Category: Armen Press

Հայաստանի ազգային հավաքականի անդամ Դանիել Կիրակոսյանը միացել է ԱՄՆ-ի Georgetown College Tigers բասկետբոլային թիմին։

Գյումրիում արտահերթ ընտրությունները հրամայական են. Նազելի Բաղդասարյան
https://youtu.be/4FZuQj_jOJ8?si=jlWOEsGAN_rPakSK

Հայաստանի Հանրապետության էկոնոմիկայի նախարար Գևորգ Պապոյանը հանդիպել է Եգիպտոսի Արաբական Հանրապետության արտակարգ և լիազոր դեսպան Ամալ Աֆիֆիի հետ։
Հ
անդիպման ընթացքում քննարկվել են Հայաստանի և Եգիպտոսի միջև տնտեսական համագործակցության ընդլայնման, երկկողմ առևտրաշրջանառության ավելացման և գործարար կապերի ակտիվացման հնարավորությունները։ 
Շուկաների հասանելիության ընդլայնման և գործարար կապերի ամրապնդման համատեքստում կարևորվել է երկու երկրների գործարար համայնքների միջև B2B հանդիպումների կազմակերպումը, ինչպես նաև ներմուծման ընթացակարգերի և սերտիֆիկացման պահանջների վերաբերյալ տեղեկատվության փոխանակումը։
Կողմերն անդրադարձել են նաև ներդրումային համագործակցության հնարավորություններին և ազատ տնտեսական գոտիների շրջանակում համատեղ ծրագրերի իրականացման հեռանկարներին։

Հայաստանում խմելու ջրի որակի արտադրական հսկողությունն իրականացնում է ջրամատակարար կազմակերպությունը, իսկ սանիտարական կանոնների և նորմերի պահանջների պահպանման նկատմամբ պետական վերահսկողությունը՝ ՀՀ առողջապահական և աշխատանքի տեսչական մարմինը։ «Արմենպրես»-ի հաղորդմամբ՝ այս մասին պարզաբանել է ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնը։
ՀՎԿԱԿ-ից նշել են, որ Հայաստանում խմելու ջրի որակին ներկայացվող հիգիենիկ պահանջները ներկայում սահմանված են ՀՀ առողջապահության նախարարի 2002 թվականի դեկտեմբերի 25-ի N 876 հրամանով։
«Խմելու ջրի որակի նկատմամբ իրականացվում է արտադրական հսկողություն՝ ջրամատակարարում իրականացնող կազմակերպության կողմից, իսկ սահմանված սանիտարական կանոնների և նորմերի պահանջների պահպանման նկատմամբ պետական վերահսկողությունն իրականացնում է ՀՀ առողջապահական և աշխատանքի տեսչական մարմինը»,- ասվում է պարզաբանման մեջ։
Կենտրոնը միաժամանակ ընդգծել է, որ ՀՎԿԱԿ-ը ջրի որակի նկատմամբ պետական վերահսկողություն իրականացնող մարմին չէ։
«Միաժամանակ, բնակչության սանիտարահամաճարակային անվտանգության ապահովման շրջանակում ՀՎԿԱԿ-ն իրականացնում է խմելու ջրի անկախ մոնիթորինգ և լաբորատոր հետազոտություններ, որոնք հնարավորություն են տալիս գնահատելու հնարավոր սանիտարահամաճարակային ռիսկերը և անհրաժեշտության դեպքում ձեռնարկելու համապատասխան հանրային առողջապահական միջոցառումներ»,- հայտնել են կենտրոնից։
ՀՎԿԱԿ-ից շեշտել են, որ ջրի որակի արտադրական հսկողությունը, պետական վերահսկողությունը և կենտրոնի կողմից իրականացվող անկախ մոնիթորինգը տարբեր գործառույթներ են, որոնք, ընդհանուր առմամբ, ուղղված են բնակչության առողջության և սանիտարահամաճարակային անվտանգության պահպանմանը։

Հայաստանի Հանրապետության կրթության, գիտության, մշակույթի ու սպորտի նախարար Ժաննա Անդրեասյանը կայացած է համարում առաջին անգամ անցկացված «Tour of Armenia» միջազգային հեծանվավազքի մրցաշարը:

««Tour of Armenia»-ն հաստատապես կլինի մեզ համար սպորտային նոր մշակույթի ձևավորման հիմքը: Շնորհավորում եմ բոլորիս մրցաշարի կայացման առթիվ: «Tour of Armenia»-ն, որ բավական բարդ, բազմաշերտ միջոցառում է, հաջողությամբ կայացավ: Եթե մենք դա արեցինք առաջին անգամ, ինչն է մեզ խանգարում անել այն երկրորդ, երրորդ ու այլ անգամներ ևս: Նույնիսկ առաջին անգամվա համար, որ նոր սպորտային մշակույթ է, բավականին շատ են հետաքրքրված մարդիկ: Եվ ոչ միայն Երևանում, այլ նաև Հայաստանի այն մարզերում, որտեղ անցկացվեց մրցաշարը: Եթե հետևողական աշխատանք կատարենք, ապա «Tour of Armenia»-ն կարող է դառնալ Հայաստանի առաջխաղացման, հեծանվասպորտի զարգացման և, ինչու ոչ, առողջ ապրելակերպի խթան»,-«Արմենպրես»-ի հետ զրույցում ասաց Անդրեասյանը:

Հայաստանի ազատ ոճի ըմբշամարտի հավաքականի անդամները 3 ոսկե և 6 բրոնզե մեդալ են նվաճել Երևանի «Դինամո» մարզահամալիրում  անցկացված «Ստեփան Սարգսյանի գավաթ» միջազգային մրցաշարում:
Հայաստանի ներկայացուցիչներից չեմպիոնի կոչմանն արժանացել են 57 կգ քաշային Մանվել Խնձրցյանը, 61 կգ քաշային Սարգիս Բեգոյանն ու 70 կգ քաշային Վազգեն Թևանյանը:
Պատվո հարթակի երրորդ աստիճանին կանգնել և բրոնզե մեդալներով պարգևատրվել են Լևիկ Միքայելյանը (61 կգ), Տիգրան Բունաթյանը (61 կգ), Արման Անդրեասյանը (70 կգ), Նարեկ Հարությունյանը (74 կգ), Նարեկ Նիկողոսյանը (79 կգ) և Ռազմիկ Եփրեմյանը (86 գ):
Մրցաշարին 15 երկրի շուրջ 200 մարզիկ է մասնակցել: Այն նվիրված է ԽՍՀՄ սպորտի վաստակավոր վարպետ, Օլիմպիական խաղերի արծաթե մեդալակիր և Եվրոպայի չեմպիոն Ստեփան Սարգսյանին: Մրցաշարն անցկացվում է 26-րդ անգամ:
«Ստեփան Սարգսյանի գավաթ» միջազգային մրցաշարին մասնակցել են նաև անվանի մի շարք մարզիկներ, այդ թվում՝ աշխարհի չեմպիոն Զահիդ Վալենսիան, աշխարհի ու Եվրոպայի չեմպիոն Աբասգաջի Մագոմեդովը, Եվրոպայի չեմպիոն Իբրագիմ Իբրագիմովն ու  այլ անվանի մարզիկներ:
Ստեփան Սարգսյանին նվիրված ազատ ոճի ըմբշամարտի 26-րդ միջազգային մրցաշարի կազմակերպման և անցկացման նպատակով ՀՀ կառավարությունն ավելի քան 25 մլն դրամ էր հատկացրել:

«Հայաստան» հիմնադրամի հոգաբարձուների խորհրդի տարեկան նիստ
https://www.youtube.com/live/6N_zfNVUA2Q?si=JdVK6epKNYceKJBR

Մեսրոպ Մաշտոցի անվան հին ձեռագրերի Մատենադարան ինստիտուտի տնօրեն Արա Խզմալյանը պատասխանել է Ադրբեջանի նախագահի օգնական Հիքմեթ Հաջիևի՝ Գանձասարում հայկական ձեռագրերի վերաբերյալ արած հայտարարություններին՝ ընդգծելով, որ ցուցադրված մատյանները բնօրինակներ չեն եղել, այլ հատուկ ցուցադրության համար պատրաստված բարձրակարգ կրկնօրինակներ։
«Մենք մեր ձեռագրերում, մեր պատմության մեջ դատարկ էջեր չունենք՝ ի տարբերություն շատ-շատերի»,- «Արմենպրես»-ի հաղորդմամբ՝ Հայաստանի Հանրային հեռուստաընկերության «Լուրեր» լրատվականի հետ զրույցում ասել է Խզմալյանը։
Հիքմեթ Հաջիևը Բաքվում հավատարմագրված դիվանագիտական կորպուսի ներկայացուցիչներին Գանձասարի Մատենադարանում ցուցադրել էր հայկական գրքերի դատարկ էջերը՝ դրանք ներկայացնելով Հայաստանի պատմության համատեքստում։
Մատենադարանում պարզաբանում են, որ Գանձասարում ցուցադրված մատյանները երբեք բնօրինակներ չեն եղել։
Դրանք տարիների աշխատանքի արդյունքում ստեղծված ձեռագրերի բարձրակարգ կրկնօրինակներ են, որոնցից ցուցադրության համար ընտրվել են առավել կարևոր և շքեղ էջերը։
https://armenpress.am/hy/article/1260398

Լրատվամիջոցներում տարածվող տեղեկատվությունն այն մասին, որ «Արարատցեմենտ»-ում ցեմենտի գինը 2700 դրամից բարձրացել և դարձել է 3500 դրամ, չի համապատասխանում իրականությանը։
«Արմենպրես»-ին այս մասին հայտնեցին «Արարատցեմենտ» ՓԲԸ-ից` հավելելով, որ պարկավորված ցեմենտի մեկ տոննայի վաճառքի արժեքը կազմում է 51,000 դրամ (ներառյալ ԱԱՀ-ն)՝ 20 պարկի հաշվարկով։ Այսինքն՝ արտադրողի կողմից մեկ պարկի արժեքը 2550 դրամ է։
«Հետևաբար, արտադրողի կողմից ցեմենտի՝ 3500 դրամով վաճառքի վերաբերյալ հրապարակված տեղեկատվությունն ակնհայտորեն կեղծ է։
Ինչ վերաբերում է շուկայում առանձին վաճառողների կողմից ցեմենտի իրացման գնին, ապա վերավաճառողների կողմից սահմանվող վերջնական գինը գտնվում է արտադրողի ուղղակի վերահսկողության շրջանակից դուրս և չի կարող ներկայացվել որպես արտադրողի կողմից սահմանված գին։
Միաժամանակ, ցեմենտի շուկայում առկա իրավիճակի վերաբերյալ որևէ տեղեկատվություն տարածելիս անհրաժեշտ է հստակ տարբերակել արտադրողի վաճառքի գինը և վերավաճառողների կողմից սահմանվող գները՝ հանրությանը չմոլորեցնելու համար», — նշում են ընկերությունից։

Վիկտոր Համբարձումյանի անվան Բյուրականի աստղադիտարանում սեպտեմբերի 14-ին մեկնարկեց «Մեր անկայուն տիեզերքը» խորագրով միջազգային գիտաժողովը։ Այն անցկացվում է հայրենի գիտության կարևորագույն կենտրոններից մեկի՝ Բյուրականի աստղադիտարանի հիմնադրման 80-ամյակին նվիրված միջոցառումների շրջանակում։
Հանդիսավոր նիստի բացման արարողության ժամանակ ողջունելով մասնակիցներին՝ Բյուրականի աստղադիտարանի տնօրեն Արեգ Միքայելյանը ներկայացրեց իր ղեկավարած գիտահետազոտական հիմնարկի անցած տպավորիչ ուղին, գիտական նվաճումները և ժամանակակից գործունեությունը։
Բյուրականի աստղադիտարանի գիտական ժառանգությունը կարևորեցին նաև Հայաստանի գիտակրթական այլ հաստատությունների ներկայացուցիչները և արտասահմանցի որոշ մասնակիցներ։ Ի դեպ, գիտաժողովի շուրջ ութ տասնյակ մասնակիցների թվում են ականավոր գիտնականներ, այդ թվում՝ աստղագետներ, ֆիզիկոսներ, տիեզերաբաններ, աստղագիտության ու այլ գիտակարգերում աշխատող մասնագետներ, բազմաթիվ երիտասարդ հետազոտողներ և ուսանողներ։