Category: Infocom

⚽️🇬🇪 Հյուրընկալվող թիմի երկրպագուի նկատմամբ նման պահվածքն անընդունելի է. Վրաստանի ֆուտբոլի ֆեդերացիայի նախագահ Լևան Կոբիաշվիլին՝ Վրաստան-Հայաստան հանդիպման վերջնամասում տեղի ունեցած միջադեպի վերաբերյալ
🗣 «Այս միանգամայն անընդունելի արարքի պատճառով մենք վիրավորեցինք և՛ հյուրերի երկրպագուներին, և՛ թույլ չտվեցինք, որ մեր թիմը տոնի իր հաղթանակը հավատարիմ երկրպագուների հետ։
📌 Նման գործողությունները վնասում են ֆուտբոլին և ստվեր են գցում մեր երկրի միջազգային իմիջի վրա։ Այս միջադեպը կարող է հանգեցնել ՈՒԵՖԱ-ի կողմից պատժամիջոցների, հետևաբար՝ վնասել մեր հավաքականին և վրացի ֆուտբոլասերներին»։ |1tv.ge|

🇮🇱 Իսրայելի պաշտպանության բանակը հաղորդում է «Համաս»-ի հրամանատարների սպանության մասին:
📍 Ըստ իսրայելական ՊԲ-ի՝ սպանվել են «Համաս»-ի մարտական հրամանատար Ահմադ Շիմալին, որ պատասխանատու էր 2023-ի հոկտեմբերի 7-ի հարձակումը պլանավորելու համար, «Համաս»-ի գումարտակներից մեկի հրամանատար Ջամիլ Վադիանը, քաղաքական առաջնորդ Սալահ ալ-Բարդավիլը։
📌 Իսրայելի պաշտպանության բանակը մարտի 23-ին հայտնել է, որ հարվածներ է հասցրել Գազայի հատվածում գտնվող Խան Յունիս քաղաքի Նասերի հիվանդանոցին՝ նշելով, որ այնտեղ գտնվող «Համաս»-ի բարձրաստիճան անդամները հիվանանոցը որպես հենակետ էին օգտագործում։ |azatutyun.am|

🗣 Վարդաշենի հանրակացարանների բնակիչները բողոքի ակցիա են իրականացնում՝ հանդիպում պահանջելով քաղաքային իշխանությունների հետ։ 1.5 ժամ սպասելուց հետո նրանք որոշեցին փակել Արգիշտի փողոցը, սակայն ոտիկանական ուժերը բացեցին այն:
💬 «Մենք ուզում ենք, որ մեր խնդիրը լուծեն, խոստացել էին ընտրությունների ժամանակ։ Պարտավոր են լուծում տալ հարցին։ Կգնանք ստեղից կառավարության մոտ, հետո էլ հետ կգանք քաղաքապետարան»,- նշեց բնակիչներից մեկը։
📌 Նշենք՝ Վարդաշեն 6-րդ փողոցի 68Ա հասցեի հանրակացարանի բնակիչները ասում են՝ Երևանի քաղապետ Տիգրան Ավինյանը նախընտրական հանդիպումների ժամանակ խոստացել էր, թե ընտրվելուց հետո իրենց կտեղափոխի վթարային շենքից, բնակարաններով կապահովի։ Քաղաքապետի խոստացած ժամկետն անցել է, սակայն բնակիչների հարցին լուծում չի տրվել։ |arm.sputniknews.ru|

✅ ԱԺ Եվրաինտեգրման հանձնաժողովը դրական եզրակացություն տվեց «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծին։
‼️ Նախագիծը կընդգրկվի ԱԺ առաջիկա նիստի օրակարգում։ |civilnet.am|

🇺🇸🇺🇦 ԱՄՆ և Ուկրաինայի ներկայացուցիչները կիրակի օրը հանդիպել են Էր Ռիադում։
💬 Ուկրաինայի պաշտպանության նախարար Ռուստեմ Ումերովը հայտարարել է, որ զրույցը եղել է կառուցողական և բովանդակալից, քննարկել են առանցքային հարցեր, մասնավորապես՝ էներգետիկայի ոլորտում։ Ամերիկյան կողմը դեռ չի մեկնաբանել հանդիպումը։
🇺🇸🇷🇺 Այսօր Սաուդյան Արաբիայում սպասվում է ԱՄՆ պատվիրակության հանդիպումը նաև ՌԴ ներկայացուցիչների հետ։ |azatutyun.am|

🚘 Ստեփանծմինդա-Լարս ավտոճանապարհը բաց է միայն մարդատար տրանսպորտային միջոցների համար։

🇬🇪💬 Ցավալի է հանդիպումից հետո տեղի ունեցած միջադեպը, որը որևէ արդարացում չունի։ Նրանք ոչ միայն փչացրին այս հաղթանակի տոնը, այլ նաև իրենց արարքի հետևանքով հնարավոր է՝ Թուրքիայի հետ կարևորագույն հանդիպումը անցկացվի առանց հանդիսատեսի։ Վերջում ուղղվեցին դեպի Հայաստանից ժամանած երկրպագուները և վիրավորեցին մեր ժողովուրդների դարավոր հարաբերությունները։
Հարգանքներ Առաջին հայկական ճակատին (FAF):
[Վրաստանի հավաքականի «Քոմագեբի» ֆան շարժում]

Ներողություն ենք խնդրում այս արդյունքների համար. ՀՖՖ նախագահ Արմեն Մելիքբեկյանը ներկայացրեց ֆեդերացիայի ներկայացուցիչների, հավաքականի և մարզչական շտաբի համատեղ հայտարարությունը
🔸 «Եկանք եզրակացության, որ պատրաստ ենք ընդունել այս մարտահրավերը։
🔸 Բոլորիս անունից ասում եմ՝ ներողություն ենք խնդրում հանրությունից այս արդյունքների համար, բայց երկար զրույցից հետո խոստացել ենք միմյանց և համոզվել ենք, որ կարող ենք որպես մի թիմ առաջ գնալ՝ անկախ այն նեգատիվից, որ ֆուտբոլի նկատմամբ լինում է։
🔸 Մենք պատրաստ ենք հաղթահարել բոլոր դժվարությունները, այդ նեգատիվը, մեր խնդիրները ներսում լուծել և հունիսին ներկայանալ միանգամայն այլ վիճակում»,- ասաց Մելիքբեկյանը լրագրողների հետ զրույցում։

🥇🇦🇲 Արթուր Դավթյանը ոսկե մեդալ նվաճեց Թուրքիայի Անթալիա քաղաքում անցկացվող Սպորտային մարմնամարզության աշխարհի գավաթի խաղարկության եզրափակիչում։
🔸 Դավթյանը չեմպիոնի կոչմանն արժանացավ հենացատկ վարժությունում՝ վաստակելով 14,650 միավոր։