Category: Infocom

🇷🇺🇦🇲 Ռուսական կողմը ցավում է, որ Երևանը «գիտակցված որոշում» է կայացրել՝ Մոսկվայի հետ հարաբերությունների վատթարացման քաղաքականություն վարել. Սերգեյ Լավրով
🗣 «Ցավում ենք, որ Հայաստանի ղեկավարությունը, ըստ երևույթին, գիտակցված որոշում է կայացրել հետևողականորեն գնալ Ռուսաստանի Դաշնության հետ հարաբերությունների վատթարացման ուղղությամբ՝ Ռուսաստանին մեղադրելով այն ամենի համար, ինչ տեղի ունեցավ Լեռնային Ղարաբաղի հետ։ Սա, իհարկե, դաշնակցային քաղաքականություն չէ»,- Անթալիայի դիվանագիտական ֆորումի արդյունքներն ամփոփող մամուլի ասուլիսում հայտարարել է ՌԴ ԱԳ նախարար Սերգեյ Լավրովը։ |tass.ru|

🇦🇲🇹🇷 Թուրքիան և Հայաստանը հարաբերությունների կարգավորման շուրջ հերթական հանդիպում անկացնելու որոշում ունեն. Սերդար Քըլըչ
🗣 «Հանդիպում կլինի, մենք որոշում ենք կայացրել։ Օրն ու վայրը կորոշենք»,- «Ռիա Նովոստի»-ին ասել է հայ-թուրքական հարաբերությունների կարգավորման հարցերով Թուրքիայի հատուկ ներկայացուցիչ Քըլըչը։
📌 Նա նաև հայտնել է, որ երրորդ երկրների քաղաքացիների համար թուրք-հայկական սահմանի բացման հարցում առաջընթաց դեռ չկա, Անկարան ու Երևանն այդ ուղղությամբ աշխատանք են տանում։

🇦🇲💦 Հայկական մշակույթի առաջին ներկայացումը Disney-ում:
Disney-ը ներկայացրել է «Վարդավառ» մուլտֆիլմը, որտեղ Միկի Մաուսն ու Մինի Մաուսն իրենց ընկերների հետ նշում են հայկական Վարդավառը։

🇦🇿🇦🇲 Ջեյհուն Բայրամովը հայտարարել է, թե «Հայաստանը պետք է ձեռնպահ մնա հրահրող ձևակերպումներից և հայտարարություններից՝ նորմալացման գործընթացն ու խաղաղության բանակցությունները չվնասելու համար»։ Այս մասին Ադրբեջանի ԱԳ նախարարը ասել է Անթալիայի դիվանագիտական ֆորումի շրջանակներում ԵԱՀԿ գլխավոր քարտուղար Հելգա Շմիդի հետ հանդիպման ժամանակ։
❓Սակայն, թե ինչ հայտարարությունների մասին է խոսքը, Բայրամովը չի մանրամասնել։ |azatutyun.am|

🇦🇲🇷🇺 Անվտանգության ոլորտում համագործակցությունը դիվերսիֆիկացնելու պահանջը օբյեկտիվորեն է ստեղծվել։ Առաջին հերթին, երբ որ 2021-ից սկսած փորձել ենք զենք գնել ՌԴ-ից, պայմանագրեր ենք կնքել, նաև բանակի համապարփակ բարեփոխումների հայեցակարգ ենք մշակել, որպեսզի համատեղ այդ բարեփոխումներն իրականացնենք:
📌 Բայց այդ բարեփոխումների փոխարեն Հայաստանի վրա մայիսին, նոյեմբերին հարձակումներ են եղել, Ռուսաստանը չի մատակարարել մեզ անհրաժեշտ զենքը: Անհրաժեշտ ասելով նկատի ունեմ գնված զենքը։ Այդ ամբողջ 250 միլիոնը 2021 թվականից սկսած պայմանագրեր են, և մենք սկսել ենք նոր գործընկերներ փնտրել:
[ԱԽ քարտուղար Արմեն Գրիգորյան]

🇦🇲🇷🇺 2020 թվականին ՀՀ ռազմատեխնիկական ողջ համագործակցության 96%-ը եղել է Ռուսաստանի հետ։ 2021 թ․ հունվարի մինչ օրս մի քանի միլիարդ դոլարի պայմանագրեր ենք կնքել տարբեր երկրների հետ, բայց դրանց թվում ՌԴ-ի ծավալը 10%-ից քիչ է։ Այս մասին Հանրային հեռուստաընկերությանը տված հարցազրույցում ասել է ԱԽ քարտուղար Արմեն Գրիգորյանը:
📌 Հարցին՝ ինչ պարզաբանում են տվել ՌԴ-ից, երբ չի մատակարարվել գնված սպառազինությունը, Գրիգորյանն արձագանքել է․ «Ռուսաստանից միտք է հնչել, որ եթե զենք մատակարարեն, ապա Հայաստանի դիրքորոշումները կկոշտանան, այդ պատճառով էլ չեն մատակարարում։ Ցանկացած երկիր, որն ունի այլընտրանքներ, կարող է դիմադրություն ցույց տալ իր շահերին հակասող քայլերի դեմ»։ |news.am|

📌Մարտի 1-ին Ազգային ժողովում Նիկոլ Փաշինյանը հանդիպել է ԱԺ «Քաղաքացիական պայմանագիր» խմբակցության հետ։ Հանդիպմանը ներկա են եղել նաև կառավարության անդամներ:
📃 Քննարկվել են արտաքին քաղաքական զարգացումներին վերաբերող հարցեր:
[Խմբակցության ղեկավար Հայկ Կոնջորյան]

❗️ Արարատ Միրզոյանն ու Տոյվո Կլաարը քննարկել են տարածաշրջանային վերջին զարգացումները։
🔸 Քննարկվել են տարածաշրջանում վերջին զարգացումները:
Նախարար Միրզոյանն ընդգծել է այն սկզբունքներին հավատարմության կարևորությունը, որոնք արտացոլված են Եվրոպական խորհրդի նախագահի մասնակցությամբ 2022թ. հոկտեմբերին Պրահայում և 2023թ. հոկտեմբերին Գրանադայում կայացած քառակողմ հանդիպումներից հետո ընդունված հայտարարություններում: [ՀՀ ԱԳՆ]