Category: Armen Press

Հայաստանի վարչապետ Նիկոլ Փաշինյանի գլխավորությամբ քննարկվել են ջրի և հողի կառավարման ոլորտում ինստիտուցիոնալ վերափոխումների և Ջրային կոմիտեի վերակազմավորման հեռանկարները
ՀՀ վարչապետի աշխատակազմի տարածած հաղորդագրության մեջ նշվում է՝ Տարածքային կառավարման և ենթակառուցվածքների նախարարության Ջրային կոմիտեի նախագահ Արամազդ Ղալամքարյանը ներկայացրել է Ջրային կոմիտեի ինստիտուցիոնալ վերափոխման ճանապարհային քարտեզը, որը ներառում է 2026-2035 թթ. ընթացքում ջրային համակարգերի կառավարման ռազմավարական ծրագրի մշակում, օրենսդրության և գործող նորմերի վերանայում, արդիականացում, ոռոգման համակարգերի և հողատարածքների գույքագրում, ջրային ռեսուրսների արդյունավետ, կլիմակայուն և ջրախնայող կառավարում, ոռոգման համակարգերի կառավարման կատարելագործում, մշտադիտարկում, հողերի խոշորացում, ջրախնայող գյուղատնտեսության տեսակարար կշռի ավելացում, ջրամբարների կառուցմանն ուղղված աշխատանքներ և այլն: Մանրամասներ են ներկայացվել նաև 2026-2031թթ. Ջրային կոմիտեի միջազգային ծրագրերի վերաբերյալ:
Թեմայի առնչությամբ վարչապետը նշել է, որ ջրի կառավարման ոլորտում ռազմավարական նպատակները պետք է հստակ արձանագրել՝ ճիշտ ուղղությամբ շարժվելու նպատակով.
«Մեր ռազմավարական նպատակը պետք է լինի գյուղատնտեսական նշանակության հողերը՝ վարելահողեր, բազմամյա տնկարկները և խոտհարքները, դարձնել 100 տոկոսով ոռոգելի»:
Նիկոլ Փաշինյանի խոսքով՝ ջրային ոլորտում ներդրումները պետք է էականորեն ուղղված լինեն ոռոգման տեխնոլոգիաների զարգացմանը։
Երկրի ղեկավարն ընդգծել է, որ անհրաժեշտ է նաև գյուղատնտեսական նշանակության հողերն ընդլայնելու ուղղությամբ աշխատանքներ իրականացնել:
ՄԱՆՐԱՄԱՍՆԵՐ

Հայաստանի վարչապետ Նիկոլ Փաշինյանը հայտարարել է, որ Հայաստանում հունիսի 7-ին կայանալիք խորհրդարանական ընտրություններում ժողովուրդը պետք է ընտրություն կատարի՝ Հայաստանը շարունակո՞ւմ է ղարաբաղյան շարժումը, թե՞ չի շարունակում։
«Արմենպրես»-ի փոխանցմամբ՝ Փաշինյանն այդ մասին ասել է «Ֆեյսբուք»-ի իր էջում հրապարակած տեսանյութում։

Եվրոպական միությունը բարձր է գնահատում վերջին տարիներին միգրացիայի կառավարման բարելավման և ինստիտուտների ամրապնդման ուղղությամբ Հայաստանի արձանագրած զգալի առաջընթացը։ Այս մասին հայտարարեց Եվրոպական հանձնաժողովի ներքին գործերի և միգրացիայի հարցերով հանձնակատար Մագնուս Բրունները «Արմենպրես»-ին տված բացառիկ հարցազրույցում՝ հավելելով, որ կարևոր բարեփոխումներ են իրականացվում միգրացիոն ծառայությունների արդիականացման և միգրացիայի կառավարման արդյունավետության բարձրացման ուղղությամբ, և ԵՄ-ն լիովին աջակցում է այդ ջանքերին։
2020 թվականից ի վեր ԵՄ-ն մոտ 30 միլիոն եվրոյի տեխնիկական աջակցություն է տրամադրել միգրացիայի և ներքին գործերի ոլորտում բարեփոխումներին օժանդակելու նպատակով՝ ներառյալ Արևելյան գործընկերության տարածաշրջանային ծրագրերի շրջանակում տրամադրելով սարքավորումներ և աջակցությունը։ Բացի այդ, մոտ 40 միլիոն եվրո տրամադրվել է արդարադատության և հակակոռուպցիոն բարեփոխումներին աջակցելու նպատակով։

Փետրվարի 28-ից ի վեր Իրանի վրա ԱՄՆ-ի և Իսրայելի հարձակումների հետևանքով զոհվել է առնվազն 1444, վիրավորվել՝ 18 551 մարդ։ Ինչպես «Արմենպրես»-ը տեղեկանում է Al Jazeera-ից, այս մասին հայտնել է Իրանի առողջապահության նախարարությունը։

Հայաստանի Հանրապետության արտաքին գործերի նախարար Արարատ Միրզոյանի՝ Շվեյցարիա աշխատանքային այցի շրջանակներում մարտի 12-ին տեղի է ունեցել Բեռնում Հայաստանի ռեզիդենտ դեսպանության պաշտոնական բացման արարողությունը, որին մասնակցել է Շվեյցարիայի Համադաշնության արտաքին հարաբերությունների դաշնային դեպարտամենտի ղեկավար Իգնասիո Կասիսը:
«Արմենպրես»-ի փոխանցմամբ՝ ՀՀ ԱԳՆ-ի տարածած հաղորդագրության մեջ ընդգծվում է, որ Բեռնի սրտում՝ ՅՈՒՆԵՍԿՕ-ի համաշխարհային ժառանգության ցանկում ընդգրկված պատմական հատվածում գտնվող դեսպանության առջև բարձրացվել է Հայաստանի Հանրապետության դրոշը, հնչել են երկու երկրների ազգային օրհներգերը, և ժապավենի կտրելու հանդիսավոր արարողությունից հետո պաշտոնապես ազդարարվել է դեսպանության բացումը:
ՄԱՆՐԱՄԱՍՆԵՐ

Թուրքիայի պաշտպանության նախարարությունը հայտարարել է, որ Իրանից արձակված և Թուրքիայի օդային տարածք մուտք գործած բալիստիկ հրթիռը վնասազերծվել է ՆԱՏՕ-ի հակաօդային և հակահրթիռային պաշտպանության համակարգերի կողմից
Այս մասին հայտնում է «Անադոլու» լրատվական գործակալությունը:
Նախարարության հաղորդագրության համաձայն՝ հրթիռային սպառնալիքը ոչնչացվել է Արևելյան Միջերկրական ծովում տեղակայված ՆԱՏՕ-ի հակաօդային պաշտպանության միջոցների կողմից։
Նշվում է, որ հրթիռի որոշ բեկորներ ընկել են Թուրքիայի հարավարևելյան հատվածում գտնվող Գազիանթեփ նահանգում՝ բաց տարածքներում։ Դեպքի հետևանքով զոհեր կամ տուժածներ չեն գրանցվել։ Թուրքիայի պաշտպանության նախարարությունն ընդգծել է, որ Անկարան մեծ կարևորություն է տալիս բարիդրացիական հարաբերություններին և տարածաշրջանային կայունությանը, սակայն երկրի տարածքի և օդային տարածքի դեմ ուղղված ցանկացած սպառնալիքի դեպքում անհրաժեշտ քայլերը կձեռնարկվեն վճռականորեն և առանց հապաղման։
Նշվում է նաև, որ վերջին օրերին տարածաշրջանում աճող լարվածության պայմաններում Թուրքիան շարունակում է սերտ համակարգված համագործակցությունը ՆԱՏՕ-ի գործընկերների հետ՝ անվտանգության ապահովման նպատակով։

ԱՄՆ նախագահ Դոնալդ Թրամփը հայտարարել է, որ այլևս հետաքրքրված չէ Խաղաղության Նոբելյան մրցանակ ստանալու հարցում։ «Արմենպրես»-ի փոխանցմամբ՝ այս մասին նա ասել է Washington Examiner-ի հետ զրույցում:

Հայաստանում 2026–2027 թվականներին առաջին անգամ կանցկացվեն «Եվրոպական հետազոտողների գիշեր» և «Հետազոտողները դպրոցներում» լայնածավալ գիտահանրամատչելի միջոցառումները։

Հայաստանի Հանրապետության կենտրոնական բանկի կողմից ստացված տեղեկությունների, ինչպես նաև քաղաքացիների կողմից պարբերաբար ներկայացվող ահազանգերի ուսումնասիրության արդյունքում պարզվել է, որ վերջին շրջանում զգալիորեն աճել են հեռախոսազանգերի միջոցով իրականացվող զեղծարարության դեպքերը։

Ավստրալիան հրահանգել է Լիբանանում գտնվող բոլոր ոչ առանցքային պաշտոնյաներին լքել երկիրը
Այս մասին մարտի 13-ին X-ում գրառման մեջ նշել է Ավստրալիայի արտաքին գործերի նախարար Փենի Վոնգը։

«Արտաքին գործերի և առևտրի նախարարությունը հրահանգել է Լիբանան գործուղված ոչ առանցքային ավստրալացի պաշտոնյաներին մեկնել՝ անվտանգային իրավիճակի վատթարացման պատճառով: Փոքր թվով ավստրալացի պաշտոնյաներ կմնան երկրում՝ ավստրալացիներին հյուպատոսական աջակցություն ցուցաբերելու նպատակով», — նշված է գրառման մեջ:

Մեկ այլ գրառման մեջ Փենի Վոնգը հորդորել է ավստրալացիներին չճանապարհորդել Լիբանան՝ միևնույն ժամանակ կոչ անելով Մերձավոր Արևելքում գտնվող ավստրալացիներին հեռանալ այնտեղից։