Category: Infocom

👨‍⚖️ ՀՀ երրորդ նախագահ Սերժ Սարգսյանի նկատմամբ ընտրված բացակայելու արգելք խափանման միջոցը վերացվեց, իսկ ընտրված 30 մլն դրամ գրավը մնաց անփոփոխ: |factor.am|
🔗 Կարդալ ավելին

🇮🇱🇵🇸 Իսրայելական զորքերը սկսել են նահանջել Գազայի որոշ հատվածներից, հազարավոր տեղահանված պաղեստինցիներ էլ վերադառնում են իրենց լքված տներ:

✅ Իսրայելի կառավարությունն այսօր առավոտյան վավերացրել է զինադադարը:
📍 Միացյալ Նահանգների միջնորդությամբ ձեռք բերված պայմանավորվածությունների համաձայն՝ «Համաս»-ը վայր է դնելու զենքը և 72 ժամվա ընթացքում ազատ է արձակելու երկու տարի առաջ գերեվարված իսրայելցիներին՝ Իսրայելում պահվող հարյուրավոր պաղեստինցի բանտարկյալների դիմաց։
‼️ Ակնկալվում է, որ առաջիկա ժամերին Գազայի շրջափակումը կվերացվի, և վրաններում ապաստանած հազարավոր մարդիկ բժշկական օգնություն ու սնունդ կստանան տևական դադարից հետո։ |azatutyun.am|
Լուսանկարը՝ Reuters / Գազայի հատված, հոկտեմբերի 10, 2025թ.

🇦🇲🇷🇺 ԱՊՀ մասնակից պետությունների ղեկավարների խորհրդի ընդլայնված կազմով նիստի ընթացքում ՌԴ նախագահ Վլադիմիր Պուտինը ընդհատել է ՀՀ վարչապետ Նիկոլ Փաշինյանին՝ հարցնելով, թե որքան է Հայաստան-ՌԴ ապրանքաշրջանառությունը, վերջինս պատասխանել է՝ 4 միլիարդ դոլար: Վլադիմիր Պուտինը չի համաձայնել նրա պնդման հետ՝ նշելով, որ ավել է եղել: Փաշինյանն արձագանքել է, որ նախորդ տարի 10 միլիարդ է եղել, Պուտինը դարձյալ չի համաձայնել՝ հայտարարելով, որ նախորդ տարի ավելի է եղել, այս տարի էլ էլ ավելի կլինի:
💬 ՀՀ էկոնոմիկայի նախարար Գևորգ Պապոյանը իր ֆեյսբուքյան էջում հրապարակել է Վիճակագրական կոմիտեի կայքից արված նկար և գրել. «Վարչապետ Նիկոլ Փաշինյանը հրապարակել է ՀՀ վիճակագրության կոմիտեի հրապարակած թվերը և, հետևաբար, բացարձակ ճիշտ են»:

🏅🇻🇪 Խաղաղության Նոբելյան մրցանակի արժանացել է Վենեսուելայի ընդդիմության առաջնորդ Մարիա Կորինա Մաչադոն՝ «Վենեսուելայի ժողովրդի ժողովրդավարական իրավունքները պաշտպանելու իր անխոնջ աշխատանքի և բռնապետությունից ժողովրդավարության արդար և խաղաղ անցման հասնելու համար»։
🇺🇸 Հիշեցնենք, որ մրցանակին հավակնում էր ԱՄՆ նախագահ Դոնալդ Թրամփը։

🇦🇲📣 Հայաստանը ողջունում է Գազայում հրադադարի համաձայնագրի ընդունումը:
💬 «Մենք ողջունում ենք Միացյալ Նահանգների նախագահ Դոնալդ Թրամփի գլխավորած միջնորդների անխոնջ ջանքերի շնորհիվ Գազայում ձեռք բերված հրադադարի համաձայնագիրը, որը նաև ապահովում է պատանդների ազատ արձակում և մարդասիրական օգնության ազատ մուտք:
🔸 Հույս ունենք, որ այս համաձայնագիրը ճանապարհ կհարթի Մերձավոր Արևելքում երկարատև խաղաղության և կայունության հաստատման համար»,- նշվում է ՀՀ արտաքին գերատեսչության գրառման մեջ։

🇦🇲🇹🇯 Նիկոլ Փաշինյանը և Տաջիկստանի նախագահ Էմոմալի Ռահմոնը մտքեր են փոխանակել առևտրատնտեսական հարաբերություններին նոր ազդակ հաղորդելու հետագա քայլերի շուրջ:
🇦🇲🇦🇿 Անդրադարձ է կատարվել Հայաստանի և Ադրբեջանի միջև խաղաղության հաստատման արդյունքում ստեղծված հնարավորություններին և տարածաշրջանում համագործակցության մթնոլորտի ամրապնդմանը, TRIPP նախագծի և «Խաղաղության խաչմերուկ»-ի իրականացմանը:
📍 Երկու երկրիների ղեկավարների հանդիպումը կայացել է Տաջիկստանի մայրաքաղաք Դուշանբեում:

💰💰Չարենցավանի համայնքապետարանը կառավարող խմբակցության հետ կնքել է 478 մլն դրամի պայմանագրեր
📌Չարենցավանի համայնքապետարանը 2023-2025 թվականների ընթացքում ընդհանուր շուրջ 478 մլն դրամի 4 պայմանագիր է կնքել համայնքում կառավարող խմբակցության ավագանու անդամ Տարոն Եփրեմյանին պատկանող ընկերության հետ։
Ընթացիկ՝ 2025 թվականին արդեն համայնքապետարանն ավագանու անդամի ընկերության հետ կնքել է ընդհանուր ավելի քան 453 մլն դրամ արժողությամբ 3 պայմանագիր։ Դրանցից առաջինը կնքվել է այս տարվա փետրվարին։ Ընկերությունը 389 մլն դրամի դիմաց պետք է իրականացնի «Լուսաբաց» մսուր մանկապարտեզի նորոգումը։

⚖️ Դատարանը բավարարել է Բագրատ սրբազանի տեսակցությունների սահմանափակման վերացման վերաբերյալ միջնորդությունը։
🗣️ «Ես վերաքննիչ բողոք էի ներկայացրել Բագրատ սրբազանի տեսակցությունների արգելքն ամբողջովին վերացնելու վերաբերյալ, իսկ փաստաբան Արամ Օրբելյանը՝ կալանքն ամբողջությամբ վերացնելու վերաբերյալ։ Վերաքննիչ դատարանից մեզ բանավոր հայտնել են, որ պարոն Օրբելյանի ներկայացրած բողոքը մերժվել է, իսկ իմը՝ բավարարվել, ենթադրում եմ՝ ամբողջությամբ»,- հայտնեց Հովհաննես Խուդոյանը։ |armeniasputnik.am|

⚖️ Երեւանի քրեական դատարանը քիչ առաջ հեռացավ խորհրդակցական սենյակ՝ մայոր Իշխան Վահանյանի գործով դատավճիռ կայացնելու։ Վահանյանը, հիշեցնենք, մեղադրվում է 44-օրյա պատերազմի ժամանակ մարտի դաշտը ինքնակամ լքելու եւ իշխանության անգործության մեջ։
🗣 Վերջին խոսքն ասելիս նա պնդեց՝ իր արարքում ոչ դասալքություն է տեսնում, ոչ անգործություն․ «Եթե պատերազմը պիտի մի հոգով սահմանափակվի, պրոբլեմ չկա, ես չեմ նեղվում, փոքր քաղաք է, սաղս էլ գիտենք՝ ով ինչ է․․․ Իրական մեղավորները դրսում են, ես չէի հավատում մինչ էս, բայց հիմա հավատում եմ, որովհետեւ հիմա շատ բան եմ տեսնում, անգամ Ձեր կառույցից, պարո՛ն Ավետիսյան»,- դիմելով դատախազին՝ ասաց նա։
🗣 Որդեկորույս հայրերն էլ պնդեցին՝ Վահանյանը արժանի է 20 տարուց ավելի ազատազրկման․ «Իմ խնդրանքը Ձեզ․ դատավճիռ կարդալիս շատ ուշադիր եղեք ու միշտ մտածեք՝ Ձեր էրեխեքը ծառայում են, ու այ սենց սրիկաները նրանց հրամանատարը չպիտի լինի, ու չտա Աստված՝ Դուք էլ արժանանաք մեր բախտին»,- դիմելով դատարանին՝ ասաց Գեղամ Ղազարյանը։
📎Կարդալ ավելին