Category: Infocom

🔸 Իրենք [ԿԸՀ-ն] վերաքվեարկություն չեն անում, դա անելու համար պետք է լինեն անկախ մարմին, ասել է «Ուժեղ Հայաստանի» պատգամավորի թեկնածու Արամ Վարդևանյանը։
📌 «Այս օրերի ընթացքում բազմաթիվ կարծիքներ են ներկայացվել, նույնիսկ դատական ակտը, որ ասում է՝ պետք է անել վերաքվեարկություն։ Ես չեմ հավատում, որ իրենք դա անելու են։ Իհարկե, մի ժամ սպասենք, ժողովուրդ ջան, կարծում եմ` այդքանը բավարար է, իրենք պետք է վերջնական որոշում կայացնեն»,- նշել է նա։ |tert.am|

🔹 ԿԸՀ-ի դիմաց հավաքին մասնակցող բռնցքամարտիկ Իսրայել Հակոբկոխյանը հայտարարեց, որ հացադուլ է սկսում, մինչև նոր ընտրություններ կնշանակվեն:
🗣 «Իրավունք չունեն մեր ձայնը խլել»,- նշեց Հակոբկոխյանը։

🗳 Քիչ առաջ ԿԸՀ-ն հրապարակեց ընտրությունների վերջնական արդյունքները։ Ըստ դրա՝ ԱԺ ընտրությունների ժամանակ գրանցվել է հետևյալ պատկերը․
🔸«Ուժեղ Հայաստան»՝ 23,271%
🔹 «Բարգավաճ Հայաստան»՝ 3,989%
🔻 «Քաղաքացիական պայմանագիր»՝ 49,745%
◻️ «Հայաստան» դաշինք — 9,923%

🇺🇸🇦🇲 Ծննդյան շնորհավորանքներ մեծ առաջնորդին և սիրելի ընկերոջը՝ Դոնալդ Թրամփին: Ձեր ուժեղ առաջնորդությունը և համարձակ տեսլականը շարունակում են Ամերիկան ​​կրկին մեծ դարձնել։ Այդ մասին X-ի իր միկրոբլոգում գրել է վարչապետ Նիկոլ Փաշինյանը։
🗣 «Մենք բարձր ենք գնահատում օգոստոսի 8-ի Վաշինգտոնի խաղաղության պատմական գագաթնաժողովում Ձեր ունեցած դերը։
🔹 Անհամբեր սպասում ենք Ձեր վարչակազմի հետ ավելի պատմական գործարքներ կնքելուն»,- նշված է Փաշինյանի գրառման մեջ։

❗️🇦🇲🇦🇿 Հունիսի 14-ին Դիլիջանում կայացել է Հայաստանի անվտանգության խորհրդի քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի աշխատանքային հանդիպումը։
📌 Հանդիպման ընթացքում կողմերը քննարկել են Հայաստանի և Ադրբեջանի միջև խաղաղության օրակարգին առնչվող հարցեր։
🔸 Արմեն Գրիգորյանը և Հիքմեթ Հաջիևը պայմանավորվել են շարունակել աշխատանքային շփումները՝ նշելով, որ հաջորդ հանդիպումը կկայանա Ադրբեջանում:
[ՀՀ ԱԽ]

🌊 2026 թվականի ապրիլի 1-ից հունիսի 14-ն ընկած ժամանակահատվածում Սևանա լճի մակարդակը բարձրացել է 40սմ-ով:
[«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյան]

👮 Բացահայտվել է Գյումրու «Մայր Հայաստան» հուշահամալիրի հուշարձաններից ոսկեգույն տառերը պոկելով վնասելու դեպքը։
🔻 Ձերբակալվել է 41-ամյա տղամարդ։ Նախաքննությունը շարունակվում է։
[ՆԳՆ ոստիկանություն]

💨 «Այսօր ուժեղ պտտահողմ է դիտվել նաև Վարդենիսում»,- այս մասին Ֆեյսբուքում գրել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը և տեսանյութ է հրապարակել։

🎦 Ֆրանսիական Kissani Films ընկերության կողմից ներկայացվել են պնդումներ հայկական կինոժառանգության կազմում ընդգրկված մոտ 250 ֆիլմերի նկատմամբ բացառիկ իրավունքների առկայության վերաբերյալ։ Այս մասին հայտարարություն է տարածել Հայաստանի կինոյի հիմնադրամը՝ նշելով, որ ֆրանսիական ընկերությունը հղում է անում դեռևս 1990-ականներին կնքված պայմանագրի։
📣 «Հաշվի առնելով հարցի կարևորությունը և դրա շուրջ առաջացած իրավական հանգամանքների բազմակողմանի ուսումնասիրության անհրաժեշտությունը՝ որոշում է կայացվել ժամանակավորապես հետաձգել Անսիի միջազգային անիմացիոն կինոփառատոնի Classics բաժնում նախատեսված հայկական ծրագիրը»,- նշված է հայտարարությունում։
📌 Հիմնադրամն ընդգծում է՝ կիրականացվի համապարփակ ուսումնասիրություն և կձեռնարկվեն անհրաժեշտ քայլեր՝ առաջնորդվելով ՀՀ օրենսդրությամբ և հայկական կինոժառանգության պահպանության ու պետական շահի պաշտպանության սկզբունքներով։