Category: Armen Press

Հայաստանի տնտեսությունը 2025 թվականին կգրանցի առնվազն 6 տոկոս տնտեսական աճ
Մամուլի ասուլիսի ժամանակ այս մասին հայտարարեց ՀՀ էկոնոմիկայի նախարար Գևորգ Պապոյանը։
Նախարարի խոսքով՝ 2025 թվականի առաջին երեք եռամսյակում Հայաստանի տնտեսությունն արձանագրել է համապատասխանաբար 5,2, 6,4 և 6,2 տոկոս աճ, իսկ չորրորդ եռամսյակում ակնկալվում է ավելի բարձր ցուցանիշ։
«Երրորդ եռամսյակը եղել է ամենամեծը և վստահաբար կարող եմ ասել, որ չորրորդ եռամսյակը լինելու է դրանից էլ ավելի բարձր՝ տնտեսական ակտիվության ցուցանիշների հիման վրա»,-նշեց Պապոյանը։
Նրա խոսքով՝ 2025 թվականին Հայաստանի համախառն ներքին արդյունքը ընթացիկ գներով կկազմի մոտ 10,86 տրիլիոն դրամ, իսկ դոլարային արտահայտությամբ ՀՆԱ-ն կհասնի մինչև 28 միլիարդ դոլարի՝ 2024 թվականի 26 միլիարդ դոլարի դիմաց։
Նախարարը տեղեկացրեց նաև, որ մեկ շնչին ընկնող ՀՆԱ-ն դոլարային արտահայտությամբ 2025 թվականին կգերազանցի 9 հազար դոլարը։ «2024 թվականին այդ ցուցանիշը կազմել է 8556 դոլար, և 2025-ին մենք ակնկալում ենք անցնել 9 հազար դոլարի շեմը»,-ասաց նախարարը։
Պապոյանի խոսքով՝ 2025 թվականին տնտեսական ակտիվության ցուցանիշը կազմել է 9,1 տոկոս՝ նախորդ տարվա 8,3 տոկոսի համեմատ։ «Տնտեսության բոլոր ոլորտներն աճել են»,-եզրափակեց նախարարը։

🔴 «Բելգիայի հայտնի հայերը» նախագծի շրջանակներում «Արմենպրես»-ը ներկայացնում է հիշողության մի պատմություն՝ լի լռություններով ու «չասվածով», որտեղ ցավը հաճախ փոխանցվում է ոչ թե խոսքերով, այլ առօրյայի մանրուքներով։
Հոգեբան Լիզա Աբաջյանը «Արմենպրես»-ի թղթակցին տված բացառիկ հարցազրույցում պատմել է իր ընտանիքի անցած ճանապարհի մասին՝ Ցեղասպանությունից հետո սկսված գաղթի պատմությունից մինչև Բելգիայում հաստատվելը։ Այնթապից ու Ադանայից դեպի Եգիպտոս, Բեյրութ ու Փարիզ, ապա՝ Անտվերպեն և Բրյուսել. այս ուղին միաժամանակ պատմում է վերապրելու և վերակերտման մասին՝ աշխատանքի մշակույթ, դիմացկունություն, ինքնության պահպանում։ Իսկ զրույցի խորքում մեկ հարց է՝ ինչպես փոխանցել պատմությունը՝ առանց տրավման փոխանցելու։

ՀՀ էկոնոմիկայի նախարար Գևորգ Պապոյանի տարեկան ամփոփիչ մամուլի ասուլիսը
https://youtu.be/rD0whlw2A5Q

Հրաձիգ Դավիթ Խաչատրյանը` մինչև 16 տարեկանների Եվրոպայի առաջնության հաղթող

Իրանի արտաքին գործերի նախարար Աբբաս Արաղչին բանակցություններ է վարել օմանական կողմի հետ՝ Իսլամական Հանրապետության միջուկային ծրագրի շուրջ ստեղծված ճգնաժամի կարգավորման հարցով Միացյալ Նահանգների հետ խորհրդակցությունների նախաշեմին:

ԱՄՆ-ն խորհուրդ է տվել իր քաղաքացիներին անհապաղ լքել Իրանը ցամաքային ճանապարհով՝ Հայաստանի կամ Թուրքիայի տարածքով՝ դա պատճառաբանելով երկրում անվտանգության խստացված միջոցառումներով, հասարակական տրանսպորտի աշխատանքի խափանումներով, ճանապարհների փակմամբ, ինտերնետի արգելափակումներով և դեպի Իրան և այնտեղից թռիչքների սահմանափակումներով։
Այս մասին հաղորդագրություն է տարածել Իրանում ԱՄՆ վիրտուալ դեսպանատունը։

«ԱՄՆ քաղաքացիները պետք է ակնկալեն ինտերնետի շարունակական խափանումներ, նախատեսեն կապի այլընտրանքային միջոցներ և, եթե դա անվտանգ է, դիտարկեն Իրանից ցամաքային ճանապարհով Հայաստանով կամ Թուրքիայով հեռանալու հնարավորությունը», — նշված է ծանուցման մեջ։

Նշվում է, որ բաց է Հայաստանի ցամաքային սահմանն Ագարակ-Նորդուզ հատվածում։
Ըստ հաղորդագրության, Ադրբեջանի ցամաքային սահմանները փակ են սովորական երթևեկության համար, հետևաբար, Իրանից շտապ հեռանալու կարիք ունեցողները պետք է այլ տարբերակներ դիտարկեն։
Բացի այդ, Իրանում գտնվող ԱՄՆ քաղաքացիներին խորհուրդ է տրվում խուսափել ցույցերից, ապահով վայր գտնել իրենց բնակության վայրում, ունենալ սննդի, ջրի և անհրաժեշտ պարագաների պաշարներ, լիցքավորված պահել հեռախոսը և հետևել նորություններին։
Նախատեսվում է, որ ԱՄՆ-ն և Իրանը փետրվարի 6-ին Օմանում բանակցություններ կանցկացնեն Թեհրանի միջուկային ծրագրի վերաբերյալ։ Իրանի պատվիրակությունը կգլխավորի արտգործնախարար Աբբաս Արաղչին, իսկ ԱՄՆ պատվիրակությունը՝ ԱՄՆ նախագահի հատուկ բանագնաց Սթիվեն Ուիթքոֆը։

Պաշտոնական այցով Մոսկվայում գտնվող ՀՀ ԱԺ նախագահ Ալեն Սիմոնյանը փետրվարի 5-ին հանդիպել է Ռուսաստանի Դաշնության Դաշնային ժողովի Դաշնության խորհրդի նախագահ Վալենտինա Մատվիենկոյի հետ:
Զրուցակիցները քննարկել են երկկողմ օրակարգին վերաբերող հարցերի լայն շրջանակ ինչպես քաղաքական ու տնտեսական, այնպես էլ կրթական եւ մշակութային` շեշտը դնելով, մասնավորապես, միջխորհրդարանական համագործակցության զարգացման վրա: Կողմերն ընդգծել են միջխորհրդարանական կապերի` երկկողմ հարաբերությունների զարգացման տեսանկյունից ունեցած կարևոր դերը:
Առանձին անդրադարձ է կատարվել օտարերկրյա քաղաքացիների վերաբերյալ ՌԴ օրենսդրության մեջ կատարված միգրացիոն կանոնների փոփոխություններին, մասնավորապես` դրանց հետեւանքով դեպի Ռուսաստան բեռնափոխադրում իրականացնող հայ վարորդների համար առաջացած խնդիրներին եւ դրանք կարգավորելու ուղղությամբ իրականացվող քայլերին:
Կողմերը քննարկել են նաեւ Հայաստանի եւ Ադրբեջանի միջեւ հաստատված խաղաղության գործընթացին վերաբերող, ինչպես նաեւ տարածաշրջանային հետաքրքրություն ներկայացնող այլ հարցեր:
Հանդիպման ավարտին Ալեն Սիմոնյանը եւ Վալենտինա Մատվիենկոն պատասխանել են լրագրողների հարցերին:

Президент США Дональд Трамп в своей речи на Молитвенном завтраке коснулся темы армяно-азербайджанских отношений, отметив, что ему удалось урегулировать конфликт.

«За год я урегулировал такие ожесточенные войны, как между Камбоджей и Таиландом, Косово и Сербией, Пакистаном и Индией, Израилем и Ираном, Арменией и Азербайджаном», — как сообщает Арменпресс, сказал Трамп.

Он отметил, что президент России Владимир Путин позвонил ему по поводу Азербайджана и Армении и сказал: «Я работал над этим 10 лет. Как ты это сделал?»

«Я это сделал. Это два замечательных лидера, которые много лет воевали друг против друга. И мы очень быстро урегулировали», — подчеркнул Трамп.