Category: Infocom

🇮🇶 Իրաքը փակում է երկրի օդային տարածքը: Նշվում է, որ սա «կանխարգելիչ միջոցառում է»՝ ուղղված քաղաքացիական ավիացիայի անվտանգության և պաշտպանվածության ապահովմանը։
🇸🇾 Նախօրեին երկրի օդային տարածքում սահմանափակումներ մտցնելու մասին հայտարարել էր նաև Սիրիան։ Մասնավորապես՝ փակ են Դամասկոսի օդանավակայանը, ինչպես նաև հարավային օդային միջանցքները։

💬 Այն փաստը, որ քաղաքական ուժերը մոտ 2-3 ժամ ավելի արագ են քվեարկության արդյունքները ամփոփում, բնական է՝ նշում է ԿԸՀ նախագահը:
🗣 Վահագն Հովակիմյանի խոսքով՝ դրա պատճառն այն է, որ վստահված անձինք արագ միայն թվերը ներկայացնում են իրենց շտաբներին, իսկ ԿԸՀ տվյալներ ներկայացնելուց պետք է հաշվեն նաև կտրոնները, տեղավորեն դրանք պարկերում և էլի մի շարք գործողություններ արվեն, ինչն էլ ուշացնում է տվյալների ստացումը։ |news.am|

‼️ «Նժար» սահմանադրական շարժումը բոլոր ուժերին հրավիրում է ժամը 19:00-ին հավաքվելու Ազատության հրապարակում՝ «միասին վերահաշվարկ կատարելու և հասկանալու, թե ինչ է տեղի ունեցել»:
💬 Շարժման ղեկավար, «Բոլորին դեմ եմ» կուսակցության վարչապետի թեկնածու Նինա Կարապետյանցը աննախադեպ է համարել ձայների 10% հաշվարկի պայմաններում իշխանության ներկայացուցիչների՝ ընտրություններում հաղթելու մասին հայտարարությունը:
🗣 «Սա ուրիշ բանի մասին է խոսում. բացի նրանից, որ տեղի է ունեցել ազդեցություն ընտրական 2-րդ՝ հաջորդ փուլի վրա, ասել է թե ձայների հաշվարկի վրա, շատ մեծ հավանականություն կա, որ տեղի են ունեցել խախտումներ, մեծ խախտումներ. ուրիշ բանի մասին ուղղակի չի կարող խոսել»,- նշել է նա:

‼️ ԿԸՀ նախագահը նոր նախնական տվյալներ ներկայացրեց, ըստ որոնց՝ ձայները բաշխվել են հետևյալ կերպ՝
🔸 ՔՊ — 49.825 %
🔸 «Ուժեղ Հայաստան» — 23.281 %
🔸 «Հայաստան» դաշինք — 9.934 %
🔸 ԲՀԿ — 3.996 %

🗣 Նա նշեց. «ԿԸՀ կայքում հրապարակված նախնական թվերը չեն ներառում էլեկտրոնային քվեարկության արդյունքները: Ավելին՝ տոկոսային հաշվարկը, որ համակարգն անում է, հարյուրերորդականով հաշվարկած՝ կլորացնում է: Եթե կայքի հրապարակած թվերը զուտ գումարեք և բացարձակ թվերից տոկոս հաշվարկեք, կտեսնեք, որ 1000-երորդական մակարդակով որոշակի տարբերություն կա»:

🇮🇷☎️ Իրանի ԱԳ նախարար Աբբաս Արաղչին հեռախոսազրույցներ է ունեցել Մեծ Բրիտանիայի, Կատարի, Թուրքիայի և Ֆրանսիայի ԱԳ նախարարների, ինչպես նաև Պակիստանի բանակի հրամանատարի հետ:
🔸 Քննարկումները վերաբերել են տարածաշրջանում ստեղծված իրադրությունը: |azatutyun.am|