Category: Armen Press

Վարչապետ Նիկոլ Փաշինյանն այցելել է Արմավիրի մարզ, ծանոթացել իրականացված ծրագրերին
Վարչապետի առաջին կանգառը եղել է Վաղարշապատ համայնքի Էջմիածին բնակավայրի թիվ 6 «Արևիկ» մանկապարտեզում։ Սուբվենցիոն ծրագրի իրականացման արդյունքում հիմնանորոգվել է մանկապարտեզի շենքը, ինչպես նաև կատարվել են նոր եռահարկ մասնաշենքի կառուցման աշխատանքներ։ Շինարարական աշխատանքների ընդհանուր արժեքը կազմել է 734 մլն դրամ, որից ավելի քան 513 մլն դրամը հատկացվել է Կառավարության կողմից: Մանկապարտեզ է հաճախում 294 սան։
Հաջորդիվ վարչապետը ծանոթացել է Արաքս համայնքի Մեծամոր բնակավայրի միջնակարգ դպրոցի վերանորոգման աշխատանքներին։ Ծրագրի իրականացման արդյունքում բնակավայրն ունի վերանորոգված դպրոց՝ նախատեսված 188 աշակերտի համար։ Ծրագրի նպատակով Կառավարությունը հատկացրել է ավելի քան 190 մլն դրամ։
Վաղարշապատ համայնքում Նիկոլ Փաշինյանին ներկայացրել են Լեռնամերձ բնակավայրում իրականացված գազիֆիկացման աշխատանքները։ Ծրագրի շրջանակում կառուցվել են 2927.7 գծմ և 3047.4 գծմ գազատարներ, որոնց համար գործադիրը հատկացրել է, համապատասխանաբար, 21 մլն 956 հազար դրամ և 45 մլն 960 հազար դրամ։
ՄԱՆՐԱՄԱՍՆԵՐ

Արմավիր քաղաքի Վ. Բախշյանի անվան թիվ 2 հիմնական դպրոցը վերանորոգված է
Նիկոլ Փաշինյան

China Southern Airlines ընկերությունը, իրականացնելով Երևան-Ուրումչի և հակառակ ուղղությամբ չվերթները, ցանկանում է օդային կամուրջ կառուցել Հայաստանի և Չինաստանի միջև՝ ճանապարհորդությունը դարձնելով ավելի հեշտ, իսկ համագործակցությունն՝ ավելի սերտ:
Ընկերության համար ակնհայտ է, որ ուղևորափոխադրումների պահանջարկն աճում է ավելի արագ, քան ակնկալվում էր, ինչը նոր խթան կհանդիսանա՝ շարունակելու առավել զարգացնել ու մեծացնելու երթուղու հնարավորությունները:
«Արմենպրես»-ի թղթակցի հետ հարցազրույցում այս մասին նշել է 2024 թվականից Երևան-Ուրումչի և հակառակ ուղղությամբ չվերթներ իրականացնող China Southern Airlines ընկերության երևանյան գրասենյակի գլխավոր տնօրեն Սեն Ջիամինը:

Բուհերի ընդունելության առաջին փուլի քննությունների արդյունքներն ամփոփվել են և շուտով կմեկնարկի հայտագրման գործընթացը։
Այն կմեկնարկի ապրիլի 15-ից և կտևի մինչև մայիսի 10-ը։ «Արմենպրես»-ի մամուլի սրահում հրավիրված ասուլիսում Գնահատման և թեստավորման կենտրոնի տնօրենի տեղակալ Կարո Նասիբյանը նշեց, որ բոլոր դիմորդները պարտադիր պետք է հայտագրվեն՝ անկախ նրանից առաջին փուլի քննությանը մասնակցել են ու գնահատականներից գոհ են։
«Առաջին փուլի քննությունները տեղի ունեցան այս տարվա հունվարին և փետրվարին։ Այդ ժամանակ դիմորդը ընտրում է բացառապես քննական առարկան։ Երբ ապրիլի 15-ից բացվի հայտագրման գործընթացը, առաջին փուլի քննություններին մասնակցածները ևս պետք է հայտագրվեն, որպեսզի ընտրեն բուհը և մասնագիտությունը։ Հակառակ պարագայում դուրս կմնան մրցույթից»,-ասաց Կարո Նասիբյանը։

Հայաստանի և Ռուսաստանի արտաքին գործերի նախարարությունների միջև Մոսկվայում կայացել են խորհրդակցություններ՝ երկու երկրների՝ աֆրիկյան ուղղությամբ արտաքին քաղաքական առկա օրակարգի շուրջ:
Հանդիպումը վարել են ՀՀ ԱԳ նախարարության Միջին Արևելքի և Աֆրիկայի վարչության պետի պաշտոնակատար Լևոն Պետրոսյանը և ՌԴ ԱԳ նախարարության Աֆրիկայի հետ գործընկերության վարչության պետ Տատյանա Դովգալենկոն:
Զրուցակիցները քննարկել են աֆրիկյան պետությունների, Աֆրիկյան միության և տարածաշրջանային այլ կառույցների հետ փոխգործակցության զարգացման հեռանկարները, աֆրիկյան երկրների հետ առևտրատնտեսական հարաբերությունների ընդլայնումն ու հումանիտար փոխգործակցության խորացումը, ինչպես նաև Աֆրիկայում տիրող իրավիճակը և անվտանգային խնդիրները։

Ընթացիկ տարվա մարտին Հայաստանի սպառողական շուկայում 12-ամսյա գնաճը կազմել է 4.5 տոկոս
Այս մասին հայտնում է ՀՀ վիճակագրական կոմիտեն։
2026 թվականի առաջին եռամսյակում սպառողական գների ինդեքսը 4․2 տոկոսով բարձր է եղել նախորդ տարվա հունվար-մարտ ամիսների ցուցանիշից։ Մարտին՝ 2025-ի դեկտեմբերի համեմատ նշված ինդեքսը աճել է 3․2 տոկոսով։ Նախորդ տարվա մարտի համեմատ աճը 4․5 տոկոս է, իսկ փետրվարի համեմատ մեկամսյա գնաճը կազմել է 0․7 տոկոս։
Սննդամթերքի և ոչ ոգելից խմիչքի գներն այս տարվա առաջին երեք ամիսներին 6․8 տոկոսով բարձր են եղել նախորդ տարվա նույն ժամանակահատվածի ցուցանիշից։ Մարտին՝ փետրվարի համեմատ գներն աճել են 1․8, նախորդ տարվա նույն ամսվա համեմատ՝ 7․8, իսկ 2025-ի դեկտեմբերի համեմատ՝ 7․2 տոկոսով։
ՄԱՆՐԱՄԱՍՆԵՐ

#500իցմեկը Մեծամորի թիվ 3 մանկապարտեզը հիմնանորոգված է ❤️🇦🇲🫶

ԱՄՆ նախագահ Դոնալդ Թրամփը կարգադրել է 100%-ի չափով մաքսատուրք սահմանել դեղագործական արտադրանքի ներմուծման համար՝ այդ որոշումը բացատրելով Միացյալ Նահանգների ազգային անվտանգության համար առկա սպառնալիքներով։
Այս մասին նշված է նրա ստորագրած կատարողական հրամանագրում, որը հրապարակել է Սպիտակ տունը։
Դրա հետ մեկտեղ մաքսատուրքերը չեն տարածվի գեներիկ պատրաստուկների և դրանց բաղադրիչների վրա։
Ճապոնիայի, Հարավային Կորեայի, Շվեյցարիայի, Լիխտենշտայնի և ԵՄ երկրների համար մաքսատուրքը կկազմի 15%։ Մեծ Բրիտանիայի համար մաքսատուրքը կկազմի 10%, քանի որ վերջերս երկու երկրները այդ ոլորտում համաձայնագիր են կնքել։
Մաքսատուրքերն ուժի մեջ կմտնեն հուլիսի 31-ին՝ խոշոր ընկերությունների և սեպտեմբերի 29-ին՝ փոքրերի համար։

Օլիմպիական խաղերի չեմպիոն, կրկնակի արծաթե և բրոնզե մեդալակիր, աշխարհի և Եվրոպայի բազմակի չեմպիոն Արթուր Ալեքսանյանը չի մասնակցի ըմբշամարտի Եվրոպայի առաջնությանը:
Այս մասին հայտնում է Հայաստանի ըմբշամարտի ֆեդերացիայի մամուլի ծառայությունը:
Տարածված հաղորդագրության մեջ մասնավորապես ասվում է. «Վերջին ժամերին մամուլում տարածվում է ինֆորմացիա, որ օլիմպական, աշխարհի ու Եվրոպայի բազմակի չեմպիոն Արթուր Ալեքսանյանը բաց է թողնելու 2026 թ-ը: Պաշտոնապես հայտնում ենք, որ Արթուր Ալեքսանյանն, այս պահի դրությամբ, բաց է թողնելու միայն Եվրոպայի առաջնությունը, քանի որ ապաքինվում է վնասվածքից»:
Ըմբշամարտի Եվրոպայի առաջնությունը կկայանա ապրիլի 20-26-ը:

«Մենդիա Ռեսուրսիս» ընկերության և Հայաստանի Երկրաբանների միություն նախաձեռնությամբ Հայաստանում նշվել է Երկրաբանի մասնագիտական օրը՝ «Լեռների որդի» խորագրով միջոցառմամբ։
Միջոցառմանը մասնակցել են պետական գերատեսչությունների ղեկավարներ, դեսպանատների ներկայացուցիչներ, գիտնականներ, գործընկեր կազմակերպությունների ներկայացուցիչներ և ոլորտի մասնագետներ։
Միջոցառման նպատակն էր վերհանել ոլորտում առկա խնդիրները և քննարկել դրանց լուծման ուղիները՝ պետական և մասնավոր հատվածների միջև երկխոսության միջոցով։ Նման համագործակցությունը նպաստում է փոխշահավետ որոշումների կայացմանը։
Միջոցառման շրջանակում ստորագրվել են մի շարք համագործակցության հուշագրեր Հայաստանի Երկրաբանների միության և Բնապահպանության և ընդերքի տեսչական մարմին միջև, Հայաստանի Երկրաբանների միության և «Մենդիա Ռեսուրսիս» ՍՊԸ-ի միջև, ինչպես նաև «Մենդիա Ռեսուրսիս»-ի և կանադական «Հայասա Մետալս» ընկերության միջև։
Միջոցառման ավարտին ՀՀ տարածքային կառավարման և ենթակառուցվածքների փոխնախարար Ասատուր Վարդանյանը պարգևատրել է ոլորտում երկարամյա փորձ և նշանակալի ներդրում ունեցող երկրաբաններին։