մարիամ Իսպիրյանին մեղադրանք է առաջադրվել պաշտոնեական լիազորությունները ծառայության շահերին հակառակ օգտագործելու համար։ Ըստ մեղադրանքի՝ նա 2022թ-ից զբաղեցրել է  Խաչատուր Աբովյանի անվան հայկական պետական մանկավարժական համալսարանի ուսումնագիտական գծով պրոռեկտորի պաշտոնը և միաժամանակ ղեկավարել համալսարանի «Շախմատ գիտահետազոտական ինստիտուտի» աշխատանքները։
📌. Քննության տվյալներով՝ Իսպիրյանը տեղեկացված է եղել, որ իր որդին՝ Արմեն Ավետիսյանը, 2022թ. հունվարի 14-ին աշխատանքի է ընդունվել ինստիտուտում որպես մասնագետ, սակայն փաստացի աշխատանքի չի հաճախել՝ շարունակելով աշխատավարձ ստանալ։
Մեղադրանքի համաձայն՝ պրոռեկտորը որևէ քայլ չի ձեռնարկել այդ իրավիճակը կանխելու համար, ինչի հետևանքով համալսարանին պատճառվել է առանձնապես խոշոր չափի՝ մոտ 5 մլն 337 հազ. դրամի վնաս:
Պրոռեկտորի որդուն էլ մեղադրանք է առաջադրվել խաբեությամբ առանձնապես խոշոր չափերի հափշտակություն կատարելու համար։
🔻 Անվանի շախմատիստ Սմբատ Լպուտյանին մեղադրանք է առաջադրվել պրոռեկտորի որդու` Արմեն Ավետիսյանի կողմից ենթադրյալ հափշտակությանը օժանդակելու և պաշտոնեական կեղծիք կատարելու համար։

Երիտասարդներին վառ ապագայի խոստումներով չի կարելի խաբել. Էդմոն Մարուքյան
«Ոտքի վրա» հարցազրույցների շարքի այս թողարկմանը զրուցում ենք «Լուսավոր Հայաստան» կուսակցության նախագահ Էդմոն Մարուքյան ի հետ։ Նա պատմում է, թե ի՞նչ ծրագրեր ունի կուսակցությունը երիտասարդների համար։

Հետք pinned «🗳 ⚡️ 2026-ի հունիսի 7-ին խորհրդարանական ընտրությունների նախընտրական քարոզարշավի ընթացքում եւ ընտրությունների օրը լրագրողների և քաղաքացիների իրավունքների խախտումների արձանագրման համար «Հետքում» թեժ գիծ կգործի: 🔸 Լրագրողներ — Մասնագիտական գործունեության խոչընդոտների…»

🗳 ⚡️ 2026-ի հունիսի 7-ին խորհրդարանական ընտրությունների նախընտրական քարոզարշավի ընթացքում եւ ընտրությունների օրը լրագրողների և քաղաքացիների իրավունքների խախտումների արձանագրման համար «Հետքում» թեժ գիծ կգործի:
🔸 Լրագրողներ — Մասնագիտական գործունեության խոչընդոտների դեպքում լրագրողները կարող են դիմել «Հետքի» իրավաբանին խորհրդատվության եւ աջակցության համար։
🔸 Քաղաքացիներ — Նախընտրական քարոզարշավի ընթացքում, քվեարկության օրը որևէ խախտում նկատելիս քաղաքացիները կարող են հայտնել այդ մասին «Հետք»-ին։
📞 Թեժ գծի հեռախոսահամարներն են՝ 010 56 33 63, 010 58 02 19, 077 56 33 63:
Կարող եք նաեւ գրել «Հետքի» տելեգրամյան և այլ սոցիալական հարթակների էջերին կամ ուղարկել էլ. նամակ info@hetq.am հասցեով։

Գյումրիում անչափահաս աղջկան առևանգելու և սեռական բնույթի բռնի գործողություններ կատարելու համար 4 անձ է դատապարտվել
Անչափահաս աղջկան առևանգած և նրա նկատմամբ սեռական բնույթի բռնի գործողություններ կատարած Ն.Ղ.-ի, Ա.Ա.-ի, Ա.Բ.-ի և Ս.Ս.-ի վերաբերյալ Շիրակի մարզի առաջին ատյանի ընդհանուր իրավասության դատարանը 2026 թվականի մայիսի 8-ին կայացրել է մեղադրական վերդիկտ՝ Քրեական օրենսգրքի 191-րդ հոդվածի 2-րդ մասի 3-րդ կետով (Մարդուն առեւանգելը) և 198-րդ հոդվածի (սեքսուալ բնույթի բռնի գործողությունները) 2-րդ մասի 2-րդ կետով:
📌 Դատախազությունը հիշեցնում է, որ 2024 թվականի հունիսի 15-ին Ն.Ղ.-ի, Ա.Ա.-ի, Ա.Բ.-ի և Ս.Ս.-ի նկատմամբ հարուցվել էր հանրային քրեական հետապնդում՝ Քրեական օրենսգրքի վերոնշյալ հոդվածներով:

«Քննչական կոմիտեում քննված քրեական վարույթով պարզվել էր, որ 2023 թվականին անչափահասներ Ն.Ղ.-ն, Ա.Ա.-ն, Ա.Բ.-ն և Ս.Ս.-ն, խմբի կազմում, նախնական համաձայնությամբ, խաբեությամբ առևանգել են անչափահաս աղջկան, տեղափոխել Գյումրիում գտնվող կիսակառույց շենք և, փոխլրացնելով միմյանց գործողությունները, կատարել են սեքսուալ բնույթի բռնի գործողություններ, տեսաձայնագրել և, քննությամբ չպարզված հանգամանքներում, տեսագրությունը հրապարակել սոցիալական ցանցերից մեկի օգտահաշվում:
Դատախազը 2025 թվականի հունվարի 25-ին իրավասու դատարան էր հանձնել վերոնշյալ անձանց վերաբերյալ՝ հաստատված մեղադրական եզրակացությամբ քրեական վարույթի նյութերը»

,- ասված է Հանրային կապերի բաժնի հաղորդագրության մեջ։

Հարցախույզ՝ ոտքի վրա․ երիտասարդների նախընտրական խոհերը
«Հետքը» սկսում է «Ոտքի վրա» հարցազրույցների շարք՝ պարզելու, թե ինչ են առաջարկում քաղաքական ուժերը երիտասարդներին։
📌 Հաղորդման առաջին թողարկմանը շրջել ենք Երեւանում եւ երիտասարդներին հարցրել իրենց մտահոգող խնդիրների մասին։

Ակցիզային դրոշմապիտակներ. ինչ է թաքցնում ՊԵԿ-ը
Այսօր հայկական շուկայում մի շարք ալկոհոլային խմիչքներ ունեն ակցիզային դրոշմապիտակներ։ Մինչդեռ Կառավարությունը դեռևս 2023 թվականին որոշել էր, որ նույն տարվա հոկտեմբերի կեսից ալկոհոլային խմիչքները Հայաստանում պետք է ենթարկվեն ոչ թե ակցիզային դրոշմավորման, այլ նույնականացման միջոցներով դրոշմավորման՝ Դատա մատրիքս (Data Matrix) թվային ծածկագրով կամ, ինչպես ավելի հայտնի է, QR կոդերով։ Դատա մատրիքսը հատուկ երկչափ ծածկագիր է, որը նման է QR կոդի, բայց կարող է պարունակել ավելի մեծ ծավալի տվյալներ:
Այս որոշումից հետո՝ տևական ժամանակ, ալկոհոլային խմիչքների վրա արդեն թվային դրոշմապիտակներ էին։ Սակայն, շուկայում, ամենայն հավանականությամբ, այս տարվա հունվարից (մենք նկատել ենք հունվարից) արդեն հայտնվել են խմիչքներ, որոնց վրա ոչ թե թվային դրոշմապիտակներ են, այլ ակցիզային։
❓Հարց է առաջանում՝ ինչու՞ է պետությունը նախ ակցիզային դրոշմապիտակներ տրամադրել տնտեսվարողներին, եթե անցում է կատարվել թվային դրոշմավորմանը, ինչպես նաև`

🔻 ումի՞ց և ե՞րբ է գնել այդ ակցիզային դրոշմապիտակները
🔻 ո՞րն է նոր ակցիզային դրոշմապիտակներ գնելու և տրամադրելու իրավական հիմքը՝ ներքին իրավական ակտ, գրավոր ցուցում, ծառայողական հրահանգ կամ այլ վարչական փաստաթուղթ, որով թույլատրվել կամ կարգավորվել է այդ տրամադրումը
🔻արդյոք բոլոր տնտեսվարողներին է դա հավասարապես տրամադրվել, թե՞ կամընտրական մոտեցումով, որի արդյունքում որոշ տնտեսվարողներ ստացել են անվճար ակցիզային դրոշմապիտակներ, որոշները՝ իրենց սեփական միջոցներով թվային դրոշմապիտակներ գնել, որտեղից էլ կարող են մրցակցային խնդիրներ առաջանալ։

📌 Թեմայի շուրջ Պետական եկամուտների կոմիտեն մեր հարցմանն ի պատասխան խուսափել է հստակ պատասխաններ տալ։ Որոշ հարցերի առհասարակ չի պատասխանել։
🔗 Մանրամասները՝ ԱՅՍՏԵՂ

❓Ի՞նչ են հայտարարագրել «Նոր ուժի» թեկնածուները
«Նոր ուժ» ռեֆորմիստական կուսակցությունը, որը գլխավորում է Երևանի նախկին քաղաքապետ Հայկ Մարությանը, ԿԸՀ է ներկայացրել 85 թեկնածուների հայտարարագրերը։ 
📌 Կուսակցության ցուցակի առաջին համարը Երևանի նախկին քաղաքապետ, դերասան Հայկ Մարությանն է։
🇨🇿 🏠 Մարությանը հայտարարագրել է Չեխիայում գտնվող 5 բնակարան` 72.54, 62.70, 51.96, 48.93 և 56.75 քմ մակերեսներով, 2 բնակելի տուն՝ 116 և 252.84 քմ մակերեսներով, 5 ավտոկայանատեղի և հասարակական նշանակության 5 տարածք։ Չեխիայում Մարությանը ունի նաև 7 հողամաս` ընդհանուր 3844 քմ մակերեսով։
🇦🇹🏠Եվրոպական մեկ այլ երկրում՝ Ավստրիայում Հայկ Մարությանն ունի 3 բնակարան՝ 62.79, 41.4 և 53.7 քմ մակերեսներով։
Երևանում Մարությանն ունի մեկ բնակարան՝ 34.2 քմ մակերեսով և բնակելի տուն՝ 92.5 քմ մակերեսով։
📌 Մարությանն, ըստ հայտարարագրի, գործազուրկ է։
🔗 Ամբողջական հոդվածը` ԱՅՍՏԵՂ

«Մարդիկ հոգնել են, նույն քաղաքական գործիչների դեմքը չեն ուզում տեսնել». Նինա Կարապետյանց
«Բոլորին դեմ եմ» կուսակցության վարչապետի թեկնածու, նախընտրական ցուցակի երրորդ համար Նինա Կարապետյանցի հետ զրուցել ենք «Բոլորին դեմ եմ»-ի նպատակների, ընտրապայքարն անլրջացնելու մեղադրանքների, անցողիկ շեմը հաղթահարելու հնարավորությունների, կայուն մեծամասնության չեղարկման և անցողիկ շեմի իջեցման մասին։